Ֆիլմեր` ցանկացած ճաշակի համար. տնօրինությունն ամփոփել է «Ոսկե ծիրանի» արդյունքները
(Թարմացված է 16:28 14.07.2019)
«Ոսկե ծիրան» կինոփառատոնի տնօրենն ու ժյուրիի անդամները պատմեցին իրենց տպավորությունների մասին և ամփոփեցին արդյունքները։ԵՐԵՎԱՆ, 14 հուլիսի –Sputnik. «Ոսկե ծիրան» 16-րդ միջազգային կինոփառատոնի շրջանակում իրականացրած մի շարք կրթական ծրագրերն ու բաց երկնքի տակ ցուցադրությունները կարելի է համարձակորեն վերագրել ձեռքբերումների թվին։ Այս մասին այսօր կայացած ամփոփիչ մամուլի ասուլիսի ժամանակ ասաց փառատոնի գործադիր տնօրեն Հասմիկ Հովհաննիսյանը։
©
Sputnik / Andranik Ghazaryan
Հովհաննիսյանը նաև վստահեցրեց, որ թիմը կվերլուծի կատարած աշխատանքը` փառատոնի կազմակերպման որակը բարձրացնելու նպատակով։
Կարճամետրաժ ֆիլմերի տարածաշրջանային մրցույթի ժյուրիի անդամ, օպերատոր Նորայր Քասփերն (Կանադա) իր հերթին նշեց, որ այդ անվանակարգը հետաքրքիր էր տարածաշրջանի առջև ծառացած խնդիրներին և մարտահրավերներին «ներսից հայացք գցելու» տեսանկյունից։
Հիշեցնենք, որ լիամետրաժ ֆիլմերի միջազգային մրցույթում «Ոսկե ծիրան» մրցանակին արժանացավ Ռիչարդ Բիլինգհեմի «Ռեյը և Լիզը» ֆիլմը, «Արծաթե ծիրանը» բաժին հասավ Կանտեմիր Բալագովի «Լողլողը» ֆիլմին։
Թուրք կինոռեժիսորը մեր վարչական շրջաններից մեկն է ուզում տեսնել. ի՞նչն է գրավել նրան
«Ոսկե ծիրան» կինոփառատոնի ժյուրիի նախագահ Ալեքսանդր Մինդաձեն հատուկ նշեց ֆիլմերի բազմազանությունը։ Նրա խոսքով` «այստեղ ցանկացած ճաշակի ֆիլմ կար»։
«Մեր կարծիքները միշտ չէ, որ համընկնում էին և երբեմն ես` որպես ժյուրիի նախագահ, փոքրամասնություն էի կազմում, բայց, ընդհանուր առմամբ, մենք շատ գոհ ենք փառատոնից։ Ինչ լավ է, որ Երևանում նման կինոփառատոն կա», – ընդգծեց նա։
Հիշեցնենք, որ Երևանում հուլիսի 7-14-նա անցկացվեց «Ոսկե ծիրան» 16-րդ միջազգային կինոփառատոնը։ Լիամետրաժ ֆիլմերի մրցութային ծրագրի գլխավոր մրցանակի համար պայքարում էր 13 ֆիլմ։Կինոփառատոնը մեկնարկեց Կաննի 72-րդ կինոփառատոնում Ոսկե արմավենու ճյուղին արժանացած հարավկորեացի ռեժիսոր Պոն-Չուն-Հոյի «Մակաբույծները» ֆիլմով։
Ծրագրում ներառված էին նաև Բեռլինի և Ռոտերդամի կինոփառատոններում մրցանակների արժանացած ֆիլմեր։
Մահացել է դերասան Վիգեն Ստեփանյանը
(Թարմացված է 17:02 19.01.2021)
Վիգեն Ստեփանյանը խաղացել է տարբեր թատրոններում, բեմադրել 43 ներկայացում տարբեր երկրներում և տարբեր լեզուներով, նկարահանվել է մոտ 50 ֆիլմում։ ԵՐԵՎԱՆ, 19 հունվարի – Sputnik. 68 տարեկանում մահացել է դերասան, բեմադրիչ, ՀՀ արվեստի վաստակավոր գործիչ Վիգեն Ստեփանյանը։ Տեղեկությունը Sputnik Արմենիայի հետ զրույցում հաստատեց նրա դուստրը` Թամարա Ստեփանյանը։ Դերասանի մահվան պատճառը ուղեղի կաթվածն է։
Դուստրը նշեց, որ հայրը 4 օր կոմայի մեջ է եղել։ Այսօր առավոտյան սրտի աշխատանքը կանգ է առել, բժիշկներն ամեն ջանք գործադրել են նրա կյանքը փրկելու համար, բայց ապարդյուն։ Ժամը 12։00-ի սահմանում նա մահացել է։
Դերասանի հոգեհանգիստը տեղի կունենա Սուրբ Հովհաննես եկեղեցում հունվարի 21-ին` ժամը 18:00-ին։
©
Sputnik / Asatur Yesayants
Վիգեն Ստեփանյանը 1973 թվականին ընդունվել է Երևանի Կ․ Ստանիսլավսկու անվան թատրոնին կից դերասանական ստուդիա, որտեղ մինչև 1977 թվականն աշխատել է որպես դերասան։ 1977-1989 թվականներին որպես դերասան աշխատել է Երևանի Սունդուկյանի անվան ազգային ակադեմիական թատրոնում։ 1989 թվականին հիմնել է «Արձագանք» թատրոն-ստուդիան, որը 1991 թվականին հիմք դարձավ «Մետրո» թատրոնի, և մինչև 1994 թվականը եղել է թատրոնի գեղարվեստական ղեկավարն ու տնօրենը։ 1994-2003 թվականներին աշխատել է Լիբանանում։ 2003 թվականին վերադառնալով Հայաստան՝ նորից ստանձնել է «Մետրո» թատրոնի գեղարվեստական ղեկավարի պաշտոնը։ 2007 թվականին որպես հրավիրված դերասան և բեմադրիչ աշխատել է տարբեր թատրոններում։
2014 թվականի հոկտեմբերին Վիգեն Ստեփանյանը նշանակվել է Ալեքսանդր Սպենդիարյանի անվան օպերայի և բալետի ազգային ակադեմիական թատրոնի ռեժիսոր։
Ավելի քան 100 դեր է խաղացել տարբեր թատրոններում, բեմադրել է 43 ներկայացում տարբեր երկրներում և տարբեր լեզուներով, նկարահանվել է մոտ 50 ֆիլում, ԽՍՀՄ տարբեր ստուդիաներում, խաղացել է ավելի քան 60 հեռուստաներկայացումներում։ Երեք տարի շարունակ եղել է «Էրեբունի–Երևան» տոնակատարության գլխավոր բեմադրիչը։ Գրել և բեմականացրել է ավելի քան 10 պիես։ Նրա սցենարով նկարահանվել են երկու կարճամետրաժ և մեկ լիամետրաժ ֆիլմեր։
Պուտինի դիմանկարը «հայտնվել» է բրնձի վրա. ի՞նչ ցանկություն ունի Տեր–Ղազարյանի ծոռնուհին
(Թարմացված է 15:27 17.01.2021)
Մանրադիտակային քանդակների (միկրոքանդակագործություն) և փորագրությունների վարպետ, երաժիշտ, ՀՀ արվեստի վաստակավոր գործիչ Էդուարդ Տեր-Ղազարյանի թոռնուհին և ծոռները շարունակում են նրա գործը` ստեղծելով արվեստի եզակի գործեր, որոնք կարելի է տեսնել միայն մանրադիտակով:
Էդուարդ Տեր-Ղազարյանն իր վարպետությունը ժառանգաբար փոխանցել է թոռնուհուն և ծոռներին։ Նրանցից մեկը՝ Աննան, որը 14 տարեկանից զբաղվում է միկրոքանդակագործությամբ, սերդոլիկի վրա քանդակել է Ռուսաստանի նախագահ Վլադիմիր Պուտինի դիմանկարը և տեղադրել բրնձի հատիկի վրա:
Աննան ցանկանում է այդ դիմանկարը հայ ժողովրդի անունից նվիրել Պուտինին։
Ինչպես Չապլինն ու Քաջ Նազարը հայտնվեցին ասեղի անցքում. հրաշագործ Էդուարդ Ղազարյանի մասին
Վարպետներն իրենց աշխատանքները ներկայացրել են Հայաստանում։ Արվեստի եզակի գործերն արդեն տեսել են ավելի քան 10 հազար հայ դպրոցականներ։
թեգերը:
Հայաստանի, Ադրբեջանի և Ռուսաստանի փոխվարչապետների հանդիպման կոնկրետ օրը Երևանում չգիտեն
(Թարմացված է 12:37 26.01.2021)
Հանդիպումը ենթադրում է տարածաշրջանային տրանսպորտային ապաշրջափակման հետ կապված տարբեր հարցերի քննարկում։ԵՐԵՎԱՆ, 26 հունվարի – Sputnik. ՀՀ փոխվարչապետ Մհեր Գրիգորյանի գրասենյակից Sputnik Արմենիայի հարցմանն ի պատասխան ասացին, որ Հայաստանի, Ադրբեջանի և Ռուսաստանի փոխվարչապետների հանդիպման հստակ ամսաթիվը և ժամը դեռ ճշտվում են, այն կայանալու է մոտ օրերս:
«Հանդիպման օրակարգում ընդգծված չէ որևէ կոնկրետ ուղղություն կամ ենթակառուցվածք, այն ենթադրում է տարածաշրջանային տրանսպորտային ապաշրջափակման հետ կապված տարբեր հարցերի քննարկում»,–ասացին գրասենյակից:
Ավելի վաղ տեղեկացրել էինք, որ Մոսկվայում վաղը` հունվարի 27–ին, նախատեսված է Հայաստանի, Ադրբեջանի և Ռուսաստանի փոխվարչապետների հանդիպում։
Տեղեկացվում էր, որ փոխվարչապետները պետք է քննարկեն միանգամից մի քանի հնարավոր նախագծեր, մասնավորապես, Հայաստանի տարածքով երկաթուղու կառուցումը, որը կկապի Ադրբեջանը և Նախիջևանը, ինչպես նաև Հայաստանն ու Ռուսաստանը:
Եռակողմ հայտարարության 9-րդ կետը. ձեռնտո՞ւ է Իրանին Նախիջևանի միջանցքի բացումը
Հիշեցնենք, որ փոխվարչապետների մակարդակով այս հարցի քննարկման շուրջ Հայաստանի, Ռուսաստանի և Ադրբեջանի ղեկավարները համաձայնության էին եկել հունվարի 11-ի մոսկովյան եռակողմ հանդիպման ժամանակ, երբ Փաշինյանը հայտարարեց, որ գերիների հարցով առաջընթաց չի գրանցել, բայց ստորագրել է տնտեսական համագործակցության հուշագիր:
թեգերը: