Վաշինգտոն

Մարդիկ կշարունակեն մեքենաների համարանիշների վրա գրել, կամ Վաշինգտոնը կդառնա՞ 51-րդ նահանգ

856
(Թարմացված է 17:27 29.06.2020)
Եկեք անկեղծ լինենք։ Եթե աշխարհի ամենատարբեր երկրներում, այդ թվում` Հայաստանում, մարզերի բնակիչները շարունակաբար բողոքում են, որ ամեն ինչ կենտրոնացած է մայրաքաղաքում և իրենց ձայնը գրեթե չի լսվում, ապա ԱՄՆ–ում ճիշտ հակառակն է՝ հենց մայրաքաղաքն է ձայնազուրկ։
Արդյոք մայրաքաղաք Վաշինգտոնը կդառնա 51-րդ նահանգ

Կոլումբիայի շրջանում գտնվող Վաշինգտոն քաղաքը ամերիկյան Կոնգրեսում ունի ընդամենը մեկ ներկայացուցիչ, որը ձայնի իրավունք չունի։

Ինչո՞ւ հանկարծ որոշեցի անդրադառնալ այս թեմային։ Առիթը շատ կոնկրետ է՝ անցած շաբաթվա վերջին ամերիկյան Կոնգրեսի ստորին պալատը քվեարկեց մի օրինագծի օգտին, որով երկրի նահանգների թիվն ավելանալու է մեկով, և այդ մեկ լրացուցիչ նահանգը, այո, մայրաքաղաք Վաշինգտոնն է։ Ամերիկյան դրոշի վրա ևս մեկ աստղ ավելացնելու օգտին քվեարկեց 232 կոնգրեսական, դեմ քվեարկեցին նիստին ներկա բոլոր հանրապետականները՝ 180 մարդ։

Հիմա կասեք՝ լավ, կորոնավիրուսի այս պայմաններում, երբ Ամերիկան համավարակից ամենատուժած երկրներից մեկն է, մի՞թե ժամանակն է զբաղվել մեկ լրացուցիչ նահանգ ավելացնելու հարցով, մանավանդ որ այդ գործընթացը հեռանկար չունի։ Հետո ինչ, որ պառլամենտի Ստորին պալատն է քվեարկել մայրաքաղաք Վաշինգտոնը 51-րդ նահանգ դարձնելու օգտին, Սենատը, որտեղ գերիշխում են հանրապետականները, երբեք չի հաստատի այդ օրինագիծը, իսկ նախագահ Դոնալդ Թրամփը դեռ մայիսին էր հայտարարել՝ վետո եմ դնելու։

Ինչ-որ բան այն չէ ժողովրդավարության նախկին «կղզյակներում»

Բայց ախր հենց կորոնավիրուսն էր պատճառը, որ վերսկսվեցին պատգամավորների ջանքերը՝ Վաշինգտոնը լիիրավ նահանգ ճանաչելու համար։ Տեսեք։ Վերջին անգամ այդ հարցը Կոնգրեսում բարձրացվեց 1993 թվականին, բայց այն ժամանակ հանրապետականները անմիջապես էլ արգելափակեցին օրինագիծը, և դրանով ամեն ինչ ավարտվեց։ Հիմա առիթը կա։ Կորոնավիրուսի դեմ պայքարելու համար ամերիկյան կառավարությունը բոլոր 50 նահանգներին հատկացրել է 1,2 միլիարդ դոլար, այնինչ Վաշինգտոնին՝ ավելի քան երկու անգամ պակաս՝ ընդամենը 500 միլիոն դոլար։ Հիմա կասեք՝ դե լավ, այնքան էլ մեծ քաղաք չէ Վաշինգտոնը, նահանգների հետ չես կարող համեմատել։ Ոչ, այդպես չէ։ Կոլումբիայի շրջանում, որտեղ գտնվում է մայրաքաղաք Վաշինգտոնը, բնակվում է մոտ 700 հազար մարդ, իսկ դա գերազանցում է Վերմոնտ և Վայոմինգ նահանգների բնակչությանը։ Եվ ուրեմն Վաշինգտոնի բնակիչն իրավացիորեն կարող է հարց բարձրացնել՝ ինչու վերմոնտցին կամ վայոմինգցին ինձանից երկու անգամ լա՞վն են, որ իրենց ավելի քան երկու անգամ ավելի շատ եք փող հատկացնում։

Նոր նահանգի ստեղծման նախաձեռնողները նույնիսկ այդ նահանգի նոր անունն են հնչեցրել՝ «Վաշինգտոնի և Դագլասի համագործակցության» նահանգ։ Առաջին հայացքից բավական տարօրինակ անուն է, բայց նախաձեռնողները բացատրում են՝ դե, Ջորջ Վաշինգտոնը Ամերիկայի առաջին նախագահն է եղել, և հենց իր անունով էլ կոչվել է մայրաքաղաքը, իսկ Ֆրեդերիկ Դագլասն այն սևամորթն էր, որը սկսեց պայքարը ստրկության դեմ։

Նահանգի այս անունն, ի դեպ, շատ խորհրդանշական է, որովհետև ըստ վերջին մարդահամարի, սևամորթները կազմում են Վաշինգտոնի բնակչության գրեթե կեսը՝ 46 տոկոսը։ Հենց սա էլ վախեցնում է հանրապետականներին, որովհետև աֆրոամերիկացիներն ավանդաբար քվեարկում են իրենց իրավունքների պաշտպան համարվող դեմոկրատների օգտին։ Վաշինգտոնում այլևս չեն էլ հիշում, թե երբ են վերջին անգամ հանրապետական քաղաքապետ ունեցել, տասնամյակներ շարունակ բոլոր քաղաքապետները դեմոկրատ են եղել։

Անհավանական է. քանի շիշ շամպայն է խմել Չերչիլը և որտեղ են տիեզերագնաց Արմսթրոնգի կոշիկները

Հենց սա էլ վախեցնում է հանրապետականներին՝ եթե ստեղծվեց նոր նահանգ, իրենց դիրքերը թուլանալու են։ Դոնալդ Թրամփը, որը միշտ փայլել է իր անկեղծությամբ, անցած ամիս «Նյու Յորք փոստ» թերթին տված հարցազրույցում բացեիբաց ասել է. «Ինչու եմ ես դեմ նոր նահանգի ստեղծմանը։ Որովհետև մենք կունենանք ևս երկու դեմոկրատ սենատոր ու ևս 5 դեմոկրատ կոնգրեսական Ստորին պալատում։ Չէ, շնորհակալ եմ։ Չի լինելու նման բան, ես թույլ չեմ տա»։

Ինչպես տեսնում եք, չնայած ուրբաթ օրվա քվեարկությանը, դժվար թե Վաշինգտոնը հռչակվի 51-րդ նահանգ, իսկ մայրաքաղաքի բնակիչները կշարունակեն իրենց ավտոմեքենաների համարանիշների վրա գրել՝ «Taxation without representation», այսինքն՝ հարկեր մուծում ենք, բայց Կոնգրեսում ներկայացված չենք։

«Ազնիվ մարդկանց կուսակցություն»` կաշառակեր անդամներով, կամ երբ մեր քաղաքական դաշտը կմաքրվի

856
թեգերը:
Ամերիկայի Միացյալ Նահանգներ, Դոնալդ Թրամփ, ԱՄՆ
թեմա:
5 րոպե Դուլյանի հետ (178)
Ըստ թեմայի
Ի՞նչ կարելի է սպասել հրշեջից, որը հրդեհը տեսնում է, բայց այն մարելու իրավունք չունի
Հայաստանում վերացրեք կարիերային վերելակը, թող բոլորն աստիճաններով բարձրանան դեպի պաշտոն
Շվեդիայի պատմության աղմկահարույց քրգործը. վարչապետին սպանողը մասնակցել է հետաքննությանը
ՀՀ նախագահն ու նրա տիկինը այցելել են Նորշենի միակ բնակչին՝ Վահանդուխտ տատին

Սահմանամերձ Նորշենի միակ տերն ու տիրակալը Վահանդուխտ տատն է, կամ ինչո՞ւ է աղմկում գետը

187
(Թարմացված է 22:32 07.07.2020)
Նոր Շեն գյուղը գտնվում է հայ-թուրքական սահմանին։ Նորշենից տեսարան է բացվում դեպի հայոց հին մայրաքաղաք՝ Անի։ Սյունակագիր Սերգեյ Բաբլումյանը պատմում է այդ գյուղի հետաքրքրաշարժ պատմությունը․ գյուղն այսօր, ցավոք, դատարկվել է։

ՀՀ նախագահ Արմեն Սարգսյանը տիկնոջ՝ Նունե Սարգսյանի հետ այցելել է հայ-թուրքական սահմանին գտնվող Նորշեն գյուղ։ Թվում է՝ նախագահի մամուլի ծառայության սովորական հաղորդագրություն է, որևէ արտառոց բան չկա, բայց այստեղ տեղ գտած մեկ նախադասությունն աչք է ծակում․ «Նրանք զրուցել են գյուղի միակ բնակչուհու՝ Վահանդուխտ տատի հետ»։ Ասես՝ կացնով գլխիդ հարվածեն։

Президент Армен Саркисян посетил отряд российских пограничных войск (5 июля 2020). Армения
© Photo / official site of the President of RA.
Արմեն Սարգսյանն այցելել է հայ-թուրքական սահման

Չի բացառվում, որ մենակ մնացած տատիկին հանդիպել եմ դեռ երիտասարդ տարիքում, երբ ինքս էի այցելել Նորշեն, որն ավելի հայտնի է Խարկով անունով։ Հիշում եմ այդ գյուղն ոչ միայն գեղատեսիլ, այլև մարդաշատ բնակավայր։

Ինչո՞ւ էի հաճախ լինում այդ գյուղում։ Նույն պատճառով, որի համար գնացել է նախագահ Սարգսյանը։ Այստեղ՝ Ախուրյան գետի ձախ ափին, առավելագույնս մոտ ես Անիի ավերակներին, հետևաբար՝ այստեղից դրանք ամենալավն են երևում։ Բանն այն է, որ ամեն մեկը չէ, որ կարող է գալ այստեղ․ մինչև Թուրքիայի սահմանը երկու քայլ էլ չկա՝ մեկ րոպեի լողի ճամփա է՝ գետը պետք է անցնել։

Развалины моста на границе в Ани
© Sputnik / Dmitrii Pisarenko
Անիի սահմանին գտնվող կամրջի ավերակները

Բայց նախ այն մասին, թե ինչու է գյուղը կոչվում Խարկով։ Ուկրաինայի հայտնի Խարկով քաղաքի անվանումն այստեղ որևէ կապ չունի։ Տեղանունն առաջացել է «խարկել» բայից, որը նշանակում է բովել, թրծել, և այնուհետև վերածվել է Խարկովի։ Իսկ նորշենցիները թրծելու և բովելու բան ունեին․ գյուղի շրջակայքում են գտնվում հայտնի քարհանքերը, իսկ Հայաստանի միջնադարյան մայրաքաղաքի՝ Անիի, բազմաթիվ ճարտարապետական կոթողներ կառուցվել են տեղական տուֆից, ինչպեսև, ի դեպ, նորշենցիների տների մեծ մասը, այն տների, որոնցում այլևս ոչ ոք չի ապրում։

Развалины армянского города Ани
Պատմական Անիի ավերակները

Եվս մեկ դրվագ այս հիանալի գյուղի պատմությունից։ Հայտնի արևելագետ և լեզվաբան Նիկողայոս Մառը հիշատակում է գյուղը իր «Անի» աշխատության մեջ։ Նախքան 1894թ-ն այստեղ արոտավայր էր, իսկ հետո Շիրակավան գյուղից տեղափոխված բնակիչները գյուղ հիմնեցին, որը կոչեցին Էնիկեյ, և միայն 2006թ-ին այն վերանվանվեց Նորշեն։

Խարկովում կրկին ծածանվեց Հայաստանի եռագույնը. գյուղ, որը զբոսաշրջային ներուժ ունի

Նորշենը հայտնի է նաև «Նորամանուկ» հիասքանչ եկեղեցով։ Տեղաբնակների խոսքով՝ եկեղեցին կառուցել է Մանուկ անունով մեկը, որը Վանից այստեղ բազմաթիվ խաչքարեր էր բերել։ Եկեղեցու ներսում պահպանվել է նաև վանահոր գերեզմանը, ճիշտ է՝ արդեն կիսաքանդ (գանձ որոնողների շնորհիվ)։

Ավարտելով կարճ պատմական անդրադարձը, նշեմ, որ ակադեմիկոս Մառի պեղումները Անիում ֆինանսավորում էր «Հայոց ազգագրական ընկերության» հիմնադիր, միլիոնատեր Միքայել Արամյանցը։

Микаэл Арамянц
Միքայել Արամյանց

Իսկ այժմ այն մասին, թե ինչու էի այդքան հաճախ այցելում այս գյուղ։ Որովհետև անհատ թղթակիցներս հաճախ էինք հյուրեր ունենում, և ուզում էինք նրանց ցույց տալ Հայաստանը՝ իր ողջ բազմազանությամբ ու գեղեցկությամբ, ոչ միայն Մատենադարան և Կոնյակի գործարան տանելով, այլև պատմությանը ծանոթացնելով․ իսկ Խարկովից երևում է մեր հնագույն մայրաքաղաքը՝ թեկուզ արդեն ավերված, բայց իրական։

Եկեղեցին գետի այն կողմից նայում է քեզ, իսկ դու այս ափից լուռ նայում ես նրան։ Զարմանալի է՝ հյուրերը նույնպես լռում էին։ Հարցուփորձն ու բացատրությունները սկսվում էին ավելի ուշ։

Նորշեն սահմանամերձ գյուղի միակ բնակչուհին արժանացավ շնորհակալագրի ու դրամական պարգևի

70-ականներին Խարկովում կոլխոզ կար, բայց նույնիսկ կոլխոզը սահմանամերձ շրջանի փակ կառույց էր, անգամ տեղաբնակների համար ելքի և մուտքի թույլտվություն էր պահանջվում։

Կոլխոզը հարուստ տնտեսություն ուներ, և դա առավելություն էր ոչ միայն բնակիչների, այլ նաև սահմանապահների համար։ Ամեն տարի ղեկավարությունը սահմանապահների համար նվերներ էր առանձնացնում այն ամենից, ինչ աճեցրել, հավաքել ու մշակել էին։

  • Արմեն Սարգսյանն այցելել է հայ-թուրքական սահման
    Արմեն Սարգսյանն այցելել է հայ-թուրքական սահման
    © Photo / official site of the President of RA.
  • Արմեն Սարգսյանն այցելել է հայ-թուրքական սահման
    Արմեն Սարգսյանն այցելել է հայ-թուրքական սահման
    © Photo / official site of the President of RA.
  • Արմեն Սարգսյանն այցելել է հայ-թուրքական սահման
    Արմեն Սարգսյանն այցելել է հայ-թուրքական սահման
    © Photo / official site of the President of RA.
  • Արմեն Սարգսյանն այցելել է հայ-թուրքական սահման
    Արմեն Սարգսյանն այցելել է հայ-թուրքական սահման
    © Photo / official site of the President of RA.
  • Արմեն Սարգսյանն այցելել է հայ-թուրքական սահման
    Արմեն Սարգսյանն այցելել է հայ-թուրքական սահման
    © Photo / official site of the President of RA.
1 / 5
© Photo / official site of the President of RA.
Արմեն Սարգսյանն այցելել է հայ-թուրքական սահման

Հասկանալի է, որ այն տարիներին ամեն մեկը չէր կարող հայտնվել Խարկովում, այսօր այդ հարցը, կարծես թե, շատ ավելի հեշտ է։

Դեռևս նախորդ տարվա դեկտեմբերին Շիրակի մարզպետ Տիգրան Պետրոսյանը հայտնեց, որ 2020թ-ից սկսած՝ սահմանային ռեժիմում փոփոխություններ մտցնելուց հետո, մարդիկ կկարողանան «հանգիստ այցելել այստեղ և նայել Անիին»։

Անի պատմական մայրաքաղաքի հարևանությամբ գտնվող բնակավայրի մուտքի ռեժիմը փոխվելու է

Բայց մի բան է նայել Անիին, գտնվելով սահմանից այս կողմ, այլ բան է, երբ կանգնած ես հենց Ախուրյանի ափին ու լուռ լսում ես, թե ինչի մասին է աղմկում գետը։

․․․ Նորշենում մեն-մենակ ապրող Վահանդուխտ տատի մասին նորությունը մի քիչ տխրեցրեց։ Շատ նորշենցիներ, որոնց բազմիցս տեսել եմ, որոնց հետ երկար զրուցել եմ, արդեն չկան․ հասկանալի է՝ ավելի քան կես դար է անցել։ Վատ է, որ նրանց երեխաներն ու թոռները հեռացել են գյուղից։ Իսկ այ Վահանդուխտ տատը մնացել է։ Երկար կյանք մաղթենք նրան․․․

Президент Армен Саркисян с супругой посетили единственную жительницу села Нор Шен (5 июля 2020). Армения
© Photo / official site of the President of RA.
Վահանդուխտ Մելքոնյան, Նորշենի միակ բնակիչը
187
թեգերը:
Անի, Շիրակի մարզ, սահմանամերձ գյուղեր, Գյուղ, Նունե Սարգսյան, Արմեն Սարգսյան, Տատիկ, Հայաստան
Ըստ թեմայի
Ի նշան հիշատակի ու կյանքի շարունակության. պատմական Անիի դիմաց կծածանվի հայոց եռագույնը
Լքված «կոսմոպոլիտը»․ National Geographic-ը հոդված է գրել Անիի մասին
Թուրք լուսանկարիչը բոլորին հին հայկական մայրաքաղաք Անի է կանչում
Միրանը համբուրում է Մայր տաճարի դուռը, բայց չի խաչակնքվում. ինչո՞ւ է նա պահպանում Անին
Люди на проспекте Тиграна Меца

Ո՞ր խավին ենք պատկանում հայերս․ սոցիալիզմի ու կապիտալիզմի արանքում

92
(Թարմացված է 22:33 07.07.2020)
​Եկեք անկեղծ լինենք: Մեր Սահմանադրությունում ամրագրված է, որ Հայաստանը սոցիալական պետություն է, սակայն, համաձայնեք՝ շատ դժվար է հասկանալ, թե ինչ է նշանակում այդ ձևակերպումը՝ սոցիալական պետություն:
Իսկի չգիտենք, թե որ խավին ենք պատկանում, ուր մնաց գլուխ հանենք սոցիալական պետությունից

Գոնե իմ սերնդի ներկայացուցիչները, կարելի է ասել, երկու տարբեր կյանքեր ունեցան՝ մեկը սոցիալիզմի օրոք, մյուսը՝ կապիտալիզմի: Բայց ախր հիմա ամեն ինչ խիստ հարաբերական է դարձել։ Տեսեք՝ շատ քիչ կոմունիստական երկրներ են մնացել աշխարհում, դրանցից մեկը Չինաստանն է: Եվ այդ կոմունիստական Չինաստանը միլիարդատերերի թվով զիջում է միայն Միացյալ Նահանգներին։ Պատկերացնո՞ւմ եք, թե այս իրողության մասին տեղեկանալով ինչպիսի ապրումներ կունենային Կարլ Մարքսը, Ֆրիդրիխ Էնգելսը և Վլադիմիր Լենինը։

Մյուս կողմից՝ ամերիկացի սենատոր, դեմոկրատ Բերնի Սանդերսը, որը, երևի հիշում եք՝ 2016 թվականի նախագահական ընտրություններում լրջորեն մրցակցում էր Հիլարի Քլինթոնի հետ՝ կուսակցության միասնական թեկնածու դառնալու համար և այս տարի էլ ուզում էր մասնակցել ընտրություններին, բայց, ի վերջո, փոխեց միտքը, անընդհատ բերում էր Դանիայի օրինակը:  Ասում էր՝ համեմատեք՝ երեխայի լույս աշխարհ գալուց հետո Ամերիկայում հատկացնում են ընդամենը 12 շաբաթ վճարովի արձակուրդ: Դանիայում գիտե՞ք որքան է՝ 52 շաբաթ, այսինքն՝ ուղիղ մեկ տարի, ընդ որում՝ 18 շաբաթը մորն են հատկացնում, երկու շաբաթը՝ հորը, մնացած 32 շաբաթն էլ՝ ըստ ծնողների հայեցողության՝ կա՛մ մայրը կարող է վերցնել, կա՛մ հայրը: 

