ԵՐԵՎԱՆ, 5 հոկտեմբերի — Sputnik. Հայտնի օպերային երգչուհի Տաթևիկ Սազանդարյանի` հոգին ու լսողությունը շոյող ձայնն աշխարհի լավագույն ձայներից մեկն է համարվում։ Հենց այս երգչուհու երգեցողությունն ու դերասանական կարողություններն են օրինակ բերում կոնսերվատորիաների և երաժշտական ուսումնարանների սովորողներին, հատկապես՝ Հայաստանում։

Ալ. Սպենդիարյանի անվան օպերային և բալետի ազգային ակադեմիական թատրոնում նշեցին երգչուհու ծննդյան 100-ամյակը։ Թատրոնի նախասրահում ցուցադրության էին դրվել երգչուհու արխիվային լուսանկարները, ու հենց թատրոնում էլ տեղի ունեցավ Սազանդարյանին նվիրված հոբելյանական նամականիշի մարումը։

Մարումն իրականացրին Օպերայի և բալետի ազգային ակադեմիական թատրոնի գեղարվեստական ղեկավար Կոնստանտին Օրբելյանը, թատրոնի կառավարման խորհրդի անդամ Դավիթ Ղազարյանը և «Հայփոստ Թրասթ Մենեջմենթ» ՓԲԸ-ի կառավարող տնօրեն Խուան Պաբլո Գեչիջյանը: Նամականիշի առաջին պլանում պատկերված է Տաթևիկ Սազանդարյանը՝ Ալեքսանդր Սպենդիարյանի  «Ալմաստ» օպերայի համանուն դերում:

Միջոցառման պաշտոնական մասից հետո հանդիսատեսը տեղափոխվեց դահլիճ՝ Տիգրան Չուխաջյանի «Արշակ II» օպերան դիտելու համար։

Հայաստանի մշակույթի նախարարության հոբելյանական տարվա շրջանակում Հայաստանի երաժշտական ընկերությունը, Կոմիտասի անվան պետական կոնսերվատորիան, ինչպես նաև Սպենդիարյանի անվան Օպերայի և բալետի ազգային ակադեմիական թատրոնը Տաթևիկ Սազանդարյանի անվան մրցույթ են կազմակերպել երիտասարդ մենակատարների համար։ Իններորդ անգամ անցկացվող մրցույթն այս տարի կմեկնարկի հոկտեմբերի 17-ին և կավարտվի նոյեմբերի 6-ին: Օպերային թատրոնի մենակատար Վարսենիկ Ավանյանը նշեց, որ իր համար մեծ պատիվ է հանդես գալ «Արշակ II» օպերայում։

© Sputnik / Asatur Yesayants

Վարսենիկ Ավանյան

«Տաթևիկ Սազանդարյանն առաջինն է խաղացել Փառանձեմի դերը «Արշակ II»-ում։ 10 տարի առաջ, երբ ես նոր էի մեծ բեմ բարձրացել, այդ դերն ինձ համար նույնպես առաջինն էր»,- ասաց Ավանյանը։

Նրա խոսքով` Սազանդարյանը մեծություն է հայ երաժշտության համար, նա եղել է տաղանդավոր դերասանուհի և վառ անհատականություն։

«Կարծում եմ, որ հենց վառ անհատականությունն է ազդել բոլոր դերերի վրա։ Նա փայլել է ոչ միայն հայկական օպերայում, այլև եվրոպական և այլ բեմերում»,- նշեց օպերային երգչուհին։

Մշակույթի վաստակավոր աշխատող Դավիթ Ղազարյան էլ իր հերթին նշեց, որ Տաթևիկ Սազանդարյան անգերազանցելի երգչուհի էր։

«Ազգային օպերային թատրոնում նա անվերապահորեն նվիրված է եղել հայկական երգարվեստին», — ասաց Ղազարյանը` հպարտությամբ հիշելով երգչուհու գլխավոր դերերն ու նման մեծ երգչուհիներ մաղթելով հայ ժողովրդին և Ազգային օպերային։

Հայտնի մեցցո սոպրանո, խորհրդային օպերային երգչուհի, մանկավարժ, երաժշտական-հասարակական գործիչ, ԽՍՀՄ ժողովրդական արտիստ, Ստալինյան մրցանակի երրորդ աստիճանի դափնեկիր Տաթևիկ Սազանդարյանը ծնվել է 1916թ-ի օգոստոսի 20-ին, կյանքից հեռացել է 1999թ-ի հոկտեմբերի 6-ին։

Մարտիրոս Սարյանը նրա մասին ասել է. «Տաթևիկ Սազանդարյանը հայ օպերային բեմի զարդերից է: Ձայնային և դրամատիկական հիանալի տվյալները, բեմական գերազանց կուլտուրան ու ճաշակը, բարձր պրոֆեսիոնալիզմն իրավունք են տալիս նրան կոչել Վարպետ՝ բառի իսկական իմաստով:
Տաթևիկ Սազանդարյանի փայլուն արվեստը վաղուց արդեն դարձել է մեր մշակույթի տարեգրության գեղեցիկ էջերից մեկը»:

ԵՐԵՎԱՆ, 5 մարտի - Sputnik. ՀՀ զինված ուժերի գլխավոր շտաբի պետ Օնիկ Գասպարյանի խնդիրը պետք է լիներ, որ թույլ չտար որևէ մեկին քիթը խոթել բանակի ներքին խնդիրներին։ Եռաբլուրում լրագրողների հետ զրույցում նման կարծիք հայտնեց ԱԺ «Իմ քայլը» խմբակցության պատգամավոր Անդրանիկ Քոչարյանը` ի պատասխան հարցին, թե ի՞նչ գնահատական է տալիս ԳՇ–ի` վարչապետի հրաժարականի պահանջով հայտարարությանը։

«Մեր խնդիրները թողած` բանակի փեշերից են կախվել բոլորը։ Որևէ մեկի մտքով չի անցել բանակը դարձնել պետական գործիք, անգամ Հոկտեմբերի 27-ից հետո որևէ քայլ չի արվել գործող իշխանության դեմ։ Բանակը պետք է միայն արտաքին թշնամի ունենար, այլ ոչ թե ներքին»,–ասաց Քոչարյանը։

Հարցին, թե բոլորին հետաքրքրում է` Օնիկ Գասպարյանն այժմ ԳՇ պե՞տ է, թե՞ ազատվել է աշխատանքից, Քոչարյանը պատասխանեց, որ նախագահ Արմեն Սարգսյանը չի ուղարկել վարչապետի միջնորդությունը ՍԴ–ում վիճարկելու, ինչը նշանակում է, որ Գասպարյանը 3 օր հետո համարվում է աշխատանքից ազատված։ Քոչարյանը ենթադրում է, որ այս ընթացքում վարչապետը կա՛մ նախագահին կներկայացնի նոր թեկնածու, կա՛մ ՊՆ–ի հետ կոնսուլտացիաներ կլինեն և գուցե այդ պարտականությունը դրվի տեղակալներից մեկի վրա։

© Photo : official site of the MoD of RA

ԳՇ–ն միանգամից 3 պետ կունենա՞, կամ ՍԴ–ից բացի ուրիշ ինչ ուղի ունի Օնիկ Գասպարյանը

Մեկ այլ հարցի, թե ի՞նչ ճակատագիր է սպասում այն զինվորականներին, որոնք միացել են ԳՇ–ի հայտարարությանը` Քոչարյանը պատասխանեց, որ զինվորականների 90 տոկոսն այժմ իրականացնում է իր առջև դրված գործը, բացառությամբ ԳՇ պետի առաջին տեղակալ Տիրան խաչատրյանի, որն ազատվեց աշխատանքից։

Անդրադառնալով Տիրան Խաչատրյանի այն քայլին, որ նա Վարչական դատարան է դիմել` վիճարկելով աշխատանքից ազատման փաստը` Քոչարյանը նշեց, որ Խաչատրյանը վարչական դատարան դիմելուց առաջ թող մտածեր` իր այդ քայլով ինչպիսի՞ վտանգ հասցրեց ՀՀ ներքին անվտանգությանը։

Իրադրությունը սրվեց այն բանից հետո, երբ ՀՀ ԶՈւ Գլխավոր շտաբը փետրվարի 25-ին պահանջեց ՀՀ վարչապետ Նիկոլ Փաշինյանի հրաժարականը, ասելով, որ քաղաքական ղեկավարությունը պետությունը տանում է դեպի վտանգավոր սահմանագիծ։ Դա տեղի ունեցավ այն բանից հետո, երբ վարչապետը պաշտոնից հեռացրեց Գլխավոր շտաբի պետի առաջին տեղակալ Տիրան Խաչատրյանին։

Ի պատասխան Նիկոլ Փաշինյանը հայտարարեց ռազմական հեղաշրջման փորձի մասին և քաղաքացիներին կոչ արեց հավաքվել Հանրապետության հրապարակում՝ «հեղափոխությունը պաշտպանելու» համար։

© Photo : official site of the MoD of RA

Փաշինյան vs Գլխավոր շտաբ, կամ ինչ է պակասում ընդդիմությանը հաջողության հասնելու համար

Նա հայտնեց նաև, ստորագրել է Գլխավոր շտաբի պետ Օնիկ Գասպարյանին պաշտոնից հեռացնելու փաստաթուղթը, որը, սակայն, ՀՀ նախագահ Արմեն Սարգսյանը չստորագրեց և հետ ուղարկեց փետրվարի 27–ին։ Նույն օրը վարչապետը կրկին առաջարկությունն ուղարկեց ՀՀ նախագահին։

Գլխավոր շտաբը մարտի 1-ին նոր հայտարարություն տարածեց նշելով, որ կրկին հաստատում է ստեղծված իրավիճակի վերաբերյալ իր գնահատականները և շեշտում, որ, անկախ Զինված ուժերը քաղաքական գործընթացների մեջ ներքաշելու փորձերից, մնում Է անդրդվելի, կշռադատված և հաստատակամ։

Մարտի 2-ին հայտնի դարձավ, որ նախագահը չի ստորագրել Օնիկ Գասպարյանին ԳՇ պետի պաշտոնից ազատելու հրամանագիրը, բայց ՍԴ դիմելու է ոչ թե Նիկոլ Փաշինյանի ներկայացրած հրամանագրի նախագծի սահմանադրականության հարցը պարզելու համար, այլ «Զինվորական ծառայության և զինծառայողի կարգավիճակի մասին» 2017թ. նոյեմբերի 15-ի ՀՀ օրենքի՝ Սահմանադրությանը համապատասխանելու հարցը որոշելու խնդրանքով: