Սաթենիկ Գևորգյան

Սուպերեթերաշրջանում կդառնամ ջազ երգչուհի. Սաթենիկ Գևորգյանը`«Ты супер!» նոր նախագծի մասին

176
(Թարմացված է 20:31 28.02.2019)
Sputnik–ը շփվել է «Ты супер» շոուի գյումրեցի մասնակից Սաթենիկ Գևորգյանի հետ, պարզել, թե ինչու է նա վերադարձել նախագիծ, հետաքրքրվել, թե ինչով է դեռատի երգչուհին մտադիր զարմացնելու հեռուստադիտողներին և իր երկրպագուներին։

Sputnik, Լև Ռիժկով

«Ты супер!» միջազգային նախագիծն օգնում է գտնել երիտասարդ տաղանդների, որոնք մնացել են առանց ծնողական խնամքի։ Նախագծից հետո շատ երեխաներ որոշել են դառնալ պրոֆեսիոնալ արտիստներ, գնացել են սովորելու երաժշտական քոլեջներում և ուսումնարաններում։

Նոր եթերաշրջանում «Ты супер!» նախագծի ստեղծողները որոշել են անտեսել սովորական կանոնները և թույլ են տվել նախորդ եթերաշրջանների երեխաներին մասնակցել։ Չէ՞ որ հանդիսատեսին հետաքրքիր է, թե ինչպես են դասավորվել նախորդ եթերաշրջանների մասնակիցների ճակատագրերը։ Հաջողվե՞լ է նրանց դառնալ արտիստներ։ Ինչպե՞ս է զարգացել նրանց տաղանդը։

Ուստի հանդիսատեսը կտեսնի ծանոթ դեմքեր և կլսի սիրելի դարձած ձայները։ 36 մասնակիցներն արդեն երգել են առաջին և երկրորդ եթերաշրջաններում։ 21 երեխա նախագծում ելույթ կունենա առաջին անգամ։

«Պարտվել չեմ կարողանում»

Մեկ տարի առաջ Սաթենիկ Գևորգյանը հասել է եզրափակիչ, ճանապարհին նվաճել է բազմաթիվ հանդիսատեսների սրտեր, զուգերգ կատարել Գարիկ Մարտիրոսյանի հետ։ Այս տարի Սաթին տրամադրված է կրկնել անցած տարվա հաջողությունը։

«Ուզում եմ հաղթել։ Իմ բնավորությունն է այդպիսին։ Ես պարտվել չեմ կարողանում», – խոստովանեց աղջիկը։

Երգչուհին պատմեց, որ իրականում շատ է կարոտել նախագիծը։

«Երբ անցած տարի առաջին անգամ եկա Մոսկվա, մտածեցի.«Այս ի՞նչ է։ Ինչո՞ւ եմ ես այստեղ»։ Այս տարի արդեն ամեն ինչ ծանոթ է։ Մենք մյուս մասնակիցների հետ միասին ենք ապրում։ Կարծես, քույրեր ու եղբայրներ լինենք», – պատմեց Սաթին։

Ձմեռը Մոսկվայում եղանակն ավելի խիստ է, քան Հայաստանում։ Բայց Սաթենիկը խնդրեց համերկրացիներին փոխանցել, որ իր հետ ամեն ինչ կարգին է։ Նա չի մրսել և իրեն լավ են կերակրում։

Նախագիծն օգնել է մեծանալ

Սաթին պատմեց, որ տուն վերադառնալուց հետո իրեն աստղ չի զգացել։ Այո, նրան մոտեցել են մարդիկ, խնդրել լուսանկարվել, բայց ընդհանուր առմամբ, կյանքը նույնն է մնացել։

«Ես ինձ մյուսներից վեր չեմ դասում։ Նախկինում էլ չեմ դասել։ Ամեն ինչ իմ կյանքում նույնն է մնացել։ Նույնիսկ դպրոցը։ Ես ինչպես նախկինում էի գերազանցիկ, այնպես էլ հիմա»,– ասաց Սաթին։

Միաժամանակ, Սաթին խոստովանել է, որ «Ты супер!» նախագիծն օգնել է իրեն մեծանալ։

«Քանի դեռ ես նախագծում չէի, կյանքը սև գույներով էի տեսնում։ Իսկ հիմա` հակառակը։ Ինձ թվում էր, որ հրաշքներ չեն լինում, բայց ես բեմ բարձրացա, և իմ ելույթները դիտեցին միլիոնավոր մարդիկ։ Ես ընկերացա աստղերի հետ։ Այնպես որ, պետք չէ կյանքին նայել բացառապես սև լույսի ներքո», – խոստովանեց Սաթենիկը։

