Охотничье ружье

Անհավանական պատմություններ, կամ զոքանչին երբեք ձեզ հետ որսի մի տարեք

182
(Թարմացված է 21:23 01.09.2020)
Եկեք անկեղծ լինենք: Վերջին ամիսներին բոլորս ապրում ենք կորոնավիրուսի հետ կապված տեղեկատվությամբ։
Զոքանչներին երբեք ձեզ հետ որսի մի տարեք, մեկ էլ տեսար` «արմադիլո» պատահեց

Վերջին շաբաթներին կենտրոնացել ենք Բելառուսի վրա։  Վերջին օրերին էլ, մանավանդ այսօր՝ սեպտեմբերի 1-ին, երբ միշտ ավանդաբար սկսվում էր ուսումնական տարին, ոմանք այդ բարդ անվանումով նախարարության ղեկավարի  հրաժարականն են պահանջում։ Բայց ախր կան շատ ավելի հետաքրքիր, ես կասեի՝ անսովոր պատմություններ։ Թույլ տվեք ներկայացնել դրանցից ընդամենը մի քանիսը։

Ինչպես իտալացին հայրենասիրական մղումներով գողացավ «Մոնա Լիզան»

Սա պատահել է Հարավային Աֆրիկայում: Ավելի շուտ պատմությունը սկսվել է մոտ 20 տարի առաջ, երբ Քեյփթաունի ծննդատներից մեկում արտառոց բան պատահեց՝ անհետացավ նորածին աղջիկը: Ոստիկանությունը, բնականաբար, հետաքննություն սկսեց, սակայն այդպես էլ չգտավ նորածին երեխային։ Ծնողների համար դա իհարկե, հսկայական ողբերգություն էր, բայց երկու տարի անց նրանք կրկին աղջիկ ունեցան։ Նենսին մեծացավ, գնաց դպրոց և մի օր ծնողներին ասաց. «Գիտեք, մեր դասարանում մի նոր աղջիկ կա, մենք միանգամից ընկերացանք, որովհետեւ այնքան լավ ենք հասկանում միմյանց, կարե՞լի է նրան հրավիրեմ մեր տուն»: Ծնողներն ասացին՝ իհարկե:

Ու երբ Նենսին բերեց իր նոր ընկերուհուն, հայրն ու մայրը պարզապես կարկամեցին՝ նմանությունը Նենսիի և նրա ընկերուհու միջև ուղղակի ապշեցուցիչ էր: Կարծես քույրեր լինեին: Երբ հայրը ոստիկանություն զանգահարեց ու նոր հետաքննություն սկսվեց, պարզվեց, որ դա հենց այդպես է՝ նրանք քույրեր են: Ու մոտ մեկուկես տասնամյակ ապրել են նույն քաղաքում, միմյանցից ընդամենը մի քանի կիլոմետր հեռավորության վրա: Իսկ կինը, որը ժամանակին ծննդատնից գողացել էր նորածին երեխային, կանգնեց դատարանի առջև:

Մեկ այլ անհավանական պատմություն։ Պատկերացրեք գիշերային ավտոբուս: Շատ ճիշտ եք՝ ֆանտաստիկ բան եմ  ասում՝ ի՞նչ, գիշերային ավտոբուս Երեւանում, հո չեք գժվել։ Այնինչ քաղաքակիրթ երկրներում այդ գիշերային ավտոբուսներն  ու տրամվայները պարտադիր գործում են՝ անխափան ժամանակացույցով: Մի ժամանակ Պրահայում գիշերային նորություններ անելուց հետո ինքս եմ օգտվել այդ գիշերային տրանսպորտից։ Բայց չշեղվեմ։ Ամերիկայի ամենամեծ քաղաքներից մեկում՝ Ֆիլադելֆիայում, գիշերվա ժամը 3-ին ավտոբուս է մտնում 4 տարեկան մի աղջիկ: Մեն մենակ: Առանց որևէ մեկի ուղեկցության: Նկատեք՝ գիշերվա ժամը 3-ին:  Երբ վարորդը ավտոբուսը կանգնեցնում է գիշերային հերթապահություն իրականացնող ոստիկանների մոտ և սկսում են հարցուփորձ անել աղջկան, նա հանգիստ պատասխանում է.

-Գնում եմ սուպերմարկետից քաղցրավենիք գնելու։

-Բա ձեր տանը կոնֆետ չկա՞ր:

-Կար, լրիվ կերա, էլի ուզեցի, պապաս ու մամաս էլ քնած էին, չուզեցի արթնացնել, դուռը բացեցի, դուրս եկա։

Կեսգիշերային ճամփորդին, իհարկե, բերեցին տուն, ամեն ինչ բարեհաջող ավարտվեց: Ու հիմա մտածում եմ՝ միգուցե լավ է, որ մեզ մոտ կեսգիշերային ավտոբուսներ չկան, որևէ երեխայի մտքով չի անցնում գիշերն ավտոբուսով սուպերմարկետ գնալ։

​Ու ևս մի ամերիկյան պատմություն: Այս ամռանը Ջորջիա նահանգի բնակիչներից մեկը որոշեց գնալ որսի ու զոքանչին էլ հետը տարավ: Երկար ժամանակ ոչինչ չէին կարողանում գտնել ու հանկարծ  թփերի մեջ տեսան արմադիլո: Գիտե՞ք ինչ է արմադիլոն: Հայերեն դրան անվանում են զրահակիր կամ զրահամորթ: Որովհետեւ այդ կենդանին մորթու փոխարեն իրոք շատ ամուր զրահ ունի՝ մոտավորապես կրիայի նման: Չգիտեմ՝ ընդհանրապես դրա միսը համեղ է, թե ոչ, համենայնդեպս ամերիկացին նշան բռնեց ու կրակեց: 

Կենդանուն ոչինչ չեղավ: Գնդակը դիպավ զրահին, հետ եկավ ու մխրճվեց ուղիղ զոքանչի ուսի մեջ: 74-ամյա կնոջ կյանքին այժմ արդեն ոչինչ չի սպառնում, ապաքինվել է: Բայց մեկնաբանությունները շարունակվում են. ոմանք ասում են՝ այդ ինչ հիմար որսորդ է, բայց շատերն էլ գրում են. «Չէ, այս մարդը բավական խորամանկ է, իզուր չէր զոքանչին իր հետ որսի տարել, մտքում մի բան կար»: Իսկապես գիտեմ, որ մեզ մոտ՝ Հայաստանում բոլորն իրենց զոքանչներին շատ են սիրում, բայց, կներեք, այնքան սիրես, որ զոքանչին հետդ որսի տանե՞ս:

182
թեգերը:
կոնֆետ, Եվրոպա, ավտոբուս, երեխա, որս, զոքանչ, ԱՄՆ
թեմա:
5 րոպե Դուլյանի հետ (236)
Ըստ թեմայի
Հիշեք այս խոսքերը, երբ հերթական անգամ անցնելու կլինեք Կասկադում պառկած ծխող կնոջ կողքով
Ամենահին անունն ունեցող երկիրը, կամ Լիբանանի վարչապետի անկեղծ և տարօրինակ հայտարարությունը
Ամերիկյան ընտրություններ, կամ եթե նախօրոք քվեարկել եք, ընտրակաշառք էլ չեք ստանա
Մարտունին հրետակոծությունից հետո

Ադրբեջանի սանձազերծած պատերազմում յուրաքանչյուր զոհ Ալիևի և Էրդողանի խղճին է. Շենդերովիչ

86
(Թարմացված է 21:38 30.09.2020)
​Եկեք անկեղծ լինենք։ Մենք՝ հայերս, միշտ էլ շատ մեծ նշանակություն ենք տվել այն հանգամանքին, թե ինչ են ասում մեր մասին, մեր պատմության մասին, մեր մասնակցությամբ ծավալվող իրադարձությունների մասին։
Վիկտոր Շենդերովիչ. «Ալիևը և Էրդողանը նոր պատերազմ են սանձազերծել, և այդ պատերազմում յուրաքանչյուր զոհվածը, որ կողմից էլ լինի՝ նրանց խղճին է»

Հիշենք թեկուզ,  թե Ղարաբաղյան շարժման սկզբին ինչպես էինք ջանադրաբար փորձում համոզել բոլորին, որ էքստրեմիստներ չենք և Արցախը միշտ էլ հայկական է եղել։

Հիմա էլ դժգոհ ենք, երբ ՄԱԿ-ի Անվտանգության խորհուրդը ոչինչ չասող բանաձեւ է ընդունել, որտեղ փաստորեն հավասարության նշան է դրել և կոնկրետ չի ասել՝ բա լավ, այս ռազմական գործողությունները ով է նախաձեռնել։ Կարծես թե, եթե ասեր, ինչ-որ բան կփոխվեր և հրահրողը գետինը կմտներ։

​Եվ այնուամենայնիվ, այո, միշտ էլ հետաքրքիր է, թե ինչպես է մեզ հետ կատարվողը ընկալվում դրսում, թեկուզ ոչ թե միջազգային կազմակերպությունների, այլ պարզապես, այսպես ասեմ, զուտ մարդկային, անձնական մակարդակով, մանավանդ եթե այդ անձը բավական հայտնի է։ Խոսքն իհարկե արտերկրում ապրող հայազգի գործիչների մասին չէ՝ նրանք, բնականաբար, գիտեն, թե իրականում ինչ է կատարվում և ամեն կերպ փորձում են ճշմարտությունը հասցնել նաև նրանց, ովքեր այնքան էլ լավ պատկերացում չունեն հայ-ադրբեջանական հակամարտության և առճակատման այսօրվա սրման պատճառների մասին։
​Այսօր թույլ տվեք անդրադառնալ ռուսաստանցի հայտնի գրող և երգիծաբան Վիկտոր Շենդերովիչի դիրքորոշմանը։ Մի քանի օր առաջ, երբ սկսվեցին ռազմական գործողությունները մեր տարածաշրջանում, Շենդերովիչը արտահայտեց իր կարծիքը, որը, բնականաբար, միանշանակ չընդունվեց, մանավանդ ադրբեջանցիների կողմից։ Ինչ ասես ասացին՝ դու ոչ մի բան չես հասկանում, քիթդ մի խոթիր, պատմությունը մի աղավաղիր և այլն։

«Նույնիսկ գրել ես՝ Ադրբեջանը հարձակվել է Հայաստանի վրա, երբ է Ադրբեջանը հարձակվել Հայաստանի վրա, խոսքը Լեռնային Ղարաբաղի մասին է, որը ճանաչված չէ Հայաստանի կողմից», ասել էին Շենդերովիչին մեղադրողները։

Զոհվածների ցուցակում հայտնված ևս երեք զինծառայողներ ողջ են

​Ճիշտն ասած, բոլորովին մտադիր չեմ փաստարկներ բերել Շենդերովիչի օգտին և փաստել, որ հենց երեկ ադրբեջանցիները, այո, հարձակվել էին Հայաստանի վրա, հարվածել  Գեղարքունիքի մարզի բնակավայրերին և խոցել մի ավտոբուս։ Պարզապես լսենք Շենդերովիչի մեկնաբանությունը. «Ես գրել էի՝ Ադրբեջանը հարձակվել է Հայաստանի վրա, ինչից հետո մի հինգ տասնյակ մեկնաբաններ սկսեցին ուրախությամբ ինձ երեսով տալ, վկայակոչելով աշխարհի քաղաքական քարտեզը։ Այո, ֆորմալ տեսակետից ավելի ճշգրիտ կլիներ գրել՝ ադրբեջանցիները հարձակվել են հայերի վրա։ Բայց չէ որ Ղարաբաղում կռվող թե ադրբեջանցիների, թե հայերի թիկունքում շատ կոնկրետ պետություններ են, և ես առաջարկեցի իրերը կոչել իրենց անուններով, և կոչեցի՝ մենք հո ՄԱԿ-ում չենք, որ կաշկանդված լինենք պաշտոնական ձևակերպումներով։

Շենդերովիչը շարունակում է. «Ինձ ուղղված մյուս մեղադրանքը՝ ռուսաստանցի մտավորականներն ավանդաբար Հայաստանի կողմից են, մի շարք հանգամանքներով է պայմանավորված։ Կարծում եմ՝ հանգամանքներ ասելով, ինձ մեղադրողները նկատի ունեն այն իրողությունը, որ հայերին և ռուսաստանցի մտավորականների մի մասին միավորում է քրիստոնեությունը։ Եթե այդպես է, ես չէ, որ պիտի դատեմ՝ ես նույնքան քրիստոնյա եմ, որքան մահմեդական»: Շենդերովիչն ակնարկել է, որ ինքը հրեա է։

​Խոսելով Ղարաբաղյան հակամարտության մասին, Շենդերովիչը խոստովանել է՝ այդ արճակատման իմ ընկալման վրա ազդում է հայերի ցեղասպանության մասին հիշողությունը։ Ղարաբաղը հին հայկական հող է, բայց ադրբեջանցու համար, որին անցած դարի 90-ականներին տեղահանեցին իր տնից, դա իր հողն էր, իր հոր և պապու հողը։ Նույն կերպ էլ հայն է այդ հողն իրենը համարում։ Եվ միակ բանը, որը կարելի է այսօր անել՝ հին վերքերի վրա աղ չցանելն է։ Ալիևը և Էրդողանը հենց դրանով են զբաղված՝ նրանք նոր պատերազմ են սանձազերծել  և այդ պատերազմում յուրաքանչյուր զոհվածը, որ կողմից էլ լինի՝ նրանց խղճին է։

«Զինկոմիսարիատում չընդունեցին` եկա այստեղ». Հայաստանում կանանց գումարտակ է ստեղծվում

86
թեգերը:
Զոհ, Պատերազմ, Թուրքիա, Ադրբեջան, Արցախ, Հայաստան
թեմա:
5 րոպե Դուլյանի հետ (236)
Ըստ թեմայի
«Մենք դրանց ցույց կտանք». Վարդենիսի գյուղերում պատրաստ են պատերազմին
«Փաստացի` մենք վարում ենք 5-րդ սերնդի պատերազմներին բնորոշ գործողություններ». Հովհաննիսյան
Այս պատերազմն ավարտվելու է Ադրբեջանի բանակի լիակատար ոչնչացմամբ. Արարատ Միրզոյան
Սամվել Կարապետյանը դիմել է ՌԴ հայկական ու ադրբեջանական համայնքների ներկայացուցիչներին
Ալիևն ու Էրդողանը, արխիվային լուսանկար

Ինչու է Թուրքիան այս անգամ այդքան ակտիվորեն սատարում Ադրբեջանին

543
(Թարմացված է 14:27 30.09.2020)
​Եկեք անկեղծ լինենք։ Նման ակտիվ մասնակցություն հայ-ադրբեջանական հակամարտությանը Թուրքիան դեռ երբեք չի ունեցել։ Իհարկե, Անկարան միշտ էլ սատար է կանգնել Բաքվին, բայց այս տարվանից երկու երկրների համագործակցությունը, մանավանդ ռազմական բնագավառում, նոր մակարդակի է հասել։
Ինչու է Թուրքիան այս անգամ այդքան ակտիվորեն սատարում Ադրբեջանին

Ինչպես վկայում է «Դեր Շպիգել» գերմանական պարբերականը, ամռանը Ադրբեջանի տարածքում տեղի ունեցան երկու երկրների համատեղ զորավարժությունները և մասնագետները կասկածներ ունեն, որ այն տեխնիկան, որը Թուրքիան բերել էր Ադրբեջան, այդպես էլ հետ չտարվեց, մնաց Ադրբեջանի տարածքում ու հիմա օգտագործվում է հայկական կողմի դեմ ռազմական գործողությունների ժամանակ։ Թուրքերն, իհարկե, այս տեղեկությունները հերքում են, հերքում է նաև Ադրբեջանը, բայց, համաձայնեք՝ պատերազմական գործողությունների ժամանակ հերքումներին շատ դժվար է հավատալ։

​Ավելի լուրջ կասկածներ կան։ Որոշ աղբյուրներ պնդում են, որ Թուրքիան Ադրբեջան է բերում սիրիացի ապստամբներին, որոնք Իդլիբ նահանգում փորձում են շարունակել պայքարը Սիրիայի նախագահ Բաշար Ասադի դեմ։ Պարզապես մեջբերեմ «Գարդիան» բրիտանական թերթի վկայությունը. «Սիրիացիները, որոնք բնակվում են ապստամբների կողմից վերահսկվող Իդլիբ նահանգում, հայտարարել են, որ թուրքական մի ընկերություն իրենց շրջանում կամավորների հավաքագրում է կազմակերպել՝ Ադրբեջանի սահմանների և ռազմավարական նավթային օբյեկտների պահպանության համար։

«Գարդիանի» տվյալներով՝ որոշ սիրիացիներ արդեն պայմանագրեր են ստորագրել։ Ընդ որում՝ լոնդոնյան թերթի թղթակիցը զրուցել է սիրիացիների հետ, որոնցից երեքը շատ կոնկրետ մանրամասներ են հայտնել, ասելով, որ նման պայմանագրերի կնքումը իրենց համար մեծ հաջողություն է, որովհետև մի քանի տարի տևած պատերազմից հետո Սիրիայում աշխատանք ճարելը բավական դժվար գործ է։ Այդ կամավորները նաև կոնկրետ թվեր են բերել, ասելով, որ իրենց հետ պայմանագրեր կնքած ընկերությունը դեռ մի ամիս առաջ է սկսել հավաքագրումը՝ խոստանալով կամավորներին տեղափոխել նախ Թուրքիա, հետո էլ Ադրբեջան և երեքից մինչև վեց ամիս ծառայության համար վճարել 700-ից 1000 դոլար, իսկ դա մեծ գումար է, հաշվի առնելով, որ Ասադի կառավարության դեմ պայքարելու համար թուրքական իշխանությունները ապստամբներին վճարում են ամսական ընդամենը 50, առավելագույնը 70 դոլար։

Հայաստանի տարածքում թուրքական ինքնաթիռի խոցած ՍՈւ-25-ի զոհված օդաչուն ռուս է

​Բրիտանական լրատվամիջոցի վկայությամբ, ըստ որոշ տեղեկությունների, մոտ 500 սիրիացի կամավորներ, այդ թվում՝ երկու դաշտային հրամանատարներ, արդեն ժամանել են Ադրբեջան և դրա անհերքելի ապացույցն են տեսանյութերը, որտեղ սիրիացի կամավորները մեքենաներով երթևեկում են Ադրբեջանի ճանապարհներով, երգելով իրենց մարտական երգերը։ Ընդ որում՝ ճանապարհային նշաններից հստակ երևում է, որ դա հենց Ադրբեջանի տարածքում է կատարվում։​

Բայց դառնանք Թուրքիային։ Ինչու են այս անգամ այդ երկրի իշխանությունները որոշել այսքան ակտիվորեն ներգրավվել հայ-ադրբեջանական հակամարտության մեջ։

Տարբեր աղբյուրներ տարբեր պատճառներ են վկայակոչում։ Նախ, փաստում են վերլուծաբանները, վերջին տարիներին նախագահ Էրդողանի արտաքին քաղաքականությունը գնալով ավելի ու ավելի ագրեսիվ է դառնում։ Դա երևում է Սիրիայում, Լիբիայում և Միջերկրական ծովում, որի արևելյան հատվածում Թուրքիան պայքարում է գազի պաշարների համար։ Հիմա էլ Անկարան ակնհայտորեն ցանկանում է ուժեղացնել իր ազդեցությունը Կովկասում։

Փորձագետներն ասում են, որ երկրորդ պատճառը Թուրքիայի տնտեսության վատթարացող վիճակն է։ Լիրան արժեզրկվում է։ Պարզ չէ, թե որքան կշարունակվի այդ գործընթացը և ինչ հետևանքների կհանգեցնի։ Բայց ես հո հիշում եմ, որ տարիներ առաջ Ստամբուլում էի և նույնիսկ տաքսիով հյուրանոցից հայկական եկեղեցի գնալու համար միլիոններ էի վճարում։ Հետո էլ այդ միլիոնանոց թղթադրամները Երևանում բաժանում էի որպես արտառոց հուշանվեր՝ դրանք արժեք չունեին՝ մեկ միլիոն լիրան ընդամենը մի քանի դոլար էր։

Թուրքիան պատճառ է փնտրում, որ իր զորքը Նախիջևան մտցնի. Փաշինյանի հարցազրույցը Россия 1–ին

Բոլոր դեպքերում «Դեր Շպիգելը» փաստում է՝ «Ներքին քաղաքականության բնագավառում նախագահ Էրդողանը ավելի ու ավելի մեծ ճնշումներ է զգում։ Թուրքական տնտեսությունն արդեն մի քանի ամիս է, ինչ ճգնաժամ է ապրում։ Համապետական հարցումների համաձայն՝ Էրդողանին այլևս բնակչության մեծ մասը չի պաշտպանում։ Եվ, Ադրբեջանին սատարելով, նա կարող է շահել պահպանողական ընտրողների համակրանքը՝ 2023 թվականին կրկին վերընտրվելու համար»։

