Տոկիո. տղամարդը՝ դիմակով

Ինչու Ճապոնիայում արտակարգ դրություն չէր հայտարարվում. ինչ են ասում չար լեզուները

1174
(Թարմացված է 19:21 07.04.2020)
Եկեք անկեղծ լինենք։ Բավական տարօրինակ է, որ մինչև այսօր արտակարգ դրություն չէր հայտարարվել Ճապոնիայում։ Ախր այդ երկիրն այնքան մոտ է Չինաստանին և այնքան սերտ տնտեսական կապեր ունի նրա հետ։
Ինչու Ճապոնիայում մինչև հիմա արտակարգ դրություն չէր հայտարարվել

Հետո էլ հայտնի է, որ աշխարհով մեկ տարածված վիրուսը առաջին հերթին վտանգ է ներկայացնում տարեցների համար, իսկ Ճապոնիան, կարելի է ասել, հենց տարեցների երկիր է։ Ընդամենը մի քանի թիվ բերեմ։ Կյանքի միջին տևողությունն այդ երկրում կազմում է 84 տարի։ Եթե Մեծ Բրիտանիայում 100 տարին հատելը այնքան հազվադեպ երևույթ է, որ թագուհի Եղիսաբեթ երկրորդը անձամբ է շնորհավորական բացիկ ուղարկում նման մարդկանց, ապա Ճապոնիայում հենց հիմա ապրում է 50 հազար մարդ, որոնց տարիքը 100-ից բարձր է։ Իսկ 2100 թվականին Տոկիոյի 65-ն անց բնակիչների թիվը կհասնի աշխատունակ, այսինքն 15-ից մինչև 65 տարեկան բնակիչների թվին։

Մյուս կողմից, մասնագետները փաստում են, որ ճապոնացիների կենսակերպը, կացութաձևն ու դարավոր ավանդույթները բնական պատնեշ են վիրուսի տարածման ճանապարհին։ Նախ, ճապոնացիները մաքրասեր են։ Երևի տեսած կլինեք այն կադրերը, երբ մարզական միջազգային մեծ միջոցառումներից հետո հանդիսատեսների գերակշիռ մասն անհոգ հեռանում է մարզադաշտից, իսկ ճապոնացի մարզասերները սկսում են հավաքել տրիբունաներում կուտակված աղբը։

Դավադրությունների տեսություն, կամ ինչ են իշխանությունները թաքցնում ժողովրդից

Ճապոնիայում մաքրասիրությունը երեխաների դաստիարակության անքակտելի մասն է։ Դպրոցում պարտադիր հերթապահություն է սահմանվում, և այս կամ այն դասարանը դասերից հետո մաքրում է ամեն ինչ՝ դասասենյակներից մինչև ճաշարանն ու զուգարանը։ Ի դեպ, շատերն են նկատել, որ Ճապոնիա ժամանած զբոսաշրջիկներին այնքան է զարմացնում տարբեր քաղաքների զուգարանների կատարյալ մաքրությունը, որ նրանք փոխանակ Facebook-ում տեղադրեն տեսարժան վայրերի լուսանկարները, զուգարանների լուսանկարներն են տեղադրում։ 

Կա նաև այսպիսի հանգամանք։ Մինչև այս համաճարակը Երևանում, ասենք, տարին մի անգամ կարող էիր փողոցում հանդիպել որևէ մարդու, որը դիմակ կրեր։ Եթե հանդիպեիր էլ, այդ մարդը հաստատ զբոսաշրջիկ էր լինելու։ Ավելին՝ մենք մինչև հիմա փորձում ենք հասկանալ՝ արդյո՞ք դիմակ կրելը օգտակար է, որովհետև, հիշում եք երևի, սկզբից պատասխանատու պաշտոնյաները մեզ ասում էին, որ դիմակ կրելը այնքան էլ մեծ օգուտ չի տալիս, հիմա նույն այդ պատասխանատու պաշտոնյաները ճիշտ հակառակն են պնդում։

Իսկ Ճապոնիայում դիմակ կրելու մշակույթը միշտ էլ եղել է։

Եվ վերջապես։ Մենք միմյանց հանդիպելիս ի՞նչ էինք անում, համենայնդեպս մինչև այս վարակի տարածումը։ Գրկում ու համբուրում էինք։ Հանուն արդարության խոստովանենք, որ դա զուտ հայկական սովորություն չէ՝ Եվրոպայի հարավում ապրողներն էլ էին նույնը անում։ Իսկ ճապոնացիները հանդիպելիս իսկի միմյանց ձեռքը չեն սեղմում։ Ընդամենը գլուխ են խոնարհում միմյանց առջև։ Դա իսկական արվեստ է։ Այո, այո, համացանցում կարող եք մանրամասն ուղեցույցներ գտնել, որոնք պատմում են, թե ում հետ հանդիպելիս որքան պիտի խոնարհես գլուխդ։ 

Շվեդիայի վարչապետի սպանությունն իր վրա է վերցրել 130 մարդ

Առաջին հայացքից կարող է թվալ, թե հենց այս ամենն է նպաստել, որ վիրուսը այնքան էլ մեծ տարածում չի գտել Ճապոնիայում։ Համենայնդեպս, թվերն այնքան ահավոր չեն, որքան Ամերիկայում, Իսպանիայում և Իտալիայում։ Վերջին տվյալների համաձայն՝ Ճապոնիայում վարակվածների թիվը չի անցնում 5000-ից, իսկ մահացածների թիվը չի գերազանցում հարյուրը։ Սակայն մասնագետները պնդում են՝ իրական պատկերը կարող է շատ ավելի անմխիթար լինել։ Ինչո՞ւ։ Որովհետև թեստավորումների քանակն է անբավարար։ Համեմատեք՝ Ճապոնիայում թեստավորում է անցել ընդամենը 30 հազար մարդ, այնինչ Հարավային Կորեայում՝ ավելի քան տասն անգամ ավելի՝ 400 հազար մարդ։ 

Ի՞նչն է պատճառը, որ Ճապոնիայում մինչև հիմա կտրուկ միջոցներ չէին ձեռնարկվում, և միայն այսօր արտակարգ դրություն հայտարարվեց, այն էլ՝ ոչ երկրի ողջ տարածքում։ Չար լեզուները պնդում են՝ պատճառը Համաշխարհային օլիմպիադան էր։ Ճապոնիայի իշխանությունները մինչև վերջին պահը փորձել են աշխարհին համոզել, որ իրենց մոտ, ինչպես ասում են, ամեն ինչ կարգին է։ Իշխանություններն, իհարկե, հերքում են այդ մեղադրանքները։

Ճնճղուկ մի՛ սպանեք. թե ինչ եղավ հետո, երբ ընկեր Մաոյին համոզեցին, որ նա հանճարեղ է

1174
թեգերը:
Արտակարգ դրություն, կորոնավիրուս, Եկեք անկեղծ լինենք, Արմեն Դուլյան, Ճապոնիա, Օլիմպիական խաղեր, օլիմպիադա
թեմա:
5 րոպե Դուլյանի հետ (199)
Ըստ թեմայի
«Սիգարը օգնում է իմ գրպանին, երաժշտությունը՝ հոգուս». տանգոյի ոգին խորապես զգացող հայը
Ինչպես Հիտլերի գլոբուսը հայտնվեց հայի ձեռքում. նացիստները հույս ունեին հե՞տ պտտել ժամանակը
Կան բաներ, որոնք պետությունը չի կարող հսկել, սակայն քաղաքացին պարտավոր է կատարել
Մոսկվայի օլիմպիական խաղերի խորհրդանիշ արջուկը Մարիաննա Փայտյանենց տանը

Ինչպես ստեղծվեց օլիմպիական արջուկը, կամ Միշան արդեն 40 տարի է՝ մեր ընտանիքի անդամն է

28
(Թարմացված է 17:12 04.08.2020)
40 տարի առաջ ԽՍՀՄ մայրաքաղաք Մոսկվայում անցկացված օլիմպիական խաղերը դարձան պատմության մեջ ամենահիշվողներից նաև շնորհիվ հանճարեղ մտածված թալիսման-խորհրդանիշ արջուկի։ ԽՍՀՄ-ում արտադրված արջուկները տարածվեցին տարբեր աշխարհամասերում, սիրվեցին նույնիսկ արևմուտքում։

Կարո՞ղ եք հիշել Մոնրեալի, Մեխիկոյի, Ատլանտայի, Սիդնեյի, Պեկինի կամ Լոդոնի ամառային օլիմպիական խաղերի խորհրդանիշը։ Եթե մեր ընթերցողների շարքում հիշողներ էլ լինեն, ապա հաստատ նրանք շատ չեն։ Իսկ մոսկովյան օլիմպիական խաղերի խորհրդանիշը գիտեն նույնիսկ նրանք, ովքեր 1980 թվականին դեռ օրորոցում էին կամ անգամ ծնված էլ չէին։

Մարզիկների թալիսմանը

Օլիմպիական խաղերի հիշվող խորհրդանիշ ստեղծելը հեշտ գործ չէ։ Իսկ 1980 թվականի խաղերի թալիսման-սիմվոլը` Միշա անունով արջուկը, ոչ միայն հիշվեց, այլև սիրվեց։ Հեղինակը մանկական գրքերի նկարազարդող Վիկտոր Չիժիկովն էր։ Ինչու՞ առհասարակ արջուկը ընտրվեց որպես օլիմպիական խաղերի թալիսման. մոսկովյան օլիմպիադայի կազմկոմիտեն որոշեց, որ այս կենդանին խորհրդանշում է լավ մարզիկին բնորոշ կարևոր հատկանիշները՝ ուժ, համառություն, ճարպկություն։

Плюшевый мишка 1980 года
© Sputnik / Marianna Paytyan
Մոսկվայի օլիմպիական խաղերի խորհրդանիշ արջուկը Մարիաննա Փայտյանենց տանը

Թալիսմանը հաստատվեց 1977 թվականին և անմիջապես սկսվեց արջուկի պատկերով տարբեր հուշանվերների, նամականիշերի, նաև փափուկ խաղալիքների արտադրությունը։

Պատկառելի տարիքով արգելված գորշուկը

Մեր տանը մեկ-երկու խաղալիք կային, որոնցով խաղալն ինձ արգելված էր։ Մեկը Գայանե անունով տիկնիկն էր։ Ծնողներս տարիներ շարունակ բալիկի երազանքով տիկնիկ էին գնել, Գայանե կոչել, մինչև իրական Գայանեն ծնվեց, բայց սա ուրիշ պատմությունն է։ Երկրորդ խաղալիքը մուգ դարչնագույն, թմբլիկ, ժպտացող արջուկն էր։ Մեր ընտանիքում հատուկ վերաբերմունք կար փափուկ գորշուկի հանդեպ։

Մայրս ամեն շաբաթ հոգատարությամբ թափ էր տալիս վրայի փոշին ու նորից իր տեղում դնում՝ բոլոր մյուս խաղալիքներից ավելի բարձր։ Անգամ երբ տանը մենակ էի մնում, չէի համարձակվում տեղաշարժել գորշուկին, միայն երբեմն զգուշությամբ ձեռք էի տալիս գունավոր ժապավենի վրա ամրացված հինգ օղակներին։ Ես էլ առանձնահատուկ պատկառանք ունեի նրա հանդեպ, ի վերջո նա մեր ընտանիքում ինձանից յոթ տարի առաջ էր հայտնվել։ Օլիմպիական արջուկ Միշան մեր տուն եկավ 1980 թվականի ձմռանը։

Ամռանը թռիչքը սկսած Միշան մեր տուն հասավ ձմռանը. ինչո՞ւ

Միշա արջուկի՝ մեր ընտանիքում հայտնվելու պատմությունը 40 տարի անց էլ մայրիկիս ստիպում է հուզվել։ Պատվով անցկացված օլիմպիական խաղերի փառահեղ փակումը դարձավ ամենահիշվողներից ու հուզիչներից մեկը։ Երգիչներ Լև Լեշչենկոյի և Տատյանա Անցիֆերովայի կատարմամբ հնչում էր «Մնաս բարով, Մոսկվա» երգը, ու դանդաղ երկինք էր բարձրանում փուչիկներին կապված հսկայական արջուկը։ Արտասվում էին ոչ միայն հանդիսատեսներից շատերը, այլև հեռուստադիտողները, նրանց թվում` մայրս, հայրս և ավագ քույրս, որն այն ժամանակ վեց տարեկան էր։ Երբ արջուկը սկսեց աստիճանաբար անհետանալ մարդկանց ու նաև տեսախցիկների տեսադաշտից, Գայանեի լացը հեկեկոցի վերածվեց.

-Բա ու՞ր են արջուկի մաման ու պապան, ինչի՞ են թողել, որ մենակ գնա։ Չեմ ուզում, որ գնա. կգնա, կկորի։

-Չի կորի, իր մաման ու պապան կգտնեն, տուն կտանեն,- մխիթարում էր Գայանեին հայրս։

-Չէ, չեմ ուզում, որ մաման ու պապան գտնեն, ուզում եմ, որ դու գտնես, բերես մեր տուն,–լացակումած ասում էր Գայանեն։

Ու հայրս խոստացավ, որ Մոսկվա հաջորդ ուղևորության ժամանակ, ինչ էլ լինի, ինքն անձամբ կգտնի արջուկին ու իր հետ կբերի։

Ջրացատկի մեր հերոսները. ինչպես Համբարձումյանը և Էմիրզյանը օլիմպիական մեդալներ շահեցին

Օրերն ու ամիսներն անցան, բայց Գայանեն հայրիկիս խոստումը չմոռացավ։ Երբ ձմեռը եկավ,արջուկի համար անհանգստությունը բազմապատկվեց։ «Բա որ խեղճ արջուկը մրսի, հիվանդանա ու սատկի»։ Մայրս ու հայրս ձմռանը ստիպված եղան Մոսկվա մեկնել արջուկի հետևից։ Երկու-երեք օր շարունակ ոտնատակ էին տալիս Մոսկվան, բաց բոլոր խանութներում միևնույն պատասխանն էին լսում. «Արջուկները մեկ շաբաթում սպառվել են։ Հիմնականում՝ օլիմպիադայի մասնակիցներն ու հյուրերը գնել, իրենց հետ տարել են»։

Վերջապես հայտնի «Детский Мир» խանութում վաճառողուհիներից մեկը ծնողներիս «հույսի շող նվիրեց»։

«Ես մեր գյուղի հանրախանութում երեկ երեկոյան տեսել եմ ձեր փնտրած արջուկից։ Վերջին մեկ հատն էր մնացել։ Բայց իմ գյուղն այստեղից հեռու է, չեք գտնի»։

Կարծում եմ՝ եթե նույնիսկ արջուկի հետևից ծնողներս ստիպված լինեին Մագադան մեկնել, ապա առանց մտածելու դա կանեին։ Այդպես, ռուսաստանյան խոր ձմռանը նրանք ավտոբուսով գնացին, հասան «Հյուսիսային» կոչվող ավան ու քսան ռուբլու դիմաց վերջապես «փրկեցին» օլիմպիական արջուկին։

Որտե՞ղ են վերջին անգամ տեսել իսկական Միշային

Թե ինչ եղավ երկինք բարձրացած Միշա արջուկի հետ, տարբեր պատմություններ կան. մեկն ասում է, թե Մոսկվայից ոչ հեռու անտառում է ընկել, մյուսները՝ Վորոբյովյան լեռներում։ Ասում են նաև, որ  նույն տարվա աշնանը գերմանացիները ցանկություն են հայտնել գնելու արջուկին հարյուր հազար գերմանական մարկով, սակայն խորհրդային իշխանությունները հրաժարվել են այն վաճառել։ Որոշ ժամանակ արջուկը ցուցադրված է եղել Ժողովրդական տնտեսության ձեռքբերումների ցուցահանդեսի «Պատանի տեխնիկի» տաղավարում։

Плюшевый мишка 1980 года
© Sputnik / Marianna Paytyan
Մոսկվայի օլիմպիական խաղերի խորհրդանիշ արջուկը Մարիաննա Փայտյանենց տանը

Կան տեղեկություններ, որ ցուցադրված է եղել ոչ թե բնօրինակը, այլ հերոս Միշայի կրկնօրինակը, որովհետև իրական Միշան «վայրէջք կատարելիս» վնասվել էր։ Ասում են՝ վերջին անգամ իսկական արջուկին տեսել են Օլիմպիական կոմիտեի պահեստում, թե ինչ է եղել դրանից հետո նրա հետ, անհայտ է։ Իսկ օլիմպիական թալիսման-խորհրդանիշ արջուկների պատկերով պատրաստված իրերը խորհրդային հայտնի որակն ունեին, հետևաբար չորս տասնամյակ անց էլ դրանցից շատերը շարունակում են պահվել աշխարհի տարբեր երկրներում՝ տարբեր ազգությունների ընտանիքներում։

28
թեգերը:
խորհրդանիշ, սիմվոլ, արջ, Մոսկվա, Օլիմպիական խաղեր, օլիմպիադա
Ըստ թեմայի
Հայկական ծամոնը, Յուրի Վարդանյանի անսովոր պատասխանը և ամենասև օրը. հուշեր Օլիմպիադա 80–ից
7 օլիմպիադաների մասնակցած Յուրի Սարգսյանի մոսկովյան սխրանքն ու Կարեն Դեմիրճյանի խոստումը
Կախարդական սանր, կամ իրականում ինչպես է Յուրի Վարդանյանը հաղթել 1980 թվականի օլիմպիադայում
Ինչպես Հայրապետյանը Մոսկվայի Օլիմպիական խաղերի ժամանակ մեդալ նվաճեց մականախաղում
Դոնալդ Թրամփ

COVID-ը և ընտրությունները. ԱՄՆ-ում դրանք կանցկացվեն 3 ամսից, ՀՀ-ում էլ՝ 7 սարի հետևում չեն

183
(Թարմացված է 00:31 05.08.2020)
​Եկեք անկեղծ լինենք։ Համավարակի տարածումից ի վեր՝ ամենաթեժ վեճը Հայաստանում սա է՝ նախ, արդյո՞ք իշխանություններն ամեն ինչ արել են հիվանդության տարածումը կանխելու համար, և երկրորդ՝ եթե արել են, ինչո՞ւ է իրավիճակն այսքան տխուր։
Ամերիկյան ընտրությունները՝ երեք ամսից, հայաստանյան ընտրությունները՝ կորոնավիրուսային 7 սարի հետևում

Երկու հարցադրումներին էլ կառավարությունը շատ հստակ պատասխանն ունի։ Առաջին՝ արել ենք ոչ միայն առավելագույնը, այլև անհնարինը՝ տեսեք, թե մեր բժիշկներն ինչպես են օր ու գիշեր աշխատում մարդկանց կյանքը փրկելու համար։ Համաձայնեք՝ իրենց համար շատ շահեկան  տեղից են բռնացրել իշխանությունները՝ դե հո չես հակաճառի՝ ոչ, բժիշկները լավ չեն աշխատել։

​Երկրորդ հարցադրումը՝ բա ինչու ենք այսքան վատ վիճակում, նույնպես շատ կոնկրետ պատասխանն ունի՝ բոլորովին էլ այդքան վատ վիճակում չենք, ինչպես փորձում են ներկայացնել ոմանք։ Գնացեք Ամերիկա և վերջ․․․

Գնանք Ամերիկա։ Այդ երկիրն, իհարկե, շատ ուրույն առանձնահատկություններ ունի՝ 50 նահանգներից յուրաքանչյուրն ինքն է որոշում՝ ինչպես պայքարել կորոնավիրուսի դեմ և Վաշինգտոնը բոլորին չի կարող թելադրել իր կանոնները։ Իսկ դա հասկանալի՞ է չէ, թե ինչի է հանգեցնում՝ վիրուսով հիվանդ եմ, Կալիֆոռնիայից գնում եմ Լաս Վեգաս ու վարակում Նևադա նահանգի բնակիչներին։ Բայց ճիշտ այնպես, ինչպես մեր իշխանություններն են ժխտում, թե ամենավատ ցուցանիշներն ունենք տարածաշրջանում, Ամերիկայի ղեկավարները ևս ժխտում են, որ համավարակի տեսանկյունից ամենավատն են ամբողջ աշխարհում։

Ինչ պետք է անել Սերժ Սարգսյանի և Նիկոլ Փաշինյանի տեսլականների իրականացման համար

​Մեր ու Ամերիկայի տարբերությունն այս հարցում գիտե՞ք որն է։ Մեզ մոտ ընդդիմությունը կամ ավելի ճիշտ խիստ ընդդիմադիր տրամադրվածները ամենասուր քննադատության են ենթարկում կառավարությանը, առողջապահության նախարարին, գլխավորապես վարչապետին, իշխանությունն էլ կուռ պաշտպանության քաղաքականությունն է որդեգրել՝ էն հռոմեական լեգեոնների նման, այնինչ՝ Ամերիկայում նույնիսկ իշխանությունների նկատմամբ միանգամայն դրականորեն տրամադրված վերլուծաբանները փաստում են՝ ինչ-որ բան այն չէ Թրամփի թագավորությունում։ Բերեմ ընդամենը մեկ օրինակ։ Հանրապետականների հետ սերտ կապեր ունեցող տնտեսագետ Մայքլ Սթրեյնը Ձեռնարկատիրության ամերիկյան ինստիտուտից օրերս «Նյու Յորք թայմս» թերթին տված հարցազրույցում փաստել է՝ Թրամփը, իրոք, չի հասկանում, թե որքան բարդ է տնտեսության վիճակը և որքան օրհասական է որոշ աշխատողների և նրանց ընտանիքների վիճակը։

Թեժ վիճաբանություն «հայու գենի» շուրջ, կամ մենք ու Ամերիկան

​Էլի կարելի է զուգահեռներ անցկացնել Հայաստանի և Ամերիկայի միջև, որքան էլ դա անսովոր թվա։ Թրամփը վերջին տարիներին փայլուն տնտեսական ցուցանիշներ ուներ վերընտրվելու համար։ Շատ կոնկրետ օրինակ բերեմ։ Անցած տարի դասընկերս եկել էր Լոս Անջելեսից, սրճարաններից մեկում գարեջուր էինք խմում ու ասաց․ «Էս խեղճ Թրամփին բոլորը քննադատում են, ծաղրում են, բայց ախր իր օրոք կյանքն, իրոք, լավացել է, իր օգտին եմ քվեարկելու»։

​Հիմա ամեն ինչ փոխվել է՝ կորոնավիրուսը սարսափելի հարված հասցրեց Թրամփի վարկանիշին և դա միանգամայն հասկանալի է՝ վերջին եռամսյակում համախառն ներքին արդյունքի անկումն Ամերիկայում կազմեց գրեթե 10 տոկոս։ Վերջին 75 տարում նման բան չէր եղել՝ փաստում են ամերիկյան լրատվամիջոցները, վկայակոչելով Նյու Յորքի օրինակը։ Մարտի սկզբից այդ քաղաքում փակվել է մոտ 3 հազար ձեռնարկություն։ Պատկերացրեք՝ 3 հազար։ Բայց, ճիշտն ասած, ինձ համար էլ էր անակնկալ, որ Նյու Յորքում աշխատատեղերի 98 տոկոսն ապահովում են  խանութները, սրճարանները, վարսավիրանոցները, քիմմաքրման կետերը և այլն….  Եվ, ըստ մասնագետների կանխատեսումների՝ դրանց մեկ երրորդն այլևս երբեք չի վերաբացվի։

Ինչ-որ բան այն չէ ժողովրդավարության նախկին «կղզյակներում»

​Հայաստանի և Ամերիկայի միջև, իհարկե, մի շատ էական տարբերություն կա։ Գրեթե 3 ամսից՝ նոյեմբերի 3-ին Միացյալ նահանգներում նախագահական ընտրություններ են։ Կորոնավիրուսն իր ամենաանմիջական ազդեցությունն է ունենալու քվեարկության վրա։ Հայաստանում հերթական խորհրդարանական ընտրություններն էլ յոթ սարի հետևում չեն, բայց, համաձայնեք՝ ամենակարևորն այն է, թե ինչպիսին կլինեն այդ 7 սարերը։

183
թեգերը:
Դոնալդ Թրամփ, վարկանիշ, Ընտրություններ, կորոնավիրուս, ԱՄՆ, Հայաստան
թեմա:
5 րոպե Դուլյանի հետ (199)
Ըստ թեմայի
Սեպտեմերիանա. ինչպես հույներին վտարեցին Թուրքիայից
Եթե լրագրողը ճշմարտությունն է ասում, նրա ի՞նչ գործն է հոգալ հետևանքների մասին. Բրեդլի
Իսրայելի, Մեծ Բրիտանիայի և Ֆրանսիայի դավադրությունը. ինչպես աշխարհը խուսափեց մեծ վտանգից
Հիշեք այս խոսքերը, երբ հերթական անգամ անցնելու կլինեք Կասկադում պառկած ծխող կնոջ կողքով
Բեյրութ

Բեյրութի պայթյունի հետևանքով 5 հայ է մահացել. Դելիա Փափազյանը 2 երեխաների մայր էր

0
(Թարմացված է 11:16 05.08.2020)
Սարսափելի պայթյունի հետևանքով մահացած հայերի վերաբերյալ նոր տեղեկություններ են հրապարակվել։

ԵՐԵՎԱՆ, 5 օգոստոսի – Sputnik. Բեյրութի պայթյունի զոհ է դարձել նաև Դելիա Փափազյանը։ Տեղեկությունը հայտնում է «Արևելքը»` նշելով, որ նա պայթյունի հետևանքով մահացած 5-րդ հայն է։

«Երկու երեխաների մայր Դելիա Փափազյանն ընտանիքով բնակվում էր նավահանգստին շատ մոտ թաղամասում»,– գրում է կայքը։

Ավելի վաղ հայտնի էր դարձել քաղաքական գործիչ Նազար Նաջարյանի, քաղաքի կենտրոնի հիվանդանոցներից մեկի բուժքույր Ջեսիկա Բեզջյանի մահվան մասին, ևս մեկ հայի՝ Ժակ Բարամաքյանի մահվան մասին հայտնել են հայկական լրատվամիջոցները: Ազգությամբ հայ է նաև զոհերից Ալինա Զաբրին:

Օգոստոսի 4-ին Բեյրութում հզոր պայթյուն է որոտացել նավահանգստի շրջանում։ Վերջին տվյալներով՝ պայթյունի հետևանքով 78 մարդ է մահացել, տուժածների թիվը հասել է 4 հազարի: Լիբանանի վարչապետ Հասան Դիաբը հանձնարարել է հետաքննել պայթյունի պատճառները և 48 ժամվա ընթացքում պատասխանատվության ենթարկել մեղավորներին:

Նշենք, որ պայթյունից հետո հիվանդանոցները լեփ-լեցուն են տուժածներով։ Վնասվել են հայկական թաղամասերը, այդ թվում՝ Սուրբ Գևորգ հայկական եկեղեցին։ Հայտնի է նաև, որ վնասվել է Լիբանանում ՀՀ դեսպանության շենքը։ Բեյրութում այսօր սուգ է հայտարարվել:

Առաջին րոպեներին կարծեցինք՝ ահաբեկչություն է. Լորիկ Սապունջյանը՝ Բեյրութի պայթյունի մասին

0
թեգերը:
պայթյուն, հայ, Մահ, Բեյրութ
թեմա:
Պայթյուն Բեյրութում
Ըստ թեմայի
Բեյրութում հզոր պայթյուն է որոտացել. տեսանյութեր
Պայթյունը որոտացել է Բեյրութի հայկական թաղամասի հարևանությամբ. Վարդինե Օհանյան
«Ցնցված եմ». Փաշինյանը ցավակցել է Բեյրութի պայթյունից զոհվածների հարազատներին