Հայկ Ղազազյանը

Ճակատագրական հանդիպում. ինչպես Հայկ Ղազազյանը աշխարհահռչակ երաժիշտ դարձավ

114
(Թարմացված է 18:42 16.07.2019)
Հայտնի ջութակահար Հայկ Ղազազյանի հյուրախաղերի ժամանակացույցն այնքան խիտ է, որ կյանքի մեծ մասը նա երկնքում է անցկացնում, այսինքն՝ օդանավում:

Ջութակահար Հայկ Ղազազյանը հայտնի է ամբողջ աշխարհում. ամսական 8-10 համերգ է ունենում, հազիվ է հասցնում մի երկրից մյուսը տեղափոխվել։ Ահա և այժմ Ղազազյանը պորտուգալական Մադեյրա կղզում է։ Այստեղ նա Մադեյրայի սիմֆոնիկ նվագախմբի հետ կատարել է Բեթհովենի կոնցերտը։

Այս հյուրախաղերից առաջ Ղազազյանը Sputnik–ի թղթակցին պատմեց` ինչպես է երաժիշտ դարձել և ինչ դեր է իր կյանքում ունեցել մոսկվայաբնակ հայ մեկենասը, որը շատ տարիներ առաջ տաղանդավոր դեռահասի մեջ նկատել է ապագա ջութակահարին։

Скрипач Гайк Казазян во время концерта
© Sputnik / Dmitry Dubinsky
Հայկ Ղազազյանը

Կյանքը հյուրախաղային ժամանակացույցով

Երբ երաժշտին հարցնում են, որտեղ է նրա տունը, նա հաճախ կատակով պատասխանում է, որ ինքնաթիռում է ապրում։

«Ինչ–որ տեղ դա ճիշտ է։ Վերջերս մենք համերգային մեծ շրջագայության էինք` մի ամբողջ ամիս Հյուսիսային Ամերիկայով, 11 ելույթ եմ ունեցել։ Նվագել եմ Սան Ֆրանցիսկոյի կոնսերվատորիայում (շատ հեղինակավոր է համարվում)։ Չհասցրեցի վերադառնալ, սկսվեց 9 համերգով շրջագայությունը Լատինական Ամերիկայով, այդ թվում` Պերու, Էկվադոր, Արգենտինա, Ուրուգվայ և Չիլի», – պատմել է Ղազազյանը։

Վերադառնալով Մոսկվա, որտեղ ապրում է 1995 թվականից` ջութակահարը գրեթե անմիջապես մասնակցել է «Երգեհոնային երեկոներ Կուսկովոյում» երաժշտական փառատոնին, որը կազմակերպում է Ելենա Պրիվալովա–Էպշտեյնը կոմս Շերեմետևների նախկին կալվածքում։

Ղազազյանը նշում է, որ հյուրախաղերի ժամանակ գրեթե ամենուր հանդիպում է հայ համայնքի ներկայացուցիչների հետ, որոնք գալիս են ունկնդրելու իրենց հայրենակցի ելույթները։ Հայերից ոմանք կապ են հաստատում Հայկի հետ սոցցանցերի միջոցով, պայմանավորվում հանդիպման, հարցազրույցի համար, իսկ ոմանք էլ տարերայնորեն են գալիս համերգներին և սպասում նրան կուլիսների հետևում։

Կալիֆոռնիայի Ֆրեզնո քաղաքում, որտեղ ապրել և ստեղծագործել է հանրահայտ գրող Վիլյամ Սարոյանը, Ղազազյանը նույնիսկ հայկական եկեղեցում է համերգով հանդես եկել։

«Հյուրախաղերի կազմակերպիչները հայեր էին, և նրանք խնդրեցին հիմնական ելույթից բացի, նաև փոքր համերգ ունենալ եկեղեցում։ Շատ մարդ էր հավաքվել։ Իհարկե, անչափ հաճելի էր», – հիշում է ջութակահարը։

«Թող ֆուտբոլ խաղա». տաղանդը միանգամից չէին նկատել

Скрипач Гайк Казазян во время концерта
© Sputnik / Dmitry Dubinsky
Հայկ Ղազազյանը

Ղազազյանը ծնվել է 37 տարի առաջ, Երևանում, ինժեներ հոր և հաշվապահ մոր ընտանիքում։ Սակայն երաժիշտ նա դարձավ հենց հոր շնորհիվ, որը դասական երաժշտության սիրահար է։ Մանուկ հասակում հայրը` Գեորգի Ղազազյանը, ինքն էլ էր ջութակ և կլարնետ նվագում, երգում, սակայն հետպատերազմյան ժամանակաշրջանն այս ոլորտում կայանալու հնարավորություն չտվեց։

«Ինչպես ինձ պատմում էին, դեռ չծնված, ես լսում էի հորս վինիլային ձայնապնակների հսկայական հավաքածուն սիրված կոմպոզիտորներով` այդ թվում Վիվալդի, Մոցարտ, Բեթհովեն։ Իսկ երբ 1 տարեկան և 8 ամսական էի, սկսեցի երգել Ալլա Պուգաչովայի «Միլիոն ալ վարդ» երգի մեղեդին։ Հայրս հիշում էր, թե ինչպես էինք մենք քայլում փողոցով`ես նրա գրկում էի և հանկարծ սկսեցի երգել։ Անցորդները շրջվում էին և ասում, որ նրա գրկում ապագա Չելենտանոն է», – ժպտում է Հայկը։

Ճիշտ է երգիչ Հայկը չդարձավ. երբ նա 5 տարեկան էր, հայրը որդուն տարավ հայտնի կոմպոզիտոր Տիգրան Մանսուրյանի մոտ, ում հետ ընկերներ էին, որպեսզի որդուն լսեն։ Տիգրանի քույրը` հայտնի օպերային երգչուհի Արաքսը, լսեց ապագա ջութակահարին և ասաց, որ տղային հանգիստ թողնեն` նա պոտենցիալ չնկատեց։

«Թող ֆուտբոլ խաղա և վայելի մանկությունը», – ասել էր երգչուհին։

Հայկը կարծում է, դրա պատճառն այն էր, որ ինքը շատ ամաչկոտ երեխա էր և չկարողացավ իրեն դրսևորել։

Մոսկվայում՝ հանգամանքների բերումով

Скрипач Гайк Казазян во время концерта
© Sputnik / Dmitry Dubinsky
Հայկ Ղազազյանը

Սակայն Գեորգի Ղազազյանն, ամեն դեպքում, որդուն երաժշտական դպրոց տարավ, և դա բավականին հաջող ստացվեց։ Շուտով Հայկն արդեն մասնակցում էր հանրապետական մրցույթների և մրցանակներ նվաճում։ Ջութակահարը չի համարում, որ երաժշտությամբ զբաղվելու պատճառով զրկվել է մանկությունից։

«11 տարեկանում առաջին համերգը տվեցի Հայաստանի սիմֆոնիկ նվագախմբի հետ։ Պահպանվել է ձայնագրությունը, վերջերս եմ այն վերանայել, այնտեղ Մենդելսոնի կոնցերտն եմ նվագում և Պաբլո դե Սարասատեի գնչուական մեղեդիները», – հպարտությամբ պատմում է Ղազազյանը։

Իսկ 13 տարեկանում պատանի ջութակահարը մասնակցեց Ռուսաստանում Հայաստանի դեսպանատանը կազմակերպած համերգին։

«Հիշում եմ, մասնակցում էին Հայաստանի ժողովրդական արտիստները, մեզ նկարահանում էր հեռուստատեսությունը, համերգին մասնակցում էր Միխայիլ Շվիդկոյը (այդ ժամանակ ՌԴ մշակույթի փոխնախարար), որը հարցազրույցում իմ մասին էլ մի քանի բարի խոսքեր ասաց։ Եվ հանկարծ ինձ մոտեցավ ունևոր մարդ` Լևոն Հովհաննիսյանը և հարցրեց. «Ուզո՞ւմ ես ապրել և սովորել Մոսկվայում»։ Ես` երեխայի նման, ավտոմատ կերպով ասացի. «Այո»։ Արդեն հետո բարերարը կապ հաստատեց հորս հետ, և հայրս, ի ուրախություն ինձ, նույնպես տվեց իր համաձայնությունը», – հիշում է Հայկը։

Հովհաննիսյանը ոչ միայն օգնեց Հայկին՝ ծնողների հետ տեղափոխվել Մոսկվա, այլև անհատույց օգտագործման համար տրամադրեց մեծ բնակարան, որը ՌԴ մայրաքաղաքի գրեթե կենտրոնում էր գտնվում։ Ապագա ջութակահարից պահանջվում էր միայն մեկ բան` պարապել։

Հայկն ընդունվեց Գնեսինների անվան երաժշտական դպրոց, ԽՍՀՄ ժողովրդական արտիստ, պրոֆեսոր Էդուարդ Գրաչի մոտ, ավարտելուց հետո` Մոսկվայի կոնսերվատորիա, ստաժավորում անցավ Լոնդոնի երաժշտության թագավորական քոլեջում։

«Լևոն Հովհաննիսյանը երաժշտություն, արվեստ սիրող մարդ է։ Ես նրան շատ շնորհակալ եմ, որ նա այսպիսի մեկնարկ ու խթան տվեց։ Եթե նա չլիներ, որ ժամանակին նկատել էր, որ Մոսկվայում պետք է սովորեմ, պարզ չէ, ինչպես ամեն ինչ կդասավորվեր», – կարծում է ջութակահարը։

Հայաստանը սրտում և ընտանիքի մասին երազանքներով

Երևան Հայկը փորձում է այցելել տարին ամենաքիչը 1-2 անգամ։ Այստեղ նա շատ բարեկամներ ունի։

Скрипач Гайк Казазян во время интервью агентству Sputnik
© Sputnik / Dmitry Dubinsky
Հայկ Ղազազյանը

«Գուցե մի օր վերադառնամ կամ երկու մայրաքաղաքում էլ տուն ունենամ։ Ճիշտ է, չեմ մտածում, թե որտեղ ապրեմ, այլ զարգացնում եմ կարիերաս, վարպետությունս, նոր նախագծեր հորինում, Մոսկվայի կոնսերվատորիայում դասավանդում, բայց շատ ժամեր չունեմ։ Քանի դեռ երիտասարդ եմ, դեռ ուժերս տեղն են, նյարդերս՝ ամուր, հիշողությունս՝ լավ, պետք է նվագեմ։ Իսկ դասավանդել կարելի է նաև 60-70 տարեկանում», – ասում է երաժիշտը։

Ընդգծում է, որ հայրենիքի անցուդարձին իհարկե հետևում է, հետաքրքրվում։ Փոփոխությունները նրան դուր են գալիս, թեև կողքից դժվար էր հասկանալ, թե ինչ էր տեղի ունենում Երևանում։

«Շատ եմ անհանգստանում, մտահոգվում հայրենիքի համար, ուզում եմ, որ հայրենակիցներս լավ ապրեն։ Որպեսզի հայկական պետության, հայ ժողովրդի ճակատագիրը արժանի կերպով դասավորվի։ Եվ ես հպարտանում եմ, որ նույնիսկ հեղափոխությունը հայրենակիցներս կարողացան անցկացնել առանց արյուն թափելու և կորուստների։ Դա ուրախալի է», – պարզաբանում է Ղազազյանը։

Եվ նկատում, որ ինքն էլ պատրաստ է փոփոխությունների։ Այսօրվա դրությամբ նրան կարելի է նախանձելի փեսացու անվանել` իր կեսին նա մինչ օրս չի գտել։

«Երբ ինձ հարցնում են` ինչու չես ամուսնացել, պատասխանում եմ` ժամանակ չկա, շատ եմ շրջագայում հյուրախաղերով։ Եվ այն, որ անընդհատ ուղևորությունների մեջ եմ, իհարկե, խանգարում է։ Խոստումներն ու աղջիկների հետ սիրավեպերն ամրապնդվում են այն ժամանակ, երբ դու մշտապես գտնվում ես մարդու կողքին։ Բացի այդ, ես ստեղծագործական մարդ եմ, իսկ դա ևս իր հետքն է թողնում», – ասում է երաժիշտը։

Միևնույն ժամանակ, նա խոստովանում է, որ տարիների ընթացքում հասկացել է, թե ով է իրեն պետք, ում է փնտրում, և այժմ ընտրություն կատարելն ավելի հեշտ կլինի։ Նա արդեն որոշել է, որ երբ կին ունենա, հյուրախաղերի է տանելու իր հետ։

114
թեգերը:
Համերգ, երաժշտություն, երաժիշտ, Մոսկվա, Հայաստան
Ըստ թեմայի
Գուր Սարգսյանի 3 երազանքները, կամ ինչպես է պատանի երաժիշտը գերում հանդիսատեսին
Փաշինյանը և երկու չեմպիոնները. վարչապետը լուսանկարվել է Հախնազարյանի և Ալեքսանյանի հետ
Կուբայական ռիթմերը և Համասյանը. Գոնսալո Ռուբալկաբան Ջազի միջազգային օրը կնշի Երևանում
Նարինե Աբգարյան

Հայաստանում սերիալ է նկարահանվում Նարինե Աբգարյանի «Մանյունյա» վիպակի հիման վրա

35
(Թարմացված է 16:14 16.06.2021)
Սերիալի պրոդյուսերներն են Ղևոնդ և Սարիկ Անդրեասյանները, ռեժիսորը ՝ Արման Մարությանը։

ԵՐԵՎԱՆ, 16 հունիսի - Sputnik. Հայաստանում արդեն մեկնարկել են գրող Նարինե Աբգարյանի «Մանյունյա» վեպի հիման վրա սերիալի նկարահանումները։ Տեղեկությունը հաղորդում է նախագծի մամուլի ծառայությունը:

Բազմասերիանոց ֆիլմը բաղկացած կլինի 24 րոպեանոց 10 սերիայից և էկրան կբարձրանա 2021-ի վերջին, օնլայն կինոթատրոններից մեկում:

Սերիալի վրա աշխատում են պրոդյուսերներ Ղևոնդ ու Սարիկ Անդրեասյանները, սցենարիստ Հայկ Ասատրյանը, ռեժիսոր Արման Մարությանը։ Գլխավոր դերերը կատարում են երիտասարդ դերասանուհիներ Կատյա Տեմնովան և Կարինա Ղահրամանյանը։

Գործողությունները սերիալում, ինչպես և գրքում, ծավալվում են Հայաստանում 1980-ականներին։ Սերիալը պատմում է խորհրդային տարբեր ազգությունների երկու ընտանիքների ներկայացուցիչների բարեկամության մասին:

«Նկարահանման հրապարակում էի, երբ առաջին կադրերն էին արվում ու կոտրվում էր բաղձալի ափսեն։ Ես ծանոթացա արտիստների հետ, նրանք հիանալի էին, ռեժիսորի և սցենարիստի հետ, ովքեր մեծ ակնածանքով էին վերաբերվում աշխատանքին։  Շատ եմ սպասում սերիալին: Տոնի սպասման հրաշալի զգացում ունեմ», - մեջբերում են Աբգարյանի խոսքերը։

«Չմոռանաս ինձ»․ բրիտանական պարբերականը ֆիլմ է ներկայացրել հայկական մշակույթի մասին

Ավելի վաղ հաղորդվել էր, որ Նարինե Աբգարյանի «Մանյունյա» վիպակը Storytel աուդիոգրքերի և MyBook բաժանորդագրության ծառայությունների հետազոտությունների համաձայն` ընդգրկվել է ռուսաստանցիների ամենասիրելի մանկական ստեղծագործությունների թվում:

35
թեգերը:
սերիալ, ֆիլմ, գիրք, Նարինե Աբգարյան
Ըստ թեմայի
Նարինե Աբգարյանն իր նոր գրքի համար ստացած կանխավճարը փոխանցել է «Հայաստան» հիմնադրամին
«Ամենահամովը քամած մածունովն է». Նարինե Աբգարյանը ժենգյալով հաց էր վաճառում Երևանում
Մոսկվայից` Մոսկովյան․ Նարինե Աբգարյանն օգնում է արցախցի կանանց. լուսանկարներ
Սիփան Մուրադյանն ու Ափօ Սահակեանը

Պատերազմն արագացրեց. երուսաղեմցի երաժիշտն ու փարիզեցի դերասանը Հայաստան են տեղափոխվել

521
(Թարմացված է 09:34 13.06.2021)
Ֆրանսիայից և Իսրայելից եկած հայ երիտասարդներն իրենց ապագան տեսնում են հայկական հողի վրա։ Նրանցից մեկը մտադիր է զարգացնել Հայաստանի թատերական արվեստը, մյուսը՝ երաժշտական ոլորտը` հարստացնելով այն նաև արցախյան բարբառով ռիթմիկ կատարումներով։

 

Լիլիթ Հարությունյան, Sputnik Արմենիա

Սփյուռքահայ երկու երիտասարդներ՝ երաժիշտ Ափօ Սահակենը Երուսաղեմից և դերասան Սիփան Մուրադյանը Փարիզից, վերջին արցախյան պատերազմից հետո որոշել են Հայաստան տեղափոխվել։

Նրանք չորս հոգուց բաղկացած սփյուռքահայերի այն ջոկատում էին, որը պատերազմի օրերին կամավորական առաքելություն էր իրականացնում Գորիսի մոտ` Արցախի ճանապարհին։ Բացի մեր հերոսներից, ջոկատի անդամ էին նաև Սեդրակ Բալյանը Իսրայելից և Սիփան Քերողյանը Ֆրանսիայից։ Նրանց հիմնական խնդիրն էր օգնել օտարերկրյա լրագրողներին հակամարտության գոտում աշխատելու ժամանակ։

Музыкант из Иерусалима Апо Саакян и актер из Парижа Сипан Мурадян
© Sputnik / Aram Nersesyan
Սիփան Մուրադյանն ու Ափօ Սահակեանը

Sputnik Արմենիային տված հարցազրույցում Ափօն և Սիփանն ասել են, թե ինչու են որոշել ամեն ինչ թողնել և տեղափոխվել Հայաստան, ինչպես նաև խոսել են իրենց առաջիկա ծրագրերի մասին։

Բարդ որոշում

Մի քանի տարի առաջ Դրամատիկ արվեստի ազգային բարձրագույն կոնսերվատորիայի շրջանավարտ Սիփան Մուրադյանը ելույթ է ունեցել Փարիզի և Մարսելի թատրոններում։ Նա խոստովանում է, որ ամեն ինչ այնտեղ թողնելու և այստեղ զրոյից սկսելու որոշումը հեշտ չի տրվել։

Актер из Парижа Сипан Мурадян
© Sputnik / Aram Nersesyan
Սիփան Մուրադյանը

Նա նաև պատմական հայրենիքում թատերական ներկայացումներ անցկացնելու փորձ ունի. 2018 թվականին Սիփանը ֆրանսիացի մի խումբ դերասանների հետ շրջագայել է Հայաստանի քաղաքներով։ Նրանք ներկայացումներ են բեմադրել Երևանում, Աշտարակում, Ապարանում, Իջևանում, Դիլիջանում, Գավառում, ինչպես նաև Վանաձորի մանկատանը։

