Վան Գոգի «Ննջարանը Առլում»

Վան Գոգի կտավի մահճակալը կարող է պահպանված լինել

22
(Թարմացված է 09:44 01.11.2016)
Արվեստի պատմության մասնագետ Մարտին Բեյլին եզրակացրել է, որ Վինսենթ Վան Գոգի՝ «Ննջարանը Առլում» երեք կտավից բաղկացած շարքում պատկերված մահճակալը հնարավոր է պահպանված լինել մինչև մեր օրերը։

ԵՐԵՎԱՆ, 1 նոյեմբերի — Sputnik. Բեյլին հետևել է մահճակալի ուղուն մինչև այն պահը, երբ այն նկարչի ազգականը 1945 թվականին նվիրել է Նիդեռլանդների համայնքներին մեկին: Այս մասին գրում է The Independent-ը։

Ուսումնասիրողը 2015-ին կապ է հաստատել Վան Գոգի ազգականի հետ: 93-ամյա Յոհան Վան Գոգը Բեյլիին հիշեցրել է, որ մահճակալը Արնեմ քաղաքի մոտ գտնվող համայնքին նվիրել է 1945 թվականին: Ավելի ուշ այն կարող էր հայտնվել Բոքսմեերում:

Վան Գոգը մահճակալը գնել էր 1888 թվականին: Նկարչի մահից հետո այն անցել էր ազգականներին, որոնք էլ մահճակալը Ֆրանսիայից տեղափոխել էին Հոլանդիա:

Երեք կտավից բաղկացած շարքը Վան Գոգը ստեղծել է 1888-89 թվականներին:

22