Դենալի ազգային պարկը, Ալյասկա, ԱՄՆ

«Նա վեկ»–ի ու «նավեկ»–ի պատմությունից մինչև ցար. ով, ինչու և ինչպես վաճառեց Ալյասկան

302
(Թարմացված է 01:03 17.03.2020)
Եկեք անկեղծ լինենք: «Իշխանությունները ծախեցին հողերը» արտահայտությունը հաճախ ենք լսում, բայց նաև հասկանում ենք, որ խոսքը բառի բուն իմաստով վաճառելու մասին չէ, այլ ինչ-որ սկզբունքային զիջումների, որոնք անընդունելի են համարվում:
Ալյասկա՝ ով, ինչու և ինչպես վաճառեց

Սակայն պատմության ընթացքում եղել է նաև հսկայական տարածքի վաճառքի շատ հայտնի գործարք, որը տեղի է ունեցել հենց մարտին: Այո, խոսքը, Ալյասկայի մասին է:

Մինչև հիմա էլ Ռուսաստանում չեն դադարում վեճերն այն մասին, թե ով վաճառեց, ինչպես վաճառեց և ինչու վաճառեց: Նախ՝ այն մասին, թե ով վաճառեց: Ռուսաստանցիների մի մասը համոզված է, որ Ալյասկան ամերիկացիներին վաճառել է Եկատերինա Երկրորդ թագուհին: Չգիտեմ՝ երևի պատճառն այն է, որ մարդիկ համոզված են՝ միայն օտարը կարող էր նման բան անել, իսկ Եկատերինա Երկրորդը, իրոք, ծագումով ռուսների հետ որևէ առնչություն չի ունեցել: Ռուսաստանյան հայտնի երաժշտական խումբ կա՝ «Լյուբե», խոստովանեմ՝ ես էլ եմ հավանում: Եվ այդ խմբի երգերից մեկում, որը նվիրված է Ամերիկային և Ալյասկային, էսպիսի տող կա՝ «Екатерина, ты была не права», «Եկատերինա, դու ճիշտ չէիր»։ Այսինքն՝ ուզում են ասել՝ ինչու վաճառեցիր մեր հարազատ Ալյասկան:

Արդյո՞ք այլմոլորակայինները կուտեն մեզ

Ի դեպ, այսպիսի մի վարկած էլ է շրջանառվում՝ իբր Եկատերինան իրականում Ալյասկան ամերիկացիներին ոչ թե վաճառել է, այլ վարձակալության է տվել 100 տարով: Ինքը ռուսերեն լավ չի իմացել, ինչ-որ մեկին հանձնարարել է գրել հետևյալ նախադասությունը, ռուսերեն այսպես է հնչում. «Պերեդայոմ Ալյասկու նա վեկ»: Եթե այդ «նա վեկ»-ը առանձին ես գրում, հասկանալի է, որ խոսքը մեկ դարի մասին է՝ այսինքն՝ մեկ դարով ենք ձեզ հանձնում Ալյասկան: Բայց նա, ով իբր գրել է այդ նախադասությունը, ուղղագրությունից թույլ է եղել ու «նա վեկ»-ը միասին է գրել: Իսկ «նավեկ»-ը, ինչպես հասկանում եք, նշանակում է ընդմիշտ:

Իրականում այս ամենը պարզապես լեգենդ է: Նման բան, բնականաբար, երբեք չի եղել, իսկ Եկատերինա Երկրորդը, օտարազգի լինելով հանդերձ, ոչ միայն մի կտոր հող էլ չի վաճառել օտարներին, այլև շատ տարածքներ է միացրել Ռուսաստանին, այդ թվում նաև Ղրիմը:

Ալյասկան ամերիկացիներին վաճառել է Եկատերինա երկրորդի ծոռը՝ Ալեքսանդր երկրորդը: Ինչու: Տվյալ դեպքում դեր է խաղացել հիմնականում երկու հանգամանք: Առաջինը նույն Ղրիմի հետ է կապված:

Շվեդիայի վարչապետի սպանությունն իր վրա է վերցրել 130 մարդ

19-րդ դարի կեսերին, եթե հիշում եք, տեղի ունեցավ Ղրիմի պատերազմը, և Ռուսաստանը պարտություն կրեց: Հաղթողների թվում էր նաև Մեծ Բրիտանիան: Եվ թուլացած Ռուսաստանի ղեկավարությունը լուրջ մտավախություն ուներ, որ եթե Ալյասկան շտապ կերպով չվաճառեն, բրիտանացիները այն պարզապես կխլեն ռուսներից՝ առանց փոխհատուցման:

Երկրորդ հանգամանքը: Դասագրքերից էլ գիտենք, որ 1861 թվականին Ռուսաստանն ագրարային ռեֆորմ իրականացրեց, վերացրեց ճորտատիրական իրավունքը, այսինքն` ազատ արձակեց գյուղացիներին, որոնք մինչ այդ փաստորեն ճորտատերերի սեփականությունն էին համարվում:

Կալվածատերերը դրա դիմաց պետք է պատկառելի փոխհատուցում ստանային, իսկ փող չկար: Եվ Ռուսաստանը 15 միլիոն ֆունտ ստեռլինգ պարտք վերցրեց Ռոտշիլդներից: Անցավ մոտ 5 տարի, եկավ պարտքը վերադարձնելու ժամանակը: Փող չկար: Այդ ժամանակ, ըստ որոշ պատմական աղբյուրների, ցարի եղբայրը՝ Կոնստանտին Նիկոլաևիչ Ռոմանովը, շատ պարզ առաջարկ արեց՝ եկեք վաճառենք մի բան, որը մեզ պետք չէ: Երկար մտածելուց հետո եկան այն եզրակացության, որ Ռուսաստանին պետք չէ Ալյասկան:

Ի վերջո գործարքը կայացավ, 1867 թվականին Վաշինգտոնում ստորագրվեց, այսպես ասենք, Ալյասկայի հանձնման-ընդունման պայմանագիրը: Հիշո՞ւմ եք՝ մի քանի տարի առաջ, երբ Ղրիմը մտավ Ռուսաստանի կազմի մեջ, սկսվեցին խոսակցություններն այն մասին, թե արդյոք հնարավոր չէ վերադարձնել նաև Ալյասկան: Ասուլիսներից մեկի ժամանակ լրագրողը հենց այդ հարցն ուղղեց Վլադիմիր Պուտինին: Ռուսաստանի առաջնորդը ժպիտով պատասխանեց. «Բայց ձեր ինչին է պետք այդ Ալյասկան: Եթե հետ բերենք, այնտեղ աշխատողներին պետք է լրացուցիչ փող վճարենք հյուսիսային պայմաններում ապրելու համար: Միայն ավելորդ հոգսեր ու ծախսեր: Թող մնա ամերիկացիներին»։

Տվեք ինձ հինգ միլիոն դոլար, և ես կգտնեմ կործանված ինքնաթիռը

302
թեգերը:
ԱՄՆ, Ռուսաստան, Իշխանություն, Հող, ցար, Ալյասկա
թեմա:
5 րոպե Դուլյանի հետ (110)
Ըստ թեմայի
Ինչպես են էստոնացիները քվեարկում ու անվճար երթևեկում Տալլինում
Գրախանութներից ամենից հաճախ գողանում են Աստվածաշունչը, որում գրված է՝ մի գողացիր
Նյույորքյան զույգ երկնաքերների առաջին փորձությունը. սպանվելու էին 50 հազար մարդ