Ցուցահանդես

«Հայկական միրգ. ծաղկից մինչև պտուղ». զարդարվել է ՄԱԿ–ի երևանյան գրասենյակը

50
(Թարմացված է 19:30 21.03.2017)
Երևանում բացվել է ֆոտոլրագրող Գալուստ Նանյանի Անտառների և ծառի միջազգային օրվան նվիրված ցուցահանդեսը։

ԵՐԵՎԱՆ, 21 մարտի — Sputnik. Լուսանկարիչ և բնապահպան Գալուստ Նանյանի «Հայկական միրգ. Ծաղկից մինչև պտուղ» ցուցահանդեսը բացվեց ՄԱԿ-ի Երևանյան գրասենյակում։

Հեղինակի խոսքով` ի սկզբանե ցուցահանդեսը պետք է նվիրված լիներ Հայոց ցեղասպանության 100-ամյակին. այն պետք է դառնար կյանքի շարունակության խորհրդանիշ։

Նանյանը նշեց, որ երկիրն ու ժողովուրդը «ծաղկում են», հետևաբար, պետք է քաղել պտուղները։

Галуст Нанян
© Sputnik/ Asatur Yesayants
Գալուստ Նանյան

«Լուսանկարներն արվել են Հայաստանի գրեթե բոլոր մարզերում, ինչպես նաև մայրաքաղաքում։ Ես ուզում էի ասել, որ Երևանը ոչ միայն ասֆալտի քաղաք է, այլև այստեղ ապրում են նաև խնձորենիներ, տանձենիներ և նռնենիներ», — ասաց Նանյանը։ Նախկինում Երևանի շուրջ 30%-ը կանաչապատ էր, սակայն «Դալմայի այգիները» վերացնելուց հետո տանձի շուրջ 18 տեսակ կորցրեցինք։ Նանյանի լուսանկարները ներկայացնում են գարնան սկիզբն ու ուշ աշունը։ Հեղինակը ցանկանում էր ցույց տալ, որ ոչ միայն ծառերն են կարևոր։

  • Ցուցահանդես` «Հայկական միրգ. ծաղկից մինչև պտուղ»
    Ցուցահանդես` «Հայկական միրգ. ծաղկից մինչև պտուղ»
    Asatur Yesayants
  • Ցուցահանդես` «Հայկական միրգ. ծաղկից մինչև պտուղ»
    Ցուցահանդես` «Հայկական միրգ. ծաղկից մինչև պտուղ»
    © Sputnik/ Asatur Yesayants
  • Ցուցահանդես` «Հայկական միրգ. ծաղկից մինչև պտուղ»
    Ցուցահանդես` «Հայկական միրգ. ծաղկից մինչև պտուղ»
    © Sputnik/ Asatur Yesayants
1 / 3
Asatur Yesayants
Ցուցահանդես` «Հայկական միրգ. ծաղկից մինչև պտուղ»

«Գլխավորը ծաղիկները չեն, այլ այն պտուղները, որոնք արդյունքում առաջանում են։ Ինչպես և մարդու մեջ. ոչ թե երեխան է կարևոր, այլ թե ինչպիսի մարդ կդառնա նա ապագայում։ Ահա այս միտքն էի ուզում փոխանցել», — ասաց Նանյանը։

ՄԱԿ-ի երևանյան գրասենյակի հասարակական տեղեկատվության դեպարտամենտի ղեկավար Արմինե Հալաջյանի խոսքով, անտառների ու ծառերին պետք է հնարավորինս խնամքով վերաբերվել, որպեսզի դրանից չտուժեն բնությունն ու մարդիկ։ Հատկապես կարևոր են պտղատու ծառերը, հենց դրանք են ներկայացված ցուցահանդեսին։ Ցուցահանդեսը կտևի մինչև ապրիլի 10-ը։

Русская версия

50