Արա Գևորգյանի ասուլիսը

Արա Գևորգյանն օգնելու է քաղցկեղով հիվանդ երեխաներին. ի՞նչ է առաջարկում նա

255
(Թարմացված է 20:28 03.01.2020)
Արա Գևորգյանը Հայաստանում ոչ մի անգամ գումարով համերգ չի տվել և իր ելույթների համար չի վճարվել:

ԵՐԵՎԱՆ, 15 հուլիսի — Sputnik. Երաժիշտ, երգահան,  ՀՀ վաստակավոր արտիստ Արա Գևորգյանը, «Դու պիտի ճախրես» խորագրով  բարեգործական մենահամերգ կունենա: Այս մասին այսօր լրագրողների հետ հանդիպման ժամանակ ասացին Արա Գևորգյանը և համերգի կազմակերպիչները:

«Սոցցանցերում ամեն օր նկատում եմ, որ մարդիկ խնդրում են այս կամ այն երեխային օգնել: Այդ է պատճառը, որ բարեգործական համերգ կազմակերպելու մտահղացում առաջացավ»:

Композитор Ара Геворгян перед началом пресс-конференции по случаю благотворительного концерта (15 июля 2019). Еревaн
© Sputnik / Aram Nersesyan
Արա Գևորգյանը

Արա Գևորգյանը խոստովանում է, որ ոչ մի անգամ Հայաստանում գումարով համերգ չի տվել և իր ելույթների  համար չի վճարվել:

«Դա եղել է իմ անձնական ցանկությունը: Այս անգամ ևս համերգի ողջ հասույթը կտրամադրվի քաղցկեղով հիվանդ երեխաներին»,-նշեց Գևորգյանը։

Պատասխանելով Sputnik Արմենիայի հարցին, թե ինչ սպասումներ ունի մենահամերգից` երաժիշտը նշեց, որ մտավախություններ կան, որ ինչ-որ բան կարող է չհաջողվել։ «Մեր հասարակությունն այդքան էլ ակտիվ չէ տոմսեր գնելու հարցում, որովհետև ժամանակին անվճար տոմսեր շատ է բաժանվել:Կոչ եմ անում մարդկանց իրենց փոքրիկ լումայով կանգնեն մեր երեխաների կողքին»,- ասաց Գևորգյանը։ 

Ասուլիսին ներկա «Սիթի օֆ Սմայլ» բարեգործական հիմնադրամի տնօրեն Էսթեր Դեմիրճյանը հիշեց Արա Գևորգյանի մեծ մենահամերգները և հավաստիացրեց, որ կրկին որակյալ երաժշտության պահանջ կա Հայաստանում:

«Փորձում ենք այնպես անել, որ երեխաների ծնողները ոչ թե մտածեն ֆինանսական խնդիրների մասին, այլ իրենց երեխաներին հոգեբանական աջակցություն ցույց տան, ուժեղ լինեն»,-նշեց Դեմիրճյանը։

Директор благотворительного фонда Сити оф Смайл Эстер Демирчян на пресс-конференции композитора Ара Геворгяна (15 июля 2019). Еревaн
© Sputnik / Aram Nersesyan
Էսթեր Դեմիրճյանը

Պատասխանելով Sputnik Արմենիայի հարցին, թե ինչ միջոցներ կտրամադրվեն, եթե արտասահմանում բուժում իրականացնելու կարիք լինի` Դեմերճյանն ասաց, որ եթե Հայաստանում հնարավոր չի լինում բուժումն իրականացնել, ապա առանձին հաշվեհամար է բացվում փոքրիկի համար, և փորձում  են կազմակերպել դրամահավաքություն, քանի որ հիմնադրամի միջոցներով հնարավոր չէ ապահովել բուժումն արտասահմանում։

Նշենք, որ սեպտեմբերի 7-ին, ժամը 19։00  Կարեն Դեմիրճյանի անվան  մարզահամերգային  համալիրում տեղի կունենա երաժիշտ Արա Գևորգյանի բարեգործական մենահամերգ:Ելույթ կունենան նաև  Հայաստանի ազգային ֆիլհարմոնիկ նվագախումբը (դիրիժոր՝ Էդուարդ Թոփչյան), Պարի Պետական համույթը , Պաշտպանության նախարարության «Սարդարապատ»  պարի պետական համույթը և այլք։ Համերգի կազմակերպիչները հորդորեցին բոլոր ցանկացողներին միանալ իրենց` նշելով, որ հովանավորների կարիք ունեն:

Հիշեցնենք`«Սիթի օֆ Սմայլ» բարեգործական հիմնադրամն ամբողջությամբ  ֆինանսավորում է քաղցկեղով կամ արյան հիվանդություններով տառապող երեխաների բուժումը Հայաստանում:

255
թեգերը:
երեխա, Համերգ, Արա Գևորգյան, Հայաստան
Ըստ թեմայի
Հայտնի երգիչները Հայաստան են գալիս. Երևանում մեծամասշտաբ համերգ կանցկացվի
Gate of Frequency. Արտո Թունջբոյաջյանը և Վահագն Հայրապետյանը խենթ համերգ տվեցին Երևանում
2 հայտնի հայ` Լոնդոնի Ալբերտ հոլում. Մխիթարյանը համերգ էր գնացել
Թանգարանային գիշեր

ՀՀ–ում և Արցախում 113 մշակութային կազմակերպություններ 1 օր անվճար կընդունեն այցելուներին

47
COVID-19 համավարակով պայմանավորված՝ այս տարի Թանգարանների միջազգային օրը և «Թանգարանների գիշեր» ակցիան կնշվեն նույն օրը։

ԵՐԵՎԱՆ, 14 մայիսի – Sputnik. ՀՀ կրթության, գիտության, մշակույթի և սպորտի նախարարությունը մայիսի 18-ին բոլորին հրավիրում է միասին տոնելու Թանգարանների միջազգային օրը: Թանգարանների միջազգային խորհրդի (ԻԿՕՄ) առաջարկով միջազգային հանրությունը 1977 թվականից մայիսի 18-ը նշում է որպես Թանգարանների միջազգային օր՝ նպատակ ունենալով համախմբելու թանգարաններին, կարևորելու դրանց դերը որպես հասարակության կրթական, մշակութային և ժամանցային կենտրոններ:

«Թանգարանները մեր մշակույթի, կրթության և զարգացման կարևորագույն կենտրոններն են, որտեղ պահվում և ներկայացվում են մեր պատմական հիշողությունը, կարևոր իրադարձությունների, փաստերի և մեր ազգային ինքնության վկայությունները: Մայիսի 18-ը պատեհ առիթ է կարևորելու թանգարանների դերը՝ որպես նոր գիտելիքներով հարստանալու, իրական արժեքներ ճանաչելու և ներշնչվելու, ստեղծագործելու և երևակայական հղացումները կյանքի կոչելու օջախներ»,– նշված է հաղորդագրության մեջ:

«Կաֆկայի երազը» հայկական անիմացիոն ֆիլմն ընդգրկվել է Հելսինկիի միջազգային փառատոնում

COVID-19 համավարակով պայմանավորված՝ այս տարի Թանգարանների միջազգային օրը և «Թանգարանների գիշեր» ակցիան կնշվեն նույն օրը՝ մայիսի 18-ին: Դրանք կիրականացվեն «Թանգարանների ապագան. վերականգնել և վերաիմաստավորել» խորագրի ներքո` թանգարաններին և համայնքներին առաջարկելով ստեղծել, պատկերացնել և կիսել արժեքի ստեղծման նոր պրակտիկաներ, մշակութային հաստատությունների նոր բիզնես մոդելներ և նորարարական լուծումներ ներկայիս սոցիալական, տնտեսական և բնապահպանական մարտահրավերների համար:

Մայիսի 18-ին` Թանգարանների միջազգային օրը, ՀՀ և Արցախի Հանրապետության 113 մշակութային կազմակերպություններ անվճար հիմունքներով իրենց հարկի ներքո կընդունեն այցելուներին` իրենց բազմաբովանդակ միջոցառումներով անմոռանալի դարձնելով յուրաքանչյուր այցելուի օրը:

