ԵՐԵՎԱՆ, 21 ապրիլի — Sputnik. «Մանկական Նոր Ալիք 2018» մրցույթում Հայաստանը կներկայացնի 9 տարեկան Վարդան Մարգարյանը Հրազդանից։
Tert.am Life-ի հետ զրույցում նրա պրոդյուսեր Դավիթ Բադալյանը պատմել է «Մանկական Նոր ալիք 2018»-ի հայաստանյան ներկայացուցչի` եզրափակիչ փուլում հայտնվելու և մրցույթի նախապատրաստական աշխատանքների մասին:
Դավթի խոսքով` իրենք մրցույթին մասնակցելու հայտ ներկայացրել էին նաև նախորդ տարի, բայց եզրափակիչ չէին հասել:
«Այն ժամանակ մեր մրցակիցն Անահիտ Ադամյանն էր: Նախորդ փորձից հետո մեկ տարի էլ աշխատեցինք Վարդանի հետ և որոշեցինք կրկին փորձել: Այս անգամ ստացվեց»,- ասել է Դավիթը։
Այս տարի մրցույթին Հայաստանից մասնակցության հայտ էին ներկայացրել 4 կատարող, եզրափակիչ փուլում հայտնվել է միայն Վարդանը։
Մրցույթը կանցկացվի Արտեկում, սակայն օրերը դեռ հստակեցված չեն: