«Տղամարդկություն է պետք, որ մնաս այնպիսին, ինչպիսին կաս». Մինդաձեն հատուկ մրցանակ ստացավ

ԵՐԵՎԱՆ, 9 հուլիսի — Sputnik. Ռուսաստանիցի կինոռեժիսոր, սցենարիստ Ալեքսանդր Մինդաձեն «Ոսկե ծիրան» 16-րդ կինոփառատոնի շրջանակներում հատուկ մրցանակի արժանացավ։

Մայր Աթոռ Սուրբ Էջմիածնում այսօր կայացավ թվով 7–րդ «Եղիցի լույս» մրցանակաբաշխությունը` նվիրված համամարդկային արժեքներ տարածող կինոգործիչներին։

© Sputnik / Asatur Yesayants

Մերօրյա ասպետը. Սամվել Ալեքսանյանը պարգևատրվել է «Մանթաշյանց ասպետ» ոսկե շքանշանով

«Շատ զգացված և հուզված եմ այս մրցանակից , որովհետև այն արտացոլում է իմ հայացքներն ու հոգևոր լույսին հասնելու ձգտումը։ Մեծ տղամարդկություն է պետք, որպեսզի դու մնաս այնպիսին, ինչպիսին կաս։ Այս մրցանակն ինձ ոգևորեց. համոզված եմ այն կտա նոր ուժ` իրականացնելու համար իմ գաղափարները և լույսին հասնելու ձգտումը»,– ասաց Ալեքսանդր Մինդաձեն։

«Ոսկե ծիրան » միջազգային կինոփառատոնի հիմնադիր նախագահ Հարություն Խաչատրյանի խոսքով`այս մրցանակը շնորհելու համար հաշվի են առել Ալեքսանդր Մինդաձեի գրող և սցենարիստ լինելու հանգամանքը, նրա մարդկային արժեհամակարգը և վերջին տաս տարիների նրա` կինոռեժիսորի գործունեությունը։ «Արվեստագետի համար շատ կարևոր է, թե ինչ ժառանգություն է թողնելու իրենից հետո։ Բոլորիս ցանկությամբ Մինդաձեն ընտրվեց այս մրցանակի հավակնորդ»,– ասաց Խաչատրյանը:

Մրցանակի հանձնման արարողությունը սկսվեց տերունական աղոթքով։ Միջոցառման վերջում հնչեցին նաև հոգևոր երգեր։

Արգելված կադրերը հասանելի են. Երևանում ցուցադրվեց Փարաջանովի «Նռան գույնի» մոնտաժված մասը

Հիշեցնենք, որ հուլիսի 7–ին Երևանի Կարեն Դեմիրճյանի անվան մարզահամերգային համալիրում կարմիր գորգով մեկնարկեց «Ոսկե ծիրան» 16-րդ միջազգային կինոփառատոնը, որը կավարտվի հուլիսի 14–ին։