Կոստանտին Օրբելյան

Ինչպես Խրուշչովը ծանոթացրեց երկու Կոնստանտիններին. Օրբելյանների ընտանիքի պատմությունը

400
(Թարմացված է 19:52 11.02.2017)
Համաշխարհային ճանաչում ունեցող դիրիժոր, Սպենդիարյանի անվան օպերայի և բալետի ազգային ակադեմիական թատրոնի գեղարվեստական ղեկավար Կոնստանտին Օրբելյանը դարձավ օպերային թատրոնի տնօրենի ժամանակավոր պաշտոնակատար: Թատրոնի վերածնունդը Հայաստանում կապում են հենց մեծ ռեժիսորի անվան հետ:

Իր ստեղծագործական ուղու, ընտանիքի պատմության, կորցրած հորեղբոր և մի շարք այլ բաների մասին Օրբելյանը պատմեց Sputnik Արմենիային: Զրուցել է Լաուրա Սարգսյանը:

- Ինչպե՞ս ստացվեց, որ Դուք սկսեցիք երաժշտությամբ զբաղվել դեռ չորս տարեկանից:

— Սան Ֆրանցիսկոյի մեր տուն էր գալիս մի ռուս ուսուցչուհի, որը պարապմունքներ էր անցկացնում ավագ քրոջս և եղբորս հետ: Այն ժամանակ ես չորս տարեկան էի և նրանց ամեն դասից հետո, ես նստում էի դաշնամուրի առջև ու վերարտադրում այն, ինչ նրանք նվագում էին: Ծնողներս սկսեցին մտածել, որ երաժշտությունը պետք է ես ուսումնասիրեմ, ոչ թե եղբայրս ու քույրս: Այդպես էլ ես սկսեցի զբաղվել երաժշտությամբ, որն ինձ հեշտությամբ էր տրվում: Ծնողներս, թեև պրոֆեսիոնալ երաժիշտներ չէին, գոհ էին ինձանից, նրանց հաճելի էր տեսնել ինձ դաշտամուր նվագելիս: Երաժշտությամբ մեր տանը զբաղվում էր հորեղբայրս` ավագ Կոնստանտին Օրբելյանը: Ինձ նրա անունով են կոչել:

- Ե՞րբ սկսեցիք գիտակցել, որ հենց երաժշտությունն է Ձերը:

— Ես միշտ էլ գիտեի, որ իմ կոչումը երաժշտությունն է: Ի դեպ, հենց երաժշտությունն էլ ինձ Խորհրդային Միություն տարավ, որտեղ ես որպես դաշնակահար 25 համերգ ունեցա: Դրանցից առաջինը տեղի ունեցավ Երևանում, 1989 թվականի սեպտեմբերին, դիրիժոր Լորիս Ճգնավորյանի ղեկավարած ֆիլհարմոնիկ նվագախմբի հետ: Մենք նվագում էինք Արամ Խաչատրյանի համերգը:

Դա կարևոր իրադարձություն դարձավ իմ կյանքում. մի կողմից Երևանում հավաքվեցին ծնողներս, հորեղբայր, տատիկս, մյուս կողմից` հուզիչ էր անցյալ վերադառնալ, չէ որ ես որոշ ժամանակ (1970 թվականին) սովորել եմ Կոմիտասի անվան Երևանի պետական կոնսերվատորիայում՝ Յուրի Հայրապետյանի մոտ (ԽՍՀՄ ժողովրդական արտիստ — խմբ.): Հետագա համերգներն անցկացվեցին միության մյուս քաղաքներում` Թբիլիսիում, Մոսկվայում, Պետերբուրգում, Ռիգայում, Վիլնյուսում, Սիբիրում:

90-ականների սկզբին ջութակահար Անդրեյ Կորսակովը հրավիրեց ինձ Մոսկվայի կոնսերվատորիայի Մեծ դահլիճ՝ ԽՍՀՄ պետական կամերային նվագախմբի հետ նվագելու Շոստակովիչի համերգը: Այն տեղի ունեցավ 1990 թվականի դեկտեմբերի 1-ին: Սակայն ցավոք, վեց շաբաթ հետո մահացավ Անդրեյ Կորսակովը, և ինձ առաջարկեցին զբաղեցնել նրա տեղը` դառնալ ԽՍՀՄ պետական կամերային նվագախմբի գլխավոր դիրիժոր և գեղարվեստական ղեկավար:

Սա աննախադեպ իրադարձություն էր ԽՍՀՄ երաժշտական աշխարհում, քանի որ Մշակույթի նախարարությունն առաջին անգամ էր այդ պաշտոնում հաստատում օտար երկրից եկած դիրիժորի թեկնածությունը: Նվագախմբի հետ ես համագործակցեցի 19 տարի` մինչև 2009 թվականը: Հետո թողեցի այդ աշխատանքն ու սկսեցի ղեկավարել Մոսկվայի մեկ այլ նվագախումբ: 2012 թվականին, Լիտվայում տված համերգից հետո, ես ղեկավարեցի Կաունասի նվագախումբը (քաղաք Լիտվայում — խմբ.): Գեղամ Գրիգորյանի (հանրահայտ տենոր — խմբ.) մահից հետո ինձ առաջարկեցին զբաղեցնել նրա պաշտոնը և դառնալ Սպենդիարյանի անվան օպերայի և բալետի ազգային ակադեմիական թատրոնի գեղարվեստական ղեկավարը:

- Դուք ավելի շատ դիրիժո՞ր եք, թե՞ դաշնակահար:

— Ես երաժիշտ եմ: Այսօր ավելի շատ զբաղվում եմ դիրիժորությամբ, քան նվագում եմ, դաշնակահարի իմ որակավորումն անցյալում է: Որոշ ժամանակ առաջ Մեքսիկայից եմ վերադարձել, որտեղ համերգներ եմ ունեցել աշխարհի ամենահայտնի մեցցո սոպրանոյի` Էլինա Գարանչայի հետ:

- Պատմե՛ք, խնդրում եմ, Ձեր ընտանեկան պատմությունը՝ կապված Ձեր հորեղբոր՝ ավագ Կոստանտին Օրբելյանի հետ:

— 20-րդ դարի 30-ականներին հայրս, տատիկս, պապիկս և հորեղբայրս Բաքվում էին բնակվում: Պապիս ձերբակալել էին 1936 թվականին, իսկ տատիս` 1938-ին: 1938 թվականին պապիկիս գնդակահարեցին Լուբյանկայում, իսկ տատիկս 10 տարի նստեց՝ նախ Ալժիրում` Ղազախստանի ՀԴԿԱՃ-ում (հայրենիքի դավաճանների կանանց Ակմոլենսկի ճամբար), այնուհետև նրան տեղափոխեցին ԷնԿաՎեԴե-ի ճամբար, որը գտնվում էր Կարելիայի Մեդվեժեգորս քաղաքում: Երկրորդ համաշխարհային պատերազմի ժամանակ հորս ռազմաճակատ տարան:

Շուտով նա գերի ընկավ գերմանացիաների մոտ, իսկ պատերազմից հետո ամերիկյան բանտում հայտնվեց, որտեղ նրան առաջարկեցին ԱՄՆ մեկնել: Շատ տարիներ անցան, նամակագրվելու հնարավորություն չկար, հայրս իր հարազատների ճակատագրի մասին ոչինչ չգիտեր:

1956 թվականին ծնողներս հայտնվեցին Սան Ֆրանցիսկոյում՝ խորհրդային կինոյի փառատոնին, որտեղ ցուցադրում էին «Սիրտը երգում է» ("Сердце поет") ֆիլմը` հուզիչ պատմություն երգիչ Արթուր Այդինյանի մասին: Ֆիլմում մի դրվագ կա, որտեղ երիտասարդ դիրիժորի են ցույց տալիս. հանկարծ մայրս դիմում է հորս ու ասում. «Գարիկ, ինձ թվում է՝ սա քո եղբայրն է»: Հայրս երիտասարդ և վայելչակազմ դիրիժորի մեջ չճանացեչ եղբորը, չէ որ նա վերջին անգամ տեսել էր նրան 10 տարեկանում, իսկ հիմա նրա առջև՝ էկրանին, ֆրակ հագած երիտասրադ տղամարդ էր: Հետագայում պարզվեց, որ Կոնստանտին Օրբելյանը ոչ միայն դիրիժորի դեր էր խաղում ֆիլմում, այլև Ալեքսանդր Հարությունյանի (խորհրդային հայ կոմպոզիտոր — խմբ.) հետ միասին հեղինակել էին ֆիլմի երաժշտությունը:

Հայրս սկսեց անանուն նամակներ գրել իրենց հին Բաքվի հասցեով, և ինչ-որ մեկը նամակը փոխանցել էր տատիկիս: 1959 թվականին Սան Ֆրանցիսկո ժամանեց Նիկիտա Սերգեևիչ Խրուշչովը (ԽՄԿԿ առաջին քարտուղար խմբ.), հայրս ինչ-որ կերպ կարողացավ նրա մոտ ընդունելության գնալ, որտեղ ծանոթացավ քաղբյուրոյի անդամ Ֆրոլ Կոզլովի հետ: Նրանք զրուցեցին և զրույցի ընթացքում Կոզլովը զարմացած հարցրեց հորս. «Ռուսերենին շատ լավ եք տիրապետում, որտեղ եք սովորե՞լ», ինչին ի պատասխան հայրս ասաց. «Այնտեղ, որտեղ և Դուք»:

Հայրս պատմեց նրան իր պատմությունը: Դա ԽՄԿԿ 20-րդ համագումարից հետո էր, այսպես կոչված «խրուշչովյան ձնհալի» ժամանակաշրջանում: Հայրս ասաց, որ ցանկանում է տեսնել մորը, ինչին ի պատասխան ասացին, որ նա առանց որևէ խոչընդոտի կարող է ԽՍՀՄ մուտք գործել:

Սակայն հայրս ուզում էր, որ մայրը կողքին լինի, տեսնի թե ինչպես է նա ապրում ԱՄՆ-ում: Արդեն երեք ամիս անց հայրս դիմավորեց տատիս Սան Ֆրանցիսկոյում: Այսպես միավորվեց մեր ընտանիքը: Սակայն հորեղբորս` Կոնստանտինին, հայրս տեսավ միայն 1970 թվականին: Վերջին անգամ հայրս նրան տեսել էր 1941 թվականին, Բաքվի երկաթուղային կայարանի կառամատույցում, երբ հայրիկին բանակ էին տանում:

- Կարո՞ղ եք մտաբերել ավագ Կոնստանտին Օրբելյանի տված խորհուրդը: Ո՞րն է ամենից լավ հիշվել:

— Հորեղբայրս ինձ շատ խորհուրդներ է տվել, սակայն հիշվել է հետևյալը. պետք է միշտ լավ մասնագիտական պատրաստվածություն ունենալ, անողոք լինել փորձերի ժամանակ և բարի՝ համերգների (ծիծաղում է):

- Երաժշտի մասնագիտության մեջ, ո՞րն է ամենադժվարը:

— Ազնիվ և անկեղծ մնալը, և ուրիշին չնմանակելը:

- Ինչպե՞ս եք անցկացնում Ձեր հանգիստը:

— Ես գրեթե ազատ ժամանակ չունեմ: Իմ հանգիստն` իմ աշխատանքն է, և ինձ դուր է գալիս կանոնավոր աշխատելը, ինչ-որ բանի հասնելը, ծրագրելը: Ես շատ պլաններ ունեմ, այդ թվում՝ հյուրախաղերի հետ կապված: Եթե մարդն անում է այն, ինչը նրան դուր է գալիս, նա կարիք չունի պարզապես ծովափին նստելու: Թեև դա էլ կարևոր է: Ամռանն անպայման կմեկնեմ հանգստանալու… մեկ շաբաթով (ծիծաղում է):

 

Русская версия

 

400
Սերգեյ Սմբատյան

Կորոնավիրուսը չի խանգարի․ Երևանում 18-օրյա առցանց երաժշտական փառատոն կանցկացվի

72
(Թարմացված է 17:07 09.07.2020)
Մոտ երկու տասնյակ սիմֆոնիկ և կամերային համերգներ կլինեն, մենակատարները հանրահայտ ստեղծագործություններ կնվագեն, բոլորի ելույթները կտեսաձայնագրվեն Կարեն Դեմիրճյանի անվան մարզահամալիրում։

ԵՐԵՎԱՆ, 9 հուլիսի — Sputnik. Հուլիսի 10-28-ը Երևանում կկայանա «Music 20» առցանց միջազգային փառատոնը։ Լրագրողների հետ զրույցում տեղեկությունը հայտնեց Հայաստանի պետական սիմֆոնիկ նվագախմբի գեղարվեստական ղեկավար և գլխավոր դիրիժոր Սերգեյ Սմբատյանը։ Փառատոնի շրջանակում 19 սիմֆոնիկ և կամերային համերգ տեղի կունենա, ավելի քան 20 մենակատար հանդես կգան հանրահայտ դասական ստեղծագործություններով։ Նրանց բոլորի ելույթները տեսաձայնագրվելու են Կ. Դեմիրճյանի անվան մարզահամերգային համալիրում։

Համալիրի տնօրեն Կարեն Ղազարյանը հայտնեց, որ, չնայած կորոնավիրուսի պատճառով այլ երկրներում միջոցառումները հանված են, Հայաստանում կարողանում են մեծամասշտաբ միջոցառում կազմակերպել` անվտանգության բոլոր կանոնները պահելով։

Ուշ, բայց ոչ ուշացած. Մհեր Մկրտչյանին շնորհվեց «Գյումրու պատվավոր քաղաքացի» կոչումը

«Հուսով եմ, որ բոլորը կոգևորվեն այս փառատոնից: Մենք բոլոր դժվարությունները հաղթահարելով՝ կարողացանք սա կազմակերպել», - ասաց Ղազարյանը։

Սմբատյանի խոսքով՝ ամեն օր տարբեր դիրիժորներ կլինեն, տարբեր մենակատարներ և տարբեր երաժշտություն:

«Աշխարհում չկա որեւէ այլ փառատոն, որը մեկնարկում է այսքան խիտ ծրագրով և այսքան հանրահայտ արտիստներով», - նշեց Սմբատյանը։

Երևանի ռուսական թատրոնը բաց հարթակների համար նախատեսված ներկայացումներ է բեմադրում

Փառատոնին մասնակցելու են հայտնի երաժիշտներ Գլորիա Քամփաները, Վերոնիկա Ջովեան, Մարիուս Ստրավինսկին, Իգոր Ֆյոդորովը, Նիկիտա Մնդոյանցը, Հայկ Մելիքյանը, Անդրեյ Գուգնինը, Դմիտրի Յաբլոնսկին, Գևորգ Հակոբյանը և այլք։

Սունդուկյանի անվան թատրոնին 120 մլն դրամ է տրամադրվել. ինչ խնդիր կլուծվի թատրոնում

Փառատոնի հովանավորն է Մշակույթի աջակցման եվրոպական հիմնադրամը։

72
թեգերը:
փառատոն, Համերգ, Սերգեյ Սմբատյան, Հայաստան
Ըստ թեմայի
Փարաջանովի «Նռան գույնը» ներառվել է խորհրդային կարևորագույն ֆիլմերի ցանկում
«Մայրիկի», «Արարատի», «Կտոր մը երկնքի» ստեղծողները և ոչ միայն․ 5 հայ հանճարեղ ռեժիսորները
Սիմոն Աբգարյանը միանգամից երեք մրցանակ է ստացել «Մոլիեր» մրցանակաբաշխության ժամանակ
Դմիտրի Պեսկով. արխիվային լուսանկար

Կրեմլը մեկնաբանել է Թուրքիայում գտնվող Սուրբ  Սոֆիայի տաճարի կարգավիճակի հարցը

231
(Թարմացված է 15:58 06.07.2020)
ՌԴ նախագահի մամուլի քարտուղար Դմիտրի Պեսկովը նշել է, որ Սուրբ Սոֆիայի տաճարը ոչ միայն հոգևոր, այլ նաև զբոսաշրջային արժեք է։

ԵՐԵՎԱՆ, 6 հուլիսի –Sputnik. Կրեմլում հույս ունեն, որ Թուրքիայի իշխանությունները Սուրբ Սոֆիայի տաճարի կարգավիճակի մասին հարցի որոշման ժամանակ հաշվի կառնեն այդ սրբավայրի նշանակությունը։ ՌԻԱ Նովոստիի փոխանցմամբ` լրագրողների հետ զրույցում հարցն այսօր այսկերպ է մեկնաբանել Ռուսաստանի նախագահի մամուլի քարտուղար Դմիտրի Պեսկովը։

Ավելի վաղ Թուրքիայի նախագահ Ռեջեփ Թայիփ Էրդողանն իր օգնականներին հանձնարարել էր ուսումնասիրություն անցկացնել` նպատակ ունենալով Սուրբ Սոֆիայի տաճարը նախապատրաստել այն պաշտոնապես մզկիթի վերափոխելու համար։

Պեսկովը նշել է, որ Կրեմլը չի կարող մեկնաբանել բուն որոշումը, քանի որ դա Թուրքիայի ներքին գործն է։  Նա հիշեցրել է, որ այդ հարցով իր կարծիքն արդեն իսկ  հայտնել է ռուսական ուղղափառ եկեղեցու առաջնորդը, ինչպես նաև փոխարտգործնախարարը։

«Կարող եմ միայն ասել, որ, անկասկած, մենք հույս ունենք, որ Սոֆիայի կարգավիճակը` որպես համաշխարհային ժառանգության օբյեկտ, հաշվի կառնվի», –լրագրողներին ասել է Պեսկովը։

Սուրբ Սոֆիան ուզում են մզկիթ դարձնել. հայ ճարտարապետի վերականգնած գմբեթի տակ նամազ կհնչի՞

ՌԴ նախագահի մամուլի քարտուղարը նաև նշել է, որ հոգևոր արժեքից բացի, տաճարն ունի կարևոր զբոսաշրջային նշանակություն։ Պեսկովը հիշեցրել է, որ Սուրբ Սոֆիայի տաճարը սիրված համաշխարհային գլուխգործոց է բոլոր երկրների զբոսաշրջիկների համար, այդ թվում` Ռուսաստանի։

Ֆրանսիայի և ԱՄՆ–ի արտգործնախարարությունները արդեն կոչ են արել Թուրքիայի ղեկավարությանը հրաժարվել Սուրբ Սոֆիայի տաճարը մզկիթ դարձնելու ծրագրից։

Մոսկվայի և Համայն Ռուսիո պատրիարք Կիրիլն իր հերթին խորը մտահոգություն է հայտնել  Սուրբ Սոֆիայի տաճարի թանգարանային կարգավիճակը վերանայելու վերաբերյալ որոշ թուրք քաղաքական գործիչների կոչերի հետ կապված։ Նա հայտարարել է, որ «Սուրբ Սոֆիային սպառնացող վտանգը ողջ քրիստոնեական քաղաքակրթությանը սպառնացող վտանգ է»։

Թրամփին վատություն անել և սուրբ Սոֆիան վերածել մզկիթի. Էրդողանն իր ամպլուայի մեջ է

231
թեգերը:
Ռեջեփ Թայիփ Էրդողան, մզկիթ, Սուրբ Սոֆիայի տաճար, Թուրքիա, Դմիտրի Պեսկով, Կրեմլ
Ըստ թեմայի
Ինչ է կատարվում Երևանի «Կապույտ մզկիթի» դռներից այն կողմ. լուսանկարներ
Բաբայան. «Արցախում որևէ մզկիթ չի պղծվել»
Քրիստոնեական Հայաստանի իսլամական սիրտը․ ինչո՞վ է հայտնի Երևանի Կապույտ մզկիթը
Արման Թաթոյան

Ադրբեջանը կիրառել է մարդուն խոշտանգող ու անվերականգնելի վնաս հասցնող հրետանային արկեր. ՄԻՊ

14
(Թարմացված է 22:26 15.07.2020)
ՄԻՊ-ը հայտարարեց, որ մասնագետների հետ ուսումնասիրելու են նաև այդ զինատեսակների՝ միջազգայնորեն արգելված լինել-չլինելու հարցը:

ԵՐԵՎԱՆ, 15 հուլիսի – Sputnik. Տավուշի մարզի Մովսես գյուղի հարևանությամբ Ադրբեջանի կողմից հուլիսի 12-ին իրականացրած հրետակոծությունների մասին առաջին ահազանգը ՀՀ ՄԻՊ գրասենյակը ստացել է կրակոցների մեկնարկից րոպեներ անց: Այս մասին Տավուշի մարզում կայացած ճեպազրույցում լրագրողներին հայտնեց ՀՀ ՄԻՊ Արման Թաթոյանը:

Ադրբեջանական կրակոցների հետքերը Այգեպարում. տեսանյութ

«Ես, իհարկե, անմիջապես հրատապ հարցմամբ դիմեցի ՀՀ պաշտպանության նախարարին, մենք ունեցանք քննարկում, նախարարը հաստատեց և մենք սկսեցինք մեր միջազգային գործընկերներին զեկույցներ ներկայացնելու ուղղությամբ աշխատանքներ տանել»,- ասաց Թաթոյանը:

Ավելի ուշ պաշտպանն ու նրա աշխատակազմը մեկնեցին Տավուշ ու դիտարկումները արեցին հրետակոծության ենթարկված Բերդ քաղաքում:

«Այստեղ հրետակոծության էր ենթարկվել «Տավուշ տեքստիլը», ինչպես նաև Երևանի կոնյակի գործարանի մասնաճյուղը: Պետք է ասեմ, որ սա հատկապես մտահոգիչ ու խիստ դատապարտելի է, որովհետև «Տավուշ տեքստիլն» արտադրում է բժշկական դիմակներ: COVID-19-ի պայմաններում հարցն ակնհայտ մարդասիրական դաշտում է ու միջազգային մարդասիրական իրավունքի նորմերի խախտման»,- ասաց պաշտպանը:

Պաշտպանը նշեց` քանի որ բնակչության հետ շփումներից պարզ է դարձել, որ հակառակորդը կիրառել է ԱԹՍ-ներ, դա մեզ հիմք է տալիս պնդելու, որ ադրբեջանական կողմը նախապես տեղյակ է եղել, որ այդտեղ ոչ ռազմական օբյեկտ է, և այն էլ՝ առողջապահական դիմակներ արտադրող: Իսկ քանի որ հրետակոծությունը տեղի է ունեցել ցերեկային ժամին, դա իր հերթին հիմք է տալիս ենթադրելու, որ խոսքը թիրախային հարվածներ հասցնելու մասին է։ 

