Ծաղիկ

«Ասաց՝ մամ, ծաղկեպսակը դու սարքի». Եռաբլուրում ծաղիկները ձյունից շատ էին ու անիմաստ թանկ

466
(Թարմացված է 12:04 15.01.2021)
Ծաղիկները, ըստ փորձագետի, նախորդ տարվա համեմատ թանկացել են 50-ից 300 տոկոսով. ո՞րն է պատճառը։

ԵՐԵՎԱՆ, 14 հունվարի - Sputnik. Հայաստանում վերջին ամիսներին ծաղկի բիզնեսը ծաղկում է։ Եթե նախկինում ծաղկավաճառները մեծ շահույթ էին ստանում, օրինակ, սեպտեմբերի 1-ին, «կանանց միամսյակին», ապա այժմ առիթն ավելի քան տխուր է։ Իհարկե գտնվեցին ծաղկավաճառներ, որոնք չմտան սգավոր ընտանիքի գրպանը, բայց նրանց թիվը, ցավոք, շատ չէ։ Թե ինչպես իրենց դրսևորեցին ծաղկավաճառները և ինչ գնային փոփոխություններ տեղի ունեցան շուկայում, ներկայացնում ենք ստորև։

Դեկտեմբերի 31, Եռաբլուր, ծաղիկները ձյունից շատ են, պանթեոնում ասեղ գցելու տեղ չկա, այստեղ են հավաքվել զոհվածների հարազատներն ու ընկերներն ու պարզապես մարդիկ, որոնց սիրտը չէր տանի տարեմուտի գիշերը դիմավորել լիքը սեղանի շուրջ՝ ասես ոչինչ էլ չի եղել։ Շատրեը ծաղիկներով էին եկել։

«Ամեն սգավորի հետ լացել եմ։ Երբ մարդկանց այդ վիճակում եմ տեսնում, այդ պահին ինձ չի կարող փողը հետաքրքրել։ Եղել են դեպքեր, որ ասել եմ՝ ինչ կլինի, գումար մի տվեք»,- պատմում է Սյուզաննան, որն արդեն 10 տարի է, ինչ ծաղկի բիզնեսով է զբաղվում։

Սյուզաննայի հուզմունքն ավելի խորը արմատներ ունի․ հարազատներից երկուսն արդեն մի քանի ամիս է, ինչ անհետ կորած են։

««Դու կըրնա՞ս սև թուղթ ուտես, չե՜ս կըրնա», - ասում էր փոստատար Նիկոլին մարմնավորող Մհեր Մկրտչյանը, որն այդպես էլ Հայաստան մայրիկի աչքերին չկարողացավ նայել։ Այս պատերազմի ընթացքում ես ֆիզիկապես զգացի նրա ապրածը: Անասելի ծանր է նայել զոհվածի հարազատի աչքերին ու ծաղկեպսակին փակցվող սև ժապավենի վրա գրել 18,19,20․․․»։

Հայտնի է զոհերի ընտանիքներին և հաշմանդամություն ստացածներին տրվելիք աջակցության չափերը

Իրավիճակն ավելի է ծանրանում, երբ զոհվածն աչքիդ առաջ է մեծացել։ Սյուզաննան նման դեպքերում ծաղիկն ուղղակի նվիրում է։

Բայց շատերը չեն, որ նման կերպ են վարվում ու շարժվում են «անձնական ոչինչ չկա, ընդամենը բիզնես է» կարգախոսով։ Ծաղիկների գների շեշտակի բարձրացում նկատվեց արդեն պատերազմի օրերին։

Հոկտեմբերի սկզբին, եթե 3 հատ թրաշուշան (գլադիոլուս) շուկայում արժեր 1000 դրամ, ապա օրեր անց մեկ հատն արժեր 1500 դրամ ու այնպես էլ չէր, որ ծաղիկը ջերմոցից էր շուկա հասնում (ջերմոցային ծաղիկների դեպքում համեմատաբար թանկ գինը հասկանալի է)։