47
թեգերը:
Թանգարան, Արցախ, Հայաստան
Ըստ թեմայի
Հայուհու «մետաքսե արտույտը» կամ հաջողակ բիզնես-լեդիի պատմությունը
Աննախադեպ նախագիծ. հայերն ու ռուսները միասին ձայնագրում են Բեթհովենի 9 սիմֆոնիաները
Ռուսական հեռուստաշոուի ժյուրին հոտնկայս ծափահարեց Սյուզաննա Մելքոնյանին. տեսանյութ
Հելսինկի

«Կաֆկայի երազը» հայկական անիմացիոն ֆիլմն ընդգրկվել է Հելսինկիի միջազգային փառատոնում

48
(Թարմացված է 12:16 11.05.2021)
Հայաստանի ազգային կինոկենտրոնը ֆիլմին մաղթում է հաջողություն և նորանոր հաղթանակներ:

ԵՐԵՎԱՆ, 11 մայիսի- Sputnik. «Կաֆկայի երազը» անիմացիոն կարճամետրաժ ֆիլմն ընդգրկվել է Հելսինկիիում 2021 թվականի մայիսի 20-ից 23-ը անցկացվելիք «Animatricks International Animation Festival» անիմացիոն ֆիլմերի միջազգային փառատոնին: Տեղեկությունը հայտնում է Հայաստանի ազգային կինոկենտրոնը` հավելելով, որ ֆիլմը ստացել է կինոկենտրոնի ֆինանսական աջակցությունը։

Տեղեկացվում է, որ ֆիլմն արտադրվել է «ԱրտՍտեպ ստուդիայի» կողմից։

«Կաֆկայի երազը» անիմացիոն ֆիլմի հեղինակը և ռեժիսորը Դավիթ Բաբայանն է, գլխավոր պրոդյուսերը` Արմինե Հարությունյան։

Ֆիլմի համար երաժշտություն է գրել Անդրանիկ Բերբերյանը, իսկ նկարիչ` Գագիկ Բաբայանն է։

Հայաստանի ազգային կինոկենտրոնը ֆիլմին մաղթում է հաջողություն և նորանոր հաղթանակներ:

48
թեգերը:
կինոփառատոն, փառատոն, անիմացիա, ֆիլմ
Երուսաղեմ

Հրթիռի առաջ բոլորը հավասար են. Իսրայելի հայերը` ռմբակոծության տակ կյանքի մասին

75
(Թարմացված է 00:00 18.05.2021)
Պաղեստինա-իսրայելական հակամարտության սրումը չէր կարող չանդրադառնալ Իսրայելի հայ համայնքի վրա։ Թե ինչով և ինչպես են ապրում հայերն այս օրերին, պարզել է Sputnik Արմենիան։

ԵՐԵՎԱՆ, 17 մայիսի – Sputnik. Իսրայելի հայ համայնքը փորձում է որքան հնարավոր է` սովորական ռեժիմով ապրել, զբաղվել առօրյա հոգսերով։ Բնակչությունը, չնայած ռմբակոծություններին և ավերածություններին, խուճապահար չէ, և այս հարցում Իսրայելի իշխանությունների հսկայական վաստակը կա, որոնք, մեր հայրենակիցների կարծիքով, պատրաստ էին ստեղծված իրավիճակին։

Հայկական թաղամասը

Երուսաղեմի հայոց թեմի գրասենյակի ղեկավար Հովնան Բաղդասարյանը Sputnik Արմենիայի թղթակցի հետ զրույցում նշեց, որ հայկական թաղամասը Երուսաղեմի ուղղությամբ հրթիռային հարվածից չի տուժել: Ընդհանուր առմամբ, հոգևոր և աշխարհիկ կյանքն այստեղ սովորական հունով է ընթանում։

«Այստեղ ամեն ինչ հանգիստ է, ավերածություններ, տուժածներ, տարհանվածներ չկան։ Սակայն հրթիռային հարվածները շարունակվում են Իսրայելի հարավում, որտեղ նույնպես կան մեր հայրենակիցներից»,-ասաց Բաղդասարյանը` ավելացնելով, որ հայրապետության տվյալներով՝ այնտեղ ևս տուժած հայեր չկան։

Հոգևորականը պատմեց, որ պետությունը հոգ է տարել իր քաղաքացիների մասին և բոլոր բնակելի շենքերը հագեցած են ռմբապաստարաններով։ Ազդանշանը լսելուն պես բնակիչներն անմիջապես իջնում են այնտեղ։

