Արմեն Դուլյան

«Եթե չկարողանամ ուղեղիս գործունեությունը խթանող հաբեր գնել, հիմար էլ կմնա՞մ». Դուլյան

797
​Եկեք անկեղծ լինենք։ Այս տարի իրականացավ  գիտնականների կանխատեսումներից մեկը՝ համավարակը փոխեց հասարակ մարդու կյանքը ողջ աշխարհում։ Էլ ինչ մարտահրավերներ են մարդկությանը սպասում առաջիկա 30 տարիներին՝ մինչև 2050 թվականը։
Առաջիկա 30 տարվա մարտահրավերները՝ եթե չկարողանամ ուղեղիս գործունեությունը խթանող հաբեր գնել, հիմար էլ կմնա՞մ

Դե, կլիմայի փոփոխության և հարուստների ու աղքատների միջև ահագնացող անդունդի մասին շատ է խոսվում, բայց Բի Բի Սի ընկերությունը առանձնացրել է մի քանի մարտահրավեր, որոնք պարզապես կարող են փոխել բոլորիս կյանքը և արդեն փոխում են։

Օրինակ` սոցիալական ցանցերը։ Հեռու չգնանք՝ Facebook-ը փոխեց իր այսպես կոչված ինտերֆեյսը՝ բոլորս դժգոհ ենք։ Բայց սա, իհարկե, չարյաց փոքրագույնն է, Facebook-ը ջահել երևույթ է՝ մոտավորապես 15 տարեկան։ Այսօր շատ դժվար է ասել, թե ինչ ազդեցություն կունենան սոցիալական ցանցերը մեր կյանքի վրա 2050 թվականին։

​Շատ ավելի արմատական հարցեր կան։ Օրինակ՝ մարդկային գեների մոդիֆիկացումը՝ նորացումը և փոփոխությունը։ Իհարկե, դրական պահեր կան։ Կարող ես այնպես փոխել մարդու ԴՆԹ-ն, որ այդ մարդը մահաբեր ինչ-ինչ հիվանդությունների դեմ իմունիտետ ձեռք բերի։ Բայց, ինչպես պնդում են բազմաթիվ մասնագետներ, գեների մոդիֆիկացոումը նաև շատ վտանգավոր կողմեր ունի։ Այսինքն՝ դու հնարավորություն ես ստանում փոխել մարդուն։ Սկզբունքային հարց է ծագում՝ արդյոք մենք իրավունք ունենք փոխել մարդկային էությունը։

Վախի վրա հիմնված հասարակությունն ապագա չունի․ ինչից էր վախենում Անգելա Մերկելը

Եվս մի մարտահրավեր։ Կյանքի տևողության մեծացումը։ Բնականաբար, շատ լավ է, որ մարդկանց կյանքը երկարում է։ Բայց դա իր հետ բազում պրոբլեմներ է բերում։ Բա ո՞վ պետք է հոգ տանի այդ մարդկանց մասին։ Տեսեք։ 2100 թվականին` այսինքն այս դարի վերջին, 100 տարին բոլորած մարդկանց թիվն աճելու է ավելի քան 50 անգամ։

Այսօր անհավատալի է թվում, բայց այժմվա 500 հազարի փոխարեն այդ մարդկանց թիվը հասնելու է 26 միլիոնի։ Ո՞վ է պահելու նրանց։ Ճապոնիայում ռոբոտներ են մշակում տարեցներին սպասարկելու համար։ Բայց սա խնդրի լուծում չի։ Բա կենսաթոշա՞կը։ Չէ՞ որ կտրուկ ավելանալու է կենսաթոշակառուների թիվը։​

Տրանսպորտի հարցը։ Եթե հիմա արդեն աշխատանքային օրվա ավարտին՝ երեկոյան ժամը 6-ից հետո, Երևանում հնարավոր չէ աշխատավայրից տուն հասնել առանց խցանման մեջ ընկնելու, բա պատկերացրեք, թե ինչ է լինելու 30 տարի հետո։ Անընդհատ խոսվում է այն մասին, որ ուր որ է` մենք քաղաքակիրթ տրանսպորտ ենք ունենալու՝ հարմարավետ ավտոբուսներով։ Բայց, կներեք, այդ ավտոբուսները ինչպե՞ս են մեզ տուն հասցնելու, եթե մայրաքաղաքի բոլոր փողոցներում խցանումներ են։

Սալեմի վհուկները. ինչպես մարդկանց մահապատժի ենթարկեցին աղջիկների պատճառով

​Սակայն շեղվեցինք համաշխարհային մարտահրավերներից։ Մենք ծով չունենք, ուրեմն գոնե այս հարցում խնդիր էլ չունենք։ Բայց աշխարհի առափնյա որոշ քաղաքներ կարող են անցնել ջրի տակ, քանզի ծովի մակարդակն անընդհատ բարձրանում է։ Այդ պրոբլեմի առաջ արդեն հայտնվել է Մայամի քաղաքը Ամերիկայում։ Բայց խոսքը ոչ միայն կոնկրետ քաղաքների, այլև ամբողջ կղզիների մասին է։ Դրանց բնակիչներն առաջիկա տասնամյակների ընթացքում կարող են դառնալ այսպես ասած «կլիմայական փախստականներ»։​

Երկրաքաղաքական խնդիրներ։ Դրանցից մենք չենք կարող խուսափել, որովհետև Ղարաբաղի հարց ունենք, որը դժվար թե լուծում գտնի առաջիկա տարիներին։ Բայց, ախր, խնդիրներ կան ողջ աշխարհում։ Հյուսիսային Կորեան հրթիռներ է փորձարկում։ Մեծ Բրիտանիան դուրս է գալիս Եվրամիությունից։ Պարզ չի, թե ինչպես կհանգուցալուծվի իրավիճակը Վենեսուելայում։ Արդյոք ի վերջո ընդհանուր լեզու կգտնեն Ամերիկան և Իրանը։ Այսօրվա խնդիրներն եմ թվարկում՝ բա ի՞նչ է լինելու առաջիկա 30 տարիների ընթացքում։ Ո՞վ կարող է կանխատեսել։​

Եվ վերջապես։ Հիմա արդեն աշխարհի տարբեր լաբորատորիաներում մշակվում են հաբեր, որոնք կարող են կտրուկ բարելավել մարդու ուղեղի գործունեությունը, այսինքն, պարզ ասած՝ ավելի խելոք դարձնել մարդուն։ Հիմա հարց՝ եթե ես փող ունեմ, կկարողանամ գնել այդ հաբերը, բա եթե փող չունե՞մ։ Էսպես հիմար էլ կմնա՞մ։

Ամենահին անունն ունեցող երկիրը, կամ Լիբանանի վարչապետի անկեղծ և տարօրինակ հայտարարությունը

797
թեգերը:
Տրանսպորտ, Facebook, կորոնավիրուս, Արմեն Դուլյան
թեմա:
5 րոպե Դուլյանի հետ (398)
Ըստ թեմայի
Ինչ ուզում են՝ թող անեն. եվրոպացիները կրկին փակել են սահմանները
Ցանկանում եք ճշմարտությո՞ւնն իմանալ՝ գնացեք Բարբադոս
Ինքներդ ձեզ այդքան լուրջ մի ընդունեք. էլ ինչ խորհուրդ են տվել բրիտանացիները
ՀՀ ԱԺ

Աննախադեպ խորհրդարան, եթե… ​, կամ քարոզարշավի վերջին օրն ամենաշատը հնչող բառը

106
(Թարմացված է 21:30 18.06.2021)
Sputnik Արմենիայի սյունակագիր Արմեն Դուլյանն անդրադարձել է քարոզարշավին, սոցիոլոգիական հարցումներին և հնարավոր աննախադեպ խորհրդարանին։
Աննախադեպ խորհրդարան, եթե…

Եկեք անկեղծ լինենք։ Քարոզարշավի վերջին օրը սովորաբար ողջ աշխարհում ամենագլխավոր բառն է դառնում «եթե»-ն։ Համաձայնե՛ք, մեզ մոտ էլ շատ բան կախված է բազմաթիվ «եթե»-ներից։ Սկսենք ամենակարևոր «եթե»-ներից մեկից՝ եթե սոցիոլոգների կանխատեսումները իրականություն դառնան։ Գաղտնիք չէ, որ այս հարցն ամենավիճահարույցն է եղել հայաստանյան բոլոր ընտրություններում՝ հարցումների արդյունքներին մեծամասամբ չենք վստահում։

Կներեք, իսկ արդյոք որևէ մեկն ինձնից կպահանջի՞ հավատալ, օրինակ, իշխանական ճամբարի բարձրաձայնած պնդմանը, թե իրենց վարկանիշն այժմ երեք անգամ ավելի բարձր է հիմնական մրցակցի ցուցանիշից։ Ախր չեք էլ բարեհաճում ասել, թե ո՞վ, որտե՞ղ, ե՞րբ և ի՞նչ եղանակով է անցկացրել ձեր վկայակոչած հարցումը։ Ճիշտ նույն կերպ էլ չեմ հասկանում, թե ինչու պիտի հավատամ հակառակ կողմի պնդումներին, երբ նրանց աղբյուրն էլ անհայտ է։

Մարդ միանգամից մտաբերում է հայտնի պնդումը. «Եթե ցանկանաք պարզել, թե բնակչության քանի՞ տոկոսն է օգտվում ինտերնետից, և այդ հարցն ուղղեք ինտերնետից օգտվողներին՝ կասկած անգամ չունենաք, որ հարցվածների 100 տոկոսը կպնդի, թե ինտերնետից օգտվում է 100 տոկոսը»։ ​Ի՞նչ անենք։ Ստիպված դիմենք «Գելափին», որը ողջ քարոզարշավի ընթացքում պարբերաբար հրապարակում էր իր հարցումների արդյունքները։ Ու էլի՝ «եթե»։ Եթե հավատանք այդ սոցիոլոգիական ուսումնասիրություններին, մեր նոր խորհրդարանն ինչ-որ իմաստով աննախադեպ է լինելու։ Պառլամենտ կանցնի մի քանի կուսակցություն. դե, դա մեզ մոտ սովորական երևույթ է, սակայն այս անգամ՝ ի տարբերություն նախորդ տարիների, կունենանք երկու հզոր ուժ։

Ճիշտ է, էդպիսի բան մի անգամ եղել է հենց անկախության արշալույսին, երբ մրցակցում էին կոմունիստները և Հայոց Համազգային Շարժումը, բայց ժամանակները ամենևին նպաստավոր չէին կոմունիստների համար։ Սովետը, որտեղ նրանք տեր ու տիրություն էին անում, շատ արագ փլուզվեց, հայաստանցի կոմունիստներն էլ իրենց ուժերը ջլատեցին, մի քանի կուսակցություն ստեղծեցին, ինչի հետևանքով, գրեթե 20 տարի է՝ այլևս չեն երևում խորհրդարանի նիստերի դահլիճում։ ​Շարունակենք «եթե»-ների շարքը։

Դժվար է պոկվել վարչապետական աթոռից, կամ կրկին Հայաստանի և Իսրայելի նմանության մասին

Եթե հունիսի 20-ից հետո խորհրդարանում հայտնվեն երկու հիմնական ուժեր, որոնց մանդատների թիվը մոտավորապես հավասար կլինի, բայց չի բավականացնի տխրահռչակ կայուն մեծամասնությունը կազմելու համար, պիտի ձևավորվեն իրական կոալիցիաներ։ Թույլ տվեք մի փոքր շեղվել։ Ինչու եմ ասում՝ «տխրահռչակ»։

Որովհետև այդ անհեթեթ դրույթի՝ կայուն մեծամասնության ամրագրումը մեր նախկին իշխանությունները շատ լուրջ փաստարկով էին հիմնավորում՝ բա կիսապատերազմող երկիր ենք և մեր անվտանգությունն ապահովելու համար անպայման պիտի Ազգային ժողովում ունենանք ոչ թե սովորական, այլ շատ ավելի ուժեղ՝ կայուն մեծամասնություն։

Հիմա այդ աբսուրդային դրույթի գործնական կիրառման արդյունքը։ Դուք ձեզ ավելի անվտա՞նգ եք զգում, երբ հարյուրավոր զինված ադրբեջանցիներ հանգիստ հատում են Հայաստանի արևելյան սահմանը ու իրենց հենակետերը տեղակայում մեր գյուղերի անմիջական հարևանությամբ։ Բայց ախր, վերջին երեք տարում խորհրդարանում ունեինք ոչ թե կայուն, այլ սուպերկայուն մեծամասնություն։ Բա ինչպե՞ս եղավ, որ այսպես եղավ։ ​Հիմա այն մասին, թե ինչու եմ ասում, որ վերջապես պառլամենտում կարող ենք ունենալ իրական կոալիցիաներ։

Կարծում եմ, որ մանրամասնելու կարիք էլ չկա, որովհետև բոլորս գիտենք՝ իրական կոալիցիաներ խորհրդարանում հիմնականում երբեք չենք ունեցել։ Դատարկ, անիմաստ կոալիցիաներ են եղել, ես կասեի՝ «լավության կոալիցիաներ», երբ այն ուժը, որը կարող էր ցանկացած որոշում անցկացնել առանց որևէ մեկի օգնության, այնուամենայնիվ, որոշ կուսակցությունների լավություն էր անում՝ կառավարությունում հատկացնելով մեկ-երկու նախարարություն։ Իսկ եթե էլի համաձայն չեք, որ կոալիցիաները մեզ մոտ գերազանցապես դատարկ ու անիմաստ են եղել, խնդրում եմ պատասխանեք մի պարզ հարցի՝ բա այդ ինչպե՞ս էր պատահում, որ կուսակցությունները՝ «Դաշնակցությունը», «Օրինաց երկիրը», «Բարգավաճ Հայաստանը», տարբեր պատճառներով հերթով դուրս էին գալիս կոալիցիաներից, իսկ իշխող մեծամասնության ներկայացուցիչները միայն քմծիծաղ էին տալիս. «Է, չեք ուզում, մի՛ ուզեք, առանց ձեզ էլ շատ լավ յոլա կգնանք»։

Հեղափոխության հետևանքները, կամ ով չի ուզում երջանիկ լինել՝ գնդակահարել

​Եվ ուրեմն, որքան էլ արդարացիորեն փաստենք, որ վերջին օրերին տեղի ունեցողն իրավամբ կարելի է վիրավորանքի և ատելության քարոզարշավ անվանել, այնուամենայնիվ, գոնե ինստիտուցիոնալ առումով մեր նոր խորհրդարանը կարող է աննախադեպ լինել՝ երկու հիմնական ուժ, ինչպես, օրինակ, Ամերիկայում և Մեծ Բրիտանիայում և իրական կոալիցիաներ, ինչպես ողջ քաղաքակիրթ աշխարհում։ Եթե… ​Այս վերջին «եթե»-ն, իհարկե, ամենակարևորն է՝ եթե աղաղակող խախտումներ, խժդժություններ և ծայրահեղական դրսևորումներ չլինեն կիրակնօրյա քվեարկության ժամանակ և դրանից հետո։ Հավատանք, որ գոնե այս հարցում հաղթող դուրս կգանք։

106
թեգերը:
խորհրդարան, քարոզարշավ, Ընտրություններ, Հայաստան
թեմա:
5 րոպե Դուլյանի հետ (398)
Ըստ թեմայի
«Մենք իրավունք ունենք հպարտանալու պարտությամբ». դավադրության տեսությունն ու իրականությունը
ԱԹՍ–ն «ինքնագլուխ» գրոհել է մարդու դեմ, կամ եկել է մեքենաների տիրապետությանը ժամանակը
Խորհրդարանում ընդամենը 7 մանդատ ունեցողն էլ կարող է վարչապետ դառնալ. Իսրայելի օրինակը
Արխիվային լուսանկար

Մի «չագուճի» պատմություն, կամ ինչպե՞ս են այլ երկրներում վերաբերվում առաջին դեմքի սխալներին

250
(Թարմացված է 14:15 17.06.2021)
Հայաստանի վարչապետի պաշտոնակատար Նիկոլ Փաշինյանի՝ հանրահավաքին բերած մուրճը դառնում է նախընտրական քարոզարշավի խորհրդանիշը: Ընտրությունների մասնակիցները միջոցների հարցում չեն ամաչում, նպատակին հասնելու համար անպարկեշտ բառապաշարից ու սպառնալիքներից չեն խորշում։

Փոխադարձ վիրավորանքները չարաշահելով՝ Հայաստանի իշխանությունն ու ընդդիմությունն իրենց բարդ դրության մեջ են դրել։ Ընտրություններից հետո նրանք այս կամ այն կերպ ստիպված են լինելու դուրս գալ այդ իրավիճակից։ Իսկ ինչպես է դա եղել ուրիշների մոտ։

«Այ մարդ, կարո՞ղ է` ձայնդ կտրես», – այն ժամանակ դեռ գործող նախագահ, ԱՄՆ նախագահ Դոնալդ Թրամփին ասել է Ջո Բայդենը նախորդ տարվա նախընտրական բանավեճի ընթացքում։

«Հաջողություն եմ մաղթում Պուտինի հետ համագործակցության մեջ։ Հանդիպման ժամանակ չքնես ու խնդրում եմ` փոխանցիր նրան իմ լավագույն մաղթանքները», - ասել է Թրամփը ԱՄՆ-ի ներկայիս նախագահ Բայդենին։

Ծերուկները կատակո՞ւմ են։ Եթե այո, ապա նախ` յուրաքանչյուր կատակի մեջ ճշմարտության մասնաբաժին կա, երկրորդն էլ` նախագահներին ծաղրելն ու կատակելն  Ամերիկայում, ինչպես շատ այլ երկրներում, սովորական բան է: Եթե մեծ  քաղաքականություն ես մտնում, պետք է հասկանաս, որ նույնիսկ ամենափոքր վրիպումը կնկատվի, համընդհանուր ցուցադրության կդրվի և հաճախ ծաղրի կարժանանա։

«Չագուճն առաջինը ձեր գլխին է ջարդվելու». Փաշինյանը կրկին սպառնացել է Զանգեզուրի կոմբինատին

Զավեշտալի միջադեպ, որը տեղի է ունեցել Բայդենի` էլեկտրամոբիլներ հավաքող Ford գործարան այցելության ժամանակ։ Նախագահին առաջարկել են գնահատել նոր մեքենան  ու վարել այն։ Կադրերում կարելի է տեսնել, թե ինչպես է մեքենան թեքվում մի կողմ, իսկ Բայդենը ղեկը շրջում է մյուս կողմ։ Պարզվել է՝ էլեկտրամոբիլում երկու ղեկ է տեղադրվել, և այն վարել է ոչ թե նախագահը, այլ նրա օգնականը: Ի՞նչ վատ առիթ է պետության ղեկին գտվող ղեկավարին ծաղրելու համար։ Բայդենի հակառակորդները հաճույքով օգտագործել են այդ վրիպակը։

...Այժմ Ամերիկայից մեզ մոտ վերադառնանք։ Եթե հիշենք, թե ինչ որակի վիրավորանքներ, սպառնալիքներ ու հայհոյանքներ են միմյանց հասցեին հնչեցնում վարչապետի պաշտոնակատար Նիկոլ Փաշինյանը մի կողմից, և նրա մրցակիցները՝ մյուս կողմից, սա արդեն բոլորովին այլ պատմություն է դառնում։

Ո՛չ միջին, ո՛չ միջինից ցածր ամերիկացին չի կարող պատկերացնել, որ  իր երկրի բարձրագույն պաշտոնի հավակնորդներից մեկը կարող է նախընտրական հանրահավաքի գնալ մուրճը ձեռքին՝ հակառակորդներին խոստանալով` «հունիսի 20-ին այս չագուճը իջնելու ա ձեր դատարկ գլուխներին», իսկ մյուսն էլ մրցակցին անվանում է  թեթևաբարո կնոջից ծնված տականք։ Իսկ ահա մենք արդեն կարող ենք։

Մենք արդեն սովոր ենք ոչ միայն փողոցներում ու բակերում, այլև թերթերում, ռադիոյով ու հեռուստաեթերով հայհոյանքներ լսելուն։

Սրացումը սկսվել է ընտրարշավի մեկնարկից հետո և գնալով ուժեղանում է. չեն խնայում ո՛չ ծնողներին, ո՛չ կանանց, ո՛չ երեխաներին։ Ամեն ինչ առճակատման, ամեն ինչ հաղթանակի համար:

Բայց «այսօրից» հետո սովորաբար գալիս է «վաղը», և խնդիրն այն է, որ հետընտրական ցանկացած իրավիճակի դեպքում հակամարտող կողմերը ստիպված են լինելու «հետքայլ» անել` և՛ կողմ քվեարկածները, և՛ դեմ քվեարկածները մի ժողովուրդ են ու ապրում են մի տարածքում։ Քոչարյանը ստիպված կլինի հաշվի առնել Փաշինյանի համակիրների հետ, իսկ Փաշինյանը չի խուսափի Քոչարյանի կողմնակիցներից։ Դատելով հեռուստատեսային պատկերներից՝ երկուսի կողմնակիցներն էլ հանրահավաքներում քիչ չեն։

Արման Թաթոյանին մտահոգել է Փաշինյանի` մուրճի ցուցադրումն ու «կվալդից» խոսելը

Ի՞նչ անել։ Պատասխանը թաքնված է Ռուսաստանի նախագահ Վլադիմիր Պուտինի` ամերիկյան NBC  հեռուստաընկերությանը տված հարցազրույցում․ «Եթե տեսնում եմ, որ դա կառուցողական հայացքներ ունեցող մարդ է, որ նա հավատարիմ է երկրին, պատրաստ է հայրենիքի զոհասեղանին դնել ոչ թե պարզապես տարիներ, այլ իր ողջ կյանքը, անկախ նրանից, թե նա ինչպես է վերաբերվում անձամբ ինձ, ես կանեմ ամեն ինչ, որ նման մարդը (մարդիկ) աջակցություն ունենա»։

Համաձայնենք՝ նույնիսկ ամենալուրջ քաղաքական տարաձայնությունները չեն կարող արդարացնել վիրավորանքները, առավել ևս՝ ֆիզիկական բռնությունը։ Ժամանակին ամբոխից մի մարդ հարվածել էր Տոմսկի նահանգապետին՝ երկուսուկես տարի գաղութի արժանացավ։ Միջադեպ էր տեղի ունեցել նաև Ֆրանսիայի նախագահ Էմանուել Մակրոնի հետ. պետության ղեկավարին ապտակած մարդուն չորս ամիս ազատազրկում ու երեք տարով ընտրական իրավունքից զրկում է սպառնում:

Այս իմաստով Փաշինյանի՝ ժողովրդի մեջ մուրճը (թեկուզ կարմիր ժապավենով) ձեռքին ու հասարակության մարմնից «ժանգոտ մեխերը» պոկելու սպառնալիքներով քայլելը ընտրություններից հետո ժողովրդին աշխատանքի ու պաշտպանության պատրաստելու լավագույն միջոցը չէ։

