Հույզերի աներևակայելի լարում, երաժշտության սիրահարների հիացած դեմքեր, տոնական տրամադրությունը. մի քանի ժամով Հանրապետության հրապարակը համերգասրահի էր վերածվել։
Համերգային ծրագիրը Ֆրանկոֆոնիայի ոգով էր կազմված, այն բազմամշակույթ էր, համապատասխանում էր գագաթնաժովողի կարգախոսին՝ «Ապրել միասին»։ Այլ աստղերի շարքում բեմում փայլեց նաև աշխարհահռչակ ֆրանսիացի երգչուհի Zaz-ը։
Ելույթ ունեցավ պետական սիմֆոնիկ նվագախումբը՝ ներկայացնելով հայ կոմպոզիտորների արվեստը։ Հնչեցին հատվածներ հայ մեծ կոմպոզիտոր Արամ Խաչատրյանի երկրորդ սիմֆոնիայից, «Սուսրերով պարը»՝ ջազային մշակմամբ, «Դիմակահանդեսը», հատված Ավետ Տիգրանյանի երրորդ սիմֆոնիայից, ձկնորսների պարը Գրիգոր Եղիազարյանի «Սևան» բալետից։ Սիմֆոնիկ նվագախումբը կատարեց «Քոչարի», հնչեց նաև «Դլե Յամանը»՝ վարպետ Ջիվան Գասպարյանի կատարմամբ։
Կողք կողքի համերգը վայելում էին շարքային քաղաքացիները, հյուրերն ու բարձրաստիճան պաշտոնյաները՝ տասնյակ երկրներից։
