«Ոսկե ծիրան 2019»

«Ոսկե արմավենու ճյուղը»` «Ոսկե ծիրանում». 16-րդ անգամ Երևանում մեկնարկեց կինոփառատոնը

209
(Թարմացված է 21:06 07.07.2019)
Մեկ շաբաթ շարունակ ֆիլմասեր հասարակությունն ու կինոգործիչները բացառիկ հնարավորություն կունենան միջազգային կինոմատոգրաֆիայի գլուխգործոցները վայելելու:

ԵՐԵՎԱՆ, 7 հուլիսի – Sputnik. Այսօր Երևանի Կարեն Դեմիրճյանի անվան մարզահամերգային համալիրում կարմիր գորգով մեկնարկեց «Ոսկե ծիրան» 16-րդ միջազգային կինոփառատոնը: Կաննի միջազգային կինոփառատոնում «Ոսկե արմավենու ճյուղ» մրցանակի այս տարվա դափնեկիր Չուն-հո Պոնի «Մակաբույծը» (Հարավային Կորեա) ֆիլմով է տրվում Երևանի 16-րդ «Ոսկե ծիրան» միջազգային կինոփառատոնի բացումը:

Ֆիլի ցուցադրությունից առաջ ելույթ ունեցավ Երևանի «Ոսկե ծիրան » միջազգային կինոփառատոնի հիմնադիր նախագահ Հարություն Խաչատրյանը:

«Այս տարի փառատոնը փոփոխություն է կրել. փոխվել է փառատոնի ղեկավար կազմը, փոխվել 1 դիզայնը, տարբերանշանը, վերանայվել են բազում գաղափարներ: Փոխվել է փառատոնի տնօրենը»,- ասաց Հարություն Խաչատրյանը:

«Ոսկե ծիրան » միջազգային կինոփառատոնի տնօրեն Հասմիկ Հովհաննիսյանի խոսքով` փառատոնը հասել է պատանեկության խենթ ու խելառ տարիքին: «Ես այդ տարիքում էի, երբ առաջին անգամ փառատոնի շրջանակներում տեսա ամենահուզիչ ու ամենասիրուն ֆիլմերը: Մեր փառատոնի առաքելությունը ոչ միայն զվարճացնելն է, այլև հուզել, ստիպել մտածել , լսելի դարձնել այն ձայները, որոնք այլ կերպ ուղղակի լսելի չէին լինի: Մեր փառատոնը երջանիկ պատանի է, քանի որ մեծացել է իրեն սիրող և հոգատար ձեռքերում»,–ասաց Հովհաննիսյանը:

  • Երևանում մեկնարկեց «Ոսկե ծիրանը»
    Երևանում մեկնարկեց «Ոսկե ծիրանը»
    © Sputnik / Asatur Yesayants
  • Երևանում մեկնարկեց «Ոսկե ծիրանը»
    Երևանում մեկնարկեց «Ոսկե ծիրանը»
    © Sputnik / Aram Nersesyan
  • Երևանում մեկնարկեց «Ոսկե ծիրանը»
    Երևանում մեկնարկեց «Ոսկե ծիրանը»
    © Sputnik / Asatur Yesayants
  • Երևանում մեկնարկեց «Ոսկե ծիրանը»
    Երևանում մեկնարկեց «Ոսկե ծիրանը»
    © Sputnik / Aram Nersesyan
  • Երևանում մեկնարկեց «Ոսկե ծիրանը»
    Երևանում մեկնարկեց «Ոսկե ծիրանը»
    © Sputnik / Aram Nersesyan
1 / 5
© Sputnik / Asatur Yesayants
Երևանում մեկնարկեց «Ոսկե ծիրանը»

Բեմում հիմնադիրները խոստացան, որ «Ոսկե ծիրան » միջազգային կինոփառատոնը ոչ միայն շարունակական է լինելու, այլև ավելի շատ է ֆինանսավորվելու, որպեսզի աշխարհին լսելի դարձնի այն, ինչը անհասանելի է շատերին:

«Ոսկե ծիրանն» այս տարի ունի նաև նոր տարբերանշան, որն արտահայտում է փառատոնի նոր կազմի ինքնատիպ մոտեցումը 16-րդ տարին անցկացվող իրադարձությանը: Այն մինիմալիստական է, ներկայացնում է հայերեն «Ծ» տառը: Այդ տառի միջոցով լոգոյի հեղինակը փորձել է ստանալ փառատոնի խորհրդանիշ համարվող ծիրանը:

Միջազգային կինոփառատոնն աշխարհի տարբեր երկրներից ստացել է մասնակցության ավելի քան 740 հայտ, ինչպես նաև ընտրվել են մի շարք կինոնկարներ աշխարհի հեղինակավոր կինոփառատոններից՝ Կաննից, Բեռլինից, Ռոտերդամից: Փառատոնն ունենալու է միջազգային լիամետրաժ (խաղարկային և վավերագրական), ինչպես նաև կարճամետրաժ ֆիլմերի տարածաշրջանային մրցույթներ, իսկ արտամրցութային ծրագիրը ներառելու է «Տարածաշրջանային համայնապատկեր» մրցույթը: Մնացած ծրագրերը ոչ մրցութային են. դրանք են՝ «Երևանյան պրեմիերաներ», «Հետահայաց ցուցադրություններ», «Հարգանքի տուրք»:

Փառատոնն այս տարի կանցկացվի հուլիսի 7-14-ը:

209
թեգերը:
ֆիլմ, «Ոսկե ծիրան» կինոփառատոն
Ըստ թեմայի
Հարություն Խաչատրյանն այլևս չի զբաղեցնի «Ոսկե ծիրանի» տնօրենի պաշտոնը
«Իսկ ես պատրաստվել էի»․ ուրախ Դարեն Արանոֆսկին ջրել է «Ոսկե ծիրանի» հյուրերին
«Ոսկե ծիրանը» Գյումրիում. կցուցադրվի Արամ Խաչատրյանի մասին պատմող ֆիլմը
Վիգեն Ստեփանյան

Մահացել է դերասան Վիգեն Ստեփանյանը

608
(Թարմացված է 17:02 19.01.2021)
Վիգեն Ստեփանյանը խաղացել է տարբեր թատրոններում, բեմադրել 43 ներկայացում տարբեր երկրներում և տարբեր լեզուներով, նկարահանվել է մոտ 50 ֆիլմում։

ԵՐԵՎԱՆ, 19 հունվարի – Sputnik. 68 տարեկանում մահացել է դերասան, բեմադրիչ, ՀՀ արվեստի վաստակավոր գործիչ Վիգեն Ստեփանյանը։ Տեղեկությունը Sputnik Արմենիայի հետ զրույցում հաստատեց նրա դուստրը` Թամարա Ստեփանյանը։ Դերասանի մահվան պատճառը ուղեղի կաթվածն է։

Դուստրը նշեց, որ հայրը 4 օր կոմայի մեջ է եղել։ Այսօր առավոտյան սրտի աշխատանքը կանգ է առել, բժիշկներն ամեն ջանք գործադրել են նրա կյանքը փրկելու համար, բայց ապարդյուն։ Ժամը 12։00-ի սահմանում նա մահացել է։

Դերասանի հոգեհանգիստը տեղի կունենա Սուրբ Հովհաննես եկեղեցում հունվարի 21-ին` ժամը 18:00-ին։ 

Վիգեն Ստեփանյանը 1973 թվականին ընդունվել է Երևանի Կ․ Ստանիսլավսկու անվան թատրոնին կից դերասանական ստուդիա, որտեղ մինչև 1977 թվականն աշխատել է որպես դերասան։ 1977-1989 թվականներին որպես դերասան աշխատել է Երևանի Սունդուկյանի անվան ազգային ակադեմիական թատրոնում։ 1989 թվականին հիմնել է «Արձագանք» թատրոն-ստուդիան, որը 1991 թվականին հիմք դարձավ «Մետրո» թատրոնի, և մինչև 1994 թվականը եղել է թատրոնի գեղարվեստական ղեկավարն ու տնօրենը։ 1994-2003 թվականներին աշխատել է Լիբանանում։ 2003 թվականին վերադառնալով Հայաստան՝ նորից ստանձնել է «Մետրո» թատրոնի գեղարվեստական ղեկավարի պաշտոնը։ 2007 թվականին որպես հրավիրված դերասան և բեմադրիչ աշխատել է տարբեր թատրոններում։

2014 թվականի հոկտեմբերին Վիգեն Ստեփանյանը նշանակվել է Ալեքսանդր Սպենդիարյանի անվան օպերայի և բալետի ազգային ակադեմիական թատրոնի ռեժիսոր։

Ավելի քան 100 դեր է խաղացել տարբեր թատրոններում, բեմադրել է 43 ներկայացում տարբեր երկրներում և տարբեր լեզուներով, նկարահանվել է մոտ 50 ֆիլում, ԽՍՀՄ տարբեր ստուդիաներում, խաղացել է ավելի քան 60 հեռուստաներկայացումներում։ Երեք տարի շարունակ եղել է «Էրեբունի–Երևան» տոնակատարության գլխավոր բեմադրիչը։ Գրել և բեմականացրել է ավելի քան 10 պիես։ Նրա սցենարով նկարահանվել են երկու կարճամետրաժ և մեկ լիամետրաժ ֆիլմեր։

608
թեգերը:
Վիգեն Ստեփանյան, դերասան, Մահ, Հայաստան
Ըստ թեմայի
Մահացել է ՀՀ գյուղատնտեսության նախկին փոխնախարարը
ԱԱԾ նախկին տնօրեն Գեորգի Կուտոյանի մահվան վերաբերյալ քրգործի նախաքննությունը կասեցվել է
Անզգայացումը կարո՞ղ է մահվան պատճառ դառնալ. պարզաբանում է անեսթեզիոլոգը

Պուտինի դիմանկարը «հայտնվել» է բրնձի վրա. ի՞նչ ցանկություն ունի Տեր–Ղազարյանի ծոռնուհին

1077
(Թարմացված է 15:27 17.01.2021)
Մանրադիտակային քանդակների (միկրոքանդակագործություն) և փորագրությունների վարպետ, երաժիշտ, ՀՀ արվեստի վաստակավոր գործիչ Էդուարդ Տեր-Ղազարյանի թոռնուհին և ծոռները շարունակում են նրա գործը` ստեղծելով արվեստի եզակի գործեր, որոնք կարելի է տեսնել միայն մանրադիտակով:

Էդուարդ Տեր-Ղազարյանն իր վարպետությունը ժառանգաբար փոխանցել է թոռնուհուն և ծոռներին։ Նրանցից մեկը՝ Աննան, որը 14 տարեկանից զբաղվում է միկրոքանդակագործությամբ, սերդոլիկի վրա քանդակել է Ռուսաստանի նախագահ Վլադիմիր Պուտինի դիմանկարը և տեղադրել բրնձի հատիկի վրա:

Աննան ցանկանում է այդ դիմանկարը հայ ժողովրդի անունից նվիրել Պուտինին։

Ինչպես Չապլինն ու Քաջ Նազարը հայտնվեցին ասեղի անցքում. հրաշագործ Էդուարդ Ղազարյանի մասին

Վարպետներն իրենց աշխատանքները ներկայացրել են Հայաստանում։ Արվեստի եզակի գործերն արդեն տեսել են ավելի քան 10 հազար հայ դպրոցականներ։

1077
թեգերը:
Քանդակ, Վլադիմիր Պուտին, Ռուսաստան, Հայաստան
Ըստ թեմայի
«Դեդոն-Բաբոն»` օնլայն հերոսներ․ հուշարձանի կերպարները պատերազմին ժպիտ բերեցին մարդկանց
ԽՍՀՄ դեսպան Ճապոնիայում, նախարար, գիտնական, օդաչու. կրկին նշանավոր շուշեցիների մասին
Հավատարիմ մնալով սեփական ժողովրդին, կամ թե ինչ կնկարեր Այվազովսկին հայկական գինու շշի վրա
Յուրաքանչյուր դպրոցական մեկ տարում կկարողանա անվճար հաճախել 3 մշակութային հաստատություն
ԵԽԽՎ

ԵԽԽՎ-ն Երևանին ու Բաքվին կոչ է արել անհապաղ սկսել ռազմագերիների փոխանակումը

0
(Թարմացված է 13:33 26.01.2021)
Վեհաժողովը կոչ է արել Հայաստանին և Ադրբեջանին զերծ մնալ հռետորաբանությունից, որը խոչընդոտում է քաղաքական երկխոսությանը։

ԵՐԵՎԱՆ, 26 հունվարի - Sputnik. Եվրոպայի խորհրդի խորհրդարանական վեհաժողովը կոչ է արել որքան հնարավոր է շուտ իրականացնել Լեռնային Ղարաբաղի վերաբերյալ Հայաստանի, Ադրբեջանի և Ռուսաստանի միջև ստորագրված հայտարարության կետերը:

Այս մասին ասված է ԵԽԽՎ բանաձևում, որն ընդունվել է մոնիտորինգի հանձնաժողովի 2020 թ.-ի զեկույցի հիման վրա։

«Ինչ վերաբերում է Լեռնային Ղարաբաղի հակամարտության կարգավորմանը, ապա Վեհաժողովը կոչ է անում Հայաստանին և Ադրբեջանին` զերծ մնալ հռետորաբանությունից, որը խոչընդոտում է քաղաքական երկխոսությանը, որքան հնարավոր է շուտ իրականացնել եռակողմ հայտարարության դրույթները, որոնք վերաբերում են հումանիտար հարցերին, անհապաղ ձեռնամուխ լինել ռազմագերիների և զոհվածների մարմինների փոխանակմանը, հարգել մշակութային ժառանգությունը»,- ասված է հայտարարությունում:

Զեկույցում ԵԽԽՎ-ն իր մտահոգությունն է հայտնել հակամարտության ընթացքում մարդու իրավունքների խախտումների վերաբերյալ հաղորդագությունների ու այն պնդումների կապակցությամբ, որ ոտնձգություններ են իրականացվել կրոնական, քաղաքացիական և մշակութային հուշարձանների նկատմամբ:

Վեհաժողովն ընդգծել է, որ բոլոր խախտումները պետք է վերացվեն, իսկ մեղավորները՝ ենթարկվեն պատասխանատվության։

Փաստաթղթում նշվում է նաև Ռուսաստանի դերը ղարաբաղյան հակամարտության կարգավորման գործում։

Հավելենք, որ հրադադարի հաստատումից հետո հայկական կողմի համար առավել կարևոր խնդիր է Ադրբեջանում պահվող հայ գերիների ու պատանդների վերադարձի հարցը։ Նրանց մի մասին Բաքուն «ահաբեկիչներ» ու «վարձկաններ» է հայտարարել։

Հիշեցնենք, որ հունվարի 25-ին Ստրասբուրգում Եվրոպայի խորհրդի խորհրդարանական վեհաժողովի ձմեռային նստաշրջանի մեկնարկից առաջ Հայաստանի պատվիրակ Էդմոն Մարուքյանը բողոքի լուռ ակցիա է անցկացրել՝ փորձելով ուշադրություն հրավիրել հայ գերիների հարցի վրա։

0