Ինչպես զսպել հուզմունքը

Շատ մասնակիցների համար բարդ է եղել բեմ դուրս գալուց առաջ հուզմունքը զսպելը։

«Երբ ես հայտնվեցի նախագծում, զգացի, որ պետք չէր վախենալ, պետք է միշտ առաջ նայել։ Եվ ես հասկացա, որ հուզվում են բոլորը։ Նույնիսկ աստղերը։ Ուստի ես թույլ եմ տալիս ինձ հուզվել մեկ րոպե, իսկ հետո նույնիսկ չեմ մտածում այդ մասին», – պատմեց Սաթենիկը։

Սաթիի խոսքով` անցած տարի նա երգել է հայկական ժողովրդական երգեր, իսկ այս անգամ ջազ է երգելու։

«Դա շատ բարդ է, բայց ես կփորձեմ լավ երգել։ Ամենաբարդը նույնիսկ տեխնիկական պահերը կատարելը չէ։ Ջազը պետք է զգալ և երգել հոգով», – հաղորդեց Սաթին։

Բայց ինչպիսին էլ լինի սուպերեթերաշրջանի արդյունքը, այս տարի երգչուհու առաջ կբացվեն նոր ստեղծագործական հորիզոններ։ Ծրագրվում են առաջին տեսահոլովակի նկարահանումները, որը հետագայում կդառնա գեղարվեստական ֆիլմի մաս։ Ֆիլմի անվանումն առայժմ գաղտնիք է։ Հայտնի է միայն, որ դա սիրո մասին կատակերգություն է։

«Ты супер!» մրցույթն անցկացնում են ՆՏՎ հեռուստաընկերությունը և Sputnik միջազգային տեղեկատվական գործակալությունն ու ռադիոկայանը` ՌԴ լուսավորության նախարարության աջակցությամբ։ Սաթենիկ Գևորգյանը մասնակցել է նախագծի երկրորդ եթերաշրջանին, իսկ առաջինի ժամանակ Հայաստանը ներկայացրել են վանաձորցի Սաբինա Մանվելյանն ու գյումրեցի Անգելինա Պապիկյանը։

Հիշեցնենք` մարտի 5–ին կայանալիք պրեմիերայից առաջ Կրեմլում կկայանա մեծ բարեգործական գալա–համերգ, որին կմասնակցեն նախորդ ու ներկա եթերաշրջանների մասնակիցները։ Մասնակից երեխաների հետ բեմ դուրս կգան Իգոր Կրուտոյը, Յոլկան, Ստաս Պիեխան, Դիանա Արբենինան, Վլադիմիր Պրեսնյակովը, Եվգենյա Մարգուլիսը, Ալսուն և հայտնի այլ երգիչներ։ Կրեմլում կայանալիք համերգից ստացած ամբողջ եկամուտը կուղղվի «Ты супер!» բարեգործական հիմնադրամին, որի նպատակն է աջակցել ծնողական խնամքից զրկված պատանի տաղանդներին ու զարգացնել նրանց ստեղծագործական ներուժը։ Երրորդ եթերաշրջանը կունենա 21 նոր մրցակից 5 երկրից և 36 երեխա նախորդ եթերաշրջաններից։

176
թեգերը:
Ռուսաստան
Ըստ թեմայի
Հիասքանչ Սաթենիկ Գևորգյանը կպայքարի «Ты супер!» մրցույթի գլխավոր մրցանակի համար
Գյումրեցի Սաթենիկն ու Գարիկ Մարտիրոսյանը հուզեցին «Ты супер!»–ի ժյուրիին. տեսանյութ
Ի՞նչ է անելու գյումրեցի Սաթենիկը «Ты супер!» մրցույթից հետո. տեսանյութ
«Հայաստանի փոքրիկ երգիչներ» երգչախումբ

Հայաստանի փոքրիկ երգիչները հաղթել են «Խաղաղություն աշխարհին 2021» մրցույթում

178
(Թարմացված է 15:05 01.08.2021)
Հայ խմբավարները տաղանդավոր և աշխարհահռչակ դիրիժորների շարքում առանձնահատուկ տիտղոսների են արժանացել։

ԵՐԵՎԱՆ, 1 օգոստոսի – Sputnik. Վիեննայի հեղինակավոր «Խաղաղություն աշխարհին 2021» միջազգային երգչախմբային մրցույթի (World Peace Choral Festival 2021) գլխավոր մրցանակին է արժանացել «Հայաստանի փոքրիկ երգիչներ» երգչախումբը։ Տեղեկությունը հրապարակվել է «Հայ երգչախմբային դիրիժորների ասոցիացիա» ՀԿ–ի ֆեյսբուքյան էջում։

«Հայաստանի փոքրիկ երգիչներ» երգչախումբը մրցույթի երկրորդ փուլում 14 երգչախմբերի մեջ ճանաչվել է լավագույնն ու բացարձակ հաղթող, որի շնորհիվ «Գրան պրին» շնորհվել է Հայաստանին:

«Շնորհավորում ենք մեր սիրելի դիրիժորներին մրցույթի բազում տաղանդավոր և աշխարհահռչակ դիրիժորների շարքերում առանձնահատուկ տիտղոսների արժանանալու համար։ Սոնա Հովհաննիսյանը 1-ին փուլում արժանացել է «Գերազանց դիրիժոր» (Excellent Conductor), Անահիտ Պապայանը 2-րդ փուլում` «Գերազանց դիրիժոր» (Excellent Conductor), իսկ Տիգրան Հեքեքյանը` «Բացառիկ դիրիժոր» (Outstanding Conductor) տիտղոսի»,–նշված է գրառման մեջ։

Ի դեպ, «Հովեր» պետական կամերային ու «Արար» երգչախմբերն էլ առաջին փուլում յուրաքանչյուրն իր կարգում է ոսկե մեդալ շահել: Բացի այդ, ոսկե մեդալի է արժանացել «Գեղարդ» երգեցիկ խումբը։

 

178
թեգերը:
Հայաստան, երգչախումբ, մրցույթ
Ըստ թեմայի
«Թող թատրոնների փոխարեն իրենք միանան գյուղնախարարությանը». դերասանները ակցիա են անում
Երևանյան հնագույն քարայրը. ինչպես Հրազդանի ձորը դարձնել զբոսաշրջության կենտրոն
Կամերային երգչախումբը Սպիտակցի Հայկոյից «վա՞տն է», կամ ինչպես Հայաստանում փրկել մշակույթը
Իզաբել Բայրաքդարյանը և Կոնստանտին Օրբելյանը

Մի ուրիշ Կլեոպատրա․ Իզաբել Բայրաքդարյանը «վերակենդանացրեց» Հայաստանի մոռացված թագուհուն

416
(Թարմացված է 22:59 31.07.2021)
Կանադացի օպերային երգչուհի Իզաբել Բայրաքդարյանը Կոնստանտին Օրբելյանի ղեկավարությամբ հայկական թագուհու մասին արիաներ է կատարում Կաունասի սիմֆոնիկ նվագախմբի հետ։

ԵՐԵՎԱՆ, 31 հուլիսի - Sputnik. Ամերիկյան առաջատար  կոնսերվատորիաներից մեկի՝ Իսթմենի երաժշտության դպրոցի պրոֆեսոր Ռալֆ Պ. Լոկը «Մի ուրիշ Կլեոպատրա. Հայաստանի թագուհին» դասական ալբոմը սքանչելի է անվանել։

Ալբոմում ներկայացված են Յոհան Հասեի, Քրիստոֆ Գլյուկի և Անտոնիո Վիվալդիի արիաները՝ նվիրված հայոց թագուհուն` Տիգրան Մեծի կնոջը՝ Կլեոպատրա Պոնտացուն: Արիան Կաունասի քաղաքային սիմֆոնիկ նվագախմբի հետ կատարում է կանադացի ճանաչված օպերային երգչուհի, Operalia մրցույթի մրցանակակիր, «Գրեմմի» և «Ջունո» մրցանակների դափնեկիր հայազգի Իզաբել Բայրաքդարյանը, Կոնստանտին Օրբելյանի ղեկավարությամբ:

Томас Хэмпсон в роли Дон Жуана и Изабель Байракдарян в роли Зерлины во время генеральной репетиции оперы Вольфганга Амадея Моцарта Дон Жуан (8 августа 2006). Зальцбург
© AP Photo / KERSTIN JOENSSON
Իզաբել Բայրաքդարյանը

Ռալֆ Պ. Լոկի գրախոսությունը հրապարակվել է Artsfuse-ի արվեստի մասին առցանց ամսագրում:

Նոր ձայնասկավառակում ներկայացված բոլոր երեք օպերաները նվիրված են մի թեմայի՝ Տիգրանի (որն այդ ժամանակ արքայազն էր) և «մի ուրիշ Կլեոպատրայի» սիրուն։ Այդ սերը ամեն կերպ խոչընդոտում էր աղջկա հայրը ՝ Միտրիդատ VI-ը ։

Հոդվածում հեղինակը պատմում է դրամատիկ սոպրանոյի տեր երգչուհու հայկական ծագման մասին։ «Իզաբել Բայրաքդարյանը հայ ընտանիքի զավակ է։ Նրանք Կանադա են տեղափոխվել Լիբանանից, երբ նա դեռ դեռահաս էր։ Օպերայի սիրահարներն ամբողջ աշխարհում գնահատել են նրա արտիստիզմը, լսել նրա ձայնասկավառակները... միլիոնավոր կինոմաններ վայելել են նրա երգը «Մատանիների տիրակալը» ֆիլմում։

Ըստ երաժշտության պրոֆեսորի՝ այս սկավառակի հաճույքի համար կարելի է բազմիցս լսել։

«Հին Հայաստանի զույգի մասին արիաներն ինձ դրդեցին ավելի մոտիկից ծանոթանալ այդ հողի և ժողովրդի պատմությանը։ Հռոմեական կայսրության ժամանակ, ավելի ճիշտ՝ Տիգրան Մեծի օրոք, Հայաստանը խոշոր տերություն էր։ Մի քանի հարյուր տարի անց, Տիրիդատ III-ի (Տրդատ) օրոք, Հայաստանը դարձավ քրիստոնեությունը որպես պաշտոնական կրոն ընդունած առաջին պետությունը։ Այս կարևոր իրադարձությունը կարող է հիմք դառնալ նոր լավ օպերայի կամ ֆիլմի համար»- գրում է Ռալֆ Պ. Լոկը։

Կլեոպատրա Պոնտացին (մ. թ. ա. 110 - մ. թ. ա. 58) պոնտական արքայադուստր է, որի ծնողները Միհրդատ- VI ու նրա քույրն են՝ Լաոդիկան: (նա նաև հայտնի է որպես Կլեոպատրա Ավագ)։

Կլեոպատրան Մեծ Հայքի թագավոր Տիգրան Մեծի կինը դարձավ մ. թ. ա. 94 թվականին՝ դրանով իսկ ամրապնդելով դաշինքը Պոնտոսի և Հայաստանի միջև։ Նրանք ունեցան երեք որդի՝ Տիգրան ավագը, Զարեհը և Տիգրան կրտսերը և երկու դուստր. նրանցից մեկն ամուսնացավ պարթևական արքա Բակուր Առաջինի, իսկ մյուսը ՝ Ատրպատականի կառավարիչ Միհրդատի հետ։

416
թեգերը:
Տիգրան Մեծ, Կին, օպերա, Կոնստանտին Օրբելյան
Ըստ թեմայի
Կոնստանտին Օրբելյանը Նյու Յորքի քաղաքային օպերայի երաժշտական տնօրեն և դիրիժոր է նշանակվել
Մանսուրյանի «Քավարանը». հայ դասականը դիմել է իտալացի դասականին
Մաեստրո Մուտին Երևանում կկատարի Մանսուրյանի երաժշտությունը, ապա «կբարձրանա Արարատ»
ՔԿ

Ադրբեջանցիների կրակոցներից վնասված ավտոմեքենայի դեպքով քրեական գործ է հարուցվել

0
Հակառակորդը մի քանի օր առաջ կրակոցներ էր արձակել ՀՀ ՊՆ N զորամասի պահպանության շրջանի մարտական դիրքում շարժման մեջ գտնվող «ԶԻԼ» մակնիշի ավտոմեքենայի ուղղությամբ։