Ուսումը Ամերիկայի համալսարաններում, փաստում էր սենատորը, հսկայական փող արժե։ Դե ես հո գիտեմ, թե որքան արդարացի է Բեռնի Սանդերսը,  տղաս ամերիկյան համալսարաններից մեկում է սովորել։ Իսկ Դանիայում ոչ միայն ուսումն անվճար է, այլև ուսանողին պետությունը ամսական 900 դոլար կրթաթոշակ է տալիս Ճիշտ է՝ Դանիան աշխարհի ամենաթանկ երկրներից է՝ մի քանի տարի առաջ եղել եմ՝ սեփական գրպանիս վրա եմ զգացել: 

​Բայց հավասարության մասին էինք խոսում: Դուք, օրինակ, համարո՞ւմ եք Ձեզ միջին խավի ներկայացուցիչ: Համաձայնեք՝ շատ դժվար է պատասխանել այդ հարցին: Ըստ Սուիս Քրեդիտ շվեյցարական բանկի վերլուծության՝ միջին խավի ներկայացուցիչ է համարվում նա, ում անշարժ գույքի արժեքը, «պլյուս» բանկային հաշվում եղած գումարը, «պլյուս» գրպանում եղած փողը, «մինուս» պարտքերը՝  կազմում են 50 հազարից մինչև 500 հազար դոլար:

Ինչ պետք է անեք ջահել ժամանակ, որ հասուն տարիքում վատ չզգաք. գիտնականների 10 խորհուրդները

Մարդու գրպանում եղածը սովորաբար մի մեծ բան չէ: Մեր բանկային հաշիվներում կուտակվածի մասին տեղեկությունները տեսականորեն գաղտնի են: Ասում եմ տեսականորեն՝ որովհետև հայտնի է, որ առնվազն որոշ մարդկանց դա հայտնի է: Հեռու չգնանք՝ օտարերկրյա դեսպանատան հասարակ չինովնիկը, որը ինձանից փաստաթղթեր է ընդունում, անպայման պահանջում է նաև տեղեկանք, թե ես բանկում որքան փող ունեմ: Հասարակ  չինովնիկը: Չխորանանք:

​Մնում է անշարժ գույքը, որը հիմնականում տունն է, բնակարանը: Եվ ուրեմն, որպեսզի որոշեք՝ Դուք միջին խավին եք պատկանում, թե ոչ, հիմնականում պիտի գնահատեք Ձեր տունը, բնակարանը: Հիմա, եթե ես ասեմ, որ Երևանի երեք համայնքներում՝ Կենտրոնում, Արաբկիրում և Դավթաշենում ապրողները պատկանում են միջին խավին, իսկ մնացած համայնքներում ապրողները՝ ոչ, Դուք, բնականաբար, չեք համաձայնի: Եվ շատ ճիշտ կանեք: Որովհետև ես ելնում եմ բնակարանների միջինացված գներից՝ այդ երեք համայնքներում՝ միջին բնակարանի միջին գինը գերազանցում է 50 հազար դոլարը, իսկ 50 հազարը, հիշեք, այն ստորին շեմն է, որը Ձեզ դասում է միջին խավին:

Բայց Դուք էլ միանգամայն իրավացիորեն կարող եք առարկել․ նախ՝ ցանկացած համայնքում բնակարանների գները սար ու ձոր են՝ կախված բազմապիսի գործոններից և վերջապես՝ ես կարող եմ ունենալ բնակարան, որը 50 հազար դոլար արժե, բայց միևնույն ժամանակ կարող եմ ունենալ  50 հազար դոլարի պարտք՝ վարկ եմ վերցրել բանկից բնակարանս վերանորոգելու համար:  Արդյունքում՝ ստացվում է, որ քանի դեռ ես շարունակում եմ նորոգել բնակարանս ու վարկս չեմ մարել, ես ոչ միայն միջին խավին չեմ պատկանում, այլև պարզապես ծայրահեղ աղքատ եմ: Ոչինչ չունեմ։

Բոլորն էլ գիտեն, որ երկինքը կապույտ է, դուք ասեք, թե ինչու են թոշակներն այդքան ցածր

​Այ հենց դրա համար էլ երբեք չեմ հասկացել Սահմանադրությունում ամրագրված այն դրույթը, թե Հայաստանը սոցիալական պետություն է: Ի՞նչպիսի սոցիալական պետություն՝ համընդհանուր հավասարություն  քարոզող կոմունիստական Չինաստանի նմա՞ն, որտեղ լիքը միլիարդատերեր կան, թե՞ Դանիայի նման կապիտալիստական, որտեղ ուսումը ձրի է, իսկ ուսանողը ամսական 900 դոլար կրթաթոշակ է ստանում: Իսկի չենք հասկանում, թե որ խավին ենք պատկանում, ուր մնաց՝ սոցիալական պետությունից գլուխ հանենք:

Ինչու են թուրքմենները թղթադրամների վրա գրում «Բերդիմուհամեդով, հեռացի՛ր»

92
թեգերը:
սահմանադրություն, ունեցվածք, Չինաստան, Դանիա, փող, Հայաստան, հայ
թեմա:
5 րոպե Դուլյանի հետ (178)
Ըստ թեմայի
Ինչո՞ւ Խրուշչովը կոշիկով խփեց ՄԱԿ-ի սեղանին, ում ելույթն էր հունից հանել ԽՍՀՄ առաջնորդին
Սուրբ Սոֆիան ուզում են մզկիթ դարձնել. հայ ճարտարապետի վերականգնած գմբեթի տակ նամազ կհնչի՞
Ինչով են տարբերվում բազմակողմանի զարգացած հայը և նման բրիտանացին, կամ մենք ամեն ինչ գիտենք
Եթե նորից պատերազմ սկսվի, այն չի նմանվի 1990-ականներին տեղի ունեցածին. Արմեն Դուլյան
Գագիկ Սուրենյան. արխիվային լուսանկար

Սև ծովից ցիկլոն է գալիս. Սուրենյանն ասել է` ինչպես պաշտպանվել

0
(Թարմացված է 14:28 08.07.2020)
Հանրապետությունում ուլտրամանուշակագույն ճառագայթման ինտեսիվությունը շարունակում է նորմայից բարձր մնալ։

ԵՐԵՎԱՆ, 8 հուլիսի – Sputnik. Սև ծովից ցիկլոնի ներթափանցմամբ պայմանավորված` հուլիսի 9-13-ին` հատկապես երեկոյան ժամերին, Հայաստանի Հանրապետության առանձին շրջաններում սպասվում են ամպրոպային բնույթի ինտենսիվ անձրևներ, տեղ-տեղ կարկուտ, ամպրոպների ժամանակ հնարավոր են ուժեղ քամիներ, պոռթկումները` մինչև 25-30մ/վրկ։ Տեղեկությունը Facebook–ի իր էջում հայտնել է Շրջակա միջավայրի նախարարության Հիդրոօդերևութաբանության և մոնիտորինգի կենտրոնի տնօրենի տեղակալ Գագիկ Սուրենյանը։

Հայաստանում ուժգին քամի է լինելու. ցիկլոնը վտանգավոր է

«Ազգաբնակչությանը խորհուրդ ենք տալիս ամպրոպի ժամանակ խուսափել բացօթյա տարածքներում գտնվելուց։ Օդի ջերմաստիճանը հուլիսի 9-11-ին աստիճանաբար կնվազի 6-8 աստիճանով»,–գրել է Սուրենյանը:

Նա հիշեցրել է, որ ուլտրամանուշակագույն ճառագայթման ինտեսիվությունը սպասվում է նորմայից բարձր և խորհուրդ է տրվում ժամը 11:00-ից 17:00-ն ընկած ժամանակահատվածում խուսափել արևի ուղիղ ճառագայթներից։

Պարետը նոր որոշում է ստորագրել. ոմանք կարող են դիմակ չդնել

0
թեգերը:
Հայաստան, Անձրև, Քամի, Գագիկ Սուրենյան
Ըստ թեմայի
Գագիկ Սուրենյանը կոչով դիմել է գյուղատնտեսներին
Տորնադո Գավառ քաղաքում. Գագիկ Սուրենյանը լուսանկար է հրապարակել
Հայկական ամառը մոտենում է. Գագիկ Սուրենյանը 37-38 աստիճան տաքություն է կանխատեսում