Ինչպե՞ս վերաբերվել առաջին դեմքերի սխալներին։ Անգլիայի թագուհու պես: Պատկերացրեք, եթե իհարկե կարող եք. թագուհին տեղում է, արքայազն Չարլզն ու Քորնուելի դքսուհի Կամիլա Պարկեր Բոուլզը նույնպես, արքայազն Ուիլյամը տեղում է, իսկ Բայդենը դեռ չկա։

Բայց ահա թե ինչն է հետաքրքիր. Դա չի փչացրել Էլիզաբեթ II-ի տրամադրությունը։ Daily Star –ը հայտնում է, որ նա բարյացակամորեն շփվել է հյուրերի, այդ թվում Բայդենի հետ, որի հետ պետության ղեկավարի պաշտոնը ստանձնելուց հետո առաջին անգամ է հանդիպել։

Այստեղ Բայդենն իհարկե վրիպել է, բայց, չնայած թերահավատների մեկնաբանություններին, ոմանց նման չի փորձել արարողակարգի կանոնները խախտել ու դիպչել Եղիսաբեթ II-ին:

Բայց դա ասես այլ կյանքից լինի։ Լավ կլինի` մենք մեր սեփական օրենքները հարգենք ու կանոնները պահպանենք։

«Ջահե՛լ, քո ձեռքերի և ոտքերի դողը շուտով վերադառնալու է». Նիկոլ Փաշինյանը` Վահե Հակոբյանին

250
թեգերը:
քարոզարշավ, Ընտրություններ, մուրճ, Նիկոլ Փաշինյան
Ըստ թեմայի
Աճյուններով նկուղ Աբովյանում, կամ ինչպես են Հայաստանում պատվում հերոսներին
Մի ասա «ցտեսություն», որ հետո չասես «ներիր». ՀՀ–ից հեռանալու ցանկություն ունեցողների համար
Վեճ Հայաստանի սահմանին. ինչպես Վլադիմիր Մովսիսյանը պատանդ դարձավ դեռ խորհրդային տարիներին
Քվեաթերթիկներ, արխիվային լուսանկար

Ընդդիմադիր երկու դաշինք ահազանգում են` իրենց քվեաթերթիկները «փչացնում» են

0
Հանձնաժողովի անդամներն ու դիտորդները նկատել են, որ մի քանի հարյուր քվեաթերթիկների վրա կան կողմնակի նշումներ` կատարված կապույտ գույնի թանաքով, որոնք ենթադրաբար կարող են առիթ հանդիսանալ այդ քվեաթերթիկները չեղյալ համարելու համար:

ԵՐԵՎԱՆ, 19 հունիսի – Sputnik. Ազգային ժողովի արտահերթ ընտրություններին մասնակցող «Հայաստան» և «Պատիվ ունեմ» դաշինքներն ահազանգում են, որ իրենց հարյուրավոր քվեաթերթիկների վրա կողմնակի նշումներ են հայտնաբերվել։

Ըստ «Փաստինֆոյի»` Արմավիրի մարզի 14/29 ընտրատեղամասում քվեաթերթիկները ստանալու ընթացքում հանձնաժողովի անդամներն ու դիտորդները նկատել են, որ «Պատիվ ունեմ» դաշինքի` մի քանի հարյուր քվեաթերթիկների վրա կան կողմնակի նշումներ` կատարված կապույտ գույնի թանաքով, որոնք ենթադրաբար կարող են առիթ հանդիսանալ այդ քվեաթերթիկները չեղյալ համարելու համար:

Նշենք, որ թանաքի նման նշումներ հայտնաբերվել են նաև «Հայաստան» դաշինքի քվեաթերթիկներ վրա, ինչի մասին ավելի վաղ ահազանգել էր փաստաբան Արամ Վարդևանյանը` հարցի վրա հրավիրելով ԿԸՀ-ի ու դիտորդների ուշադրությունը` ակնկալելով ստանալ սպառիչ պատասխան:

 

0