Լավաշի պար

Հայերն ու հրեաները միասին «լավաշ են թխել» լեհ հանդիսատեսի համար

62
Ուրիշի մշակույթն ու խորհրդանիշն իսրայելացի պարողները հրեաներին բնորոշ հեշտությամբ են յուրացրել։

ԵՐԵՎԱՆ, 10 նոյեմբերի — Sputnik. Հայ ու իսրայելացի դերասանները Լյուբլինի պարի փառատոնին ներկայացրել են «Լավաշ» բեմադրությունը։

Ինչպես հայտնում է Լեհաստանում Իսրայելի դեսպանատունը (որը աջակցել է բեմադրությանը), ներկայացումը բեմադրել է «Միհր» հայկական թատրոնն ու Գաբրիելա Նեյգաուզի իսրայելական թատրոնը։

Ըստ պարուսույցների մտահաղացման` այստեղ բոլորը, բառացիորեն, վառարանում են պարում։ Մոտավորապես այնպես, ինչպես կավե թոնրում լավաշն են թխում։ Այն կիսով չափ գետնի տակ է, դրա պատճառով կանայք (գյուղերում այդ աշխատանքը հենց նրանք են կատարում) ստիպած են շատ անգամ «սուզվել» թոնրի մեջ տախտակի վրայի խմորը թոնիրի ներսի պատերին կպցնելու համար։ Այդ շարժումների մեջ է դատարկության ու կույր մահվան մեջ հանուն կյանքի արվող իմաստալից աշխատանքը։

«Հայոց ջարդի պես ողբերգությունը հայերի ու այդ երկրի հրեաների պատմության մեջ մութ էջ է թողել։ Մշակույթի տարբեր դրսևորումներից ժողովուրդ է ծնվում։ Իսկ հացը կյանքի ու նորացման խորհուրդ է կրում»,– ասված է դեսպանատան հրապարակած գրառման մեջ։

Այդ կեսժամանոց ներկայացման պրեմիերան կայացել է 2015 թվականին Երևանում High Fest թատերական փառատոնի ժամանակ։

62