Սերժ Թանկյան

Սերժ Թանկյանը սիրո խոստովանություն է արել Վիսոցկուն

14
(Թարմացված է 16:28 05.07.2017)
System Of A Down ռոք–խումբը հուլիսի 5–ին ելույթ կունենա Մոսկվայում Park Live փառատոնի շրջանակում։ Խմբի մենակատար Սերժ Թանկյանն այցելել է «Մոսֆիլմ», որտեղ ընթանում են «Կոլովրատի մասին լեգենդը» ֆիլմի նկարահանումները։ Կինոնկարի երաժշտության հեղինակը հենց Թանկյանն է։

ԵՐԵՎԱՆ, 5 հուլիսի — Sputnik. Աշխարհահռչակ երաժիշտ, System of a Dawn խմբի մենակատար Սերժ Թանկյանը խորհրդային բանաստեղծ և դերասան Վլադիմիր Վիսոցկուն հեղինակային երգի արքա է համարում։

Նա խոստովանել է, որ ուզում էր Վիսոցկու երգի քավեր–տարբերակը ձայնագրել «Կոլովրատի մասին լեգենդը» ռուսական պատմական ֆիլմի վերջին լուսագրերի համար։

«Նա իմ ամենասիրելի արտիստներից է… Նրա մեծ երկրպագուն եմ։ Այդ ֆիլմի շնորհիվ սկսեցի շատ լսել ռուսական երաժշտություն, նաև մոնղոլական, անգամ չինական։ Ես պետք է ինչ–որ կերպ ներխուժեի այդ մտավոր տարածք։ Այդ պատճառով էլ ինձ շատ դուր է գալիս ֆիլմի երաժշտության ստեղծման աշխատանքը», – «Լենտա.ռու» պարբերականի հետ զրույցում ասել է Թանկյանը։

Հայտնի ռոք–երաժշտի համար ամեն մի ֆիլմը պատմությանն անդրադառնալու, իր երաժշտական դինամիկան փոխելու, նոր բան գտնելու ու որպես երգահան զարգանալու նոր հնարավորություն է։

Թանկյանն ասել է, որ ռուսական ժողովրդական երաժշտություն նախկինում էլ է լսել, սակայն «Լեգենդ Կոլովրատի մասին» ֆիլմի համար երաժշտություն  գրելու համար սկսել է հին երգեր լսել, մտապահել ռուսական երաժշտությունը։

«Իմ սաունդթրեքը ժամանակակից ոճում է, ոչ թե ուլտրաավանդական», – ասել է նա։

Թանկյանը նշել է, որ արվեստում նախընտրում է բազմազանությունը։

Русская версия

14
թեգերը:
Սերժ Թանկյան
Ըստ թեմայի
Սերժ Թանկյանը գումար կտա Հայաստանին
Սերժ Թանկյանը ցավում է ընկերոջ մահվան համար, որը չպահեց խոստումը...
Սերժ Թանկյանը զարմացրել է իր անսպասելի լուսանկարով
Սերժ Թանկյանը արցախցի տղայի կատարմամբ SOAD–ի երգի տեսագրություն է տեղադրել
Թանկյանը գումար է հավաքում հայերի համար
Թանկյանը հորդորում է միանալ իրեն և հետևել խորհրդարանական ընտրություններին