Նազենի Ղարիբյան

Նազենի Ղարիբյանն այլևս օպերայի թատրոնի կառավարման խորհրդի նախագահ չի կարող համարվել

65
(Թարմացված է 19:00 08.06.2019)
Նազենի Ղարիբյանը պաշտոնի բերումով էր ստանձնել օպերայի թատրոնի կառավարման խորհրդի նախագահությունը։

ԵՐԵՎԱՆ, 6 հունիսի — Sputnik. ՀՀ մշակույթի նախարարի նախկին պաշտոնակատար Նազենի Ղարիբյանն այլևս Ալ. Սպենդիարյանի անվան օպերայի և բալետի ազգային ակադեմիական թատրոնի կառավարման խորհրդի նախագահը չի կարող համարվել։ Այս մասին Sputnik Արմենիային հայտնեց թատրոնի տնօրենի պաշտոնակատար Կարինե Կիրակոսյանը։

«Ղարիբյանն ի պաշտոնե էր նշանակվել թատրոնի կառավարման խորհրդի նախագահ, ու հիմա, քանի որ նա այլևս փոխնախարար չէ, չի կարող զբաղեցնել այդ պաշտոնը»,–հայտնեց նա։

Նշենք, որ ՀՀ վարչապետի որոշմամբ Արայիկ Խզմալյանն է նշանակվել կրթության, գիտության, մշակույթի և սպորտի նախարարի տեղակալ։

Ինչպես արդեն հայտնել էինք, մայիսի 22-ին կայացել է օպերայի թատրոնի կոլեգիալ կառավարման մարմնի խորհրդի հերթական նիստը, որի ժամանակ թատրոնի կառավարման խորհրդի նախագահ էր ընտրվել մշակույթի նախարարի պարտականությունները կատարող Նազենի Ղարիբյանը։

Օպերայի թատրոնի արտիստները պատրաստվում էին նամակով դիմել մշակույթի նախարարություն ու պահանջել չեղարկել այդ որոշումը։

65
թեգերը:
Նազենի Ղարիբյան, Օպերայի և բալետի ազգային ակադեմիական թատրոն, Երևան, Հայաստան
Ըստ թեմայի
Նազենի Ղարիբյանը Հայաստանը կներկայացնի ԱՊՀ երկու խորհուրդներում
Կոնստանտին Օրբելյանը դատի է տվել Նիկոլ Փաշինյանին և Նազենի Ղարիբյանին
Օպերայի թատրոնի կառավարման խորհրդի նախագահ է ընտրվել Նազենի Ղարիբյանը