Ֆիլմ

2016 թվականի վատագույն ֆիլմերը

26
Business Insider պարբերականը կազմել է 2016-ի վատագույն ֆիլմերի ցանկը։ Վարկանիշը կազմելիս պարբերականն օգտվել է Metacritic կայքում հրապարակված գրախոսականների ցուցանիշներից։

ԵՐԵՎԱՆ, 9 դեկտեմբերի — Sputnik. 2016 թվականի վատագույն ֆիլմերի առաջին հորիզոնականում ամերիկացի ռեժիսոր Բարի Զոնենֆելդի «Ինը կյանք» կատակերգությունն է, որում խաղում է Քևին Սփեյսին։ Ֆիլմը 100-ից 11 միավոր է ստացել։

Երկրորդ տեղում է հայտնվել «Անտանելի լեդիներ» ֆիլմը, որի գլխավոր դերերում հանդես են գալիս Ջուլիա Ռոբերթսն ու Ջենիֆեր Էնիսթոնը։ Այս ցանկի երրորդ հորիզոնականում «Թեթևաբարո պապիկ» ֆիլմն է՝ Ռոբերտ դե Նիրոյի ու Զակ Էֆրոնի մասնակցությամբ։

Առաջին տասնյակում են ընդգրկվել նաև «Նորմն ու Անպարտելիները» անիմացիոն ֆիլմը, «Մաքս Սթիլ» գիտաֆանտաստիկ ֆիլմը, «Մերկ պղպեղներ» կատակերգությունը, «Ծառերի ծով» դրաման՝ Մեթյու Մաքքոնահիի ու Նաոմի Ուոթսի մասնակցությամբ, «Եգիպտոսի աստվածները» մարտաֆիլմն ու «Զոհվածը» սարսափ- ֆիլմը։

Վարկանիշը եզրափակում է «Ալիսան հայելիների աշխարհում» ֆիլմը, որում նկարահանվել են Ջոնի Դեպպը, Միա Վասիկովսկան, Հելենա Բոն Քարթերը, Էնն Հեդուեյը և Սաշա Բարոն Քոհենը։

26