543
թեգերը:
Ընտրություններ, Պատերազմ, Սահման, Ռեջեփ Թայիփ Էրդողան, Ադրբեջան, Իլհամ Ալիև, Թուրքիա, Հայաստան
թեմա:
5 րոպե Դուլյանի հետ (236)
Ըստ թեմայի
«Մենք Թուրքիան չենք»․ Զախարովան խոսել է ղարաբաղյան խնդրում Ռուսաստանի դերի մասին
Հանցագործություն է. «Լազարյան ակումբը» քննադատել է թուրք–ադրբեջանական ագրեսիան
Թուրքիան բացառապես ուժի լեզուն է հասկանում. ինչ սպասել ՄԱԿ-ի ԱԽ քննարկումներից
Պետք է չեզոքացնել թուրք-ադրբեջանական մտադրությունները. ՀԱՊԿ-ում ՀՀ ներկայացուցիչ
Սիրիայի նախագահ Բաշար Ասադ

Անկարան հակամարտություն է հրահրում ԼՂՀ–ում. Բաշար Ասադի խորհրդական

0
(Թարմացված է 22:23 30.09.2020)
Բաշար Ասադի խորհրդականը կարծում  է, որ  Թուրքիան, բորբոքելով հակամարտությունը, ձգտում է մեծացնել  իր տարածաշրջանային ու միջազգային դերը։

ԵՐԵՎԱՆ, 30 սեպտեմբերի – Sputnik. Պաշտոնական Անկարան Արցախում հակամարտություն է հրահրում` ցանկանալով մեծացնել իր ազդեցությունը տարածաշրջանում ու աշխարհում։ Այս մասին ՌԻԱ Նովոստիի հետ զրույցում ասել է Սիրիայի նախագահ Բաշար Ասադի խորհրդական Բուսեյնա Շաաբանը։

«Այժմ մենք կարող ենք ԼՂՀ–ում տեսնել, որ Թուրքիան իսկապես հակամարտություն է հրահրում, իսկ Էրդողանի հայտարարությունը ցույց է տալիս, որ իրենք աջակցում են Ադրբեջանի և Հայաստանի միջև այդ հակամարտության բորբոքմանը», – ասել է Շաաբանը։

Ըստ նրա` Թուրքիան այդպիսով  ձգտում է մեծացնել  իր տարածաշրջանային ու միջազգային դերը։

Հիշեցնենք` սեպտեմբերի 27-ի վաղ առավոտյան Ադրբեջանը լայնածավալ ռազմական հարձակում է սկսել արցախա–ադրբեջանական սահմանի ողջ երկայնքով։

Օտարերկրյա վարձկաններն Արցախում սպառնալիք են տարածաշրջանի համար. ՌԴ-ն մտահոգված է

Վերջին տեղեկություններով` հակառակորդի կրակոցների հետևանքով զոհվել են 103 զինծառայողներ և 6 քաղաքացիական անձինք։ Հայկական կողմը շուրջ 200 վիրավոր ունի։ Ադրբեջանի կենդանի ուժի վերաբերյալ պաշտոնական տեղեկություններ չկան, սակայն հայկական կողմը հայտնում է, որ հակառակորդը 920 զոհ ունի։

«Մերոնք նրանց աչքը հանեցին». խոցված ԱԹՍ-ներ ու հրետանային հարվածներ. ռեպորտաժ առաջնագծից

Ըստ այս պահին հայտնի տեղեկությունների` Ադրբեջանը զրկվել է նաև 83 ԱԹՍ–ից, 7 ուղղաթիռից, 170 զրահատեխնիկայից, 1 ինքնաթիռից, «Սմերչից»։ Արցախում և Հայաստանում ռազմական դրություն և համատարած զորահավաք է հայտարարվել։

Ադրբեջանը դարձյալ օդ է բարձրացրել թուրքական F-16 կործանիչները. Հովհաննիսյան

Սեպտեմբերի 29–ին ադրբեջանական զինուժը կրակ է բացել նաև Հայաստանի ուղղությամբ։ Մասնավորապես թիրախավորվել է Վարդենիսի տարածաշրջանը։ Վարդենիսում թշնամու ԱԹՍ հարվածից քաղաքացիական ավտոբուս է այրվել և մեկ խաղաղ բնակիչ զոհվել։

Հայաստանը պատրաստ է բանակցությունների, բայց կա մեկ «բայց». Փաշինյան

0
թեգերը:
Արցախ, Սիրիա, տարածաշրջան, Թուրքիա