Արյունախեղդ Պաղեստինը. Գազայի հատվածին հասցված հարվածների զոհերը` լուսանկարներում

Բաղդասարյանը նշեց, որ արաբների և հրեաների միջև բախումներն Իսրայելի ներսում տեղի են ունեցել «խառը» քաղաքներում (այդպես են անվանում քաղաքները, որտեղ կողք-կողքի հրեաներ և արաբներ են ապրում)։ Ընդհանուր առմամբ` նա նշեց, որ հայ համայնքում սրացման առաջին օրվանից խուճապ չի եղել, հայկական վարժարանները շարունակում են գործել, եկեղեցիներն ու գրասենյակներն աշխատում են։

«Մեզ մոտ խուճապ ու վախ չկա»,-ասաց Բաղդասարյանը։

Հրթիռի առաջ բոլորը հավասար են

Հրթիռի առաջ բոլորը հավասար են, և դա հստակ գիտակցում են Իսրայելի իշխանությունները, որոնք միանման հոգածությամբ են վերաբերում բոլոր քաղաքացիներին՝ անկախ նրանց էթնիկ պատկանելությունից։ Sputnik Արմենիայի հետ զրույցում նման կարծիք հայտնեց տեղի հայ համայնքի ներկայացուցիչ Տիգրան Մամաջանյանը։

Թուրքիան կաջակցի պաղեստինցիներին այնպես, ինչպես Ղարաբաղում սատարեց Բաքվին. Էրդողան

Նրա խոսքով` հիանալի են աշխատում նաև փրկարար ծառայությունները, որոնք շատ արագ արձագանքում են արտակարգ իրավիճակներին։ Օրինակ՝ հրթիռը որոշակի վայր ընկնելու դեպքում փրկարարներն անմիջապես գալիս են դեպքի վայր, մարում հրդեհը, անհրաժեշտության դեպքում ՝ տարհանում մարդկանց։

«Մենք փորձում ենք սովորական ռեժիմով ապրել։ Ովքեր աշխատում են` շարունակում են աշխատանքի գնալ, շատերը ստիպված են տանը մնալ և երեխաներին հետևել, քանի որ որոշ քաղաքներում դպրոցներն ու մանկապարտեզները փակ են»,-ասաց Մամաջանյանը։

Իսրայելի բոլոր սփյուռքահայկական կազմակերպությունները սերտ կապ են պահպանում։ Ճշտված տվյալներով՝ մինչ այժմ էթնիկ հայերի շրջանում հրթիռային հարձակումների հետևանքով տուժածներ չկան: Մամաջյանը նաև ընդգծեց, որ չեն տուժել նաև հայկական ճարտարապետական հուշարձանները:

Ընդհանուր առմամբ, ըստ նրա, կարելի է հանգել այն եզրակացության, որ պետությունը պատրաստ է այս տեսակի պատերազմին։ Միակ բանը, որ մեր հայրենակիցներին անհանգստացնում է այս օրերին, այն է, որ Իսրայելի տարբեր քաղաքներում արաբ բնակչությունը ջարդեր է կազմակերպում ի աջակցություն պաղեստինցիների։

Ըստ հայկական աղբյուրների՝ հայկական արքայական տոհմերի ներկայացուցիչները Երուսաղեմ են ժամանել դեռևս 4-րդ դարում։ Նրանք այստեղ տներ են կառուցել, որոնց նմանությամբ էլ հետագայում կառուցվել է ամբողջ հայկական թաղամասը։

Պաղեստինը չի ուզում, որ Անկարան պաղեստինյան սրացումը համեմատի Ղարաբաղի իրավիճակի հետ

75
թեգերը:
հայեր, ռմբակոծություն, Պաղեստին, Իսրայել
Ըստ թեմայի
Որո՞նք են իսրայելա-պաղեստինյան առճակատման պատճառները
3 երկիր ՄԱԿ-ի ԱԽ-ի նիստ անցկացնելու առաջարկ է արել իսրայելա-պաղեստինյան հարցի առնչությամբ
«Ուժեղ ու զսպող դաս տալ Իսրայելին». Պուտինն ու Էրդողանը քննարկել են իրավիճակը Պաղեստինում