Ռաֆայել Երանոսյան

Ռաֆայել Երանոսյանը տուն տանելու աղջիկ է փնտրում՝ առանց սիլիկոնների

573
(Թարմացված է 18:36 15.07.2019)
Ճանաչված դերասանը հումորային գրառում է արել, որին հաջորդել են ոչ պակաս հումորային մեկնաբանությունները։

ԵՐԵՎԱՆ, 15 հուլիսի — Sputnik. Հայտնի դերասան Ռաֆայել Երանոսյանն Instagram-ի իր էջում նոր լուսանկար է հրապարակել, որին կից հումորային գրառում է արել։ «Պահանջվում է 25– 35 տարեկան, առանց սիլիկոնապատ արտաքինի աղջիկ` օջախ հարս տանելու համար»,– գրել է նա։

Посмотреть эту публикацию в Instagram

Публикация от Rafayel Yeranosyan (@rafayel_yeranosyan)

Նրա էջի հետևորդներին դուր է եկել գրառումը և հումորային մեկնաբանություններ են գրել։ «Ռաֆո ջան, կարող ես մրցույթ հայտարարել, նաև հետաքրքիր շոու կլինի»,«Առանց սիլիկոնի աղջիկներին արդեն հարս են տարել»,«Դե ասա` տունը մնացիր, Ռաֆ ջան»,«Ես դիմում եմ, տարիքս էլ համապատասխանում է»,– գրել են նրանք։

Հիշեցնենք, որ դերասանը վերջերս է վերադարձել ամերիկյան հյուրախաղերից։ Ռաֆայել Երանոսյանը 38 տարեկան է։

«Վախենում եմ մենությունից, սարսափելի զգացում է». անկեղծ զրույց Արման Նավասարդյանի հետ

2006թ. ավարտել է «Հայֆիլմ» կինոստուդիային կից դերասանի ստուդիան և սկսել աշխատել Երևանի պետական Կամերային թատրոնում` որպես դերասան: Հանդես է գալիս հիմնականում հումորային ժանրում: Նկարահանվել է «Քրմուհի» (2007թ.), «Ալա Բալա Նիցա» (2011թ.) և այլ ֆիլմերում, «Կարգին հաղորդում» (2007-10թթ), «Կարգին սերիալ» (2010-13թթ), «No comment» (2013թ.) և այլ հումորային նախագծերում, հոլովակներում: Ռադիոյում վարել է «Բարի առավոտ» հաղորդումը: Խաղացել է «Կաբառե», «Արմմագեդոն», «Նազար, Նազար, մինչև վերջ» և այլ ներկայացումներում: 2011թ-ից նկարահանվել է «Արմենիա» հեռուստաընկերության «32 ատամ» հումորային նախագծում` որպես դերասան:

Արուս Տիգրանյանին այսպիսին դեռ ոչ ոք չի տեսել. անկեղծ զրույց «պայթյունավտանգ» լրագրողի հետ

 

573
թեգերը:
ԱՄՆ, դերասան, Հայաստան
Ըստ թեմայի
ՀՀ վաստակավոր արտիստ Ռուդոլֆ Ղևոնդյանը կոմայի մեջ է
«Ներեցեք, սըր». ինչպես կանադահայ լուսանկարիչը «մերկացրեց» Չերչիլին
Նորաոճ գեղեցկուհիները. Նունե Եսայանն Էլինա Ջանիբեկյանի հետ լուսանկար է հրապարակել
Սերգեյ Սմբատյան

Կորոնավիրուսը չի խանգարի․ Երևանում 18-օրյա առցանց երաժշտական փառատոն կանցկացվի

72
(Թարմացված է 17:07 09.07.2020)
Մոտ երկու տասնյակ սիմֆոնիկ և կամերային համերգներ կլինեն, մենակատարները հանրահայտ ստեղծագործություններ կնվագեն, բոլորի ելույթները կտեսաձայնագրվեն Կարեն Դեմիրճյանի անվան մարզահամալիրում։

ԵՐԵՎԱՆ, 9 հուլիսի — Sputnik. Հուլիսի 10-28-ը Երևանում կկայանա «Music 20» առցանց միջազգային փառատոնը։ Լրագրողների հետ զրույցում տեղեկությունը հայտնեց Հայաստանի պետական սիմֆոնիկ նվագախմբի գեղարվեստական ղեկավար և գլխավոր դիրիժոր Սերգեյ Սմբատյանը։ Փառատոնի շրջանակում 19 սիմֆոնիկ և կամերային համերգ տեղի կունենա, ավելի քան 20 մենակատար հանդես կգան հանրահայտ դասական ստեղծագործություններով։ Նրանց բոլորի ելույթները տեսաձայնագրվելու են Կ. Դեմիրճյանի անվան մարզահամերգային համալիրում։