«Մեր դիտարկումներով` ակնհայտ էր վտանգը՝ անմիջական վնաս պատճառելու քաղաքացիական բնակչության կյանքին ու առողջությանը»,- ասաց Թաթոյանը:

Ինչ վերաբերում է գյուղերի ուղղությամբ արձակված արկերին, Թաթոյանը շեշտեց, որ կիրառվել են այնպիսի հրետանային արկեր, որոնք ներսից պայթում են, բեկորների վերածվում ու կարող են կյանքի ու առողջության համար ակնհայտ վտանգ ներկայացնել:

«Դրանք ունեն նաև մարդուն խոշտանգման ու անվերականգնելի վնաս հասցնելու հատկություններ»,- ասաց պաշտպանը:

Նման արկերից մեկը Ներքին Կարմիրաղբյուր գյուղում բնակելի տունը վերածել է փլատակների:

ՄԻՊ-ը հայտարարեց, որ մասնագետների հետ ուսումնասիրելու են նաև այդ զինատեսակների՝ միջազգայնորեն արգելված լինել-չլինելու հարցը:

Ի՞նչ է ակնկալում Հայաստանը Ադրբեջանի ղեկավարությունից. Զոհրաբ Մնացականյանի հարցազրույցը

Իսկ Չինարիում բնաելի տան բակում ընկած չպայթած արկը, Թաթոյանի խոսքով, հնարավորությւն կտա ավելի մանրամասն ուսումնասիրելու կիրառված արկերի ողջ տեսականին:

Մեկ այլ տուն արկի պայթյունի հետևանքով ամբողջությամբ հրդեհվել է:

Թաթոյանը շեշտեց, որ ի տարբերություն Ադրբեջանի, հայկական տարածքում բնակավայրերին մոտ ռազմական կրակակետեր երբևէ չեն տեղադրվում, ուստի Ադրբեջանը խաղաղ բնակչության նկատմամբ իր ոտնձգությունները չի կարող ներկայացնել իբրև պատահականության հետևանք:

Թաթոյանը հիշեցրեց, որ հայկական կողմն արդեն Ադրբեջանի գյուղերի անմիջական հարևանությամբ տեղակայված նման կրակակետերի կադրեր է հրապարեկել ու հիշեցրեց, որ նույն գործելակերպին ականատես է եղել նաև 2016թ.-ին Արցախի շփման գծի հարևանությաբմ գտնվող ադրբեջանական գյուղերում:

Ի՞նչ է կատարվում հայ–ադրբեջանական սահմանագոտում. ՊՆ–ն նոր տեղեկություն է հայտնում

«Դրանով փորձ է արվում Հայաստանի հնարավոր պատասխանի դեպքում ցույց տալ, թե քաղաքացիական բնակչությանը վնաս է հասցվում»,- ասաց Թաթոյանը՝ նշելով, որ հարցն այս դիտակետից ևս ներկայացնելու է միջազգային կառույցներում:

Պաշտպանը նշեց, որ մի քանի միջանկյալ զեկույցներ միջազգային կառույցներին արդեն ուղարկվել են: Նախատեսվում է առաջիկայում ավելի մանրամասն փաստերով նոր համապարփակ զեկույցներ ներկայացնել:

14
թեգերը:
Հայաստան, Արման Թաթոյան, ՀՀ ՄԻՊ, հայ-ադրբեջանական, ադրբեջանցի, Ադրբեջան
Ըստ թեմայի
Չպայթած արկ` Տավուշի գյուղերում. Արծրուն Հովհաննիսյանը լուսանկար է հրապարակել
Հայաստանի մարդու իրավունքների պաշտպանը Տավուշի մարզում է
Սահմանամերձ գյուղերը կապահովվեն տեսահսկման, հատուկ կապի ու շչակային իրազեկման համակարգերով