Ծովափ

Որտե՞ղ հանգստանալ այս ամառ․ գրպանին հարմար 5 ուղղություն

1490
(Թարմացված է 23:37 01.03.2020)
Ամառը հանգստի ամենապահանջված ու սպասված շրջանն է։ Որպեսզի ձեր հանգիստը ոչ միայն բովանդակալի ու ստացված լինի, այլև մատչելի, այն պետք է հիմա ծրագրել՝ օգտվելով նաև հյուրանոցների առաջարկած վաղ ամրագրման զեղչերից։

Անծով հայերիս պատկերացրած կատարյալ ամառային հանգիստն անպայման պետք է լողալու և արևայրուք ստանալու հնարավորությամբ լինի։ Դե հարևան Վրաստանի ծովափնյա հանգստավայրերը՝ Ուռեկին, Բաթումին, Կոբուլետին և մյուսներն այնքան քաջածանոթ են հայաստանցիներին, որ ներկայացնելու կարիք էլ չկա։ Ի վերջո, հանգիստը կարելի է զուգակցել նոր ու հետաքրքիր վայրեր բացահայտելու հետ, այնպես որ Sputnik Արմենիան ներկայացնում է լավագույն 5 ուղղություններն այս ամռան համար։

Հուրգադա, Եգիպտոս

Արդեն քանի տարի է՝ Եգիպտոսը բացարձակ լիդեր է հայաստանցի զբոսաշրջիկների նախընտրելի հանգստավայրերի ցանկում։ Պատճառները մի քանիսն են՝ ընդամենը 3 ժամ տևողությամբ ուղիղ թռիչք, համեմատաբար մատչելի արժեք և all inclusive (ամեն ինչ ներառյալ) սննդահամակարգ, ինչը շատ հարմար է հատկապես ընտանեկան հանգստի համար։ Ու իհարկե ծով, որը կարելի է վայելել ամբողջ տարվա ընթացքում։ Շարմ Էլ Շեյխ կարող եք մեկնել ամբողջ տարվա ընթացքում, երբ սրտներդ ուզի, որովհետև այնտեղ հանգստանալու համար սխալ եղանակ չկա։

Город Люксор, Египет
© Sputnik / Aram Nersesyan
Լյուքսոր

Իսկ Հուրգադան՝ Կարմիր ծովի ափին գտնվող եգիպտական մյուս հայտնի հանգստավայրը, իդեալական է միայն ամռանը։ Ինչու՞։ Որովհետև այստեղ քամիներ են լինում, որոնք խոր աշնանը, ձմռանն ու վաղ գարնանն անհնարին կամ էլ տհաճ են դարձնում ծովում լողալը։ Իսկ ամռան տապին լրիվ հակառակը՝ Հուրգադայում կլիման շատ հաճելի է։ Ի՞նչ է պետք իմանալ մեկնելուց առաջ։ 

Նախ ի տարբերություն Շարմ Էլ Շեյխի՝ Հուրգադա մեկնողներին վիզա պետք է։ Այն տրվում է օդանավակայանում առանց ավելորդ թղթաբանության և արժե 25 դոլար։ Այս պահին, երբ դեռ վաղ ամրագրման զեղչեր են գործում, Հուրգադայում մեկշաբաթյա հանգստի փաթեթը երկու անձի համար կարելի է ձեռքբերել սկսած 950 դոլարից՝ ներառյալ ավիատոմսեր, հյուրանոցում all inclusive սննդահամակարգով կեցություն և խմբակային տրանսֆեր՝ դիմավորում, ճանապարհում։ Ըստ էության, այնտեղ լրացուցիչ ծախսերի կարիք չունեք, եթե չցանկանաք տարբեր էքսկուրսիաների մասնակցել կամ էլ գնումներ կատարել։ Այստեղ հնարավոր է ավանդական բոլոր էքսկուրսիաներն էլ ամրագրել՝ սաֆարի տուր, դայվինգ, որն, իհարկե, այնքան տպավորիչ չի լինի, ինչպես Շարմ Էլ Շեյխում և այլն։

