Թիմաթի

Թիմաթի. «Հայ հանդիսատեսը երազանք է ցանկացած արտիստի համար»

28
(Թարմացված է 09:37 09.06.2017)
Հայտնի ռեփեր Թիմաթին խոստովանել է, որ դեռ երկար կհիշի Երևանում կայացած համերգը, քանի որ նրան հաջողվել է մայրաքաղաքի կենտրոնում հավաքել ավելի քան 45 հազար մարդու։

ԵՐԵՎԱՆ, 9 հունիսի — Sputnik. Թիմաթիին հիացրել է Երևանի բաց երկնի տակ կազմակերպված համերգը, որն, ի դեպ, անվճար էր։ Նա լիովին հատուցեց մայիսին չկայացած համերգից հետո «կուտակած» պարտքը։ Մայիսի 12-ին նա պետք է ելույթ ունենար Կարեն Դեմիրճյանի անվան մարզահամերգային համալիրում, սակայն այդպես էլ բեմ դուրս չեկավ։ Ավելի ուշ բացատրեց, որ տեխնիկական խնդիրներ են ծագել, այդ պատճառով էլ ելույթ չի ունեցել։

«Վերադառնալու իմ խոստումը միշտ վեր է ցանկացած հոնորարից։ Այդ պատճառով էլ 15 տարվա բեմական կարիերայիս ընթացքում ես գրեթե ոչ մի անգամ համերգ չեմ չեղարկել։ Երևան։ Այս համերգը ես երկար կհիշեմ։ Ձեզ հրավիրելով` ես մեծ թվով մարդկանց էի սպասում, սակայն չէի պատկերացնում, որ այդքան մարդու կտեսնեմ։ Ավելի քան 45 հազար։ Շնորհակալություն։ Նման մենահամերգներից հետո հասկանում ես, որ տարիներդ զուր չեն անցել։ Կարծում եմ, որ նման հանդիսատեսը երազանք է ցանկացած արտիստի համար։ Եվ վերջում շնորհակալություն իմ գլխավոր երկրպագու @tatakey-ին, քանի որ առանց նրա մասնակցության այս համերգը կկայանար հայտնի չէ երբ։ Իսկ համերգը կազմակերպվեց շատ արագ ու քաղաքի կենտրոնանան հրապարակում»,- Ինստագրամի իր էջում գրել է Թիմաթին։

Սոցցանցի օգտատերերը բաց չեն թողել հնարավորությունը և շնորհակալություն են հայտնել ռեփերին։

 

«Մենք քեզ կրկին կսպասենք, շնորհակալություն անմոռանալի զգացողությունների և տրամադրության համար», «այ սա էր համերգը, շնորհակալություն քեզ, Թիմաթի»,- գրել են նրանք։

© Sputnik. Արամ Ներսեսյան, Կարեն Եփրեմյան
Թիմաթին անվճար համերգ է տվել Հանրապետության հրապարակում

Նշենք, որ Թիմաթին համերգի ժամանակ բարձրացրեց հայկական եռագույնը, և հայ հանդիսատեսը բուռն ոգևորությամբ ողջունեց նրա այդ քայլը։

Русская версия

28