Նիկոլ Կուցանյան

Փաշինյանի սիրելի սեղանը հանել են․ ի՞նչ գիտի վարչապետի անվանակից մատուցողը նրա մասին

795
(Թարմացված է 20:44 31.08.2020)
Նիկոլ Կուցանյանն արդեն 35 տարի է, ինչ մատուցող է աշխատում, որից 16-ը ՀՀ կառավարության շենքի դիմաց գտնվող սրճարանում։ Կուցանյանը վարչապետ Փաշինյանին անձամբ է ճանաչում և մեզ հետաքրքիր մանրամասներ է պատմել նրա մասին։

Այդ հիմա է, որ մատուցող դառնալն այդքան հեշտ է․ պետք է ընդամենը դիմում գրել աշխատանքի տեղավորման գործակալությունում և կարելի է հենց նույն օրը ռեստորանում հարցազրույցի հրավեր ստանալ, հաջորդ օրվանից էլ գործի անցնել։

Խորհրդային տարիներին ամեն ինչ ուրիշ էր։ Յուրաքանչյուրը, ով ուզում էր մատուցող դառնալ, պետք է 6 ամիս փորձաշրջան անցներ, օրուգիշեր աշխատեր սիմվոլիկ գումարի դիմաց, վերջում քննություն հանձներ և դրանից հետո միայն արժանանար մատուցողի կոչմանը։

Փաշինյանը նրանց հույսերը չի՞ արդարացրել, կամ ինչո՞ւ են աղմկում «սորոսականները»

Մեր հերոսը՝ Երևանի 54-ամյա բնակիչ Նիկոլ Կուցանյանը, հենց այդպիսի դպրոց է անցել, երբ ընդամենը 19 տարեկան էր։ Աշակերտական սեղանից անմիջապես գնացել է մատուցող աշխատելու և արդեն 35 տարի է՝ այդ գործով է զբաղվում։ Ճիշտ են ասում, որ յուրաքանչյուր մարդ գիրք է, և որքան շատ ես որևէ մեկին կարդում, այնքան ավելի հետաքրքիր է դառնում։ Բայց մենք հերոսին պատահական չենք ընտրել, այլ հազվագյուտ, բայց Հայաստանում արդեն երկու տարի է՝ նորաձև դարձած անվան պատճառով։

Кафе, где работает Никол Куцанян
© Sputnik / Aram Nersesyan
Սրճարանը, որտեղ աշխատում է Նիկոլ Կուցանյանը

«Ինձ պապիս պատվին են Նիկոլ կոչել։ Անունը Նիկողոս էր, բայց բոլորը Նիկոլ էին ասում։ Ես ու եղբայրս երկվորյակներ ենք, ծնողներս նրան ուղղակի իրենց սիրած անունով են կոչել՝ Գագիկ, իսկ ինձ՝ պապիս պատվին։ Երբեք անվանս շուրջ այսքան ուշադրություն չի եղել, որքան վերջին երկու տարում»,- ժպիտով ասում է նա։

Փաշինյանի մանկությունն ուղեկցվել է այդ անունով. վարչապետը շքանշան հանձնեց Սիմոնյանին

16 տարի է՝ Նիկոլ Կուցանյանն ավագ մատուցող է աշխատում ՀՀ կառավարության շենքի դիմաց գտնվող սրճարանում։ Նախքան կարանտինը սրճարանում ասեղ գցելու տեղ չէր լինում, հետո դատարկություն էր, հիմա մարդիկ նոր-նոր սկսում են երեկոյան հավաքվել։ Մատուցողի կրծքին «Նիկոլ» անունով «բեյջը» տեսնելով՝ մարդիկ երբեմն տարօրինակ և անսպասելի են արձագանքում։

Официант кафе Никол Куцанян
© Sputnik / Aram Nersesyan
Նիկոլ Կուցանյանը

«Մի աղջիկ անունս կարդաց ու հանկարծ վրդովվեց։ Լուրջ եմ ասում։ Ասում է՝ էս ի՞նչ անուն ունեք։ Ես տարակուսած հարցրի՝ այսի՞նքն։ Նա էլ թե՝ մենք Ձեր այդ անվան պատճառով աշխատանքից ենք զրկվել։ Ես ուսերս թոթվեցի՝ ես ինչ կապ ունեմ։ Բայց նա չնահանջեց, ասում է՝ Դուք Ձեր անունը սիրո՞ւմ եք։ Այստեղ էլ չդիմացա, ասացի՝ ինչպե՞ս կարող եմ անունս չսիրել, և դա Ձեր ի՞նչ գործն է։ Հաճախորդներ էլ կան, որոնք հակառակը՝ անունս իմանալով ուրախանում են, ուսիս են թփթփացնում, թե՝ հպարտանում ենք քո անվանակից Նիկոլով՝ մեր վարչապետով, կեցցե՛ նա, դու էլ կեցցե՛ս։ Տարօրինակ է։ Հետաքրքիր է, ինչպե՞ս էին Սերժ անունով մարդիկ իրենց զգում Սերժ Սարգսյանի նախագահության տարիներին»,-ծիծաղում է Կուցանյանը։

Официант кафе Никол Куцанян
© Sputnik / Aram Nersesyan
Նիկոլ Կուցանյանը

Ի դեպ, Թավշյա հեղափոխությունից առաջ մատուցողը բազմիցս անձամբ է սպասարկել թե՛ Սարգսյանին, թե՛ շատ պատգամավորների ու նախարարների։ Ասում են, որ զանազան պաշտոնական ընդունելություններին և բանկետներին շատ պահանջված էր։ 2018թ․-ից հետո այդպիսի հրավերներ գրեթե չեն եղել։

«Ներկայիս կառավարությունը նախկինների նման չէ։ Նրանք հարուստներ էին, իսկ ներկաները աշխատավարձով են ապրում։ Միայն աշխատավարձով շատ շքեղութուններ թույլ չես տա»,-խորհրդածում է մեր հերոսը։

Կուցանյանն իր հայտնի անվանակցի հետ էլ է ծանոթ։ Նախքան 2018թ․-ի իրադարձությունները Նիկոլ Փաշինյանը, որն այդ ժամանակ պատգամավոր էր, սրճարանի մշտական հաճախորդներից էր։

«Ես նրան դիմավորում էի «Բարև, ադաշ ջան» բառերով, նա պատասխանում էր և ժպտում՝ ի պատասխան։ Երեկոյան էր գալիս, մենակ, մի խուրձ թերթով։ Սև սուրճ և հանքային ջուր էր պատվիրում և ժամերով թերթ էր կարդում։ Ես միշտ էլ գիտեի, որ երկրում մի օր հեղաշրջում կլինի (հենց այդ բառն է օգտագործել՝ խմբ․)։ Բայց, իհարկե, չէի ենթադրում, որ հենց Փաշինյանի մոտ կստացվի։ Ապրի։ Շատ խելոք տղա է։ Հեղափոխությանը պատրաստվում էր 2018թ․-ից դեռ շատ առաջ»,-ասում է Կուցանյանը։

Официант кафе Никол Куцанян
© Sputnik / Aram Nersesyan
Նիկոլ Կուցանյանը

Մեր խնդրանքին՝ ցույց տալ սեղանը, որի մոտ սիրում էր նստել Փաշինյանը, մատուցողը պատասխանում է, որ կորոնավիրուսից առաջ սրճարանում սեղաններն ավելի շատ էին, հիմա վարչապետի սիրելի սեղանը մյուսների հետ միասին հանել են՝ սոցիալական հեռավորություն պահպանելու համար, ինչպես պահանջում է արտակարգ դրության ռեժիմը։

Հեղափոխությունից հետո Կուցանյանն իր անվանակցին ընդամենը մեկ անգամ է հանդիպել՝ վարչապետ դառնալուց հետո Փաշինյանը դադարել է այցելել սրճարան։ Բայց մի քանի ամիս առաջ,իր ստուգայցերից մեկի ընթացքում, Փաշինյանը կանգ է առել սրճարանի առջև։

Кафе, где работает Никол Куцанян
© Sputnik / Aram Nersesyan
Սրճարանը, որտեղ աշխատում է Նիկոլ Կուցանյանը

«Ճանաչեց ինձ, երկու խոսք փոխանակեցինք։ Փաշինյանը հարցնում էր, թե մարդիկ ինչ են մտածում կորոնավիրուսի մասին։ Ես նրան անկեղծորեն ասացի, որ մեծ մասը վիրուսը միֆ են համարում, հաճախորդներ են լինում, որոնք զարմանում են, երբ տեսնում են մեզ՝ մատուցողներիս, դիմակով, լուրջ-լուրջ ասում են՝ հո չե՞ք հավատում էդ հիմարությանը։ Նա ինձ լսեց ու գնաց»,-հիշում է մատուցողը։

«Սինգապուրյան խոլորձի» նոր տեսակը` Փաշինյանի և նրա կնոջ անունով. այց բուսաբանական այգի

Փաշինյանի անվանակիցը երկու դուստր և մեկ որդի ունի։ Երեք տարի առաջ ավագ դուստրը նրան պարգևել է առաջին թոռնիկը։ Տղային Գագիկ են անվանել՝ ի պատիվ հորական պապի։

Официант кафе Никол Куцанян
© Sputnik / Aram Nersesyan
Նիկոլ Կուցանյանը

«Դե պարզ է, ով տղային աներոջ պատվին կանվանի։ Այ, իմ որդին տղա կունենա, անպայման անունը Նիկոլ կդնի։ Իսկ ինչո՞ւ ոչ։ Ինձ պապիս անունով են կոչել, թոռանս էլ թող իր պապի անունով կոչեն»,-կրկին ժպտում է մեր զրուցակիցը։

Կուցանյանը, չնայած տարիքին, աշխատում է շաբաթը վեց օր։ Ապրիլից մինչև հոկտեմբեր՝ բաց սրճարանների սեզոնին, հասցնում է ոչ միայն հանապազօրյա հացի գումար վաստակել, այլև ձմեռվա համար խնայողություններ անել։

Աշխատանքի դժվարությունների մասին հարցին ի պատասխան ձեռքը թափ է տալիս․ արդեն քանի՜ տարի է՝ նույն գործով է զբաղվում, ամեն ինչ հասցրել է տեսնել, ամեն ինչի սովորել։ Վարչապետի անվանակիցը մեծ հավակնություններ չունի, ապրում է սովորական կյանքով․ երեխաները աշխատում են և/կամ սովորում, կնոջ հետ արդեն մի քանի տասնամյակ խաղաղ ու սիրով են ապրում, իսկ կառավարության շենքի դիմացի սրճարանի մյուս աշխատակիցները նրա համար վաղուց արդեն երկրորդ ընտանիք են դարձել։

795
թեգերը:
կառավարություն, Նախարար, Պատգամավոր, «Թավշյա հեղափոխություն», հեղափոխություն, Հայաստան, Վարչապետ, մատուցող, սրճարան, Նիկոլ Փաշինյան
Ըստ թեմայի
Հայ համասեռամոլ մատուցողը և Փաշինյանի «գլխացավանքը». ո՞վ է անում ԼԳԲՏ համաժողովի PR–ը
Ճապոնիայում հայտնվել է սրճարան, որտեղ ռոբոտ մատուցողներին կառավարում են անդամալույծ մարդիկ
Ինչպես Արուս Տիգրանյանը կերավ մատուցողի բերած կտրոնը. զվարճալի տեսանյութ
Սպասարկման ոլորտի «գաղտնի» կողմերը. ի՞նչ է թաքնված մատուցողների ժպիտի հետևում
Մարտունին հրետակոծությունից հետո

Ադրբեջանի սանձազերծած պատերազմում յուրաքանչյուր զոհ Ալիևի և Էրդողանի խղճին է. Շենդերովիչ

130
(Թարմացված է 21:38 30.09.2020)
​Եկեք անկեղծ լինենք։ Մենք՝ հայերս, միշտ էլ շատ մեծ նշանակություն ենք տվել այն հանգամանքին, թե ինչ են ասում մեր մասին, մեր պատմության մասին, մեր մասնակցությամբ ծավալվող իրադարձությունների մասին։
Վիկտոր Շենդերովիչ. «Ալիևը և Էրդողանը նոր պատերազմ են սանձազերծել, և այդ պատերազմում յուրաքանչյուր զոհվածը, որ կողմից էլ լինի՝ նրանց խղճին է»

Հիշենք թեկուզ,  թե Ղարաբաղյան շարժման սկզբին ինչպես էինք ջանադրաբար փորձում համոզել բոլորին, որ էքստրեմիստներ չենք և Արցախը միշտ էլ հայկական է եղել։

Հիմա էլ դժգոհ ենք, երբ ՄԱԿ-ի Անվտանգության խորհուրդը ոչինչ չասող բանաձեւ է ընդունել, որտեղ փաստորեն հավասարության նշան է դրել և կոնկրետ չի ասել՝ բա լավ, այս ռազմական գործողությունները ով է նախաձեռնել։ Կարծես թե, եթե ասեր, ինչ-որ բան կփոխվեր և հրահրողը գետինը կմտներ։

​Եվ այնուամենայնիվ, այո, միշտ էլ հետաքրքիր է, թե ինչպես է մեզ հետ կատարվողը ընկալվում դրսում, թեկուզ ոչ թե միջազգային կազմակերպությունների, այլ պարզապես, այսպես ասեմ, զուտ մարդկային, անձնական մակարդակով, մանավանդ եթե այդ անձը բավական հայտնի է։ Խոսքն իհարկե արտերկրում ապրող հայազգի գործիչների մասին չէ՝ նրանք, բնականաբար, գիտեն, թե իրականում ինչ է կատարվում և ամեն կերպ փորձում են ճշմարտությունը հասցնել նաև նրանց, ովքեր այնքան էլ լավ պատկերացում չունեն հայ-ադրբեջանական հակամարտության և առճակատման այսօրվա սրման պատճառների մասին։
​Այսօր թույլ տվեք անդրադառնալ ռուսաստանցի հայտնի գրող և երգիծաբան Վիկտոր Շենդերովիչի դիրքորոշմանը։ Մի քանի օր առաջ, երբ սկսվեցին ռազմական գործողությունները մեր տարածաշրջանում, Շենդերովիչը արտահայտեց իր կարծիքը, որը, բնականաբար, միանշանակ չընդունվեց, մանավանդ ադրբեջանցիների կողմից։ Ինչ ասես ասացին՝ դու ոչ մի բան չես հասկանում, քիթդ մի խոթիր, պատմությունը մի աղավաղիր և այլն։

«Նույնիսկ գրել ես՝ Ադրբեջանը հարձակվել է Հայաստանի վրա, երբ է Ադրբեջանը հարձակվել Հայաստանի վրա, խոսքը Լեռնային Ղարաբաղի մասին է, որը ճանաչված չէ Հայաստանի կողմից», ասել էին Շենդերովիչին մեղադրողները։

Զոհվածների ցուցակում հայտնված ևս երեք զինծառայողներ ողջ են

​Ճիշտն ասած, բոլորովին մտադիր չեմ փաստարկներ բերել Շենդերովիչի օգտին և փաստել, որ հենց երեկ ադրբեջանցիները, այո, հարձակվել էին Հայաստանի վրա, հարվածել  Գեղարքունիքի մարզի բնակավայրերին և խոցել մի ավտոբուս։ Պարզապես լսենք Շենդերովիչի մեկնաբանությունը. «Ես գրել էի՝ Ադրբեջանը հարձակվել է Հայաստանի վրա, ինչից հետո մի հինգ տասնյակ մեկնաբաններ սկսեցին ուրախությամբ ինձ երեսով տալ, վկայակոչելով աշխարհի քաղաքական քարտեզը։ Այո, ֆորմալ տեսակետից ավելի ճշգրիտ կլիներ գրել՝ ադրբեջանցիները հարձակվել են հայերի վրա։ Բայց չէ որ Ղարաբաղում կռվող թե ադրբեջանցիների, թե հայերի թիկունքում շատ կոնկրետ պետություններ են, և ես առաջարկեցի իրերը կոչել իրենց անուններով, և կոչեցի՝ մենք հո ՄԱԿ-ում չենք, որ կաշկանդված լինենք պաշտոնական ձևակերպումներով։

Շենդերովիչը շարունակում է. «Ինձ ուղղված մյուս մեղադրանքը՝ ռուսաստանցի մտավորականներն ավանդաբար Հայաստանի կողմից են, մի շարք հանգամանքներով է պայմանավորված։ Կարծում եմ՝ հանգամանքներ ասելով, ինձ մեղադրողները նկատի ունեն այն իրողությունը, որ հայերին և ռուսաստանցի մտավորականների մի մասին միավորում է քրիստոնեությունը։ Եթե այդպես է, ես չէ, որ պիտի դատեմ՝ ես նույնքան քրիստոնյա եմ, որքան մահմեդական»: Շենդերովիչն ակնարկել է, որ ինքը հրեա է։

​Խոսելով Ղարաբաղյան հակամարտության մասին, Շենդերովիչը խոստովանել է՝ այդ արճակատման իմ ընկալման վրա ազդում է հայերի ցեղասպանության մասին հիշողությունը։ Ղարաբաղը հին հայկական հող է, բայց ադրբեջանցու համար, որին անցած դարի 90-ականներին տեղահանեցին իր տնից, դա իր հողն էր, իր հոր և պապու հողը։ Նույն կերպ էլ հայն է այդ հողն իրենը համարում։ Եվ միակ բանը, որը կարելի է այսօր անել՝ հին վերքերի վրա աղ չցանելն է։ Ալիևը և Էրդողանը հենց դրանով են զբաղված՝ նրանք նոր պատերազմ են սանձազերծել  և այդ պատերազմում յուրաքանչյուր զոհվածը, որ կողմից էլ լինի՝ նրանց խղճին է։

«Զինկոմիսարիատում չընդունեցին` եկա այստեղ». Հայաստանում կանանց գումարտակ է ստեղծվում

130
թեգերը:
Զոհ, Պատերազմ, Թուրքիա, Ադրբեջան, Արցախ, Հայաստան
թեմա:
5 րոպե Դուլյանի հետ
Ըստ թեմայի
«Մենք դրանց ցույց կտանք». Վարդենիսի գյուղերում պատրաստ են պատերազմին
«Փաստացի` մենք վարում ենք 5-րդ սերնդի պատերազմներին բնորոշ գործողություններ». Հովհաննիսյան
Այս պատերազմն ավարտվելու է Ադրբեջանի բանակի լիակատար ոչնչացմամբ. Արարատ Միրզոյան
Սամվել Կարապետյանը դիմել է ՌԴ հայկական ու ադրբեջանական համայնքների ներկայացուցիչներին
Ալիևն ու Էրդողանը, արխիվային լուսանկար

Ինչու է Թուրքիան այս անգամ այդքան ակտիվորեն սատարում Ադրբեջանին

577
(Թարմացված է 14:27 30.09.2020)
​Եկեք անկեղծ լինենք։ Նման ակտիվ մասնակցություն հայ-ադրբեջանական հակամարտությանը Թուրքիան դեռ երբեք չի ունեցել։ Իհարկե, Անկարան միշտ էլ սատար է կանգնել Բաքվին, բայց այս տարվանից երկու երկրների համագործակցությունը, մանավանդ ռազմական բնագավառում, նոր մակարդակի է հասել։
Ինչու է Թուրքիան այս անգամ այդքան ակտիվորեն սատարում Ադրբեջանին

Ինչպես վկայում է «Դեր Շպիգել» գերմանական պարբերականը, ամռանը Ադրբեջանի տարածքում տեղի ունեցան երկու երկրների համատեղ զորավարժությունները և մասնագետները կասկածներ ունեն, որ այն տեխնիկան, որը Թուրքիան բերել էր Ադրբեջան, այդպես էլ հետ չտարվեց, մնաց Ադրբեջանի տարածքում ու հիմա օգտագործվում է հայկական կողմի դեմ ռազմական գործողությունների ժամանակ։ Թուրքերն, իհարկե, այս տեղեկությունները հերքում են, հերքում է նաև Ադրբեջանը, բայց, համաձայնեք՝ պատերազմական գործողությունների ժամանակ հերքումներին շատ դժվար է հավատալ։

​Ավելի լուրջ կասկածներ կան։ Որոշ աղբյուրներ պնդում են, որ Թուրքիան Ադրբեջան է բերում սիրիացի ապստամբներին, որոնք Իդլիբ նահանգում փորձում են շարունակել պայքարը Սիրիայի նախագահ Բաշար Ասադի դեմ։ Պարզապես մեջբերեմ «Գարդիան» բրիտանական թերթի վկայությունը. «Սիրիացիները, որոնք բնակվում են ապստամբների կողմից վերահսկվող Իդլիբ նահանգում, հայտարարել են, որ թուրքական մի ընկերություն իրենց շրջանում կամավորների հավաքագրում է կազմակերպել՝ Ադրբեջանի սահմանների և ռազմավարական նավթային օբյեկտների պահպանության համար։

«Գարդիանի» տվյալներով՝ որոշ սիրիացիներ արդեն պայմանագրեր են ստորագրել։ Ընդ որում՝ լոնդոնյան թերթի թղթակիցը զրուցել է սիրիացիների հետ, որոնցից երեքը շատ կոնկրետ մանրամասներ են հայտնել, ասելով, որ նման պայմանագրերի կնքումը իրենց համար մեծ հաջողություն է, որովհետև մի քանի տարի տևած պատերազմից հետո Սիրիայում աշխատանք ճարելը բավական դժվար գործ է։ Այդ կամավորները նաև կոնկրետ թվեր են բերել, ասելով, որ իրենց հետ պայմանագրեր կնքած ընկերությունը դեռ մի ամիս առաջ է սկսել հավաքագրումը՝ խոստանալով կամավորներին տեղափոխել նախ Թուրքիա, հետո էլ Ադրբեջան և երեքից մինչև վեց ամիս ծառայության համար վճարել 700-ից 1000 դոլար, իսկ դա մեծ գումար է, հաշվի առնելով, որ Ասադի կառավարության դեմ պայքարելու համար թուրքական իշխանությունները ապստամբներին վճարում են ամսական ընդամենը 50, առավելագույնը 70 դոլար։

Հայաստանի տարածքում թուրքական ինքնաթիռի խոցած ՍՈւ-25-ի զոհված օդաչուն ռուս է

​Բրիտանական լրատվամիջոցի վկայությամբ, ըստ որոշ տեղեկությունների, մոտ 500 սիրիացի կամավորներ, այդ թվում՝ երկու դաշտային հրամանատարներ, արդեն ժամանել են Ադրբեջան և դրա անհերքելի ապացույցն են տեսանյութերը, որտեղ սիրիացի կամավորները մեքենաներով երթևեկում են Ադրբեջանի ճանապարհներով, երգելով իրենց մարտական երգերը։ Ընդ որում՝ ճանապարհային նշաններից հստակ երևում է, որ դա հենց Ադրբեջանի տարածքում է կատարվում։​

Բայց դառնանք Թուրքիային։ Ինչու են այս անգամ այդ երկրի իշխանությունները որոշել այսքան ակտիվորեն ներգրավվել հայ-ադրբեջանական հակամարտության մեջ։

Տարբեր աղբյուրներ տարբեր պատճառներ են վկայակոչում։ Նախ, փաստում են վերլուծաբանները, վերջին տարիներին նախագահ Էրդողանի արտաքին քաղաքականությունը գնալով ավելի ու ավելի ագրեսիվ է դառնում։ Դա երևում է Սիրիայում, Լիբիայում և Միջերկրական ծովում, որի արևելյան հատվածում Թուրքիան պայքարում է գազի պաշարների համար։ Հիմա էլ Անկարան ակնհայտորեն ցանկանում է ուժեղացնել իր ազդեցությունը Կովկասում։

Փորձագետներն ասում են, որ երկրորդ պատճառը Թուրքիայի տնտեսության վատթարացող վիճակն է։ Լիրան արժեզրկվում է։ Պարզ չէ, թե որքան կշարունակվի այդ գործընթացը և ինչ հետևանքների կհանգեցնի։ Բայց ես հո հիշում եմ, որ տարիներ առաջ Ստամբուլում էի և նույնիսկ տաքսիով հյուրանոցից հայկական եկեղեցի գնալու համար միլիոններ էի վճարում։ Հետո էլ այդ միլիոնանոց թղթադրամները Երևանում բաժանում էի որպես արտառոց հուշանվեր՝ դրանք արժեք չունեին՝ մեկ միլիոն լիրան ընդամենը մի քանի դոլար էր։

Թուրքիան պատճառ է փնտրում, որ իր զորքը Նախիջևան մտցնի. Փաշինյանի հարցազրույցը Россия 1–ին

Բոլոր դեպքերում «Դեր Շպիգելը» փաստում է՝ «Ներքին քաղաքականության բնագավառում նախագահ Էրդողանը ավելի ու ավելի մեծ ճնշումներ է զգում։ Թուրքական տնտեսությունն արդեն մի քանի ամիս է, ինչ ճգնաժամ է ապրում։ Համապետական հարցումների համաձայն՝ Էրդողանին այլևս բնակչության մեծ մասը չի պաշտպանում։ Եվ, Ադրբեջանին սատարելով, նա կարող է շահել պահպանողական ընտրողների համակրանքը՝ 2023 թվականին կրկին վերընտրվելու համար»։

577
թեգերը:
Ընտրություններ, Պատերազմ, Սահման, Ռեջեփ Թայիփ Էրդողան, Ադրբեջան, Իլհամ Ալիև, Թուրքիա, Հայաստան
թեմա:
5 րոպե Դուլյանի հետ
Ըստ թեմայի
«Մենք Թուրքիան չենք»․ Զախարովան խոսել է ղարաբաղյան խնդրում Ռուսաստանի դերի մասին
Հանցագործություն է. «Լազարյան ակումբը» քննադատել է թուրք–ադրբեջանական ագրեսիան
Թուրքիան բացառապես ուժի լեզուն է հասկանում. ինչ սպասել ՄԱԿ-ի ԱԽ քննարկումներից
Պետք է չեզոքացնել թուրք-ադրբեջանական մտադրությունները. ՀԱՊԿ-ում ՀՀ ներկայացուցիչ

ՀՀ–ն քանի՞ միլիարդ է նվիրել Թուրքիային 15 տարում

0
(Թարմացված է 23:25 30.09.2020)
Հիմա թուրքական ապրանքները գուցեև գնային առումով ավելի շահավետ են, բայց 15 տարվա ընթացքում Հայաստանը Թուրքիայից շուրջ 3 մլրդ դոլարի ապրանք է գնել։ Այդ գումարով կարելի էր սեփական ժամանակակից արդյունաբերությունը ստեղծել։
Քանի՞ միլիարդ է Հայաստանը նվիրել Թուրքիային 15 տարվա ընթացքում
© Sputnik / Shushanik Sargsyan

Վերջին 15 տարվա ընթացքում` 2004 թվականից մինչև 2020 թվականի առաջին կիսամյակը ներառյալ, Հայաստանը 2 մլրդ 822 մլն դոլարի թուրքական ապրանք է գնել։

Ընդ որում` այս գնի մեջ ներառված չէ վերավաճառողների հասույթը, որը մնում է Հայաստանում. սա միայն ապրանքների գինն է ու մինչև հայկական սահման տեղափոխելու ծախսերը։

Հիմնականում թուրքական ապրանքները գնում են համեմատաբար էժան լինելու համար (ժամանակին առևտրականները «մաքուր թուրքական ա» արտահայտությամբ էին գովազդում թուրքական հագուստը)։ Հանուն ճշմարտության պետք է ասել, որ երկար տարիներ այդ ապրանքի մի մասը չի մաքսազերծվել հիմնավորված արժեքով։ Հագուստի զգալի մասը մաքսազերծվել է քաշով, ոչ թե արժեքով։

Ինքնասիրության հարց է. առևտրային ցանցերը հրաժարվում են թուրքական ապրանք վաճառելուց

Սրան զուգահեռ Թուրքիան ապրանքներ չի ընդունում Հայաստանից` չհաշված հում կաշվի չնչին ծավալները (Թուրքիան կաշվի արդյունաբերության խոշորագույն տարածաշրջանային կենտրոնն է)։

ՀՀ–ն միջազգային հանրությանը կոչ է արել հրաժարվել Թուրքիային սիրաշահելու քաղաքականությունից

0
թեգերը:
Հայաստան, Թուրքիա
Ըստ թեմայի
Թուրքիայի ակտիվությունը չի կարող չանհանգստացնել ՀՀ–ի միջազգային գործընկերներին. Փաշինյան
Մենք դա թույլ չենք տա. Մակրոնն անդրադարձել է Ղարաբաղի մասին Թուրքիայի ռազմատենչ կոչերին
Ինչու է Թուրքիան այս անգամ այդքան ակտիվորեն սատարում Ադրբեջանին