«Միաբան» հիմնադրամի համահիմնադիրներ Միքայել Պողոսյան, Պարգև արքեպիսկոպոս Մարտիրոսյան, Ռոմեն Կոզմոյան, Մարտին Մինասյան և հիմնադրամի տնօրեն Արփի Պապոյան

Ամուր ընկերությունը կվերականգնի Հայաստանի պատմամշակութային ժառանգությունը

74
(Թարմացված է 17:00 26.05.2016)
Հայաստանի ժողովրդական արտիստ, դերասան Միքայել Պողոսյանի և ՀԱԵ Արցախի թեմի առաջնորդ Պարգև արքեպիսկոպոս Մարտիրոսյանի միջև 50-ամյա ընկերությունն է ընկած «Միաբան» հիմնադրամի ստեղծման հիմքում

ԵՐԵՎԱՆ, 26 մայիսի- Sputnik. Հայաստանի մշակութային ժառանգության պահպանումը և վերականգնումը «Միաբան» մշակութային հիմնադրամի հիմնական նպատակն է: Նախօրեին հիմնադրամի բացումը տեղի է ունեցել Սերգեյ Փարաջանովի անվան թանգարանում: Մշակույթի, մասնավորապես, երաժշտության, թատրոնի, կինեմատոգրաֆիայի, ինչպես նաև ժողովրդի հոգևոր խորհրդանիշեր ճարտարապետական հուշարձանների պահպանումը և զարգացումը կիրականացվեն տարբեր յուրահատուկ նախագծերի իրագործման ճանապարհով:


«Միաբան» հիմնադրամի համահիմնադիրներն են Հայաստանի ժողովրդական արտիստ և դերասան Միքայել Պողոսյանը, Պարգև արքեպիսկոպոս Մարտիրոսյանը, Մարտին Մինասյանը, Ռոմեն Կոզմոյանը և հիմնադրամի տնօրեն Արփի Պապոյանը:

На фотографии слева направо соучредители фонда Миабан архиепископ Паркев Мартиросян, Микаел Погосян, директор фонда Арпи Папоян и Ромен Козмоян
© Sputnik/ Arpi Beglaryan
«Միաբան» հիմնադրամի համահիմնադիրներ Միքայել Պողոսյան, Պարգև արքեպիսկոպոս Մարտիրոսյան, Ռոմեն Կոզմոյան և հիմնադրամի տնօրեն Արփի Պապոյան

«Հիմնադրամի հիմքում հիմնադիրների բազմամյա ընկերությունն է: Մենք միշտ ունեցել ենք նման նախագիծ ստեղծելու գաղափար, բայց պետք էր մարդ, որը գաղափարը կյանքի կկոչեր: Այդ մարդը Մարտին Մինասյանն է»,- Sputnik Արմենիա միջազգային մամուլի կենտրոնում ասաց Միքայել Պողոսյանը:

Բացի այդ, նրա խոսքով, այս տարի նշվում է իր և Պարգև սրբազանի ընկերության 50-ամյակը, ինչը նույնպես առիթ է միաբանության համար:

«Ողջ թիմը, որը համախմբվել է այս գաղափարի շուրջ, նպատակ ունի իրագործել նախագծեր, որոնք ինչ-ինչ պատճառներով չեն կարող գովազդվել»,- ասաց Պողոսյանը:

Պարգև արքեպիսկոպոս Մարտիրոսյանն ասաց, թե ինչու է թիմը շեշտը դրել մշակույթի վրա:

«Կարծում եմ, որ այսօրվա դրությամբ ողջ մարդկությունն ունի մեկ մարտահրավեր՝ գլոբալիզացիան: Այս դեպքում յուրաքանչյուրիս համար պայքարի մեթոդն ինքնության պահպանումն է: Դա լավագույն զենքն է մշակույթի պահպանման համար, որը սահմաններ չունի: Առանց փամփուշտի կարելի է գրավել ողջ աշխարհը»,- ասաց հոգևորականը:

Նրա կարծիքով՝ «եթե մենք կարողանանք պահպանել մեր ժողովրդի արվեստը, ապա կհաղթահարենք մեծաթիվ մարտահրավերներ»:

Արքեպիսկոպոսը հավելեց, որ ամեն ինչից զատ հայերը միշտ պետք է պատրաստ լինեն արտաքին մարտահրավերներին, որոնք վերաբերում են պատմամշակութային ժառանգությանը:

Միաժամանակ հիմնադրամի տնօրեն Արփի Պապոյանը հավելեց, որ մշակույթը լավ ուժ է համախմբման համար: Դա ուժ է, որը մարդկանց մեջ ավելացնում է մարդկային որակները:

«Նախագծերը, գաղափարները և ծրագրերը շատ են: Օրինակ` ցանկանում ենք ողջ աշխարհին ներկայացնել թառ երաժշտական գործիքը՝ որպես Հայաստանի հերթական խորհրդանիշ: Երաժիշտ Միքայել Ոսկանյանը թողարկվող ձայնասկավառակը նվիրում է այն մարդուն, ով պատրաստում է այդ հին գործիքը»,- ասաց Պապոյանը:

Նա նշեց, որ կա ևս մեկ նախագիծ՝ Փոքր թատրոնի բեմադրությունները: Փոքր թատրոնի գործունեությունն արվեստի «վառ» կետ է, որովհետև արտիստները հանդես են գալիս բոլորովին նոր ամպլուայով:

Հիմնադրամի մասնակիցները ֆինանսական աջակցության կարիք ունեն, որպեսզի իրագործեն մարդկանց, շենքերի, իրադարձությունների հետ կապված նախագծեր, որոնք կարևոր դեր են խաղացել երկրի կայացման գործում, սակայն դրանց մասին վաղուց մոռացել են, և շուտով նախատեսվում է գիրք հրատարակել այդ ամենի մասին:

74