Ինքնաթիռ. արխիվային լուսանկար

Տվեք ինձ հինգ միլիոն դոլար, և ես կգտնեմ կործանված ինքնաթիռը

1458
(Թարմացված է 21:30 06.03.2020)
Եկեք անկեղծ լինենք: Երբ 2014 թվականի գարնան սկզբին Մալայզիայից Չինաստան թռչող ինքնաթիռն անհետացավ, հազիվ թե որևէ մեկը կարող էր կանխատեսել, որ այն չի գտնվի նույնիսկ 6 տարի անց: Որովհետև խոշոր ինքնաթիռների հետ, այն էլ մեր ժամանակներում, նման բաներ չեն պատահում:
Մալազիական ինքնաթիռը. վեց տարի անց էլ չի հաջողվել պարզել անհետացման պատճառը

Բայց պատահեց: Երկար ժամանակ ընդհանրապես որևէ հետք չկար: Հինգ տարի առաջ վերջապես հայտնաբերվեցին ինքնաթիռի երեք մասեր, բայց մասնագետները մինչև հիմա էլ վերջնական եզրակացություն չեն կարողանում տալ՝ ինչպես են դրանք պոկվել ինքնաթիռից: 

Եղիսաբեթ II-ին թագուհի դարձրին սերն ու ծխախոտը. արդեն 68 տարվա գահակալություն

Որոնողներն ուղղակի հրաժարվել են բոլոր անսովոր վարկածներից և հիմնվել են այն փաստերի վրա, որոնք անհերքելի են: Իսկ մեզ հայտնի փաստերը սրանք են: 2014 թվականի մարտի 8-ին ինքնաթիռը, որում 239 մարդ կար, օդ է բարձրացել Կուալա Լումպուրից և ուղղություն է վերցրել դեպի Պեկին, բայց մոտ 40 րոպեից անհասկանալի պատճառով կտրուկ շրջադարձ է կատարել և գնացել հարավ՝ դեպի Հնդկական օվկիանոս: Այսքանն արձանագրվել է արբանյակների կողմից:

Մնացածը «եթե»-ներ են:

Եթե ինքնաթիռը դիսպետչերների ազդանշաններին չի պատասխանել, ուրեմն այնտեղ ողջ մարդ չի մնացել: Եթե չի մնացել, ուրեմն ինքնաթիռը թռիչքը շարունակել է այսպես կոչված ավտոպիլոտով, այսինքն` ինքնուրույն: Վառելիքը բավականացնելու էր 6 ժամի: Հենց այս հավանական ենթադրություններից ելնելով էլ մասնագետները հաշվարկել են, թե 6 ժամ թռչելուց հետո օվկիանոսի որ հատվածը կարող էր ընկնել մալայզիական ինքնաթիռը: 

Առանձնացվեց մի տարածք՝ մոտավորապես հինգ Հայաստանի չափ, և նավերը սկսեցին ուսումնասիրել այնտեղ ծովի հատակը հատուկ սարքերով: Դա բավական դժվար գործ էր: Մասնագետներից մեկը դիպուկ է նկատել՝ մենք լուսնի մակերևույթին շատ ավելի լավ ենք ծանոթ, քան օվկիանոսի հատակին: Իսկապես, լուսնի մակերեսը գոնե տեսնում ենք, նույնիսկ անզեն աչքով ենք տեսնում, ծովի հատակը Հնդկական օվկիանոսի այդ հատվածում ընդհանրապես մինչև հիմա որևէ մեկը չի տեսել: Փորձագետներից մեկն այսպիսի համեմատություն էր արել: Պատկերացրեք, որ դուք ուզում եք գտնել մոտ յոթանասուն մետր երկարությամբ ինքնաթիռ Փենսիլվանիա նահանգում՝ մթության մեջ, չունենալով նույնիսկ այդ նահանգի քարտեզը: 

Պատմության անհայտ էջերը. մահափորձ Բրեժնևի դեմ

Կային մարդիկ, որոնք պնդում էին՝ իզուր եք փնտրում հենց այդ վայրում: Կանադացի օդաչու Քրիս Գուդֆելոուն, օրինակ, պատահածից տասն օր անց իր տեսությունն էր առաջ քաշել և հիմա էլ պնդում է՝ դեն նետեք բոլոր արտառոց վարկածները, պետք է ելնել ամենահավանական ենթադրությունից՝ օդաչուների խցիկում ինչ-որ բան սկսել է այրվել, ծուխը լցվել է, կապը դիսպետչերների հետ խափանվել է, և օդաչուները միակ ճիշտ որոշումն են կայացրել՝ ինքնաթիռն ուղղել դեպի մոտակա կղզին, որտեղ օդակայան կա: Բայց չեն կարողացել ինքնաթիռը տեղ հասցնել: Կանադացին ասում էր՝ տվեք ինձ հինգ միլիոն դոլար որոնողական աշխատանքները կազմակերպելու համար, և ես կգտնեմ կործանված ինքնաթիռը, որը բոլորովին այլ վայրում է գտնվում: 

Ֆերմիի պարադոքսը. ինչու ձայն չեն հանում այլմոլորակայինները

Ի վերջո, մարդկության պատմության մեջ ամենաթանկ որոնողական գործողությունները դադարեցվեցին։ Դրանց վրա ծախսվեց մոտ մեկ միլիարդ դոլար։ Բայց ինքնաթիռն այդպես էլ չհայտնաբերվեց։ Դրա անհետացման շուրջ դատողություններ՝ որքան ուզեք։ Ոմանք պնդում են՝ օդաչուներից մեկը որոշել էր ինքնասպանություն գործել։ Ուղղակի այս վարկածը հաստատող որևէ ապացույց չկա։ Մյուսները պնդում են՝ ահաբեկչական գործողություն է տեղի ունեցել և ինչ-որ մարդիկ փորձել են առևանգել ինքնաթիռը։ Բայց, ախր, մինչև հիմա որևէ ահաբեկչական կազմակերպություն կամ խմբավորում չի հայտարարել, որ կատարվածը իր անդամների ձեռքի գործն է։ Կան նաև անսովոր վարկածներ՝ մետեորիտն է հարվածել ինքնաթիռին։ Բայց դրա հավանականությունը պարզապես մոտ է զրոյին։ Եվ վերջապես ամենաանսովոր վարկածը՝ տիեզերական, այսպես կոչված, սև խոռոչն է կլանել ինքնաթիռը։

Համաձայնեք` կարելի է քննադատել նման ֆանտաստիկ վարկածները, բայց փաստն այն է, որ նույնիսկ ամենաանսովոր վարկածները կբացառվեն միայն մի դեպքում, եթե հայտնաբերվի 6 տարի առաջ կորած ինքնաթիռը։

Ամենահայտնի դավադրության տեսության 50-ամյակը. ամերիկացիները վայրէջք կատարե՞լ են Լուսնի վրա

1458
թեգերը:
Մալայզիա, Արմեն Դուլյան, ինքնաթիռ
թեմա:
5 րոպե Դուլյանի հետ (110)
Ըստ թեմայի
Հանրաքվեն ելք չէ. Պուերտո Ռիկոն` վառ օրինակ
Արդյո՞ք այլմոլորակայինները կուտեն մեզ
Խաբված ավանդատուներն ու ֆինանսական բուրգերը. ի՞նչն է մարդկանց ստիպում հավատալ խաբեբաներին