ԵՐԵՎԱՆ, 11 նոյեմբերի — Sputnik, Անի Լիպարիտյան․ Երևանի թատրոնի և կինոյի պետական ինստիտուտի ուսանող Մանե Բաղդասարյանը ժամանակակից Երևանի խնդիրների մասին իր «Ադապտացիա» ֆիլմով ցնցել է ռուսական ու չինական կինոփառատոնները։
Մանեն սկսել է նկարահանել ֆիլը՝ որպես կուրսային աշխատանք, անցած տարի։ 2017 թվականին ֆիլմն ամբողջովին պատրաստ էր։ Նա սկսեց ուղարկել իր աշխատանքը տարբեր կինոփառատոնների ժյուրիների դատին։ Ու հաջողությունը ժպտաց նրան։
Երևանի վերքերը․․․
Հայաստանի մայրաքաղաքում Մանեն այն վայրերն է ընտրել, որոնք համապատասխանում են ֆիլմի տրամադրությանն ու փոխանցում այն, ինչ նա ցանկանում է պատմել հանդիսատեսին։
«Ինձ շատ դժվար է խոսել բուն ֆիլմի մասին, քանի որ խոսքը մի բանի մասին է, ինչին սովորել եմ.․․ Ես պատմում եմ այն իրողությունների մասին, որոնց մենք ադապտացվում են։ Մեր քաղաքի, նրա տարբեր անկյունների, որոնք անընդհատ փոխվում են ժամանակի ազդեցության տակ․․․ Կարծում եմ, ֆիլմում ներկայացված են բոլորի՝ փոքր քաղաքի ու մեգապոլիսների բնակիչների համար ընդհանուր բաներ»,- նշեց Մանեն։
Նրա խոսքով՝ երբ դիտում ես ֆիլմը, հասկանում ես, որ Երևանցիները շատ տարբեր են, ստեղծագործ, յուրաքանչյուրն իր կերպարն ունի, սակայն, միաժամանակ, կարելի է տեսնել, որ մարդիկ ամենուր նույնն են։
«Բոլորիս խնդիրները նույնն են։ Ամենակարևոր խնդիրը, որի մասին ուզեցել եմ անդրադառնալ ֆիլմում՝ արտագաղթն է. դա ցավոտ թեմա է, քանի որ մեծ քանակությամբ մարդիկ անընդհատ լքում են մեր երկիրը, Երևանը»,- ասաց թատերականի ուսանողը։
Եվ մեկ խնդիր էլ կա. բազմաթիվ տարեց մարդիկ, որոնք մատնված են մենակության ու անտարբերության, հավելեց աղջիկը։
«Ընդհանուր առմամբ մեր քաղաքը տխուր է դարձել, ժպտացող մարդիկ քիչ են։ Կարծում եմ, մենք պետք է լավատես լինենք։ Այս ֆիլմով ուզում էի ասել հանդիսատեսին, որ նա իրեն կողքից նայի»,- ասաց Մանեն։
Փառատոնային հաջողությունը
Մանեն իր ֆիլմն ուղարկել է տարբեր փառատոների կազմակերպիչների, այդ թվում՝ «Լուսափայլ հրեշտակ» միջազգային բարեգործական փառատոնին։
«Արդյունքն ակնհայտ է․․․ Ես երկու մրցանակ ստացա՝ «Լավագույն վավերագրական ֆիլմ» ու «Լավագույն վավերագրական դեբյուտային ֆիլմ»։ Դրա համար 50 000 ռուբլի։ Մինչ այդ ֆիլմս «Լավագույն մոնտաժ» անվանակարգում էր հաղթել Ասիայի ու Չինաստանի պատանեկան կինոփառատոնում»,- հավելեց նա։
Հայ ուսանողուհին պատմեց, որ առաջիկայում Մոսկվա է մեկնելու՝ Գերասիմովի անվան կինեմատոգրաֆիայի համառուսական պետական ինստիտուտի 37-րդ միջազգային ուսանողական կինոփառատոնին մասնակցելու ու նոյեմբերի 13-ին ներկայացնելու է իր «Ադապտացիա» ֆիլմը։
Հիմա ֆիլմն անգլերեն ու ռուսերեն է թարգմանվում, թեև դրանում երկխոսությունները քիչ են, պատմեց Մանեն։
«Լուսափայլ հրեշտակ» միջազգային բարեգործական փառատոնը ռուսական ազգային ծրագրի առաջնահերթ նախագիծն է, որի կարգախոսն է «Բարի կինոն վերադառնում է»։
Փառատոնը նպատակ ունի բացահայտել մաքուր, աստվածային ու բարի թեմաները։