Համալիրի տնօրեն Կարեն Ղազարյանը հայտնեց, որ, չնայած կորոնավիրուսի պատճառով այլ երկրներում միջոցառումները հանված են, Հայաստանում կարողանում են մեծամասշտաբ միջոցառում կազմակերպել` անվտանգության բոլոր կանոնները պահելով։

Ուշ, բայց ոչ ուշացած. Մհեր Մկրտչյանին շնորհվեց «Գյումրու պատվավոր քաղաքացի» կոչումը

«Հուսով եմ, որ բոլորը կոգևորվեն այս փառատոնից: Մենք բոլոր դժվարությունները հաղթահարելով՝ կարողացանք սա կազմակերպել», - ասաց Ղազարյանը։

Սմբատյանի խոսքով՝ ամեն օր տարբեր դիրիժորներ կլինեն, տարբեր մենակատարներ և տարբեր երաժշտություն:

«Աշխարհում չկա որեւէ այլ փառատոն, որը մեկնարկում է այսքան խիտ ծրագրով և այսքան հանրահայտ արտիստներով», - նշեց Սմբատյանը։

Երևանի ռուսական թատրոնը բաց հարթակների համար նախատեսված ներկայացումներ է բեմադրում

Փառատոնին մասնակցելու են հայտնի երաժիշտներ Գլորիա Քամփաները, Վերոնիկա Ջովեան, Մարիուս Ստրավինսկին, Իգոր Ֆյոդորովը, Նիկիտա Մնդոյանցը, Հայկ Մելիքյանը, Անդրեյ Գուգնինը, Դմիտրի Յաբլոնսկին, Գևորգ Հակոբյանը և այլք։

Սունդուկյանի անվան թատրոնին 120 մլն դրամ է տրամադրվել. ինչ խնդիր կլուծվի թատրոնում

Փառատոնի հովանավորն է Մշակույթի աջակցման եվրոպական հիմնադրամը։

72
թեգերը:
փառատոն, Համերգ, Սերգեյ Սմբատյան, Հայաստան
Ըստ թեմայի
Փարաջանովի «Նռան գույնը» ներառվել է խորհրդային կարևորագույն ֆիլմերի ցանկում
«Մայրիկի», «Արարատի», «Կտոր մը երկնքի» ստեղծողները և ոչ միայն․ 5 հայ հանճարեղ ռեժիսորները
Սիմոն Աբգարյանը միանգամից երեք մրցանակ է ստացել «Մոլիեր» մրցանակաբաշխության ժամանակ
Դմիտրի Պեսկով. արխիվային լուսանկար

Կրեմլը մեկնաբանել է Թուրքիայում գտնվող Սուրբ  Սոֆիայի տաճարի կարգավիճակի հարցը

230
(Թարմացված է 15:58 06.07.2020)
ՌԴ նախագահի մամուլի քարտուղար Դմիտրի Պեսկովը նշել է, որ Սուրբ Սոֆիայի տաճարը ոչ միայն հոգևոր, այլ նաև զբոսաշրջային արժեք է։

ԵՐԵՎԱՆ, 6 հուլիսի –Sputnik. Կրեմլում հույս ունեն, որ Թուրքիայի իշխանությունները Սուրբ Սոֆիայի տաճարի կարգավիճակի մասին հարցի որոշման ժամանակ հաշվի կառնեն այդ սրբավայրի նշանակությունը։ ՌԻԱ Նովոստիի փոխանցմամբ` լրագրողների հետ զրույցում հարցն այսօր այսկերպ է մեկնաբանել Ռուսաստանի նախագահի մամուլի քարտուղար Դմիտրի Պեսկովը։

Ավելի վաղ Թուրքիայի նախագահ Ռեջեփ Թայիփ Էրդողանն իր օգնականներին հանձնարարել էր ուսումնասիրություն անցկացնել` նպատակ ունենալով Սուրբ Սոֆիայի տաճարը նախապատրաստել այն պաշտոնապես մզկիթի վերափոխելու համար։

Պեսկովը նշել է, որ Կրեմլը չի կարող մեկնաբանել բուն որոշումը, քանի որ դա Թուրքիայի ներքին գործն է։  Նա հիշեցրել է, որ այդ հարցով իր կարծիքն արդեն իսկ  հայտնել է ռուսական ուղղափառ եկեղեցու առաջնորդը, ինչպես նաև փոխարտգործնախարարը։

«Կարող եմ միայն ասել, որ, անկասկած, մենք հույս ունենք, որ Սոֆիայի կարգավիճակը` որպես համաշխարհային ժառանգության օբյեկտ, հաշվի կառնվի», –լրագրողներին ասել է Պեսկովը։

Սուրբ Սոֆիան ուզում են մզկիթ դարձնել. հայ ճարտարապետի վերականգնած գմբեթի տակ նամազ կհնչի՞

ՌԴ նախագահի մամուլի քարտուղարը նաև նշել է, որ հոգևոր արժեքից բացի, տաճարն ունի կարևոր զբոսաշրջային նշանակություն։ Պեսկովը հիշեցրել է, որ Սուրբ Սոֆիայի տաճարը սիրված համաշխարհային գլուխգործոց է բոլոր երկրների զբոսաշրջիկների համար, այդ թվում` Ռուսաստանի։

Ֆրանսիայի և ԱՄՆ–ի արտգործնախարարությունները արդեն կոչ են արել Թուրքիայի ղեկավարությանը հրաժարվել Սուրբ Սոֆիայի տաճարը մզկիթ դարձնելու ծրագրից։

Մոսկվայի և Համայն Ռուսիո պատրիարք Կիրիլն իր հերթին խորը մտահոգություն է հայտնել  Սուրբ Սոֆիայի տաճարի թանգարանային կարգավիճակը վերանայելու վերաբերյալ որոշ թուրք քաղաքական գործիչների կոչերի հետ կապված։ Նա հայտարարել է, որ «Սուրբ Սոֆիային սպառնացող վտանգը ողջ քրիստոնեական քաղաքակրթությանը սպառնացող վտանգ է»։

Թրամփին վատություն անել և սուրբ Սոֆիան վերածել մզկիթի. Էրդողանն իր ամպլուայի մեջ է

230
թեգերը:
Ռեջեփ Թայիփ Էրդողան, մզկիթ, Սուրբ Սոֆիայի տաճար, Թուրքիա, Դմիտրի Պեսկով, Կրեմլ
Ըստ թեմայի
Ինչ է կատարվում Երևանի «Կապույտ մզկիթի» դռներից այն կողմ. լուսանկարներ
Բաբայան. «Արցախում որևէ մզկիթ չի պղծվել»
Քրիստոնեական Հայաստանի իսլամական սիրտը․ ինչո՞վ է հայտնի Երևանի Կապույտ մզկիթը
Реставрация купола Эчмиадзинского монастыря

«Հաղթության նշան». Էջմիածնի Մայր տաճարի դռներն առաջիկայում կբացվեն հավատացյալների առաջ

0
Տեր Վահրամ քահանա Մելիքյանը սա հաղթական նշան է համարում՝ Սուրբ Էջմիածնի օրհնությունը մաղթելով հայրենիքի պաշտպան զինվորներին:

ԵՐԵՎԱՆ, 15 հուլիսի — Sputnik. Մայր աթոռի տեղեկատվական համակարգի ղեկավար Տեր Վահրամ քահանա Մելիքյանը facebook-ում հավտացյալներին լավ լուր է հայտնել՝ այն բնորոշելով որպես «Հաղթության նշան»:

Реставрация купола Эчмиадзинского монастыря
Реставрация купола Эчмиадзинского монастыря

«Վար են բերվում Մայր Տաճարի գմբեթը կաղապարող շինարարական կապանքները։

Սուրբ Էջմիածնի օրհնությունը թող միշտ մեր զինվոր եղբայրների հետ լինի»,- գրել է հոգևորականը ու նաև տաճարի վերանորոգման աշխատանքների ավարտը վկայող լուսանկարներ հրապարակել։

Ուշագրավ բացահայտումներ` Էջմիածնի վերականգնվող Մայր տաճարում. ինչո՞վ կզարմացնի Մայր Աթոռը

Հիշեցնենք՝ Տաճարի վերականգնման աշխատանքները մեկնարկել էին 2017թ-ին: Բայց մինչ այդ, շուրջ 7 տարի՝ 2012–ից մինչ 2017–ը` մինչ բուն շինարարական աշխատանքների մեկնարկը, մասնագետները ճարտարապետական լուրջ հետազոտություններ են կատարել ու նաև որոշ հետաքրքիր բացահայտումներ արել:

0