ԵՐԵՎԱՆ, 29 մայիսի — Sputnik. Ռուսաստանի վաստակավոր արտիստ, «Ոսկե Գրամոֆոն» մրցանակակիր և МУЗ ТВ ու RU TV հեռուստաալիքների երաժշտական պարգևների արժանացած Գրիգորի Լեպսը ելույթ կունենա Երևանում։
«Գրիգորի Լեպսը վերադառնում է Երևան հատուկ ծրագրով, լավագույն և ամենասիրված երգերը`կենդանի կատարմամբ»,- հայտնում են համերգի կազմակերպիչները Facebook-ի էջում։
Ռուս երգիչը Երևանում կկատարի իր ամենահայտնի «Я уеду жить в Лондон», «Рюмка водки на столе», «Самый лучший день», «Вьюга» հիթերը։
Կազմակերպիչները անկրկնելի շոու և խելահեղ էներգետիկա են խոստանում։ Լեպսի մենահամերգը տեղի կունենա 2018 թվականի փետրվարի 24-ին՝ Կարեն Դեմիրճյանի անվան մարզահամերգային համալիրում։ Երգչի նախորդ համերգը Երևանում տեղի է ունեցել 2015 թվականի նոյեմբերի 13-ին։
