«Գրական ընթերցումներ» նախագծի մասնակիցները

Գրական երեկո Երևանում. ճանապարհ երիտասարդներին

39
(Թարմացված է 14:56 06.12.2016)
Երևանում, Մոսկվայի տանը, ռուսալեզու հեղինակների մասնակցությամբ տեղի ունեցան գրական ընթերցումներ։

ԵՐԵՎԱՆ, 6 դեկտեմբերի — Sputnik. «Գրական ընթերցումներ» նախագիծը պատահական չի ծնվել։ Դրա ստեղծման հետ կապված մտքերն ու գաղափարները երկար են հասունացել։ Այդ մասին Sputnik Արմենիային տված հարցազրույցում ասաց Երևանում «Մոսկվայի տուն» մշակութային-գործարար կենտրոնի գլխավոր տնօրեն Արմինե Թութունջյանը։

Նրա խոսքով` գաղափարը վաղուց կար, և միայն 2015թ-ին «Մոսկվայի տունը» նախագիծը իրականություն դարձրեց այն`նվիրելով Ռուսաստանի Գրականության տարվան ։

«2015թ-ին առաջին անգամ մեր ծրագրում ընդգրկեցինք «Գրական երեկո» միջոցառումը։ Երեկոյի ընթացքում հնչում են Հայաստանում ապրող և «Մոսկվայի տան» տանիքի տակ հավաքված հայ ու ռուս գրողների, բանաստեղծների ընթերցանությունները ։ Անցած տարի ծրագիրը լավ ընթացք ունեցավ։ Ոգևորվելով արդյունքներից` մենք որոշեցինք կազմակերպել հերթական գրական ընթերցանությունը։ Հուսով ենք, որ այն բարի ավանդույթ կդառնա, և նախագիծը երկարաժամկետ կլինի», — ասաց Թութունջյանը։

Նա հավելեց, որ միջոցառումներն ավելի հաճախ տեղի կունենան «Մոսկվայի տանը», ինչը գրողներին հիանալի հնարավորություն կտա հայտարարել իրենց և իրենց արվեստի մասին, քանի որ բոլոր ռուսալեզու հեղինակները չէ, որ հնարավորություն ունեն հրապարակել իրենց ստեղծագործությունները։

«Մոսկվայի տան» տնօրենը որոշել է պահպանել ինտրիգը և չբացահայտել ապագա նախագծի հետ կապված բոլոր գաղտնիքները։

«Լավ է, որ նախագիծը տարիքային սահմանափակում չունի։ Ուզում ենք այնպես անել, որպեսզի երիտասարդ հեղինակները չխամրեն երկար տարիների փորձ ունեցող ավագ սերնդի ֆոնին»,- նշեց Թութունջյանը։

Ընթերցանության մասնակիցներից մեկը` Բելլա Էրիվանը Ռուսաստանից, պատմեց նման նախագծերի մասին, որոնք նա իրագործում է Մոսկվայում։

«Ես Մոսկվայում իրականացնում եմ «Գրականության դասեր» անվանումով նախագիծը։ Հավաքում եմ տարբեր մասնագիտությունների տեր մարդկանց, որոնք արտասանում են ինչպես դասականների ստեղծագործություններն, այնպես էլ իրենց»,- ասաց Բելլան` հավելելով, որ գրում է դպրոցական տարիքից։ Սկսել է փոքր նոթերից, շրջապատի մասին դիտողություններից, իսկ հետո լրջորեն զբաղվել է գրական գործունեությամբ։

Бэлла Эриван
© Sputnik/ Ани Липаритян
Բելլա Էրիվան

Բելլան տխրում է, որ ժամանակակից աշխարհում գրքերին աստիճանաբար փոխարինում են գաջեթները։

«Ես բացասական եմ վերաբերվում դրան։ Անձամբ ես սիրում եմ շոշափել առարկաները։ Ես մտնում են գրախանութ, գնում են տարբեր գրքեր։ Տանը շատ գրքեր ունեմ, դրանցից մի քանիսը դեռ չեմ հասցրել կարդալ, բայց դրանց մասին միտքն արդեն ջերմացնում է ինձ», — հավելեց Բելլան։

Գրողը նշեց, որ գիրքն էլեկտրոնային տարբերակով ընթերցելիս դրա բովանդակությունն արագ մոռացվում է։ Բոլորովին այլ բան է տպագիր գիրքը, երբ դրա աուրան օգնում է հիշել այն` բոլոր մանրամասներով։

Գրական երեկոյին մասնակցել են Ելենա Շուվաևա-Պետրոսյանը, Հովհաննես Ազնաուրյանը, Լիանա Շահվերդյանը, Արամ Հովսեփյանը, Բելլա Էրիվանը և Արմեն Մուրադյանը։

 

39