Մեր տեղեկություններով՝ գնաճն «ապահովում էին» նաև շուկայի վերավաճառողները։ Նրանք էլ իրենց հերթին նույն թրաշուշանը գնում էին 1000 դրամով, վաճառում ՝ 2000-ով։ Արդյունքում խանութ-սրահների տերերից շատերին ծաղիկը հասնում էր երրորդ ձեռքից՝ թանկ ու հաճախ անորակ։

Այս ընթացքում շատ պահանջված են մեխակը, քրիզանթեմը, գերբերան և, իհարկե, վարդը։

Ծաղկի շուկայում այս օրերին մեխակն արժե 350-400 դրամ, քրիզանթեմի փունջը՝ 3000-3500 դրամ, գերբերան 250-300 դրամ, ամենակարճ վարդերի (օրինակ Ջումիլիա, 50 սմ) մեկ փունջն արժե 7500 դրամ: Սակայն այստեղ էլ գները միանշանակ չեն ու կախված են վարդի տեսքից, գույնից և երկարությունից. հոլանդական 1 վարդի արժեքը Երևանում հասնում է մինչև ընդհուպ 2300 դրամի։

Եթե համեմատենք նախորդ տարվա նույն ժամանակահատվածի հետ, իրացման շուկայում մեխակը միջինում արժեր 220-250 դրամ, քրիզանթեմի փունջը՝ 2000 դրամ, գերբերան՝ 160-200 դրամ, իսկ կարճ վարդի մեկ կապը (օրինակ Ջումիլիա, 50 սմ ) 5000 դրամ։

Նախագահ Արմեն Սարգսյանի անունից ծաղկեպսակ է դրվել Եռաբլուրում

Դե իսկ ծաղկեպսակների գների մասին ավելորդ է անգամ խոսելը։ Եթե մարզերում հնարավոր է 16000-17000 դրամով ծաղկեպսակ գնել, ապա Երևանում դա անհնար է։ Այստեղ գները սկսվում են 25000-30000 դրամից։ Դե իսկ «էլիտար» (այս դեպքում՝ գերբարձր գներով) ծաղկի սրահները ծաղկեպսակ են առաջարկում 78000-155000 դրամով։

Sputnik Արմենիային ՀՀ Տնտեսական մրցակցության պաշտպանության պետական հանձնաժողովից հայտնեցին, որ ծաղկի աճեցմամբ ՀՀ -ում զբաղվում են հազարավոր փոքր ջերմոցային տնտեսություններ: Շուկան մրցակցային է, և չկան գերիշխող դիրք ունեցող տնտեսվարողներ, հետևաբար ՏՄՊՊՀ-ն իրավասու չէ օրենքով սահմանված կարգով վարույթ հարուցել:

«Հանձնաժողովը գնային քաղաքականության կարգավորման գործառույթ չի իրականացնում և վերահսկողություն է իրականացնում տնտեսվարող սուբյեկտների գնային քաղաքականության նկատմամբ միայն այն պարագայում, երբ առկա են հնարավոր գերիշխող դիրքի չարաշահման կամ հակամրցակցային համաձայնության դրսևորման երևույթներ։ Եթե լինեն գերիշխող դիրք ունեցող տնտեսավարողների կողմից գների բարձրացման դեպքեր, ապա ՏՄՊՊՀ֊ն համապատասխան քայլեր կձեռնարկի»,-նշեցին մամուլի ծառայությունից։

Sputnik Արմենիան զրուցել է նաև սպառողների իրավունքների պաշտպանությամբ զբաղվող փորձագետ Բաբկեն Պիպոյանի հետ։

Նրա խոսքով՝ ծաղկի շուկայում գնաճի դեպքերի բախվում ենք ամեն տարի՝ տոնական օրերին կամ մեռելոցից առաջ։ Նրա խոսքով, պետությունն այստեղ անելիք ունի։ Դեռ տարիներ առաջ նա նոր գործիքակազմ է առաջարկել ոլորտը կարգավորելու համար, մասնավորապես՝ եթե պետությունը մի քանի համեմատաբար խոշոր խաղացողներին վերահսկի, նրանք կհասկանան, որ եթե ծաղիկն իրենց վրա «նստում է» 100 դրամ, իրավունք չունեն վաճառելու 400 դրամով, ու այդ դեպքում շուկան կկարգավորվի։

«Եթե դիտարկենք արդեն իրացման շուկան և մեծածախ շուկան, ապա առանձին տեսակների մեջ 50-ից մինչև 300 տոկոս գնաճ ունենք։ Եթե մարդը նախորդ տարի 1200 դրամ արժեցող ծաղիկն այժմ գնում է 1500 դրամով և լսի 200 կամ 300 տոկոս թանկացման մասին՝ իր համար տարօրինակ կլինի, բայց կան առանձին տեսակներ, որոնք այդքան թանկացել են»,-ասում է Պիպոյանը։

Սակայն նա խորհուրդ չի տալիս թիրախավորել միայն ծաղկավաճառներին, քանի որ կան նաև այլ գործոններ (ցուրտ, ջերմոցային տնտեսություն, գազի և էլեկտրաէներգիայի թանկացում, ներմուծվող ծաղիկների համար՝ դոլարի կուրս և այլն), որոնք ազդում են ծաղկի գնի թանկացման վրա։ Խնդրին չի կարելի միայն սպառողների տեսանկյունից նայել. պետք է հասկանալ, թե ծաղկի բիզնեսն ինչ խնդիրներ ունի։

«Պետք լինի՝ շնչելն էլ կարգելենք», կամ երբ ցավից երգեր են ծնվում

Գնաճով ստեղծված իրավիճակը կոնֆլիկտներ է առաջացրել նաև ծաղկավաճառների ներսում։ Ինչպես պատմեց մեզ ծաղկավաճառ տիկին Կարինեն, նրանք, ովքեր անընդունելի էին համարում պատերազմի օրերին անգամ հացից էլ պահանջված ծաղկի գնաճը, բողոքում էին ու մեծածախ շուկայի ծաղկավաճառներին ամոթանք տալիս։

Սյուզաննան ու տիկին Կարինեն ծաղկավաճառներին «խելքի բերելու» իրենց տարբերակն են գտել. սպառնում են, որ անհարկի գնաճ ստեղծող ծաղկավաճառներից այլևս ծաղիկ չեն գնի, ուստի որոշ ժամանակ հետո ծաղկավաճառները կամ ստիպված կլինեն էժան վաճառել, կամ թափել ծաղիկը։

Տիկին Կարինեն խոստովանում է՝ ինքն էլ սահմանին զինվոր ուներ, հետո նայում է ինձ ու ինքն իրեն հարցնում՝ իսկ ո՞վ չուներ։

Ամեն շաբաթ որդու հետ նրա ընկերների շիրիմներին է այցելում ու շնորհակալություն հայտնում իր տղայի փրկված կյանքի համար։

«Պատերազմից հետո գտան որդուս ամենամոտ ընկերոջ մարմինը։ Ասաց՝ մամ, ծաղկեպսակը դու սարքի․․․ չէի կարողանում սև ժապավենի վրա անունը գրել, մատներս դողում էին, քարացել էի։ Որդուս հետ տղայի հարազատներից մեկն էր եկել ծաղկեպսակը տանելու։ Ինձ որ այդ վիճակում տեսան՝ լուռ հետ գնացին ու երևի 45 րոպե անց նոր եկան-տարան։ Հիմա էլ երբ խոսում ենք՝ ամբողջ մարմնովս սարսուռ է անցնում, հիշելը ծանր է»,- պատմում է նա։

Սեպտեմբերի 27-ից անցել է 109 օր. զոհվածների ծնողները, կանայք ու երեխաներն ամեն շաբաթ գերեզման են գնում՝ իրենց հետ տանելով մի բաժին հաց ու ծաղիկներ։

Ծաղկավաճառները շեշտում են՝ ամեն հաճախորդի չի ստացվում բացատրել, որ առաջին ձեռքից են թանկացումները, ուստի հաճախորդների «թթու դեմքերն» իրենց են բաժին հասնում, զոհվածների հարազատների առաջ էլ ամոթով են մնում, որովհետև տղաներն իրենց ամենաթանկը տվեցին՝ կյանքը, չկասկածելով, որ նույնիսկ դրա հաշվին են որոշները շահույթ ստանալու՝ սովորականից թանկ ծաղիկ վաճառելով։

466
թեգերը:
Պատերազմ, գին, Ծաղիկ
Ըստ թեմայի
Կապանի քաղաքապետը հերքել է ադրբեջանցիների կողմից զինծառայողի առևանգման լուրը
Արցախում հիվանդությունից 18-ամյա զինծառայող է մահացել
«Պարոն վարչապետ, դա՞ էր ձեր փրկած կյանքը». ժամկետային զինծառայողների ծնողները բողոքում են
Լարի Քինգ

Նրա հաղորդումները միաժամանակ դիտում էին միլիոնավոր մարդիկ. Լարին, Սթիվենն ու Մուհամեդ Ալին

24
Եկեք անկեղծ լինենք։ Այս հիվանդությունը՝ կորոնավիրուսը չի նայում, թե դու ով ես՝ բժիշկ, ոստիկան, հայտնի գրող, թե բաձրաստիճան պաշտոնյա։ Համավարակը չի շրջանցում որևէ մեկին, մանավանդ նրանց, որ այլ լուրջ առողջական խնդիրներ ունեն և բարձր տարիքի են։
Կյանքից հեռացել է ժուռնալիստիկայի լեգենդը՝ 87-ամյա Լարի Քինգը

Շաբաթ օրը Ամերիկայում կյանքի հեռացավ աշխարհի ամենահայտնի և ամենապրոֆեսիոնալ լրագրողներից մեկը՝ Լարրի Քինգը։ Նա 87 տարեկան էր։ Իր 60-ամյա կարիերայի ընթացքում նա տասնյակ հարցազրույցներ է վարել ամենատարբեր մարդկանց հետ։ Հիշում եք, երևի, մի ժամանակ էսպիսի կատակ կար, կարծեմ, հայտնի դերասան Վալենտին Գաֆտն էր հորինել. «Չկա աշխարհում այնքան հայ, որքան դեր, որ խաղացել է Արմեն Ջիգարխանյանը»։

Լարի Քինգի վարած հարցազրույցների թիվն էլ աներևակայելի շատ է, և դեպ նրա հիմնած «Լարրի Քինգ լայֆ» երեկոյան հաղորդումը «Գինեսի գրքում» է ընդգրկվել հենց երկարակեցության համար, որովհետև շատ լավ գիտենք՝ որոշ ժամանակից հեռուստահաղորդումների ճնշող մեծամասնությունը փակվում է, քանզի հանդիսատեսը կորցնում է դրանց նկատմամբ հետաքրքրությունը։

​Լարի Քինգի դեպքում երկար տարիներ այդպես չէր։ Կա վիճակագրություն։ Ճիշտ է, վիճակագրությունը հաճախ խաբուսիկ է։

Մի օրինակ բերեմ հայաստանյան իրականությունից։ Ամեն ամիս, կարծեմ նույնիսկ ամեն շաբաթ «Արմենպրես» գործակալությունը հրապարակում է ամենակարդացվող գրքերի, այսպես ասած, «թոփ թենը», հիմնվելով Երևանի գրախանութներում անցկացրած հարցումների վրա։ Իհարկե, հստակ ասվում է՝ այս գիրքը առաջինն է, այս մյուսը՝ երկրորդը և այլն։ Սակայն չի նշվում, թե քանակական առումով որքան գիրք է վաճառվել։ Իսկ չար լեզուները պնդում են, որ նույնիսկ առաջին տեղը գրաված գրքից վաճառվել է ընդամենը 10-15 օրինակ։ Այնինչ առաջին տեղը գրաված գրքի հեղինակը անմիջապես էլ հայտարարում է՝ ես բեսթսելեր եմ գրել։ Փորձեք գնալ արտերկիր և համոզել, ասենք, մեկ այլ Քինգին՝ Սթիվեն Քինգին, որի ամեն նոր գիրք գրեթե միլիոնավոր տպաքանակով է լույս տեսնում, որ 10-15 օրինակով վաճառված գիրքը բեսթսելեր է։ Ասում են՝ Սթիվեն Քինգը բավական բարեկիրթ մարդ է՝ չի ծիծաղի, այլ հակառակը՝ կփորձի սփոփել ձեզ։

​Ինչու եմ սա պատմում։ Որովհետև Լարի Քինգի հարցազրույցները սովորաբար ամեն օր լսում էր ավելի քան մեկուկես միլիոն մարդ։ Եթե այս ցուցանիշը ձեզ չբավարարեց, բերեմ արտառոց փաստ։

Շատ ռոմանտիկ. «Матч ТВ»-ի հաղորդավարուհուն ուղիղ եթերում առաջարկություն են արել. տեսանյութ

Երբ 1993 թվականին Լարի Քինգը դեբատներ էր վարում Ամերիկայի փոխնախագահ Ալբերտ Գորի և տեխասցի հայտնի միլիարդատեր Ռոս Պերոյի միջև՝ Ազատ առևտրի Հյուսիսամերիկյան համաձայնագրի շուրջ, այդ հաղորդումը դիտել էր ավելի քան 16 միլիոն մարդ։ Հիմա էլ է սա անհավանական թվում, իսկ այն ժամանակ պարզապես ֆանտաստիկ էր։ 16 միլիոն մարդ՝ հինգ Հայաստան։

​Ով էր Լարի Քինգը։ Ծնվել էր Նյու Յորքի Բրուքլին շրջանում 1933 թվականին։ Մեծացել էր հրեական հավատացյալ ընտանիքում։ Սակայն ավելի ուշ, գիտական բնորոշմամբ, դարձել էր ագնոստիկ, ինչը սովորական ժողովրդական լեզվով նշանակում է անհավատ։ 14 տարեկանում մահացավ նրա հայրը, և պատանի Քինգը դուրս եկավ դպրոցից մորն օգնելու համար։ 20 տարեկան հասակում զգաց, որ ուզում է լրագրությամբ զբաղվել և գնաց ռադիո։ Երբ ռադիոկայանի ղեկավարն իմացավ, որ տղայի անունը Լոուրենց Զեյգեր է, անկեղծորեն խնդրեց գոնե եթերում ներկայանալ այլ ազգանվամբ։ Սկսեցին փնտրել և ի վերջո գտան մի թերթ, որտեղ գովազդ կար, գրված էր «Քինգի ալկոհոլի մեծածախ վաճառքի խանութ»։ Բոլորին դուր եկավ, և այդ օրից նա դարձավ Լարի Քինգ։

​Իսկ 1978 թվականին գնաց հեռուստատեսություն և հիմնեց «Լարի Քինգ լայֆ» հեռուստահաղորդումը։ Հարցազրույցներ արեց Ամերիկայի բոլոր նախագահների հետ՝ Ջերալդ Ֆորդից սկսած։ Բարաք Օբաման նրան անվանեց «հեռուստատեսային Մուհամեդ Ալի», այսինքն սուր և կծու հարցեր տվող։

Սակայն ոչ բոլորն են համաձայն այս գնահատականի հետ։ Երբ Լարի Քինգը տարիներ առաջ հանձնում էր իր ծրագիրը հայտնի լրագրող Փիրս Մորգանին՝ կարծիք հայտնեց, որ Մորգանը հիմնականում ոչ թե բացահայտում է հյուրին, այլ՝ ինքն իրեն։

Մորգանը բավական կոպիտ պատասխան տվեց. «Իմ թեմաները սպառազինությունների նկատմամբ վերահսկողությունն է և մարդկային կյանքեր փրկելը, իսկ դու հիմնականում համբուրում էիր հայտնիների մարմինների հինգերորդ կետը»։

24
թեգերը:
Մահ, Հեռուստատեսություն, Լարի Քինգ
թեմա:
5 րոպե Դուլյանի հետ
Ըստ թեմայի
Հանրահայտ հաղորդավար Ալեքսանդր Գորդոնը բաժանվել է երիտասարդ կնոջից
Ինչի՞ մասին էր երազում Թինա Կանդելակին հղիության ընթացքում. հաղորդավարուհին անկեղծացել է
Հ2-ը պայքարելու է եթերը վերականգնելու համար. մինչ այդ ինչպե՞ս դիտել հաղորդումները
Արցախ. արխիվային լուսանկար

Դժվար է պատկերացնել սրվակում բեղմնավորված արցախցու, կամ ԷԿՈ–ն կլուծի՞ հայերի հարցը

613
(Թարմացված է 18:00 22.01.2021)
Այնպես չէ, որ ինչ-որ մեկը դեմ է առաջատար տեխնոլոգիաներին, սակայն Արցախում ծնելիություն աճը արտամարմնային բեղմնավորման (ԷԿՈ) միջոցով բարձրացնելու՝ Արցախի նախագահ Արայիկ Հարությունյանի հանձնարարությունն ականջ է ծակում։

Առաջինը, ինչի մասին մտածում ես հրահանգի մասին իմանալիս՝ ինչի՞ համար է պետք երեխաներ ունենաս ու նրանց որպես զինվոր մեծացնես, եթե պետությունն այդքան անտաղանդ ձևով է տնօրինում մարդկանց կյանքը պատերազմի ժամանակ։ Վերջին արցախյան պատերազմում 5000 զոհված (որոշ տվյալներով` նույնիսկ ավելի շատ)․ այս թիվը շշմեցնող է, նույնիսկ եթե դա է հաղթանակի գինը։ Իսկ այստեղ ոչ ի հաղթանակ չկա, այլ բոլոր առումներով ամոթալի պարտություն է։

Մարշալ Ժուկովին վերագրում են գեներալ Էյզենհաուերին (որը հետագայում ԱՄՆ նախագահ դարձավ) ուղղված մի արտահայտություն։ Պոստդամի մատույցներում, որտեղ գեներալը զորավարի իր գործերով էր հասել, նա ռուս զինվորների աճյուններով պատված մի դաշտ է տեսել։ Պարզվել է, Ժուկովի հրամանը կատարելիս զինվորները գրոհել են քաղաքը գերմանացիների դաշույնային հարձակման տակ, ու գրեթե բոլորը մահացել են։

Ամերիկացին ցնցվել է այդ տեսարանից ու ասել է. «Ինչի՞ համար էր ձեզ պետք Պոստդամը»։

Ու Ժուկովն իբրև պատասխանել է․ «Ոչինչ, ռուս կանայք էլի կծնեն»։

Մեծ հայրենական պատերազմի ավարտից նույնիսկ կես դար անց մարդկային կորուստների հետևանքները տարածվում էին` ինչպես ջրի մեջ գցած քարից առաջացած օղակները։ Հիշում եմ իմ հետպատերազմյան մանկությունից․ շուրջբոլորը բազմաթիվ կանայք էին, տղամարդիկ` քիչ, երեխաները` էլ ավելի քիչ։ Դպրոցում ավելի շատ ուսուցչուհիներ կային, քան ուսուցիչներ, նույնը` շինհրապարակներում։

Երեխաները շատացան, հանցագործությունները քչացան․ ինչպիսին էր առանց սթափարանների Հայաստանը

Պարահրապարակներում տղաներին միանգամից տանում էին, իսկ ահա աղջիկների հետ պարող աղջիկներ տեսնելը սովորական բան էր։

Մեզ էլ կարող է դա սպառնալ։ Փոքր Հայաստանի ու տարածքի 75 –ը կորցրած էլ ավելի փոքր Արցախի համար հայ հարսնացուներին առանց փեսացու թողնելը նշանակում է մեծ ժողովրդագրական բաց թողնել։ Ինչո՞վ է պետք լրացնել այդ բացը։

Հույսը դնել այն բանի վրա, որ «հայ կանայք էլի կծնեն», դժվար է։ Հնարավոր է և ծնեն, բայց ավելի հավանական է` ոչ թե Արցախում կամ Հայաստանում, այլ շառից–փորձանքից հեռու` այնտեղ, որտեղ ավելի հանգիստ է։

Մի փոքր համեմատական վիճակագրություն։ Հետպատերազմյան Ռուսաստանում տղամարդկանց ու կանանց (30-69 տարեկան) հարաբերակցության մեջ կանայք նախկինի պես գերակշռող են։

Նախորդ տարվա վերջին Հայաստանում 1.383. 231 (46,5 %), տղամարդ կար ու 1.588.588 (53,5) կին։

Ադրբեջանում՝ (նույն ժամանակահատվածում) 5.070.036 (49,5%) կին ու 5.171.343 (50,5%) տղամարդ։ (Տվյալները Google-ի բնակչության հաշվիչից են)։

Տնտեսագետ Արա Գալոյանի տվյալները․ «Պաշտոնական ժողովրդագրությունը վկայում է, որ մեր բնական աճը աստիճանաբար դանդաղում է»։

Տնտեսագետը որպես ապացույց ներկայացնում է վերջին երեք տարվա հունվար-հուլիսի բնական աճի տվյալները։ 2018 թվականին ՝ 4087 մարդ, 2019 թվականին՝ 3579 մարդ, 2020 թվականին՝ 2394 մարդ։

Կկարողանա՞նք արդյոք հաղթահարել արցախյան սինդրոմը, կամ սգո պսակներ՝ դափնեպսակների փոխարեն

«Բայց մենք նախընտրում ենք լռել այդ մասին։ Բոլորս միասին։ Գրեթե», - ամփոփում է Արա Գալոյանը։

Ավելացնեմ, որ դա մինչ պատերազմն էր։

Հիմա խոսենք արտամարմնային բեղմնավորման (ԷԿՈ) մասին ու այն մասին, թե ինչ է կարելի դրանից սպասել։ Ժողովրդական լեզվով դրան ասում են «բեղմնավորում սրվակում»։ Ճիշտն ասած՝ դժվար եմ պատկերացնում սրվակում բեղմնավորված արցախցու, բայց խոսքը դրա մասին չէ։

Այդ ճանապարհով բեղմնավորում ստացած պատմության մեջ առաջին երեխան Լուիզա Բրաունն է Մեծ Բրիտանիայից։ Լույս աշխարհ գալու նման եղանակը զարգացնելու համար դրա հեղինակ Ռոբերտ Էդվարդսը Նոբելյան մրցանակ է ստացել։

Հետո ամեն ինչ ավելի հետաքրքիր է ընթացել։ ԽՍՀՄ-ում սրվակից առաջին երեխան (նույնպես աղջիկ, Լենա անունով) 1986 թվականին է ծնվել։ Հասկանալի է, որ արտամարմնային բեղմնավորումը չէր կարող շրջանցել Հայաստանը։ Բայց դժվար է ասել, որ այն շատ է օգնել բնակչության աճի հարցում։ Ինչ չի եղել՝ չի եղել։

Էմբրիոլոգիայի ու մարդու վերարադրողության եվրոպական միության (չկա նման ոչ մի բան հայերենով) տվյալների համաձայն՝ կանանց միայն 33 տոկոսն են հաջողության հասնում այդ գործընթացքում։ Ստացվում է` կարևորը ոչ թե սրվակի մեջ է, այլ ինչ-որ ուրիշ բանի։

Օրինակ, նյութական միջոցներն ու նյութական խթանները ընտանիքին աջակցելու համար։

«Պետք է այնպես անել, որ երկու ու ավելի շատ երեխա ունենալը նորաձև ու հարգարժան լինի, ինչպես սպորտով զբաղվելն է նորաձև դառնում»։

Պայծառ ապագայի գլխավոր թշնամին, կամ ինչպես են պարտված երկրները դուրս եկել ճգնաժամից

Սրանք Պուտինի խոսքերն են Ռուսաստանի ընտանիքների մասին, սակայն Հայաստանի դեպքում էլ են պետքական։

1944 թվականին՝ դեռ պատերազմի ընթացքում հաստատված «Հերոս մայր» կոչման մասին մեզ մոտ կարծես մոռացել են։ Ճիշտ է՝ Հայաստանում նույն հերոսության համար սեփական մեդալն են ստեղծել, սակայն մի քսան հոգի են այն ստացել։ Այդպես ժողովրդագրությունը չես ուղղի։

Այսօր ավելի հազվադեպ են ամուսնանում, ավելի հաճախ են ամուսնալուծվում, իսկ այսպես կոչված «քաղաքացիական ամուսնությունները» նույնպես չեն նպաստում «Հերոս մայր» կոչում ստանալուն. ազատ ընտանիքի արևմտյան մոդելը, որտեղ անհասկանալի շատ բաներ կան, փորձում է հետ մղել ավանդական հայկական մոդելը, որտեղ բազում երեխաներ կան․․․

․․․ «Հիշիր, որդիս, ամուրիների համար ամեն տեղ վատ է, իսկ ամուսնացածների համար՝ միայն տանը», - սիրում է կատակել իմ հարևանուհի Մարո տոտան։ Մայր, տատ, նախատատ։ Նրա մեծ, բարի տանը, որտեղ տպավորիչ թվով երեխաներ, թոռներ ու ծոռներ կային, բոլորի համար լավ է ու նախևառաջ` հարգարժան Մարո տոտայի։ Հակառակ դեպքում նա ավելի քան իննսուն տարի այս աշխարհում չէր մնա։ Հաշվի առեք դա ու երկար ապրեք։

613
թեգերը:
Արտամարմնային բեղմնավորում, հայ, երեխա, Արցախ
Ըստ թեմայի
Կփոխվե՞ն արդյոք Կոնդի կառավարական առանձնատների բնակիչները
Սիգարները` Երևանից, թառափը՝ Բաքվից. ինչպես էին հայերը զարգացնում փոստային բիզնեսը
Հավատարիմ մնալով սեփական ժողովրդին, կամ թե ինչ կնկարեր Այվազովսկին հայկական գինու շշի վրա
Մերկասառույց

10 մեքենաներ արգելափակվել էին ձյան մեջ․ փրկարարներն օգնություն են ցուցաբերել

0
(Թարմացված է 00:04 26.01.2021)
Արգելափակված մեքենաները եղել են Գեղարքունիքի, Արագածոտնի և Կոտայքի մարզերում։

ԵՐԵՎԱՆ, 26 հունվարի – Sputnik. Վերջին մեկ օրվա ընթացքում փրկարարները հանրապետության տարբեր հատվածներում արգելափակումից մեքենաներ են դուրս բերել։ Տեղեկությունը հայտնում է ԱԻՆ մամուլի ծառայությունը։

«Հունվարի 24-ից 25-ն ԱԻՆ ՓԾ ճգնաժամային կառավարման ազգային կենտրոնում 10 ահազանգ է ստացվել հանրապետության տարբեր տարածքներում ձյան մեջ արգելափակված ավտոմեքենաների վերաբերյալ»,- նշված է հաղորդագրության մեջ։

Մասնավորապես, արգելափակված մեքենաները եղել են Գեղարքունիքի մարզի Գավառ, Վարդենիս, Վայոց ձորի մարզի Ջերմուկ, Արագածոտնի մարզի Ապարան քաղաքներում, Ջամշլու գյուղում, Կոտայքի մարզի Գեղարդ գյուղում, Ալագյազ-Վարդաբլուր ավտոճանապարհին։

Դեպքի վայր ժամանած փրկարարներն արգելափակումից դուրս են բերել 10 ավտոմեքենա։ 9 քաղաքացու ցուցաբերվել է համապատասխան օգնություն։

0
թեգերը:
ավտոմեքենա, ձյուն, Ճանապարհ
թեմա:
Վթար, պատահար, սպանություն, գողություն
Ըստ թեմայի
Գորիս-Տաթև ճանապարհը բքի պատճառով փակ է
Մի քանի օր շարունակ ձյուն չի տեղա. եղանակի տեսություն
Առատ ձյուն, ավտոերթ, դատ, հերոս-եղբայրներ. շաբաթվա տպավորիչ լուսանկարները