Երգչուհի Արծվիկ

Ի՞նչն է ուժ տալիս հայտնի երգչուհուն. Արծվիկը ելույթ կունենա Ռուսաստանի օրվա մեծ համերգին

35
«Եվրատեսիլ 2017» մրցույթի մասնակից, երգչուհի Արծվիկը պատմել է իր հայրենի քաղաքի և մոսկովյան կենցաղի մասին։

ԵՐԵՎԱՆ, 12 հունիսի — Sputnik. Երգչուհի Արծվիկը, որի համբավն ավելի մեծացավ «Եվրատեսիլ 2017» մրցույթից հետո, կմասնակցի «Բազմազգ Ռուսաստան» փառատոնին։

Տոնական համերգը տեղի կունենա հունիսի 12–ին` Ռուսաստանի օրը, «Պոկլոննայա գոռայում»։ Փառատոնի նախաշեմին Արծվիկը «Կոմսոմոլսկայա պրավդային» պատմել է, թե ինչպես է ապրում Մոսկվայում։

«Ես Կապան քաղաքից եմ, որը իմ ուժի տեղն է, իմ հոգու հանգստությունը, իմ մանկությունը, միրգ–բանջարեղենը, շատ կանաչը և, իհարկե, լեռները», – խոստովանել է երգչուհին։

Արծվիկն ասել է, որ թեև տեղափոխվել է Մոսկվա, բայց առաջվա պես հայկական ուտեստներ է պատրաստում` օգտվելով հատուկ խանութներից ու շուկաներից։ Երգչուհին շատ է սիրում աջափսանդալ եփել։

«Երջանիկ եմ, որ հունիսի 12–ին ելույթ եմ ունենալու նման բեմում և ներկայացնելու եմ իմ երկիրը։ Երջանիկ եմ, որ ինձ երրորդ տարին է` հրավիրում են այդ տոնին, որովհետև ես միակ հայուհին եմ, որ Ռուսաստանում ժողովրդական երգեր է երգում», – նշել է Արծվիկը։

Երգչուհին ասել է` պետք է հասցնել ունկնդիրներին դուդուկի և հայկական մեղեդիների անսովոր գեղեցիկ համադրությունը։

«Շատ եմ սիրում այդ համերգը, որովհետև այդ միջոցառման ընթացքում հնչում են տարբեր մշակույթների ստեղծագործություններ։ Հետաքրքիր է և շատ լավ», – նշել է երգչուհին։

Արծվիկը նաև պատմել է, որ ինքը երաժշտական կրթություն չունի։ Նրան երգել է սովորեցրել տատիկը, որը հաճախ է հոգեցունց մեղեդիներ երգել։

Հիշեցնենք` Արծվիկը 2017թ–ին «Եվրատեսիլ» մրցույթում ներկայացրել էր «Fly with me» ստեղծագործությունը, անցել է եզրափակիչ և զբաղեցրել 18–րդ տեղը։

35
թեգերը:
երգչուհի, Ռուսաստան, Հայաստան
Ըստ թեմայի
Մինչև վերջ սիրահետել է հայ ամուսնուն. Ստոցկայան չի պատասխանել Հայաստանի մասին հարցին
Նա հիվանդ չէր, երիտասարդ էր և ուժով լի. մահացել է «Ձայնը» շոուի մասնակիցը
«Իմ լուսավոր ընկերուհի»․ Սոֆի Մխեյանը Նազենի Հովհաննիսյանի հետ նոր լուսանկար է հրապարակել