ԵՐԵՎԱՆ, 4 մայիսի — Sputnik. Ռուսական Առաջին ալիքի հանրահայտ ծրագրի հաղթողներ Գևորգ և Անդրանիկ Վարդանյանները ասացին, որ հաճույքով կմասնակցեն Երևանյան կրկեսի բացման արարողությանը։
«Փոքր ժամանակ մենք ելույթ ենք ունեցել Երևանյան կրկեսում։ Շատ կցանկանայինք մեր հնարքները ցուցադրել հայ հանդիսատեսին, չէ որ մի բան է դրանք հեռուստացույցով դիտել և լրիվ այլ բան է տեսնել դա իրականում։ Շատ ենք սպասում այդ միջոցառմանը և հաճույքով ելույթ կունենանք հայրենիքում», — Sputnik Արմենիա մուլտիմեդիոն մամուլի ակումբում ասաց Գևորգ Վարդանյանը։
Նա հայտնեց, որ Երևանյան կրկեսի տնօրեն Սոս Պետրոսյանն առաջարկել է նրանց ելույթ ունենալ բացման արարողությանը։
Անդրանիկն, իր հերթին հավելեց, որ աշխարհում կան շատ հայ տաղանդավոր կրկեսի արտիստներ, պարզապես նրանց մասին քչերը գիտեն։
Ակրոբատ եղբայրները չեն բացառում, որ ապագայում դպրոց կբացեն Հայաստանում, որտեղ կմարզեն երիտասարդներին։
««Минута славы» նախագիծն այն կետը չէ, որտեղ պետք է կանգ առնել։ Չեմ բացառում, որ ապագայում մենք սեփական դպրոցը կբացենք և Հայաստանում կզարգացնենք տվյալ ուղղությունը, բայց դրա համար ժամանակ է հարկավոր», — նշեց Անդրանիկը։
Նա նաև հավելեց, որ նրանց առաջնահերթ նպատակն է մասնակցել Մոնտե-Կառլոյում կայանալիք Կրկեսի միջազգային փառատոնին։
«Մոնտե — Կառլոյի կրկեսի փառատոնն ամեն կրկեսի արտիստի համար գագաթնակետ է։ Տվյալ պահին մենք հենց դրան ենք ձգտում», — ընդգծեց Անդրանիկը։
Իրենք արդեն երեք տարի է հնարք են մշակում այդ փառատոնին մասնակցելու համար։
«Տվյալ պահին աշխարհում ոչ ոք այդ հնարքը չի անում։ Դժվար է այն բառերով նկարագրել, ավելի լավ է ուղղակի տեսնել։ Մենք համոզված ենք, որ կհասնենք մեր ուզածին», — ասաց ակրոբատը։
«Минута славы» նախագծում հաղթանակի մասին խոսելիս` Գևորգն ասաց, որ այն վստահություն տվեց իրենց և հավատ, որ իրենք ճիշտ ուղու վրա են։
«Մեր երկար տարիների աշխատանքը, վերջապես, արդյունք տվեց։ Հասկացանք, որ ժամանակն է մեր համարները ներկայացնել ոչ թե կրկեսի ասպարեզում, այլ ավելի լայն հանդիսատեսին։ Հենց դա պատճառ դարձավ այս նախագծի մասնակցության», — նշեց Գևորգը։
Братья считают, что победа в "Минуте славы" дала им оценку зрителя.
Եղբայրները կարծում են, որ հանդիսատեսի գնահատականը «Минута славы» նախագծում նրանց հաղթանակը բերեց։
