Շուշիում սեպտեմբերի 1–ին տեղի կունենա «Սասունցի Դավիթ» օպերայի պրեմիերան
(Թարմացված է 19:56 07.07.2016)
Սպենդիարյանի անվան օպերայի և բալետի ազգային ակադեմիական թատրոնը Լեռնային Ղարաբաղում նախապատրաստում է «Սասունցի Դավիթ» օպերայի պրեմիերանԵՐԵՎԱՆ, 7 հուլիսի-Sputnik. Ալեքսանդր Սպենդիարյանի անվան օպերայի և բալետի ազգային ակադեմիական թատրոնն ավարտել է 82-րդ թատերաշրջանը, այսօր այնտեղ նոր ներկայացումների են բեմադրվում, հաղորդեց թատրոնի տնօրեն Անդրանիկ Արզումանյանը։
Նրա խոսքով` գլխավոր իրադարձությունը` «Սասունցի Դավիթ» օպերայի պրեմիերան, տեղի կունենա սեպտեմբերի 1-ին, և թատրոնն իր բոլոր ուժերը կենտրոնացրել է այդ ծրագրի իրականացմանը։
«Մենք ավարտել ենք 82-րդ թատերաշրջանը։ Այն ամենն, ինչ նախատեսել էինք 2015-2016թթ.-ին, իրականացվել է 80 տոկոսով»,- ասաց Արզումանյանը։
Անցած տարին
Արզումանյանը նշեց, որ անցյալ տարի առաջին պրեմիերան եղել է «Կարմենը»։
«Կարևոր իրադարձություն էր նաև թատրոնի նոր գեղարվեստական ղեկավարի նշանակումը։ Մենք շատ ծրագրեր ունեինք` կապված Գեղամ Գրիգորյանի հետ։ Ցավոք, ոչ բոլորը հաջողվեց իրականացնել»,- ասաց նա։
Արզումանյանի խոսքով` անցյալ տարի արդյունավետ համագործակցություն է հաստատվել Երևանի պետական կոնսերվատորիայի ուսանողների հետ։
«Մենք իրականացրել ենք մի շարք երիտասարդական ծրագրեր»,- ասաց նա լրագրողներին։
Ապագայի ծրագրեր
Արզումանյանը նշեց, որ այս տարի նախատեսվում է բեմադրել Ջակոմո Պուչինիի «Տոսկա» օպերան, ինչպես նաև Խաչատրյանի «Դիմակահանդես» բալետը։ Հանդիսատեսն այդ բեմադրությունները կտեսնի աշնանը։
«Մենք ամեն տարի տարբեր միջոցառումներ ենք ծրագրում Ղարաբաղում, այս տարին ևս բացառություն չէ։ Սեպտեմբերի 1-ին Շուշիում տեղի կունենա «Սասունցի Դավիթ» օպերայի պրեմիերան։ Այժմ մենք ինտենսիվ աշխատում ենք այդ բեմադրության ուղղությամբ, փորձերն ընթանում են ամբողջ թափով»,- ասաց նա և հավելեց, որ երևանյան հանդիսատեսը ևս կտեսնի «Սասունցի Դավիթը»։
Թատրոնի ծրագրերի թվում է «Եվգենի Օնեգին» օպերայի բեմադրությունը, բայց ժամկետն առայժմ հայտնի չէ։
Արզումանյանի խոսքով` չնայած հագեցած ծրագրին` հանդիսատեսը քիչ է հաճախում օպերա, բայց դա Հայաստանի բոլոր թատրոնների խնդիրն է։
«Եվս մեկ նորամուծություն` օպերայի և բալետի թատրոնն արդեն մեկ տարի համագործակցում է երիտասարդական կազմակերպությունների և համալսարանների հետ»,- ասաց Արզումանյանը։
Հայկական բուհերի ուսանողները կարող են ներկայացումները դիտել ուսանողական տոմսերով։
Հայաստանն այս տարի չի մասնակցի «Եվրատեսիլին»
(Թարմացված է 14:40 05.03.2021)
Հանրային հեռուստաընկերությունը հայտարարություն է տարածել` հայտնելով, թե որն է նման որոշում կայացնելու պատճառը։ ԵՐԵՎԱՆ, 5 մարտի – Sputnik. Համապարփակ քննարկումներից և բանակցություններից հետո Հանրային հեռուստաընկերությունը հայտարարում է, որ Հայաստանն այս տարի չի մասնակցի «Եվրատեսիլ» երգի միջազգային մրցույթին:
«Տեղի ունեցած իրադարձությունները, ժամանակի սղությունը և այլ օբյեկտիվ հանգամանքներ անհամադրելի են երգի մրցույթում Հայաստանի պատշաճ ներկայացման հետ»,– նշված է հեռուստաընկերության տարածած հաղորդագրության մեջ, որը հրապարակվել է Facebook–ում:
Հիշեցնենք` «Եվրատեսիլ 2020» երգի մրցույթը չեղարկվեց կորոնավիրուսի համավարակի պատճառով։ Մրցույթը նախատեսված էր Ռոտերդամում մայիսի 12-ին, 14-ին և 16-ին: Եվրոպայի հեռարձակողների միությունը որոշեց չեղարկել այն կորոնավիրուսի համավարակի պատճառով: Հայաստանը պետք է ներկայացներ Աթենա Մանուկյանը։
«Եվրատեսիլ 2021» երգի միջազգային մրցույթն այս տարի կանցկացվի նոր ձևաչափով։ Ռոտերդամում անցկացվելիք մրցույթի նոր կանոնները կապված են կորոնավիրուսային իրավիճակի և վարակի տարածման կանխարգելման հետ։ «Եվրատեսիլի» մասնակից երկրների պատվիրակություններին խորհուրդ կտրվի Նիդեռլանդներ մեկնելուց առաջ հինգ օրով ինքնամեկուսանալ։ Իսկ թռիչքից 72 ժամ առաջ կորոնավիրուսն ախտորոշող թեստ հանձնելը և դրա բացասական արդյունքի առկայությունը պարտադիր է։
Արցախի մասին ֆիլմը՝ Բեռլինի կինոփառատոնում. ադրբեջանցիները բողոքում են
ԵՐԵՎԱՆ, 4 մարտի – Sputnik. Բեռլինի միջազգային կինոփառատոնի «Ֆորում» ծրագրում ներառվել է 2021թ․-ի արտադրության «Սև Բախ Արցախ» ֆիլմը, ինչը համացանցում բացասական արձագանքի է արժանացել ադրբեջանցի օգտատերերի կողմից։ Ֆիլմը հիմնված է Արցախի բնակիչների հետ հարցազրույցի վրա։
Ադրբեջանցի օգտատերերը զայրույթով են արձագանքել ֆիլմի վերնագրին և կողմնակալ են համարել Բեռլինալեի կայքում հրապարակված նախնական սցենարը, որը ներկայացրել են ֆիլմի հեղինակները։
Ֆիլմը պատմում է հայ-ադրբեջանական հակամարտության մասին և հիմնված է Արցախի բնակիչների հարցազրույցների վրա, որոնք նկարահանվել են դեռևս 2007թ․-ին՝ երկու պատերազմների միջև։ Ֆիլմի ռեժիսորներն են Այրին Անաստասը և Ռենե Գաբրին։
Բախի կանտատների ռիթմը կրկնող 13 ակտի բաժանված ֆիլմում բնապատկերները միահյուսված են կադրից դուրս ձայնի հետ, որն արտացոլում է պատերազմի, ինքնության և պատկանելիության բնույթը։
Բեռլինալեի կայքում ֆիլմի նկարագրությունը թուրքերի և ադրբեջանցիների կատաղի արձագանքն է առաջացրել․ նրանք այն անվանում են «քարոզչական ֆիլմ»՝ «միակողմանի պատմությամբ»։
Սկանդալ Արցախի մասին ֆիլմի շուրջ. ինչու Մոսկվայի կինոփառատոնից հանեցին «Դրախտի դարպասը»
1990-ականների Լեռնային Ղարաբաղի հակամարտությունը ֆիլմում անվանում են «պայքար հանուն ազատության և ինքնորոշման», իսկ 2020թ․-ի պատերազմը՝ «Ադրբեջանի բռնապետի ներխուժում»։
Փառատոնը մերժել է ֆիլմը ծրագրից հանելու կոչերը։ Վիրտուալ ցուցադրությունից հետո արդեն ամռանը Բեռլինում ֆիլմը կցուցադրվի օֆլայն ձևաչափով:
Փառատոնի հայտարարության մեջ ասվում է, որ բոլորն անհամբերությամբ են սպասում ամռանը ֆիլմի ցուցադրմանը և պանելային քննարկմանը, որի ընթացքում բոլոր ցանկացողները կկարողանան մասնակցել կառուցողական երկխոսությանը։
6 ֆիլմ` նվիրված արցախյան պատերազմին․ «Ոսկե ծիրանը» ևս կմիանա համազգային դրամահավաքին
Հաղորդակցությունների ապաշրջափակումը ձեռնտու կլինի, եթե դա անեն բոլորը․ Թավադյան
ԵՐԵՎԱՆ, 5 մարտի - Sputnik. Լեռնային Ղարաբաղի շուրջ հաղորդակցությունների ապաշրջափակում պետք է իրականացնեն բոլոր կողմերը, այլ ոչ թե միայն որևէ մեկը։ Այդ մասին Sputnik Արմենիա մուլտիմեդիան մամուլի կենտրոնում կազմակերպած Երևան-Մոսկվա տեսակապի ժամանակ հայտարարեց տնտեսական գիտությունների դոկտոր Աշոտ Թավադյանը։
«Ցավոք, ապաշրջափակման փոխարեն մեզ մոտ հակառակ գործընթացն է տեղի ունենում։ Փակ է Վարդենիս-Մարտակերտ ճանապարհը։ Դրան գումարած, ադրբեջանական կողմը փորձում է օրակարգում միայն մի ուղղություն պահել՝ Մեղրիով Նախիջևան տանող միջանցքը, որը ձեռնտու է Թուրքիային և Ադրբեջանին», - ասաց նա։
Սակայն, ըստ նրա, կան երթուղիներ, որոնց բացումը շահավետ է հայկական կողմի համար։ Դա Մեղրիով անցնող նույն ճանապարհն է, սակայն արդեն Նախիջևանով Արարատյան դաշտ, որը թույլ կտա ավելի արագ և հեշտ միմյանց կապել երկրի հարավային ու կենտրոնական շրջանները։ Այսօր Մեղրիից Երևան բեռնափոխադրումների վրա նույնքան ռեսուրս է ծախսվում, որքան Թբիլիսիից կամ Վրաստանի սևծովյան նավահանգիստներից, հավելեց նա։
Ավելի ընդարձակ համատեքստում դա Նախիջևանի երկաթուղու բացումն է, որը թույլ կտա Հայաստանի և Ռուսաստանի միջև ավելի շատ բեռնափոխադրումներ իրականացնել։ Խորհրդային տարիներին այդ երկաթուղին ՌԽՖՍՀ-ի ու անդրկովկասյան պետությունների միջև հիմնական բեռնափոխադրումային մայրուղին էր (Աբխազիայով ճանապարհը հիմնականում ուղևորատար էր)։ Հայաստանի և Ռուսաստանի միջև հաղորդակցությունը կարող է ամրապնդվել նաև շնորհիվ Իջևանից Ղազախ երկաթուղային ճանապարհի բացման, հիշեցրեց Թավադյանը։
«Այդ պատճառով բոլոր այդ հարցերը պետք է համալիր լուծում ստանան։ Հակառակ դեպքում գործընթացները տեղից չեն շարժվի», - ընդգծեց Թավադյանը։
Նշենք, որ Լեռնային Ղարաբաղի շուրջ հաղորդակցման ուղիների բացման վերաբերյալ քննարկումների համար եռակողմ աշխատանքային խումբ է ստեղծվել, որը գլխավորում են Հայաստանի, Ռուսաստանի և Ադրբեջանի փոխվարչապետները։