Քիմ Քաշքաշյան. աշխարհահռչակ ալտահար

Կեր, մարզվիր, երևակայիր. հինգ խորհուրդ աշխարհահռչակ ալտահար Քիմ Քաշքաշյանից

72
(Թարմացված է 00:42 04.12.2018)
Ամերիկահայ ալտահարը պարմանի տարիքում ելույթների ժամանակ սարսափելի հուզվում էր։ Հիմա, սակայն, 60 տասնամյակների բարձունքից կյանքին նայող արվեստագետը պատրաստ է երիտասարդ սերնդին ներկայացնել այն հնարքները, որոնք օգնում են հաղթահարել բեմական վախերը։

ԵՐԵՎԱՆ, 4 դեկտեմբերի — Sputnik. Ամերիկահայ ալտահար Քիմ Քաշքաշյանը The Strad երաժշտական ամսագրի հետ հարցազրույցում խոսել է բեմական վախերը հաղթահարելու հինգ միջոցների մասին։

Առաջին հերթին երաժիշտը հորդորում է վիզուալիզացնել առաջիկա ելույթը։

«Պետք է հասկանալ ու պատկերացնել` ինչ տեսք եք ունենալու բեմի վրա։ Նվագել հանդիսատեսի համար ու միայնակ լրիվ տարբեր բաներ են», – նշել է Քաշքաշյանը։

Ալտահարը խոստովանել է պարբերականին, որ երիտասարդ տարիներին ինքը լարվում էր, երբ ելույթ էր ունենում հանրության առաջ կամ վարպետության դասերի ժամանակ։ Նյարդային լարումը հաղթահարելու հարցում նրան օգնել է ամերիկացի դաշնակահար ու դիրիժոր Լեոն Ֆլեյշերը։

«Երբ 18 տարեկան էի, մեծն ալտահար Լեոն Ֆլեյշերն ասաց ինձ այդ գաղտնիքի մասին... Երբ գլխումդ բազում մտքեր ու գաղափարներ կան, հուզմունքի ժամանակ չի մնում», – փոխանցել է Քաշքաշյանը։

Երրորդ օրենքը փուլերով անցնելն է։ Մեծ ելույթին պատրաստվելու համար նրան առնվազն մեկ ամիս է հարկավոր։

«Ես պարապմունքների սենյակում երևակայական ծաղիկ էի տնկում ու ասում էի. «Ես կստիպեմ, որ ծաղկես, ու չեմ թողնի, որ թոռոմես», – խոստովանել է կինը։

Քաշքաշյանի կարծիքով պակաս կարևոր չէ սնունդը։ Նրա խոսքով` իր ծանոթներից մեկը ելույթից առաջ նախընտրում էր սթեյք ու կարտոֆիլ ուտել։ Հայուհու համար այդ տարբերակն անթույլատրելի է։

«Ես ուզում եմ թեթև լինել, չեմ ուզում զգալ` ինչպես է աշխատում մարսողական համակարգս, երբ ելույթ եմ ունենում։ Այնպես որ՝ լավագույն դեպքում յորգուրտ եմ ուտում»,– նշել է  արտիստը ու կոչ է արել փորձարկել ուտեստները` հասկանալու համար, թե ինչպես է ազդում այն կատարման վրա:

Նա ամփոփում է  ցանկը ֆիզիկական վարժություններով։ Քաշքաշյանը բաց չի թողնում մարզումներն ու վազքը և նույնիսկ արտակարգ իրավիճակներում սպորտով է զբաղվում։

«Եթե առավոտից համերգի եմ, ապա ելույթից առաջ կունգ ֆուով կամ թայձիով եմ զբաղվում, դա օգնումն է արյան շրջանառությանը», – խորհուրդ է տալիս կինը։

Քաշքաշյանը աշխարհահռչակ արտիստ է։ Նա նկարահանվել է Ժան Լյուկ Գոդարի  «Գերմանիա. ինը զրո ֆիլմում», ու երաժշտություն է կատարել Թեոդորոս Անգելոպուլոսի «Ուլիսի հայացքը» ֆիլմի համար։ Այդ ֆիլմը Time ամսագրի վարկածով հարյուր լավագույն ֆիլմերի ցանկում է։

72
Ըստ թեմայի
Լեգենդար կինոօպերատոր Լևոն Աթոյանցին պարգևատրել են Երևանի քաղաքապետարանի ոսկե մեդալով
Մակունց. «ՅՈւՆԵՍԿՕ-ն քոչարին ճանաչել է որպես ՀՀ ոչ նյութական մշակութային ժառանգության մաս»
«Տեղափոխել թատրոնի խոհանոցը թատրոն և բանակցել». Շահվերդյանը ներողություն է խնդրել
Աննա Մելիքյանի «տանջանքների մեջ ծնվածը» ռեկորդ է գրանցել բարեգործական աճուրդում
Դամբարան կողոպտողները. ինչպես պարսիկներին չհաջողվեց կոտրել հայերի ոգին