ԵՐԵՎԱՆ, 3 օգոստոսի – Sputnik. Հակառակորդի կրակոցներից վնասված ավտոմեքենայի դեպքով քրեական գործ է հարուցվել 2 հոդվածով։ Տեղեկությունը հայտնում է ՀՀ քննչական կոմիտեն` ներկայացնելով դեպքի մանրամասները։

Նշվում է, որ 2021թ. հուլիսի 31-ին` ժամը 18:30-ի սահմաններում հակառակորդի անհայտ զինծառայողները դեռևս տեսակը չպարզված հրազեններից կրակոցներ են արձակել ՀՀ ՊՆ N զորամասի պահպանության շրջանի մարտական դիրքում իր ծառայողական պարտականություններն իրականացնող, ավտոմոբիլային ջոկի ավագ վարորդ, պայմանագրային զինծառայող Ա.Պողոսյանի վարած «ԶԻԼ» մակնիշի ավտոմեքենայի ուղղությամբ։ Սակայն նրանք իրենց կամքից անկախ հանգամանքներով ապօրինաբար դիտավորությամբ կյանքից զրկելու հանցագործությունն ավարտին չեն հասցրել։ Արձակված կրակոցների հետևանքով վնասվել է վերը նշված ավտոմեքենան, որի հետևանքով զգալի չափերով նյութական վնաս է պատճառվել զորամասին: Պողոսյանը վնասվածքներ չի ստացել:

Դեպքի առթիվ ՀՀ քննչական կոմիտեի զինվորական քննչական գլխավոր վարչության ութերորդ կայազորային քննչական բաժնում ՀՀ քրեական օրենսգրքի 34-104-րդ հոդվածի 2-րդ մասի 2-րդ, 6-րդ, 13-րդ կետերով (սպանության փորձ` անձի կամ նրա մերձավորի` կապված այդ անձի կողմից իր ծառայողական գործունեության կամ հասարակական պարտքի կատարման հետ, ազգային, ռասայական կամ կրոնական ատելության կամ կրոնական մոլեռանդության շարժառիթով) և 185-րդ հոդվածի 2-րդ մասի 4-րդ կետով (ուրիշի գույքը դիտավորությամբ ոչնչացնելը կամ վնասելը, որը կատարվել է ազգային, ռասայական կամ կրոնական ատելության կամ կրոնական մոլեռանդության շարժառիթով) հարուցվել է քրեական գործ, և կատարվում է նախաքննություն։

Հիշեցնենք` հուլիսի 28-ին ադրբեջանական ԶՈւ ստորաբաժանումները հերթական անգամ դիմել էին սադրանքի և խախտել հրադադարը հայ-ադրբեջանական սահմանի հյուսիսարևելյան հատվածում: Հայաստանն ու Ադրբեջանը համաձայնել էին Մոսկվայի միջնորդությամբ դադարեցնել կրակը։

Հայկական կողմն ուներ երեք զոհ, հինգ վիրավոր։

Հուլիսի 29-ին` ժամը 03:00-ի սահմանում, հայ-ադրբեջանական սահմանի Գեղարքունիքի հատվածում, Քարվաճառի ուղղությամբ ադրբեջանական ԶՈւ ստորաբաժանումները, խախտելով նախորդ օրը ձեռք բերված` կրակի դադարեցման վերաբերյալ պայմանավորվածությունը, կրկին դիմել էին սադրանքի ու կրակ բացել հայկական դիրքերի ուղղությամբ։

Հուլիսի 29–ի լույս 30–ի գիշերը հայ-ադրբեջանական սահմանի Գեղարքունիքի հատվածում արձանագրվել են ԱԹՍ-ների՝ ՀՀ օդային տարած մուտք գործելու փորձեր։

Հուլիսի 30–ին խոցվել է Ադրբեջանի ԶՈւ սպառազինության մեջ գտնվող «Aerostar» տիպի ԱԹՍ, որի բեկորներն ընկել են Գեղարքունիքի մարզի Վանեվան գյուղից 3.5 կիլոմետր դեպի հյուսիս։

Հուլիսի 31-ին ադրբեջանցիները կրակ են բացել Երասխի ուղղությամբ, փորձել ամրաշինական աշխատանքներ կատարել, ավելի ուշ նրանք կրակել են սնունդ տեղափոխող մեքենայի վրա։

0
թեգերը:
Հայաստան, Ադրբեջան, ավտոմեքենա, կրակոց, Քրեական գործ