Ֆրանսահայ դիզայներ Թառլոյան եղբայրների «Զբոսանք Փարիզովը»` Երևանում

ԵՐԵՎԱՆ, 27 հուլիսի – Sputnik. Ֆրանսահայ դիզայներներ Գևորգ և Վարդան Թառլոյանները Օպերայի և բալետի ազգային ակադեմիական թատրոնի ճեմասրահում կազմակերպել էին XIX դարի տղամարդկանց և կանանց զգեստների ցուցադրություն ` «Զբոսանք Փաիզով» խորագրով։

«Ցուցադրությունը կոչված է պատրաստել հանդիսատեսին «Բոհեմա» ներկայացմանը։ Մենք Փարիզից պատմական զգեստներ ենք բերել, որպեսզի հանդիսատեսը կարողանա խորասուզվել անցյալ դարի բոհեմյան մթնոլորտում», – լրագրողներին ասաց դիզայներ – եղբայրներից Գևորգ Թառլոյանը։

Մոդելները զգեստները ներկայացնում էին նաև երկու դար առաջվա պարերի միջոցով։ Այն ժամանակներում առանձնահատուկ էր գնահատվում նրբագեղությունը և շարժումների սահունությունը, իսկ գեղեցիկ կեցվածքը վկայում էր լավ վարվելակերպի մասին։