Արման Նավասարդյան

Ինչ արել եմ, կրկնապատկելու եմ. Սոս Սարգսյանի անվան համազգային թատրոնը նոր տնօրեն ունի

198
Սոս Սարգսյանի անվան համազգային թատրոնի տնօրենի թեկնածուները երկուսն են եղել։

ԵՐԵՎԱՆ, 30 մայիսի — Sputnik. Սոս Սարգսյանի անվան համազգային թատրոնի տնօրեն է ընտրվել թատրոնի դերասան, տնօրենի ԺՊ Արման Նավասարդյանը։ Այս լուրը Sputnik Արմենիայի հետ զրույցում հաստատեց Նավասարդյանը։

«Ընտրությանը մասնակցում էինք ես և մեր դերասաններից Ստեփան Ղամբարյանը։ Նա, սակայն, եկավ ու ասաց, որ չի կարող մասնակցել ընտրությանը, քանի որ պետք է գնա ոստիկանություն` գիշերը նրանց տունն են թալանել։ Հանձնաժողովը միաձայն կողմ է քվեարկել իմ թեկնածությանը»,–ասաց նորընտիր տնօրենը։

Նա նշեց նաև, որ թատրոնի դերասան և տնօրենի ԺՊ աշխատելու տարիներին ինչ արել է, հիմա կրկնապատկելու է դրանք ու ավելի մեծ եռանդով աշխատելու։

Հիշեցնենք, որ Համազգային թատրոնի տնօրեն Վիգեն Չալդրանյանը 2018–ի դեկտեմբերի 12-ին հանդիպել էր ՀՀ մշակույթի նախարարի պաշտոնակատար Լիլիթ Մակունցի հետ ու հրաժարականի դիմում ներկայացրել։ Մինչ այդ դերասանները բոյկոտում էին Չալդրանյանի` թատրոնի տնօրեն նշանակվելը։

198
թեգերը:
Երևանի Թատրոնի և Կինոյի ինստիտուտ (ԵԹԿՊԻ), Հայաստան
Ըստ թեմայի
Թատրոնի և կինոյի ինստիտուտը նոր ռեկտոր ունի. ուսանողները փակել են բուհի մուտքն ու ելքը
Օպերայի թատրոնի կառավարման խորհրդի նախագահ է ընտրվել Նազենի Ղարիբյանը
Օպերային թատրոնի կոլեկտիվը չի ընդունում Նազենի Ղարիբյանի ընտրությունը