Անձնագիր

Ում է պետք առանց վիզայի Եվրոպա գնալը, երբ Վրաստանը հող է կորցրել. ուժը կորցրած արդարացում

1662
(Թարմացված է 22:56 05.02.2021)
​Եկեք անկեղծ լինենք։ Մենք՝ հայաստանցիներս, նախանձի մի թեթև զգացում ապրեցինք 2017 թվականին, երբ իմացանք, որ Վրաստանի քաղաքացիներն այսուհետ կարող են ազատորեն՝ առանց վիզայի մտնել Եվրոպա։
Վրացիներին թույլ են տալիս առանց վիզայի մտնել Եվրոպա, մեզ՝ ոչ

Այն ժամանակ Վրաստանի ողջ ղեկավարությունն էր հավաքվել նախագահական պալատում և ուղիղ եթերում հետևում էր, թե ինչպես են Եվրոպական խորհրդարանի պատգամավորները հաստատում այդ բաղձալի որոշումը։ Համաձայնե՛ք, վրացիները հպարտանալու իրավունք ունեն։ Եթե չհաշվենք Բալթյան երկրները, որոնք արդեն Եվրամիության անդամ են, այդ պահին առանց վիզայի Շենգենի գոտի մուտք գործելու արտոնություն ուներ հետխորհրդային պետություններից միայն Մոլդովան։ Ճիշտ է, Մոլդովան՝ ի տարբերություն Վրաստանի, բուն Եվրոպայում է գտնվում, այդ երկրի բնակիչների մի զգալի մաս առանց այդ էլ Ռումինիայի քաղաքացիություն ուներ, այսինքն` ինչ-որ չափով նաև Եվրամիության քաղաքացի էր։ Իսկ Վրաստանն առաջ անցավ նույնիսկ Ուկրաինայից, որի հարցը Եվրախորհրդարանը քննարկեց հենց նույն տարում և նույն արտոնությունը շնորհեց նաև այդ երկրին։

​Նախկին նախագահ Միխեիլ Սաակաշվիլին այն ժամանակ իր կայքում գրեց. «Երբ վարդերի հեղափոխությունից հետո 2003 թվականին ես բարձրացրեցի Եվրամիության դրոշը Թբիլիսիի կենտրոնում, ինձ վրա ծիծաղում էին գրեթե բոլորը հետխորհրդային տարածքում, անկեղծ ասեմ՝ նույնիսկ եվրոպացիներից շատերն  էին թաքուն ծիծաղում։ Երբեք մի՛ ծիծաղեք իդեալիստների վրա»։ Իսկ Վրաստանի վարչապետ Գեորգի Կվիրիկաշվիլին հայտարարել է. «Եվրապարլամենը փաստորեն ասաց, որ Վրաստանը Եվրոպայի մի մասն է։ Իսկ դա նշանակում է ավելի մեծ բարեկեցություն, ավելի շատ դեմոկրատիա»։ Չեմ ուզում խորանալ Վրաստանում բարեկեցության և դեմոկրատիայի վիճակի մեջ, իմ կարծիքով, մերինից այնքան էլ չի տարբերվում։

Ուղղակի հիշեցնեմ, որ այն ժամանակ մեզ մոտ՝ Հայաստանում, անընդհատ հնչում էր նույն անառարկելի թվացող փաստարկը՝ իսկ քանի՞ կոպեկ արժե առանց վիզայի եվրոպական 25 երկրներ մտնելու իրավունքը, երբ իրենք հող են կորցրել. դուք կուզեի՞ք, որ Հայաստանում և Արցախում էլ նույնը լիներ։ Դրանով վիճաբանությունն ավարտվում էր։  Ցավոք, ստացվեց այնպես, որ մենք մի քանի շաբաթ առաջ հողեր կորցրեցինք՝ առանց փոխարենը որևէ արտոնություն ստանալու։ Նույնիսկ Եվրամիության և Հայաստանի միջև կնքված շրջանակային համաձայնագրում վիզաների վերացման կոնկրետ ժամկետների մասին որևէ խոսք չկա։

Սահակաշվիլիի դասերը, կամ «դու մենակ չես, մենակ չես, մենակ չես»

​Այնինչ ակնհայտ է, որ եթե համեմատենք Հայաստանն ու Վրաստանը, այսպես ասենք՝ վիզայազերծման տեսակետից, կհամոզվենք, որ մեր երկու երկրների միջև տարբերություն չկա, կամ լավ, եթե ուզում եք՝ գրեթե չկա։ Տեսե՛ք։ Չորս խումբ պահանջներ են ներկայացվում այն երկրին, որին Եվրոպան պատրաստ է տրամադրել մուտքի լրիվ ազատական ռեժիմ։ Առաջին՝ փաստաթղթերի անվտանգություն, ներառյալ կենսաչափական անձնագրեր։ Էստեղ խնդիր չկա՝ չեմ կարող հաստատ պնդել, բայց, իմ կարծիքով, այժմ արդեն հայաստանցիների գերակշիռ մասը կենսաչափական անձնագիր ունի։​

Եվրոպական պահանջների երկրորդ խումբը վերաբերում է անօրինական ներգաղթին և, այսպես կոչված, ռեադմիսիային՝ հետընդունմանը։ Մեր քաղաքացիների հետընդունման մասին համաձայնագիրը Եվրամիության հետ դեռ տարիներ առաջ ենք ստորագրել, իսկ ինչ վերաբերում է Հայաստանի և Վրաստանի՝ Եվրամիության տարածքում ապօրինաբար գտնվող քաղաքացիներին, խիստ կասկածում եմ, որ այստեղ մեծ տարբերություն կա։

​Պահանջների երրորդ խումբը՝ հանրային անվտանգություն և կարգուկանոն։ Համաձայնե՛ք, այնուամենայնիվ մեր մայրաքաղաքը տարբեր միջազգային կազմակերպությունների գնահատմամբ աշխարհի ամենաանվտանգ բնակավայրերից մեկն է։ Այնպես որ, էստեղ էլ խնդիր չկա։ Եվ վերջապես, պահանջների չորրորդ խումբը՝ արտաքին հարաբերություններ և  հիմնարար իրավունքներ։ Արտաքին հարաբերություններում պրոբլեմ չունենք՝ չհաշված Ադրբեջանն ու Թուրքիան։

Ղարաբաղյան շարժում, 1-ին նախագահի կանխատեսում, Արցախի «առևտուր». հայերի բուռն փետրվարները

​Ինչևէ։ Հիմա գիտե՞ք` ինչ եմ մտածում՝ հայի խելք։ Ախր ժամանակին կարող էինք շատ հանգիստ Վրաստանի քաղաքացիություն ստանալ։ Չե՞ք հիշում՝ մի քանի տարի առաջ, երբ Միխեիլ Սահակաշվիլին հեռանում էր, իր պաշտոնավարման վերջին օրերին ասաց՝ ով ուզում է, թող գա նախագահական, բոլորին Վրաստանի քաղաքացիություն եմ շնորհում։ Հիմարություն արեցինք, ալարեցինք գնացք նստել ու հասնել Թբիլիսի։ Ի՞նչ արած, մենք՝ հայերս, էդպիսին ենք, գիտակցում ենք, որ պիտի գնացք նստենք միայն այն ժամանակ, երբ մեր գնացքն արդեն…

1662
թեգերը:
Եվրոպա, Լեռնային Ղարաբաղ, Արցախյան պատերազմ, Արցախ, Հայաստան, Վրաստանի Հանրապետություն, Վիզա
թեմա:
5 րոպե Դուլյանի հետ (354)
Ըստ թեմայի
Ո՞վ կփոխարինի Մերկելին, կամ Արմին Լաշետ՝ համակրանք փախստականների ու Ռուսաստանի հանդեպ
«Ստան» ածանցը նշանակում է` ասիական երկիր ենք. ինչու են երկրները փոխում իրենց անունները
ԽՍՀՄ վերջին քաղաքացին. ինչպես Կրիկալյովի աշխատավարձը վերածվեց մի կիլո երշիկի
Ներսես Ներսիսյանի հայրը պատմում է` ինչպես է որդին հողը սեղմած եղել բռի մեջ

Տղերք, հող չկա տալու... Ներսոյի մարմինը գտան՝ բռունցքի մեջ մի բուռ հայրենի հող սեղմած

1292
(Թարմացված է 23:31 18.04.2021)
Ներսես Ներսիսյանն արևելյան սպորտաձևերի աշխարհի բացարձակ չեմպիոն էր, հերոսաբար զոհվեց 20-ամյակի նախորդ օրը՝ հասցնելով մարտական ընկերներից մի քանիսի կյանքը փրկել։

Чемпионы не умирают, они уходят покорять небеса («Չեմպիոնները չեն մահանում, նրանք գնում են նվաճելու երկինքը»)․ բանակ մեկնելու նախորդ օրը ձեռքին արված այս դաջվածքով հայրը ճանաչեց իր առաջնեկ որդու՝ Ներսեսի մարմինը։ Տղան հերոսաբար զոհվել էր ավիառումբի հարվածից հոկտեմբերի 25-ին Մարտունիում՝ 20 տարեկան դառնալուց ընդամենը ժամեր պակաս։ Այն, որ Ներսոն գնացել է երկնակամարը նվաճելու, ընտանիքն իմացավ հենց նրա ծննդյան օրը՝ հոկտեմբերի 26-ին...

Родители погибшего военнослужащего Нерсеса Нерсисяна
© Sputnik / Asatur Yesayants
Ներսես Ներսիսյանի ծնողները

Արագածոտնի մարզի Ոսկեհատ գյուղում հոկտեմբերի 26-ից օդը մի տեսակ կանգնած է, կյանքը շարունակվում է, բայց ուրիշ է։ Դարչնագույն աչքերով, լայն ժպիտով Ներսես Ներսիսյանը (սիրում էր, որ իրեն Ներսո ասեն) գյուղի ուրախությունն ու պարծանքն էր։ Կառատեի գրեթե 100 մարտ էր անցկացրել՝ առանց պարտության... Ձեռքերի վրա էին դիմավորելու հերթական մեդալով կամ գավաթով գյուղ վերադառնալիս, բայց ձեռքերի վրա հողին հանձնեցին։

Отчий дом погибшего военнослужащего Нерсеса Нерсисяна
© Sputnik / Asatur Yesayants
Ներսիսյանների տունը

Չեմպիոնի ճանապարհն ու նոկաուտ արված ադրբեջանցին

Հենց որ տուն ես մտնում, առաջին բանը, որ աչքիդ է ընկնում, Ներսեսի պատվո անկյունն է՝ ոսկե գավաթներով, մեդալներով, որոնք հազիվ են տեղավորվում պահարանում։ Որդու մասին պատմում է հայրը՝ Արթուրը՝ սևը սրտում, հպարտությունն աչքերում։  Հենց ինքն է սկսել նրան մարզել, երբ դեռ 6 տարեկան էր։ Այդպես սկսվեց ապագա չեմպիոնի ճամփան։ 9 տարեկանում առաջին միջազգային մրցույթին մասնակցեց Վրաստանում․ հակառակորդն ադրբեջանցի էր։ Մենամարտն ավարտվեց՝ ժամանակից շուտ՝ նոկաուտով։ Ներսեսն աշխարհի բացարձակ չեմպիոն դարձավ։

Спортивные медали Нерсеса Нерсисяна
© Sputnik / Asatur Yesayants
Ներսես Ներսիսյանի պատվոգրերից ու մեդալներից

«Սպորտում միշտ մեդալներով էր հետ գալիս, հիմա էլ էս հետմահու մեդալները...»։

Հայրը պատմում է՝ Ներսոյի հաջողություններին արտերկրից էլ էին հետևում, տարբեր երկրներ ներկայացնելու գայթակղիչ առաջարկներ էր ստանում, բայց միշտ մերժում էր։ Ասում էր՝ միայն հայկական դրոշի ներքո է հանդես գալու ու մեր եռագույնն է բարձրացնելու։ Ընդունվեց Ֆիզկուլտ ինստիտուտ, հետո մեկնեց բանակ։

Родители погибшего военнослужащего Нерсеса Нерсисяна
© Sputnik / Asatur Yesayants
Ներսես Ներսիսյանի ծնողները

Ատում էր դաջվածքները, բայց բանակ մեկնելու նախորդ օրը ձեռքին դաջվածքով տուն վերադարձավ՝ Чемпионы не умирают, они уходят покорять небеса։

Կռիվն արյան մեջ էր

Արթուրն ասում է՝ հանուն հայրենիքի կռվելը Ներսոյի արյան մեջ էր։ Ինքն էլ Արցախյան առաջին ազատամարտի մասնակից է, երկու անգամ ծանր վիրավորում է ստացել, հրաշքով փրկվել, դեմքին ու մարմնին տեսածի ու ապրածի սպիներն են։ Պապը Հայրենական պատերազմի մասնակից էր, Բեռլին էր հասել, նախնիները Վանում ազատագրական պայքարի մասնակիցներ են եղել։ 

Артур Нерсисян, папа погибшего военнослужащего Нерсеса у Стены почета сына
© Sputnik / Asatur Yesayants
Ներսես Ներսիսյանի հայրը

«Մի անգամ զանգեց, թե՝ պապ, հարսանիք եմ հարամել, չհասկացա պահի տակ... Ասեցի՝ տղա ջան, պատերազմ է, ինչ հարսանիք։ Ջղայնացավ, ասեց՝ ամոթ ա, դու կռված տղա ես, ոնց չհասկացար․․․» (ի նկատի է ունեցել` թշնամու մեծ խումբ են ոչնչացրել)։

Артур Нерсисян, папа погибшего военнослужащего Нерсеса
© Sputnik / Asatur Yesayants
Ներսես Ներսիսյանի հայրը պատմում է` ինչպես է որդին հողը սեղմած եղել բռի մեջ

Ներսոն հրետանավոր էր, ծառայում էր Իվանյանում, պատերազմը սկսվելու առաջին օրվանից եղել է ամենաթեժ կետերում։ Այդ մասին ընտանիքը նրա զոհվելուց հետո է միայն իմացել։

Нерсес Нерсисян во время службы
© Photo : provided by Nersisyan's family
Ներսես Ներսիսյան

«Երբեք սուտ չէր խոսել, պատերազմը սկսվելուց հետո սկսեց խաբել մեզ, որ չանհանգստանանք։ Ասում էր՝ «գնում եմ կոֆե խմելու», կամ «գնում եմ քնելու», բայց իրականում ամեն անգամ գնում էր կենաց-մահու կռվի»։

Родители погибшего военнослужащего Нерсеса Нерсисяна
© Sputnik / Asatur Yesayants
Ներսես Ներսիսյանի ծնողները

Մարտական ընկերները պատմել են, որ Ներսոն անգամ ադրբեջանցի դիվերսանտի է բացահայտել։ Նա հայի անձնագրով` Արթուր Օսիպյան անուն-ազգանունով, ներթափանցել էր իրենց շարքեր՝ իբրև ՄՈԲ-ի անդամ։ Ներսոն ինչ-որ կերպ գլխի է ընկել, որ մի բան այն չէ, զեկուցել հրամանատարներին, դրանից հետո դիվերսանտը ձերբակալվել էր։ Շատ մանրամասներ չգիտեն, որովհետև հրամանատարն էլ է Ներսոյի հետ զոհվել։

Портрет Нерсеса Нерсисяна
© Sputnik / Asatur Yesayants
Ներսես Ներսիսյան

«Վիրավոր տղաների է օգնել, դուրս բերել։  Տղաների խոսքով՝ զոհվելուց առաջ էլ ասել է. «տղերք, հող չկա տալու»...»։

Սենյակի օդը ծանրանում է... Ամուսնու կողքին լուռ նստած Գայանեն ավելի է սեղմում շուրթերը, արագ-արագ սեղան դնող քույրը՝ Թինան, աննկատ ու արագ սրբում է թափվող արցունքները, փոքր եղբայրը՝ Նարեկը, տղամարդավարի կախում է գլուխը։

Нарек Нерсисян, брат погибшего военнослужащего Нерсеса
© Sputnik / Asatur Yesayants
Ներսես Ներսիսյանի եղբայրը` Նարեկը

Վերջին անգամ Ներսոյի հետո խոսել են հոկտեմբերի 22-ին, սպասում էին, որ հոկտեմբերի 25-ին՝ ուղիղ կեսգիշերին, կզանգահարի, որ իր ծննդյան օրը շնորհավորեն։ Ներսոյից զանգ այդպես էլ չեկավ...

«Ես զգացի դա..Տանը նստած էի, հյուր ունեինք, նենց ծանրացավ սիրտս..»,–ասում է հայրը։

Հաջորդ օրը նա մեկնեց Գորիս՝ որդուն ճանաչելու։

«Դեմքին չկարողացա նայել, ամեն ինչ նորմալ էր, դեմքը վնասված չէր, բայց ես չկարողացա նայել։ Տեսա, որ բռունցքը սեղմած է։ Բացեցին, մեջը հող էր ամուր սեղմած պահել...»։

Военные вещи погибшего военнослужащего Нерсеса Нерсисяна
© Sputnik / Asatur Yesayants
Ներսես Ներսիսյանի համազգեստը

Թինան բերում է եղբոր հիշատակին պատվիրված լուսանկարների տուփը․․․ Այստեղ են նաև Ներսոյի վերջին լուսանկարները՝ պատերազմի օրերին՝ զոհվելուց օրեր առաջ։

«Ես իրեն մահացած չեմ համարում, իրեն ողջերի մեջ եմ փնտրում, ես իր հետ նորմալ զրուցում եմ, կարող է թվալ՝ ցնդաբանություն է, բայց ես իրեն տեսնում ու զգում եմ։ Հիմա էլ եմ զգում, որ կողքիս նստած է՝ ինչպես միշտ համեստ ու ժպիտը դեմքին։ Հպարտանում եմ իրենով...»։

Ներսոյի ծառայության ավարտին երկու ամսից մի քիչ ավելի էր մնացել, հունվարի 14-ին զորացրվելու էր։ Ընտանիքն արդեն պատրաստվում էր վերադարձի «բանակի քեֆին»։ Վայրը որոշված էր, հյուրերի ցուցակն էին կազմել։ Միայն մատաղի գառը դեռ չէին գնել։ Նվերն էլ էր պատրաստ՝ Ներսոյի սիրելի ավտոմեքենան։ Տանը վերանորոգման աշխատանքներ էին սկսել, հեռվից հեռու Ներսոն հետևում էր, խնդրում ամեն փոփոխությունը լուսանկարել, ուղարկել։ Շատ էր սպասում բակի պատի փոփոխությանը, այդ լուսանկարը չհասցրեցին ուղարկել...

  • Ներսես Ներսիսյանի քույրը` Թինան
    Ներսես Ներսիսյանի քույրը` Թինան
    © Sputnik / Asatur Yesayants
  • Ներսես Ներսիսյանի մայրը` Գայանեն
    Ներսես Ներսիսյանի մայրը` Գայանեն
    © Sputnik / Asatur Yesayants
  • Ներսես Ներսիսյանի լուսանկարներից
    Ներսես Ներսիսյանի լուսանկարներից
    © Sputnik / Asatur Yesayants
  • Ներսես Ներսիսյանի լուսանկարները
    Ներսես Ներսիսյանի լուսանկարները
    © Sputnik / Asatur Yesayants
  • Ներսես Ներսիսյանի լուսանկարները
    Ներսես Ներսիսյանի լուսանկարները
    © Sputnik / Asatur Yesayants
  • Ներսես Ներսիսյանի ծնողները
    Ներսես Ներսիսյանի ծնողները
    © Sputnik / Asatur Yesayants
  • Ներսես Ներսիսյանի լուսանկարները
    Ներսես Ներսիսյանի լուսանկարները
    © Sputnik / Asatur Yesayants
  • Ներսես Ներսիսյանի լուսանկարները
    Ներսես Ներսիսյանի լուսանկարները
    © Sputnik / Asatur Yesayants
  • Ներսես Ներսիսյանի մեդալներն ու պատվոգրերը
    Ներսես Ներսիսյանի մեդալներն ու պատվոգրերը
    © Sputnik / Asatur Yesayants
  • Ներսես Ներսիսյան
    Ներսես Ներսիսյան
    © Photo : provided by Nersisyan's family
  • Ներսես Ներսիսյան
    Ներսես Ներսիսյան
    © Photo : provided by Nersisyan's family
  • Ներսես Ներսիսյանը` մարզման ժամանակ
    Ներսես Ներսիսյանը` մարզման ժամանակ
    © Photo : provided by Nersisyan's family
  • Ներսես Ներսիսյանը` մարզումից առաջ
    Ներսես Ներսիսյանը` մարզումից առաջ
    © Photo : provided by Nersisyan's family
  • Ներսեսի լուսանկարներով ժամացույց
    Ներսեսի լուսանկարներով ժամացույց
    © Sputnik / Asatur Yesayants
1 / 14
© Sputnik / Asatur Yesayants
Ներսես Ներսիսյանի քույրը` Թինան
1292
թեգերը:
Հայաստան, Զոհ, Զինվոր, զինծառայող, Արցախյան պատերազմ, Արցախ
Հայ-թուրքական սահման

Ի՞նչ կտա մեզ Հայաստան-Թուրքիա սահմանի բացումը

385
(Թարմացված է 23:04 17.04.2021)
Ադրբեջանի և Թուրքիայի ղեկավարների հայատյաց քայլերի ֆոնին Հայաստանի կառավարության ու խորհրդարանի իշխող խմբակցության մի շարք ներկայացուցիչներ պնդում են, թե Թուրքիայի հետ հաշտվելու լավ հնարավորություն է ստեղծվել։

Թուրքիայի նախագահ Ռեջեփ Թայիփ Էրդողանը հայտարարել է Շուշի այցելելու մտադրության մասին՝ հայկական բերդաքաղաքը անվանելով իրենց համար հաղթանակի և հպարտության խորհրդանիշ։ Էրդողանը շեշտել է, որ կշարունակի Ադրբեջանին աջակցությունը բոլոր միջոցներով՝ Արցախը վերջնականապես թուրքականացնելու համար։ Ադրբեջանի նախագահ Իլհամ Ալիևն իր հերթին հատուկ պարգևի  է արժանացրել Էրդողանի փեսա Սելջուկ Բայրաքթարին, ում նախագծած «Բայրաքթար» անօդաչու թռչող սարքերի շնորհիվ հնարավոր դարձավ հայկական մի շարք տարածքների գրավումը Ադրբեջանի, Թուրքիայի և վարձկան ահաբեկիչների կողմից։

Ադրբեջանի և Թուրքիայի ղեկավարների հայատյաց քայլերի ֆոնին Հայաստանի կառավարության ու խորհրդարանի իշխող խմբակցության մի շարք ներկայացուցիչներ պնդում են, թե լավ հնարավորություն է ստեղծվել՝ հաշտվելու Թուրքիայի հետ և նոր հարաբերություններ սկսել։

Ի տարբերություն Ադրբեջանի և Թուրքիայի իշխանությունների՝ Հայաստանի այսօրվա ղեկավարները ջանքեր չեն խնայում հարևան երկու երկրների հետ թշնամական հարաբերությունները վերափոխելու բարեկամականի։ Որքանո՞վ է դա հնարավոր։ Հայաստանի իշխանության տրամաբանությունն եմ փորձում հասկանալ ԱԺ «Իմ քայլը» խմբակցության պատգամավոր Տաթև Հայրապետյանից։

«Մենք ունենք խնդիրներ Թուրքիայի նկրտումների հետ կապված։ Թեկուզ 2020թ․ պատերազմում Թուրքիայի գործողություններն ու բացահայտ աջակցությունը Ադրբեջանին ցույց են տալիս, որ Թուրքիան իրեն դիրքավորում է։ Իմ դիտարկմամբ, թուրք-ադրբեջանական այս տանդեմը վտանգավոր է ոչ միայն Հայաստանի, այլև տարածաշրջանի մյուս երկրների համար»,-ասաց ԱԺ իշխող խմբակցության պատգամավորը։

Ստացվում է՝ Թուրքիայի հետ հարաբերությունների և Թուրքիայից սպասվող նոր վտանգների առումով դիրքորոշումը միատարր չէ նաև իշխանության ներսում։ Ադրբեջանի և Թուրքիայի գծով մասնագիտացած պատգամավորը չի կիսում իշխանության ներսում իր գործընկերների կարծիքը՝ այն համարելով առնվազն անհեռատես։

«Հնարավո՞ր է արդյոք այս իրավիճակում երկխոսություն Թուրքիայի հետ։ Եթե պետության անվտանգային շահը դա է պահանջում, ապա կարելի է երկխոսել անգամ սատանայի հետ, բայց արդյո՞ք Թուրքիան պատրաստ է դրան։ Իմ համոզմամբ, քանի դեռ Թուրքիան չի ճանաչել Հայոց ցեղասպանությունը, երկարաժամկետ կարգավորման մասին խոսելը անհեռատեսություն եմ համարում»։

Թուրքիայից ներմուծվող ապրանքների արգելքը կերկարաձգվի. փոխվարչապետ

Խորհրդարանի փոխխոսնակ Լենա Նազարյանը հավաստիացնում է, թե որևէ մեկի արժանապատվությունը չի նվաստանա, եթե մենք անենք առաջին քայլը Թուրքիայի կամ Ադրբեջանի հետ թշնամանքը վերացնելու առումով։ Պատգամավոր Տաթև Հայրապետյանը հենց արժանապատվությունն է համարում պետությունների կարևոր արժեքներից մեկը։

«Ի վերջո, ինչպես մարդկային հարաբերություններում, պետությունների հարաբերություններում էլ պետք է լինի արժանապատվություն։ Ոչ ոք ոչ մեկից ոչինչ չի խնդրում։ Եթե Թուրքիան իրապես հարաբերությունների կարգավորում ցանկանար, ապա պետք է գնար քայլերի, այնինչ նրանք չեն գնում դրան, այլ հակառակը, ինչքան մենք հետքայլ ենք անում, այնքան նրանք առաջ են գալիս։ Նրանց քաղաքական գիծը չի փոխվում»,-նշեց Տաթև Հայրապետյանը։

Ի՞նչ կտա մեզ Թուրքիայի հետ հարաբերությունների հաստատումը քաղաքական և տնտեսական առումով։ Սպուտնիկ Արմենիայի տաղավարում այս մասին հարցեր եմ ուղղում տարածաշրջանային քաղաքական վերլուծաբան Սարո Սարոյանին։

«Ընդհանրապես Թուրքիայի հետ հարաբերություններ հաստատելու գաղափարը շատ լավ է, բայց բոլոր այն մարդիկ, որոնք այժմ խոսում են հայ-թուրքական հարաբերություններ հաստատելու մասին, մի մեծ սխալ են գործում՝ հաշվի չառնելով աշխարհաքաղաքական կշիռները։ Հայաստանը որոշակի դերակատարում ուներ տարածաշրջանում իր կշիռներով՝ Հայոց ցեղասպանություն, արցախյան հակամարտություն, պանթուրքիզմի համար սեպ լինելու հանգամանքը... Իսկ երբ մենք հանեցինք բոլոր այդ գործոնները, այլևս մեզնից ոչինչ չենք ներկայացնում»,-կարծում է Սարո Սարոյանը՝ նշելով, որ տնտեսական համագործակցության խոստումները միֆ են։

Վերլուծաբանի կարծիքով՝ վերը նշվածից բացի՝ մեր տնտեսությունը նույնպես չունի բավարար ռեսուրս՝ ոտք մեկնելու Թուրքիայի հետ, որի տնտեսությունն իր զարգացման արագությամբ երկրորդն է՝ Չինաստանից հետո։

Հավելենք, որ Հայաստանից արտահանման հիմնական շուկաներն են Ռուսաստանը, Չինաստանն ու Շվեյցարիան։ Այս վերջինը մեր երկրից գնում է հիմնականում ոսկու, պղնձի և մոլիբդենի հանքանյութ։ Թուրքիան կարող է դեպի Շվեյցարիա ճանապարհ լինել, բայց ինչպես այդ դեպքում, այնպես էլ հիմա երկաթուղային ճանապարհը հանքանյութը հասցնելու է մինչև Սև ծովի նավահանգիստներ, որտեղից արդեն ծովային երթուղով հայկական ապրանքը գնում է Եվրոպա։ Ռուսաստանին և Չինաստանին հետաքրքրում են տարբեր ապրանքատեսակներ, բայց Հայաստանը արտաքին աշխարհի հետ առևտուր անում է հիմնականում կոնյակի, հանքային ջրի, հագուստի միջոցով։ Այստեղ ևս Թուրքիայի դերը մոտենում է զրոյի։

«Մենք ի՞նչ առևտուր ենք անում, մենք միայն թուրքական ապրանք ենք ներկրում, իսկ հայկական արտադրանքի արտահանումը Թուրքիա արգելվում է։ Այսինքն մեր նկատմամբ իրականացնում է մի քաղաքականություն, երբ այն, ինչ իրեն ձեռնտու է, անում է, իսկ այն, ինչ մեզ է ձեռնտու, արգելում է։ Մենք ինչպե՞ս ենք պատկերացնում, օրինակ, երկաթուղային ենթակառուցվածքի աշխատանքը։ Վստահ եմ, որ դա ծառայելու է գլխավորապես Թուրքիայի շահերին, ոչ թե մեր»,-նշում է Սարո Սարոյանը։

Թուրքերը ագրեսիվ գործելաոճ են ընտրել նաև տնտեսական ոլորտում՝ փորձելով այդկերպ ներխուժել այլ երկրներ և քաղաքական ազդեցության ենթարկել։ Այդ առումով Հայաստանի համար ավերիչ կարող է լինել թուրքական գյուղատնտեսությունը։ 2007-ից մինչև օրս Թուրքիան աշխարհում առաջին տեղում է բալի, սերկևիլի, նռան, ուշադրություն դարձրեք՝ ծիրանի արտադրության ցուցանիշներով։ Երկրորդ տեղում է ձմերուկի, վարունգի, լոլիկի, սմբուկի արտադրությամբ։

Հայ գյուղացին կարո՞ղ է արդյոք մրցակցել կամ գոնե դիմադրել աշխարհի շուկաները գրավող և տնտեսական էքսպանսիայի հեռահար նպատակով Հայաստանում շատ ցածր գնով գյուղատնտեսական ապրանք ներմուծող Թուրքիային։

385
թեգերը:
Սահման, Թուրքիա, Հայաստան
Ըստ թեմայի
ՀՀ ԱԳՆ-ն մեկնաբանել է Անդրանիկ Քոչարյանի` Թուրքիայի հետ երկխոսելու մասին հայտարարությունը
«Վիրավորված» Թուրքիան սառեցրել է Իտալիայի հետ 70 միլիոն եվրոյի գործարքը
Ուկրաինան՝ Թուրքիայի նոր դաշնակի՞ց
Քիմ և Քորթնի Քարդաշյան. արխիվային լուսանկար

«Իմ հայ թագուհի Քորթնի Քարդաշյան». Քիմը շնորհավորել է քրոջ ծննդյան տոնը. լուսանկարներ

0
Քիմ Քարդաշյանը գրել է, որ Քորթնին միշտ գիտի, թե ինչ է ուզում այս կյանքում։

ԵՐԵՎԱՆ, 18 ապրիլի – Sputnik. Ամերիկահայ հեռուստաաստղ Քիմ Քարդաշյանը յուրահատուկ կերպով է շնորհավորել ավագ քրոջը` Քորթնի Քարդաշյանին ծննդյան օրվա առթիվ։ Նա Քորթնիի հետ տարբեր ժամանակներում արված լուսանկարներ է հրապարակել, որոնց մեջ կա նաև Հայաստան կատարած այցը։

«Ծնունդդ շնորհավոր, իմ հայ թագուհի Քորթնի Քարդաշյան։ Մոլորակի այն մարդն ես, ում ես շատ երկար ժամանակ է ինչ ճանաչում եմ։ Քո նմանը չկա։ Դու միշտ գիտես ինչ ես ուզում այս կյանքում, և երբեք չես համապատասխանում ուրիշների իդեալներին, ես այնքան եմ հիանումքեզնով: Դու միշտ ճշտի կողմից ես և դարձել ես լավագույն հոգեթերապևտը, որի մասին կարող է երազել ցանկացած աղջիկ։ Ես սիրելու եմ քեզ մինչև վերջին շունչս։ Քեզ լավագույն տարեդարձն եմ մաղթում, դու արժանի ես այս ամենին»,– գրել է Քիմը։

Նշենք, որ այսօր Քորթնին նշում է իր ծննդյան 42–րդ տարեդարձը։ Նա Instagram-ում հրապարակել է նախօրեին իր նոր ընկերոջ՝ ամերիկացի երաժիշտ Թրևիս Բարքերի մատուցած օրիգինալ անակնկալը և երկրպագուներին ցույց տվել տան անկյունում կակաչների ահռելի փունջն ու առաստաղից թելով կախված բազմաթիվ գարդենիաները։

Նշենք, որ վերջերս հայտնի դարձավ, որ Քորթնին նոր ընտրյալ ունի։ Օրեր առաջ նա հանգստյան օրերն անցկացրել էր Թրևիս Բարքերի հետ։
Ընտանեկան հանգստից լուսանկարներ են հրապարակել ինչպես Քորթնի Քարդաշյանը, այնպես էլ հայտնի երաժիշտը։

Նշենք, որ Քորթնին նախկինում հանդիպում էր Սքոթ Դիսիքի հետ, որից ունի 3 երեխա, իսկ Բարքերն իր նախորդ ամուսնությունից մեկ դուստր և մեկ որդի ունի։ Զույգն իր ժամանակի զգալի մասն անց է կացնում երեխաների հետ։

«Ամենաթույն մորաքույրը»․ Քիմ Քարդաշյանն ու զարմիկը խախտել են Քորթնիի սահմանած «կանոնները»

0
թեգերը:
Ծննդյան օր, Քորթնի Քարդաշյան, Քիմ Քարդաշյան
Ըստ թեմայի
Քիմ Քարդաշյանը միլիարդատեր է դարձել և ընդգրկվել աշխարհի ամենահարուստ մարդկանց ցուցակում
Արմենչիկ և ոչ միայն. Քորթնի Քարդաշյանը գաղտնազերծել է իր հայկական «փլեյլիստը»
Ինչո՞ւ վճարել պրոֆեսիոնալ լուսանկարիչներին․ Քորթնի Քարդաշյանը որդուն գործի է դրել
Քիմ և Քորթնի Քարդաշյանները գովազդում են ռուս գործարարի ստարտափը