WorldSkills Russia ազգային առաջնությունն անցկացվում է նոր ձևաչափով

WorldSkills Russia ազգային առաջնությունն անցկացվում է նոր ձևաչափով

22
(Թարմացված է 01:28 13.09.2020)
WorldSkills Russia 8-րդ ազգային առաջնության եզրափակիչն առաջին անգամ է անցկացվում առցանց տարբերակով։

Կորոնավիրուսի համավարակն աշխատանքի սովորական ձևաչափում շտկումներ է մտցրել ամբողջ աշխարհում։ Դրա հետ մեկտեղ նոր հորիզոններ են բացվել․ թվային հարթակներն այժմ իսկական բում են ապրում։ Առցանց են դարձել ամենօրյա խորհրդակցությունները, սպորտը, ընկերների հետ հանդիպումները, բիզնեսները, դպրոցները, համալսարաններն ու թանգարանները։

WorldSkills -ը նույնպես անմասն չի մնացել հեռավար ձևաչափով ուսուցման, մարզումների, մրցաշարերի և որակավորումների գնահատման համար նոր թվային գործիքների մշակումից: Ազգային առաջնության եզրափակիչը չհետաձգելու համար առաջին անգամ WorldSkills համակարգում մշակվել է դրա հեռավար-առկա ձևաչափը։ Այն ներառում է բոլոր լավագույն տեխնոլոգիաներն ու գործիքները, որոնք այլ երկրները կարող են հետագայում ներդնել և կիրառել արդեն իրենց համակարգերում կադրերի պատրաստման և ազգային առաջնությունների անցկացման ժամանակ:

Финал чемпионата WorldSkills Russia проходит в дистанционно-очном формате
© Photo : provided by WorldSkills Russia
WorldSkills Russia ազգային առաջնությունն անցկացվում է նոր ձևաչափով

Ազգային առաջնության եզրափակիչի շրջանակներում մրցումներն ընթանում են 130 անվանակարգերում (պատանեկանը՝ 71): Առաջնությունում հանդես է գալիս ավելի քան 2800 մարդ, նրանց թվում կլինեն նաև պատանիներ, մասնակիցներ արտերկրից: Համեմատության համար նշենք, որ 2018-ին եղել է 700 մասնակից, իսկ 2019–ին՝ 1500։

Փորձագիտական հանրությունը ներկայացնում է ավելի քան 700 մարդ: WorldSkills Russia-ի մշակած նոր ձևաչափը հնարավորություն է տվել առաջնությանը մասնակցել առավելագույն թվով մասնակիցների ամբողջ երկրից: Այսպիսով, WorldSkills Russia-ի 8-րդ ազգային առաջնության եզրափակիչը մրցաշարի անցկացման 8 տարիների ընթացքում ամենազանգվածայինը կդառնա Ռուսաստանում: Բոլոր ցանկացողները կկարողանան տեղի ունեցածին հետևել առցանց հեռարձակման միջոցով՝ աշխարհի ցանկացած վայրից։

Անվանակարգերը համապատասխանում են մասնագիտությունների 7 բլոկի․ շինարարություն և շինարարական տեխնոլոգիաներ, տեղեկատվական և հաղորդակցության տեխնոլոգիաներ, ստեղծագործություն և դիզայն, արտադրություն և ինժեներական տեխնոլոգիաներ, ծառայությունների ոլորտ, տրանսպորտ և լոգիստիկա, Future Skills։

Финал чемпионата WorldSkills Russia пройдет в дистанционно-очном формате
© Photo : provided by WorldSkills-Russia
WorldSkills Russia ազգային առաջնությունն անցկացվում է նոր ձևաչափով

Եզրափակիչն անցկացվում է քոլեջների տարածքային հարթակներում, ինչպես նաև անվանակարգերի մասնագիտությունների մասնագիտացված և միջազգային կենտրոնների հարթակներում։ Գլխավոր փորձագետներն իրական ժամանակի ռեժիմում հետևում են մրցույթի ընթացքին և վերահսկում, որ այն ճշգրիտ համապատասխանի կանոնակարգին։

Մասնակիցների ելույթների գնահատումն իրականացվում է հեռավար և առցանց տեխնոլոգիաների կիրառմամբ: Գնահատման համակարգը բաժանված է մի քանի հատվածի։ Մասնակիցների աշխատանքները գնահատվում են տեղի փորձագետների կողմից կամ հեռակա՝ տեսողական վերահսկողության միջոցների կիրառմամբ։ Այն, ինչ հեռավար կարգով հնարավոր չէ գնահատել, էքսպրես փոստով ուղարկում են մրցաշարի կառավարման Նովոկուզնեցկում գտնվող հիմնական կենտրոն կամ մրցաշարի կառավարման օժանդակ կենտրոններ, որոնք տեղակայված են Մոսկվայի և Կազանի հարթակներում:

Национальный чемпионат WorldSkills Russia в новом формате
© Photo : WorldSkills Russia / Рашит Ширияздано
WorldSkills Russia ազգային առաջնությունն անցկացվում է նոր ձևաչափով

Բացի այդ, օգտատերերի համար կազմակերպվել է Try-a-skill՝ «Փորձիր քեզ մասնագիտության մեջ» հատուկ հեռակա համակարգը «Տոմս դեպի ապագա» հարթակում։ Յուրաքանչյուրը կարող է մասնակցել վիրտուալ էքսկուրսիայի և անվանակարգերի մասնագիտացումներում՝ ժամանակակից առցանց գործողությունների օգնությամբ, խաղային սիմուլյատորների և մարզիչների կողմից ինտերակտիվ առաջադրանքների օգտագործմամբ փորձել իր ուժերը։

Այս վերափոխումը, որն արտացոլում է աշխատանքի գլոբալ ձևերի փոփոխությունները և թվային տնտեսության աճը, համատեղ ջանքերի արդյունք է: WorldSkills Russia-ն արդեն վաղուց գտնվում է նոր մեթոդների մշակման առաջնագծում և ազգային առաջնության անցկացմանը նոր՝ հեռավար-առկա ձևաչափով, աջակցել են ՌԴ կրթության նախարարությունը, Կուզբասի կառավարությունը, Ռազմավարական նախաձեռնությունների գործակալությունը (АСИ) և աշխարհի 50 առաջատար ընկերությունների գործընկերները:

В рамках чемпионата WorldSkills Russia апробирует вновь разработанные цифровые технологии не только на своих площадках, но и на площадках стран партнеров
© Photo : Rashit Shiriyazdanov / provided by WorldSkills-Russia
WorldSkills Russia ազգային առաջնությունն անցկացվում է նոր ձևաչափով

Կուզբասը՝ աշխարհի խոշորագույն ածխային ավազաններից մեկը, դարձել է 8-րդ ազգային առաջնության եզրափակիչի անցկացման կենտրոնը։ Այստեղ են գտնվում ծանր արդյունաբերության, մետալուրգիական ձեռնարկությունները։ Այսօր Կուզբասն ակտիվորեն զարգանում է, գործարաններում ներդրվում են ժամանակակից տեխնոլոգիաներ, աշխատանքի առաջատար մեխանիզմներ, որոնք համապատասխանում են համաշխարհային ամենաբարձր չափանիշներին։ Տարածաշրջանին անհրաժեշտ են բարձր մակարդակի մասնագետներ։ Ուստի ազգային առաջնության եզրափակիչի անցկացումը երիտասարդներին պահանջված աշխատանքային մասնագիտությունների ողջ ներկապնակը ցույց տալու գերազանց հնարավորություն է

Արտասահմանցի մասնակիցներն ավանդաբար նույնպես WorldSkills Russia-ի ազգային առաջնությանը միանալու և ուսումնառություն անցնելու, ինչպես նաև մի քանի անվանակարգերում մրցույթին մասնակցելու հնարավորություն ունեն: Առաջնության շրջանակում եվրասիական տարածքի երկրների մասնակիցների համար անցկացվում է եվրասիական ստուգարք։

«WorldSkills Russia-ն գործընկեր երկրների հետ միջազգային համագործակցության մեծ փորձ ունի կադրերի պատրաստման համալիր համակարգի կառուցման, պրոֆեսիոնալ վարպետության առաջնությունների կազմակերպման, ինչպես նաև ուսուցման համար թվային լուծումների ստեղծման և զարգացման գործում»,-ասում է WorldSkills Russia-ի գլխավոր տնօրեն Ռոբերտ Ուրազովը,-Այս պահին մենք աջակցում ենք նման լուծումների ներդրմանը եվրասիական տարածքի երկրներում, այդ թվում՝ ԱՊՀ-ում կադրերի պատրաստման համակարգում։ Այդ աշխատանքի շրջանակում մենք համատեղ մարզումներ ենք անցկացնում՝ հեռահար միանալով ռուսական հարթակներին, WorldSkills Russia-ի թվային ենթակառուցվածքներին և ռեսուրսներին, ինչպես նաև ընկերությունների և կրթական հաստատությունների գործընկերային ցանցին: Նման մոտեցումը թույլ է տալիս կատարելագործել մշակված տեխնոլոգիաները, նպաստում է ԱՊՀ երկրների հետ աշխատանքի միասնական շուկայի համատեղ աճին և դրա հետագա ապահովմանը բարձր որակավորում ունեցող մասնագետներով»։

WorldSkills Russia-ն Հայաստանի ներկայացուցիչների հետ կիսում է կադրերի պատրաստման համակարգում WorldSkills ստանդարտների ներդրման լավագույն փորձը: Դրանք նաև համատեղ ուսուցողական սեմինարներ են, օրինակ՝ ցուցադրական քննության անցկացման ընթացակարգի ուսուցում սքիլզ-անձնագրի հետագա տրամադրմամբ և համատեղ մարզումներ՝ միջազգային առաջնություններին մասնակցելու նպատակով։

2018 թ․-ին WorldSkills Hi-Tech 2018-ի առաջնության շրջանակում հայաստանցի մասնագետներն արդեն մասնակցել են WorldSkills-ի ստանդարտներով եվրասիական բաց առաջնությանը, իսկ 2019 թվականին՝ WorldSkills Kazan 2019 պրոֆեսիոնալ վարպետության աշխարհի 45-րդ առաջնությանը, ինչպես նաև առաջնությանը կից բիզնես առաքելության միջոցառումներին:

Մրցաշարերը և ուսուցման նոր՝ WorldSkills Russia-ի մշակած ձևաչափերը թույլ են տալիս շարունակել արդյունավետ փոխգործակցությունը Հայաստանի հետ՝ չնայած զգալի գլոբալ փոփոխություններին: 2020թ.-ի հունիսի վերջին, օրինակ, Future Skills Camp-ի ժամանակակից թվային տնտեսության համար առավել հեռանկարային մասնագիտությունների գծով համատեղ թրեյնինգի ընթացքում հայ գործընկերները փոխառել էին WorldSkills Russia-ի հեռավար-առկա ուսուցման փորձը։

VIII ազգային առաջնության եզրափակիչի շրջանակներում WorldSkills Russia-ն նոր մշակված թվային տեխնոլոգիաները փորձարկում է ոչ միայն իր հարթակներում, այլ նաև գործընկեր երկրների հարթակներում, այդպիսով կատարելագործելով դրանք և հարմարեցնելով ուսուցման այս կամ այն ազգային համակարգին:

Ավանդաբար, երկրները մեծ հետաքրքրություն են ցուցաբերում պրոֆեսիոնալ վարպետության ռուսական ազգային առաջնություններին մասնակցելու հարցում, որպեսզի WorldSkills Russia-ի «լաբորատորիայում» ստեղծված գործիքները սովորեն և հետագայում ներդնեն կադրերի պատրաստման իրենց ազգային համակարգում: Այսպիսով, WorldSkills Russia-ն իր փորձառությունը մասշտաբային է դարձնում գլոբալ մակարդակով։

Новая реальность создает возможность глобальной интеграции кадров
© Photo : provided by WorldSkills-Russia
WorldSkills Russia ազգային առաջնությունն անցկացվում է նոր ձևաչափով

Այս տարի փորձի փոխանակման և նոր տեխնոլոգիաների ուսումնասիրության հարթակ է դարձել նաև հատուկ առցանց ծրագիրը, որն արտասահմանյան գործընկերների համար իրականացնում են WorldSkills Russia-ի ներկայացուցիչները, և որը նվիրված է մրցաշարերի անցկացման համար թվային և առցանց լուծումների ներդրմանը: Ավելի քան 40 երկրներից մասնակիցները միացել են ծրագրին՝ որպես անկախ փորձագետների և դիտորդների։ Ծրագրի շրջանակներում անցնում են`

  • Սեմինար՝ նվիրված թվային լուծումների և առցանց տեխնոլոգիաների կիրառմամբ WorldSkills Russia ազգային առաջնության նոր ձևաչափին
  • Առցանց շրջայց առաջնության հեռահար հարթակներում (որտեղ տեղի են ունենում մրցաշարերը), ինչպես նաև մրցաշարերի կառավարման կենտրոններում
  • Հեռահար ձևաչափով WorldSkills-ի ստանդարտների անկախ գնահատման դասընթաց
  • Business talk արդյունաբերական գործընկերների և ընկերությունների հետ համագործակցության մասին առցանց թրեյնինգներ և մրցույթներ կազմակերպելու և անցկացնելու համար
  • Անվանակարգերի յոթ առանցքային բլոկների հեռավար և առցանց մրցաշարների մոդելի ներդրման սեմինարներ։

Ներկայիս պայմանները մարտահրավեր են նետել կադրերի պատրաստման մասնագիտական համակարգին։ Դրա զարգացման նոր, յուրահատուկ փուլ է սկսվել։ Ոչ միայն առաջնությունները, այլև կրթական և աշխատանքային գործընթացներն են անցում կատարում հեռահար և բաշխված ձևաչափին՝ այդպիսով նպաստելով աշխատանքի տեղավորման նոր մոդելների և աշխատաշուկայում նոր աշխատատեղերի ձևավորմանը:

Ի լրումն այս ամենի՝ այս նոր իրականությունը շարժունակության հնարավորություն է ստեղծում․ չէ՞ որ թվային ձևաչափով դա շատ ավելի հեշտ է։ Ընդ որում, նման շարժունակության և կադրերի գլոբալ ինտեգրման համար կարևոր է միջազգային մակարդակի հմտություններ ուենալը։ WorldSkills Russia-ի առաջնային խնդիրներից է մասսայականացնել և ներդնել WorldSkills ստանդարտները, որոնք կարող են ուսուցման հենց այդպիսի մակարդակ ապահովել կադրերի պատրաստման ցանկացած ազգային համակարգի շրջանակներում:

Ավելին՝ wsr.online կայքում

22
թեգերը:
կորոնավիրուս, մրցաշար, Հայաստան, Ռուսաստան, WorldSkills Russia 8-րդ ազգային առաջնություն
Լուսային դրոն շոու Հայաստանում

Հայաստանում առաջին անգամ լուսային դրոն շոու կազմակերպվեց. տեսանյութ և լուսանկարներ

874
(Թարմացված է 09:46 21.09.2020)
Evocabank-ը յուրահատուկ կերպով նշեց իր 3 և բանկի հիմնադրման 30-ամյակը՝ Հայաստանում առաջին անգամ կազմակերպելով լուսային դրոն շոու:

Սեպտեմբերի 19-ին 300 դրոն միաժամանակ լուսավորեցին գիշերային Երևանի երկինքը՝ կազմելով գեղեցիկ երկրաչափական պատկերներ և շնորհավորելով Evocabank-ի տարեդարձը:

Шоу Дронов по случаю дня рождения Evoca Bank
© Sputnik / Asatur Yesayants.
Լուսային դրոն շոու Հայաստանում

Շոուն տեղի ունեցավ Մայր Հայաստան արձանի հարթակից 200մ բարձրության վրա և տեսանելի էր Երևանի գրեթե ողջ տարածքից:

Шоу Дронов по случаю дня рождения Evoca Bank
© Sputnik / Asatur Yesayants.
Լուսային դրոն շոու Հայաստանում

«Որոշեցինք Evocabank-ի տարեդարձը նշել յուրահատուկ կերպով՝ կիսելով մեր տոնը բոլորի հետ և տոնական տրամադրություն փոխանցելով մեր համաքաղաքացիներին: Գործընկերների և հաճախորդների մասնակցությամբ փակ միջոցառման փոխարեն, ինչպես միշտ, որոշեցինք տարբերվել և կազմակերպել միջոցառում, ինչպիսին Հայաստանում դեռ երբևիցե տեղի չէր ունեցել` դրոններով մեծ լուսային շոու։ Ուրախ ենք, որ Evocabank-ի շնորհիվ մեր համաքաղաքացիները նույնպես հնարավորություն ստացան վայելելու աշխարհում շատ թրենդային և տեխնոլոգիական բարդ լուծումներ կիրառող drone light show Երևանի երկնքում: Հետևելով շոուն դիտելու համար հավաքված, փողոցում զբոսնող և անակնկալի եկած ականատեսների արձագանքին ու էմոցիաներին, սոցիալական ցանցերում տարածած հազարավոր լուսանկարներին և հոլովակներին` կարծում ենք, որ մեզ հաջողվեց մարդկանց տոնական տրամադրություն փոխանցել»,- նշել է Evocabank-ի Վարչության նախագահ Կարեն Եղիազարյանը։

  • Լուսային դրոն շոու Հայաստանում
    Լուսային դրոն շոու Հայաստանում
    © Sputnik / Andranik Ghazaryan
  • Լուսային դրոն շոու Հայաստանում
    Լուսային դրոն շոու Հայաստանում
    © Sputnik / Asatur Yesayants.
  • Լուսային դրոն շոու Հայաստանում
    Լուսային դրոն շոու Հայաստանում
    © Sputnik / Andranik Ghazaryan
  • Լուսային դրոն շոու Հայաստանում
    Լուսային դրոն շոու Հայաստանում
    © Sputnik / Andranik Ghazaryan
  • Լուսային դրոն շոու Հայաստանում
    Լուսային դրոն շոու Հայաստանում
    © Sputnik / Asatur Yesayants.
  • Լուսային դրոն շոու Հայաստանում
    Լուսային դրոն շոու Հայաստանում
    © Sputnik / Asatur Yesayants.
1 / 6
© Sputnik / Andranik Ghazaryan
Լուսային դրոն շոու Հայաստանում

«Ինչ վերաբերում է Սարալանջի տարածքում չոր խոտածածկի բռնկմանը, ինչը որոշ լրատվամիջոցներ կապել են Evocabank-ի միջոցառման հետ, տեղեկացնում ենք, որ հրավառությունն իրականացվել է մասնագիտացված կազմակերպության կողմից` անվտանգության բոլոր պահանջների պահպանմամբ, hամապատասխան մարմինների ներկայությամբ, որոնք էլ անմիջապես արձագանքել են և կարճ ժամանակում մարել բռնկումը։ Անկախ բռնկման հանգամանքներից՝ Evocabank-ը կդիմի Երևանի քաղաքապետարան` չոր խոտածածկի հատվածում ծառատունկ իրականացնելու առաջարկով»,-նշել են բանկից։

Evocabank-ն արագ, պարզ և նորարար ծառայություններ մատուցող բանկ է, որն առանձնանում է տեղեկատվական նորագույն տեխնոլոգիաների ակտիվ կիրառմամբ: 2017թ.-ից Բանկը ներկայացավ նոր բրենդով, նոր՝ mobile first բիզնես մոդելով և EvocaTOUCH նոր հավելվածով:

Բանկը վերջին 3 տարիների ընթացքում կոտրել է բազմաթիվ կարծրատիպեր՝ դարձնելով իրականությունն ավելի վառ և ժամանակակից։ Ներկայացվել են ֆինանսական համակարգում մի շարք նորամուծություններ, ինչպիսիք են՝ Հայաստանում առաջին ամբողջովին օնլայն գործընթացով SingleTOUCH վարկատեսակը, բանկոմատից անքարտ կանխիկացման հնարավորությունը, օնլայն ապառիկ ծառայությունը, EvocaBot` առաջին վճարային բանկային բոտը, արհեստական բանականությամբ բիոմետրիկ նույնականացման համակարգը և այլն։
Evocabank-ը 4-րդ տարին անընդմեջ ճանաչվում է Լավագույն թվային բանկը Հայաստանում Global Finance միջազգային հեղինակավոր ամսագրի կողմից:

874
թեգերը:
տեսանյութ, Լուսանկար, շոու, Բանկ, Հայաստան
Конкурсантки в финальном туре конкурса Мисс Вселенная 2018 (17 декабря 2018). Бангкок

Հայ գեղեցկուհիները և «Արա գեղեցիկ»-ները`միջազգային բեմերում. ով որ մրցույթին է մասնակցելու

1290
(Թարմացված է 18:29 31.10.2019)
Յանա Գրիգորյանը հսկայական աշխատանք է կատարում, որպեսզի հայ մոդելները հնարավորություն ունենան միջազգային գեղեցկության մրցույթներին մասնակցելու:

Աստղիկ Սուքիասյան, Sputnik Արմենիա

Բազմաթիվ հայ գեղեցկուհիների կողքին արդեն 2 տարի է նաև «Արա գեղեցիկ»-ներն են փայլում միջազգային բեմերում։ Մոդել Վլադիմիր Գաբրիելյանը դեկտեմբերի 23-29-ը կմասնակցի  Դելիում անցկացվող Mister model worldwide 2019 մրցույթին:

Այս մասին Sputnik Արմենիայի հետ զրույցում հայտնեց Յանա Գրիգորյանը, որը 20 գեղեցկության միջազգային մրցույթների հայաստանյան ներկայացուցչության տնօրենն է:

Национальный директор конкурса красоты Мисс Земля Яна Григорян
© Photo : provided by Yana Grigoryan
Յանա Գրիգորյանը

«Ինձ համար շատ կարևոր է, որ կարողանում եմ Հայաստանի մշակույթը ներկայացնել արտերկրում, միջազգային բեմերում»,-ասաց Յանան` բացահայտելով այն գեղեցիկների ու գեղեցկուհիների անունները, ովքեր պատրաստվում են մոտ ապագայում տարբեր միջազգային մրցույթների մասնակցել:

Դրամական մրցանակ չկա. Հռիփսիմե Սարգսյանը «Միսս Երկիր» մրցույթում արծաթե մեդալ է նվաճել

Miss International հեղինակավոր մրցույթին Հայաստանն այս տարի ներկայացնում է մոդել Սոնա Դանիելյանը: Այն անցկացվում է հոկտեմբերի 25-ից մինչև նոյեմբերի 12-ը, Տոկիոյում: Մրցույթը մեկտեղել է 89 երկների ներկայացուցիչների:

«Սոնա Դանիելյանը մասնագիտությամբ հոգեբան է, աշխատում է որպես ֆոտոմոդել: Գեղեցկության միջազգային մրցույթների մասնակցության փորձ ունի: Նա նախորդ տարի, մասնակցել է  Ֆիլիպիններում անցկացվող Miss Asia Pacific international մրցույթին, որից հետո նրան հրավիրել են մասնակցելու «Միսս Երկրին»»,-ասաց Յանան և հավելեց, որ 2018 թվականին Սոնան որևէ մրցանակային տեղ չի զբաղեցրել, բայց դա նրա համար մեծ փորձ էր:

Армянская модель Сона Данелян на конкурсе Мисс Интернейшнл
© Photo : from Sona Danielyan
Սոնա Դանիելյանը

Նշենք, որ Miss International նույնքան հայտնի է, որքան «Միսս Երկիրը», «Միսս Տիեզերքը» և «Միսս Աշխարհը»։ Մրցույթը կարևորում է մասնակիցների ոչ միայն արտաքին տվյալները, այլև մարդկային ու բարոյական որակները: Այս մրցույթին Հայաստանը վերջին անգամ ներկայացրել էր Շուշան Երիցյանը՝ 2014 թվականին:

Գոհար Հարությունյանը` գեղեցկության մրցույթների, ամուսնու, 5 երեխաների մասին. անկեղծ զրույց

Ի տարբերություն Սոնայի, մոդել Վլադիմիր Գաբրիելյանն առաջին անգամ է մասնակցում միջազգային մրցույթի: Նա  դեկտեմբերի 23-29-ը Դելիում կներկայացնի մեր երկիրը Mister model worldwide 2019 մրցույթին: Վլադիմիրը 21 տարեկան է, սովորում է Երվանի պետական բժշկական համալսարանում: Ապագա պլաստիկ վիրաբույժ է: 5 տարի զբաղվել է քիգբոքսինգով, նվագում է դաշնամուր, շեփոր, կիթառ: Շատ լավ տիրապետում է անգլերեն լեզվին: Չնայած երիտասարդ տարիքին, գործարար է՝ զբաղվում է սնկի արտադրությամբ: Մրցույթն արդեն երրորդ տարին է ինչ անցկացվում է Դելիում: Այս տարի այն 30 երկրներից մասնակիցներ կունենան:

Модель Владимир Габрелян примет участие в конкурсе Mister model worldwide 2019
© Photo : from Vladimir Gabrielyan
Վլադիմիր Գաբրիելյանը

«Հաղթողին ընտրելիս`մրցույթի կազմակերպիչները շեշտը դնում են սպորտային կառուցվածքի վրա: Վլադիմիրն այժմ զբաղվում է ֆիթնեսով»,-ասաց Յանան:

Անցած տարի Mister model worldwide 2018 մրցույթին Հայաստանը ներկայացրել է Էդգար Կարապետյանը: Նա արժանացել է  երկու տիտղոսի՝ «Տարվա լավագույն ոճային մոդել» և «Լավագույն տաղանդ»:

Մյուս մեր հայուհին` Նաիրա Գրիգորյանն այս օրերին  մասնակցում է Miss supertalent մրցույթին, որի ընթացքում մասնակիցները շրջում են եվրոպական քաղաքներով, մասնակցում հայտնի դիզայներների ցուցադրություններին։ Մեր մասնակիցն իր պայքարն է մղում 30 երկրների ներկայացուցիչների կողքին։ Այս մրցույթում նա արդեն հասցրել է նվաճել Miss Travel Queen 2019 տիտղոսը։

Նաիրայի համար միջազգային մրցույթում սա առաջին քայլն է, բայց ժամանակին աղջիկը մասնակցել է ֆեշն- ցուցադրությունների։

Նաիրան ծնունդով Գյումրիից է, մասնագիտությամբ՝ լրագրող, աշխատում է տուրիստական ընկերություններից մեկի տնօրենն է։

Модель Наира Григорян участвующая в конкурсе Miss Supertalent
© Photo : from Naira Grigoryan
Նաիրա Գրիգորյան

Հաջորդ հեղինակավոր մրցույթը, որին Հայաստանը մասնակցություն կունենա, Face of Beauty International-ն է: Մեր երկիրը կներկայացնի մոդել Փրենի Դավթյանը, որն ապրում է Թեհրանում: Մրցույթը կանցկացվի  Ֆիլիպինների մայրաքաղաք Մանիլայում՝ նոյեմբերի 8-18-ը: Փրենին 23 տարեկան է, մասնագիտությամբ ինժեներ-քիմիկոս է: Տիրապետում է 3 լեզվի՝ անգլերեն, պարսկերեն, հայերեն: 2 տարի է ինչ զբաղվում է մոդելային գործով, առաջին անգամ է մասնակցում է միջազգային մրցույթի:

Նշենք, որ այս մրցույթին 2018 թվականին Հայաստանը ներկայացրել է հենց ինքը` Յանա Գրիգորյանը` չնայած որ այդքան էլ ցանկություն չի ունեցել: Ամեն ինչ շատ պատահական է ստացվել, քանի որ վերջին պահին աղջիկներից մեկը չի կարողացել մեկնել մրցույթին:

На конкурсе Face of Beauty International Армению представит армянская модель Прени Давтян
© Photo : from Preni Davtyan
Փրենի Դավթյանը

«Դրանից առաջ` 2017 թվականին մասնակցեցի Miss cosmopolitan world միջազգային գեղեցկության մրցույթին և ոչ մի մրցանակային տեղ չզբաղեցրի, որովհետև այդքան էլ լավ պատրաստված չէի և պատկերացում չունեի, թե ինչպես են անցկացվում գեղեցկության միջազգային մրցույթները»,-ասաց Յանան` հավելելով, որ մտածում էր, որ դա կլինի իր առաջին և վերջին փորձը`միջազգային մրցույթին մասնակցելու:

Նշենք, որ Յանան Հայաստանում 2012 թվականի մասնակցել է  «Ֆոտոմոդելների մրցույթ»-ին և հաղթել։ Նշենք, որ նա նաև երգում է և զբաղվում պրոդյուսերական աշխատանքով:

Յանա Գրիգորյանն այժմ համագործակցում է Հայաստանում շատ հայտնի կազմակերպությունների հետ, որոնք իրեն շատ են օգնել խոչընդոտները հաղթահարելիս:

«Շնորհակալ եմ VBET ընկերությանը, որը, որպես գլխավոր հովանավոր, ապահովել է մեր ներկայացուցչի մասնակցությունը սեպտեմբերի 29-ից հոկտեմբերի 29-ը Ֆիլիպիններում կայանալիք Miss Earth 2019 գեղեցկության մրցույթին»,-ասաց Յանան և հավելեց, որ երախտապարտ է VBET-ի մարքեթինգային բաժնի թիմին:

Յանան շնորհակալություն է հայտնում նաև BetConstruct-ի հիմնադիր Վիգեն Բադալյանին, գործարարներ Գաբրիել Ջեմբերջյանին և Կարպիս Թիթիզյանին, ռուսաստանաբնակ գործարար, հասարակական գործիչ և բարերար Աբրահամ Հովեյանին, ում շնորհիվ Սոնա Դանիելյանը Հայաստանը ներկայացնում է  հեղինակավոր Miss International մրցույթում:

Նյութը հրապարակված է կոմերցիոն հիմունքներով։

1290
թեգերը:
Գեղեցկության մրցույթ, Գեղեցկուհի, գեղեցիկ, Հայաստան
Ըստ թեմայի
«Միսս Մոսկվան» առաջին անգամ ցույց է տվել իր և Մալայզիայի նախկին թագավորի որդուն
Ինքնավստահ և գեղեցիկ. հայտնի է` հայ գեղեցկուհիներից ով կմասնակցի «Միսս տիեզերք» մրցույթին
Հայտնի է` ով կներկայացնի Հայաստանը «Միսս Աշխարհում». լուսանկարներ
Ալիևն ու Էրդողանը, արխիվային լուսանկար

Ինչու է Թուրքիան այս անգամ այդքան ակտիվորեն սատարում Ադրբեջանին

0
(Թարմացված է 13:41 30.09.2020)
​Եկեք անկեղծ լինենք։ Նման ակտիվ մասնակցություն հայ-ադրբեջանական հակամարտությանը Թուրքիան դեռ երբեք չի ունեցել։ Իհարկե, Անկարան միշտ էլ սատար է կանգնել Բաքվին, բայց այս տարվանից երկու երկրների համագործակցությունը, մանավանդ ռազմական բնագավառում, նոր մակարդակի է հասել։
Ինչու է Թուրքիան այս անգամ այդքան ակտիվորեն սատարում Ադրբեջանին

Ինչպես վկայում է «Դեր Շպիգել» գերմանական պարբերականը, ամռանը Ադրբեջանի տարածքում տեղի ունեցան երկու երկրների համատեղ զորավարժությունները և մասնագետները կասկածներ ունեն, որ այն տեխնիկան, որը Թուրքիան բերել էր Ադրբեջան, այդպես էլ հետ չտարվեց, մնաց Ադրբեջանի տարածքում ու հիմա օգտագործվում է հայկական կողմի դեմ ռազմական գործողությունների ժամանակ։ Թուրքերն, իհարկե, այս տեղեկությունները հերքում են, հերքում է նաև Ադրբեջանը, բայց, համաձայնեք՝ պատերազմական գործողությունների ժամանակ հերքումներին շատ դժվար է հավատալ։

​Ավելի լուրջ կասկածներ կան։ Որոշ աղբյուրներ պնդում են, որ Թուրքիան Ադրբեջան է բերում սիրիացի ապստամբներին, որոնք Իդլիբ նահանգում փորձում են շարունակել պայքարը Սիրիայի նախագահ Բաշար Ասադի դեմ։ Պարզապես մեջբերեմ «Գարդիան» բրիտանական թերթի վկայությունը. «Սիրիացիները, որոնք բնակվում են ապստամբների կողմից վերահսկվող Իդլիբ նահանգում, հայտարարել են, որ թուրքական մի ընկերություն իրենց շրջանում կամավորների հավաքագրում է կազմակերպել՝ Ադրբեջանի սահմանների և ռազմավարական նավթային օբյեկտների պահպանության համար։

«Գարդիանի» տվյալներով՝ որոշ սիրիացիներ արդեն պայմանագրեր են ստորագրել։ Ընդ որում՝ լոնդոնյան թերթի թղթակիցը զրուցել է սիրիացիների հետ, որոնցից երեքը շատ կոնկրետ մանրամասներ են հայտնել, ասելով, որ նման պայմանագրերի կնքումը իրենց համար մեծ հաջողություն է, որովհետև մի քանի տարի տևած պատերազմից հետո Սիրիայում աշխատանք ճարելը բավական դժվար գործ է։ Այդ կամավորները նաև կոնկրետ թվեր են բերել, ասելով, որ իրենց հետ պայմանագրեր կնքած ընկերությունը դեռ մի ամիս առաջ է սկսել հավաքագրումը՝ խոստանալով կամավորներին տեղափոխել նախ Թուրքիա, հետո էլ Ադրբեջան և երեքից մինչև վեց ամիս ծառայության համար վճարել 700-ից 1000 դոլար, իսկ դա մեծ գումար է, հաշվի առնելով, որ Ասադի կառավարության դեմ պայքարելու համար թուրքական իշխանությունները ապստամբներին վճարում են ամսական ընդամենը 50, առավելագույնը 70 դոլար։

​Բրիտանական լրատվամիջոցի վկայությամբ, ըստ որոշ տեղեկությունների, մոտ 500 սիրիացի կամավորներ, այդ թվում՝ երկու դաշտային հրամանատարներ, արդեն ժամանել են Ադրբեջան և դրա անհերքելի ապացույցն են տեսանյութերը, որտեղ սիրիացի կամավորները մեքենաներով երթևեկում են Ադրբեջանի ճանապարհներով, երգելով իրենց մարտական երգերը։ Ընդ որում՝ ճանապարհային նշաններից հստակ երևում է, որ դա հենց Ադրբեջանի տարածքում է կատարվում։​

Բայց դառնանք Թուրքիային։ Ինչու են այս անգամ այդ երկրի իշխանությունները որոշել այսքան ակտիվորեն ներգրավվել հայ-ադրբեջանական հակամարտության մեջ։

Տարբեր աղբյուրներ տարբեր պատճառներ են վկայակոչում։ Նախ, փաստում են վերլուծաբանները, վերջին տարիներին նախագահ Էրդողանի արտաքին քաղաքականությունը գնալով ավելի ու ավելի ագրեսիվ է դառնում։ Դա երևում է Սիրիայում, Լիբիայում և Միջերկրական ծովում, որի արևելյան հատվածում Թուրքիան պայքարում է գազի պաշարների համար։ Հիմա էլ Անկարան ակնհայտորեն ցանկանում է ուժեղացնել իր ազդեցությունը Կովկասում։

Փորձագետներն ասում են, որ երկրորդ պատճառը Թուրքիայի տնտեսության վատթարացող վիճակն է։ Լիրան արժեզրկվում է։ Պարզ չէ, թե որքան կշարունակվի այդ գործընթացը և ինչ հետևանքների կհանգեցնի։ Բայց ես հո հիշում եմ, որ տարիներ առաջ Ստամբուլում էի և նույնիսկ տաքսիով հյուրանոցից հայկական եկեղեցի գնալու համար միլիոններ էի վճարում։ Հետո էլ այդ միլիոնանոց թղթադրամները Երևանում բաժանում էի որպես արտառոց հուշանվեր՝ դրանք արժեք չունեին՝ մեկ միլիոն լիրան ընդամենը մի քանի դոլար էր։

Բոլոր դեպքերում «Դեր Շպիգելը» փաստում է՝ «Ներքին քաղաքականության բնագավառում նախագահ Էրդողանը ավելի ու ավելի մեծ ճնշումներ է զգում։ Թուրքական տնտեսությունն արդեն մի քանի ամիս է, ինչ ճգնաժամ է ապրում։ Համապետական հարցումների համաձայն՝ Էրդողանին այլևս բնակչության մեծ մասը չի պաշտպանում։ Եվ, Ադրբեջանին սատարելով, նա կարող է շահել պահպանողական ընտրողների համակրանքը՝ 2023 թվականին կրկին վերընտրվելու համար»։

0
թեգերը:
Ընտրություններ, Պատերազմ, Սահման, Ռեջեփ Թայիփ Էրդողան, Ադրբեջան, Իլհամ Ալիև, Թուրքիա, Հայաստան
թեմա:
5 րոպե Դուլյանի հետ