«Հիանալի էր։ Մի կողմից շատ էի ուզում օտարերկրացի ընկերներիս ծանոթացնել հայկական մշակույթի հետ։ Մյուս կողմից՝ ուզում էի նոր շունչ հաղորդել Հայաստանի թատերական արվեստին։ Մեր ներկայացնումներն ավելի շատ շփում էին դերասանի և հանդիսատեսի միջև, քան ներկայացում բառի դասական իմաստով», - ասում է Սիփանը։

Նա ուզում է շարունակել այդ ձևաչափով։ Նրան շատ հոգեհարազատ է աբսուրդի թատրոնը, մասնավորապես` ֆրանսիացի և իռլանդացի գրող, բանաստեղծ և դրամատուրգ Սեմյուել Բեքեթը։ Սիփանի պատրաստվում է ստեղծել մշակութային կենտրոն, որը օտարազգի արվեստագետներին:

Актер из Парижа Сипан Мурадян с группой актеров вместе с детьми гаварского детдома
© Photo : provided by Sipan Muradian
Փարիզահայ դերասան Սիփան Մուրադյանը` Գավառի մանկատանը

Նրա խոսքով՝ մեկնարկը կտրվի հաջորդ տարվա մայիսին, երբ անհրաժեշտ միջոցները կհավաքվեն։

Մի ոտքով այնտեղ, մյուսով` այստեղ

Ափօն խոստովանում է, որ միշտ է մտածել մի օր պատմական հայրենիք տեղափոխվելու մասին, իսկ պատերազմը միայն արագացրել է այդ գործընթացը։

«Շատ ուզեցի ֆիզիկապես այստեղ հաստատվել։ Ինչ-որ հիմք ունենալ», - ասում է նա։

Музыкант из Иерусалима Апо Саакян
© Sputnik / Aram Nersesyan
Ափօ Սահակեան

Սակայն Ափօն չի խզում կապերը Երուսաղեմի հետ, որտեղ են նրա Apo & The Apostles ռոք խմբի անդամները։ Խումբը շատ հայտնի է Պաղեստինում։ Բենդն ունի  բազմաթիվ հաջողված հիթեր, որոնք տարիներ շարունակ ցուցադրվում են տեղական երաժշտական ալիքներով։

«Եթե դու արդեն հասել ես որոշակի մակարդակի, կա աշխատանքի կարգավորված համակարգ, շատ հաջող երգեր, ֆան-բազա, ապա բոլորովին պարտադիր չէ, որ խմբի անդամները օրական 24 ժամ միասին լինեն։ Այսպես թե այնպես, հաճախ եմ գնալու այնտեղ»,- պարզաբանում է Ափօն։

Հետաքրքիր է, որ խմբի երաժիշտները սատարել են նրա` տեղափոխվելու որոշումն ու խոստացել են հյուր գալ:

Դերասան Հայկ Պետրոսյանը ամուսնացել է. տեսանյութ

APO & the Apostles արաբալեզու նախագծից բացի, Ափօ Սահակյանը զարգացնում է նաև իր հայալեզու նախագիծը, որում նա արդեն իր անվան տակ մշակում է ժողովրդական երգերը, ինչպես նաև գրում է իր սեփական ստեղծագործությունները՝ նույն ոճով:

Այժմ նա պատրաստվում է լրջորեն զբաղվել հենց այս երաժշտական նախագծով, որն արդեն իր երկրպագուներն ունի։ Երաժշտի առաջիկա ծրագրերում է ստեղծել մի խումբ, որով նա ելույթ կունենա, շոուներ կկազմակերպի տեղի հանդիսատեսի համար:

«Այժմ աշխատելու եմ փոփ-ռոքի ոճով ավելի ռիթմիկ երգեր ստեղծելու ուղղությամբ, որպեսզի մարդկանց մեր համերգներին ուրախանալու հնարավորություն ընձեռեմ։ Ուզում եմ երգերը ներկայացնել նաև Արցախի բարբառով։ Դրանք սիրո և հայրենի հողի հետ անքակտելիորեն կապի մասին են լինելու, օրինակ՝ սիրահար զույգերի մասին Հադրութից, Քարվաճառից, Սյունիքից», – ասաց երգիչը։

Առաջին համերգը նա նախատեսում է հուլիսի վերջին կամ օգոստոսին տալ։

Չնայած երաժշտական գործունեությանը, Ափօն մասնագիտությամբ քաղաքագետ է, մասնագիտանում է արաբա-իսրայելական հակամարտության մեջ։ Արցախյան պատերազմից հետո նա հոդված է գրել «Our Useless Diaspora, Our Future Armenia» («Մեր անօգուտ սփյուռքը, մեր ապագա Հայաստանը») խորագրով։

Հոդվածում հեղինակը Հայաստանի և Արցախի հիմնական խնդիրներից առանձնացրել է դեմոգրաֆիկ վիճակը։ Այս առնչությամբ նա կարծում է, որ հայերը Իսրայելից սովորելու բան ունեն։

«Իսրայելի պետության ստեղծումից հետո երկրի բնակչության մոտ 60 տոկոսն էին հրեաները, իսկ 40 տոկոսը` արաբները։ Այդ ժամանակ կառավարությունը սկսեց լուրջ քաղաքականություն իրականացնել, որն ուղղված էր աշխարհասփյուռ հրեաների ներգրավմանը։ Ընդ որում՝ ներգաղթյալներին  բնակեցնում էին ոչ թե մայրաքաղաքում, այլ հեռավոր քաղաքներում ու գյուղերում։ Դրա շնորհիվ հրեա բնակչությունը զգալիորեն աճեց ու այժմ մոտ 80% է կազմում», - ասում է Ափօն։

Նա կարծում է, որ հայկական հողը դատարկ է, և առաջնային խնդիրներից մեկն էլ այն բնակեցնելն է։ Այդ գործոնը մեծ ազդեցություն է ունեցել պատմական հայրենիք տեղափոխվելու նրա որոշման վրա։

Եվ վերջում…

ՀՀ ԱԳՆ-ի կողմից կազմած նրանց ջոկատը եղել է Արցախի Տեղ գյուղում ու 35 օր մնացել է այնտեղ...

- Ի՞նչն էր ձեզ համար ամենադժվարը:

– Սեփական աչքերով տեսնել` ինչ է տեղի ունենում, ի զորու չլինել ազդել իրադարձությունների վրա։ Մենք տեսել  ենք` ինչպես էին զինվորներն առաջնագիծ գնում, ինչպես էին տեղափոխում վիրավորներին, ինչպես էին մարդիկ զանգվածաբար լքում են իրենց տները... և, իհարկե, շատ դժվար էր Արցախը տեսնել կոտրված, - պատասխանում է Սիփանը։

Актер из Парижа Сипан Мурадян и музыкант из Иерусалима Апо Саакян
© Sputnik / Aram Nersesyan
Սիփան Մուրադյանն ու Ափօ Սահակեանը

- Մի բան էլ կա, որ նա չի պատմում, - հավելում է Ափօն, - ես շատ մեղավոր եմ նրա առաջ։ Բանն այն է, որ Սիփանը երբեք չէր եղել Արցախում, և հոկտեմբերի 18-ին, երբ հրադադար հայտարարվեց, մենք որոշեցինք գնալ այնտեղ (Սեդրակը պետք է տեսներ մի ընկերոջ, որը վերադարձել էր առաջնագծից)։ Բայց մեզանից մեկը պետք է մնար դիրքում, և այդ ժամանակ Սիփանը իր տեղը զիջեց ինձ։ Մենք կարծում էինք, որ պատերազմն այլևս չի վերսկսվի, և ես ասացի, որ Արցախը տեսնելու հնարավորություն դեռ կունենա…

Այդ ուղևորության ընթացքում տղաները նաև այցելել են Շուշի, մոմեր վառել և աղոթել Ղազանչեցոց տաճարում: Սիփանին այդպես էլ չհաջողվեց տեսնել Շուշին ու Ղազանչեցոցը։

Актер из Парижа Сипан Мурадян
© Sputnik / Aram Nersesyan
Սիփան Մուրադյանը

Նա պատերազմից հետո տեսավ Արցախը` նոյեմբերի 14-15-ին։ Երիտասարդը խոստովանում է, որ հետպատերազմյան Ստեփանակերտը շատ է ազդել նրա վրա։ Սիփանը չի կարողացել մնալ այնտեղ և ընկերոջը խնդրել է Գորիս վերադառնալ։ Հետդարձի ճանապարհին նրանք մտել են Քարվաճառ և այցելել Դադիվանք։ Այդ օրերին Շահումյանի շրջանը դեռ Հայաստանի վերահսկողության տակ էր…

521
թեգերը:
Արցախյան պատերազմ, դերասան, Ափօ Սահակեան (Իսրայելահայ երաժիշտ), երաժիշտ, Հայաստան, հայ, Փարիզ, Երուսաղեմ
Հայաստանում ԱՄՆ դեսպանատուն

Հայաստանում ԱՄՆ դեսպանատունն իր քաղաքացիներին զգոնության կոչ է արել

33
Նման կոչեր պարբերաբար հնչել են արցախյան 44–օրյա պատերազմից առաջ, ընթացքում և հետո։

ԵՐԵՎԱՆ, 16 հունիսի - Sputnik. Հայաստանում ԱՄՆ դեսպանատունը Facebook–ի էջում իր քաղաքացիներին զգոնության կոչ է արել։

«Հաջորդ երկու շաբաթվա ընթացքում ընտրություններին առնչվող ցույցեր կամ հանրահավաքներ կարող են տեղի ունենալ Երևանում և Հայաստանի այլ վայրերում: ԱՄՆ քաղաքացիները պետք է զգոնություն ցուցաբերեն, խուսափեն մարդկանց բազմությունից և մշտապես զգոն ու տեղյակ լինեն իրենց շրջապատից», - ասվում է հայտարարության մեջ։

Նշվում են ցանկալի գործողությունները՝ խուսափելը բաց տարածքներից և մարդկային բազմություններից, հետևելը տեղական լրատվամիջոցներին՝ թարմացումների համար, տեղեկացնելը անվտանգության մասին ընկերներին և ընտանիքին:

Աջակցության համար ԱՄՆ քաղաքացիները կարող են դիմել Երևանում ԱՄՆ դեսպանատուն։

Նշենք, որ նման զգոնության կոչեր ԱՄՆ դեսպանատան կողմից պարբերաբար հնչել են արցախյան 44–օրյա պատերազմից առաջ, ընթացքում և հետո։

Հիշեցնենք` հունիսի 20–ին Հայաստանում անցկացվելու են արտահերթ խորհրդարանական ընտրություններմ որոնց մասնակցելու հայտ է ներկայացրել 21 կուսակցություն և 4 դաշինք։ 

Հունիսի 7–ից մեկնարկել է նախընտրական քարոզարշավը, որը կավարտվի ընտրություններից մեկ օր առաջ` հունիսի 19–ին։

Բլինկենը ողջունել է 15 գերիներին Հայաստանին փոխանցելը և շնորհակալություն հայտնել Վրաստանին

33
թեգերը:
Ընտրություններ, դեսպանատուն, ԱՄՆ, Հայաստան
Ըստ թեմայի
ԱՄՆ–ն Լեռնային Ղարաբաղի հարցով գործակցում է Ռուսաստանի հետ. դեսպան
«Լսե՞լ ենք որևէ գերու վերադարձի մասին». մտավորականները նամակ ուղարկեցին ԱՄՆ դեսպանին
ԱՄՆ-ն պատրաստ է օգտակար լինել գերիների փոխանակման գործընթացում. դեսպան
Լևոն Տեր-Պետրոսյանն իր առանձնատանը ընդունել է ԱՄՆ դեսպանին