Բայց ես խորհուրդ եմ տալիս առիթն օգտագործել ու մեկնել Լյուքսոր։ Հին եգիպտական այս տաճարը շատ տպավորիչ է։ Էքսկուրսիայի արժեքը պայամանավորված է մասնակիցների թվից և ձեր բանակցելու հմտությամբ։ Եթե լավ բանակցեք, կարող եք գինը մինչև 60-70 դոլարի իջեցնել։

Территория гостиничного комплекса в Египте
© Sputnik / Aram Nersesyan
Հուրգադա

Լյուքսորը Հուրգադայից մոտ 3 ժամ հեռավորության վրա է, ճանապարհ եք ընկնում բառիս բուն իմաստով առավոտ ծեգին՝ լույսը դեռ չբացված, որպեսզի հասցնեք օրակարգի բոլոր must do-ները կատարել։ Անպայման ձեզ մոտ ունեցեք ջուր, գլխարկ և արևային ակնոց, որովհետև այնտեղ շատ շոգ է լինելու։ Սովորաբար էքսկուրսիոն ծրագրում ներառված է նաև նավարկություն Նեղոսով և այցելություն բանանների կղզի․ այս վերջինից մեծ բան մի սպասեք՝ բանանների պլանտացիա է մի քանի կապիկներով, բայց, միևնույն է, հաճելի է։

Թունիս

Առաջին անգամ այս տարի Հայաստանից Թունիս կգործարկվեն ուղիղ չարտերային թռիչքներ։ Առաջին չվերթը կայանալու է հունիսի 29-ին։ Նախկինում հայաստանցիների շրջանում Թունիսը որպես զբոսաշրջային ուղղություն պահանջարկ չուներ ոչ միայն ուղիղ չվերթերի բացակայության պատճառով, այլև վիզայի ստացման բարդ, ու ծախսատար գործընթացով։

Презентация нового туристического направления турфирмы Anriva-Tour в Тунис (24 февраля 2020). Еревaн
© Sputnik / Andranik Ghazaryan
Ջեմ ամֆիթատրոնը

ՀՀ քաղաքացիները ստիպված էին մեկնել Մոսկվա՝ այնտեղ գործող Թունիսի դեսպատնից մուտքի արտոնագիր ստանալու համար։ Հիմա գործելու է պարզեցված կարգ՝ վիզան տրվելու է տեղում, այժմ բանակցություններ են ընթանում, որպեսզի առհասարակ հյուպատոսական վճար էլ չգանձվի, բայց եթե գանձվեց, ապա մոտավորապես 20-25 դոլար է լինելու։ Ի՞նչ անել Թունիսում։

Միջերկրական ավազանի այս փոքրիկ երկիրը պատահական չէ, որ գերմանացիների և իտալացիների ամենասիրելի հանգստավայրերից է՝ ծովափնյա հանգստից բացի սա նաև մշակութային, պատմական տուրիզմի հրաշալի ուղղություն է։ Երևանից ուղիղ չվերթներն իրականացվելու են դեպի Մոնաստիր՝ թունիսյան հայտնի հանգստավայր․ թռիչքի տևողությունը՝ մոտ 4 ժամ է։ Հայաստանցի զբոսաշրջիկները կարող են մնալ Մոնաստիրում, կարող են նաև ընտրել մյուս հանգստավայրերը՝ Սուս, Համամետ, Մահդիա և այլն։ Թեպետ աֆրիկյան երկիր է, բայց Թունիսի կլիման բավականին մեղմ է՝ ամռան ամիսներին օդի միջին ջերմաստիճանը 33 է, այնպես որ շնչահեղձ լինելու վտանգ չկա։

Ծովափնյա հանգստից բացի անպայման պետք է օգտվել առիթից և լինել Սիդի-Բու-Սաիդում՝ երկնագույն քաղաքում, որը շատերը համեմատում են հունական Սանտորինիի հետ, այցելել պատմական Կարթագեն, ինչպես նաև տեսնել Էլ Ջեմ ամֆիթատրոնը, որը հաճախ գեղարվեստական ֆիլմերում ներկայացվում է որպես Հռոմի Կոլիզեյ, որովհետև ավելի լավ է պահպանված։ Մեկշաբաթյա հանգիստը Թունիսում երկու անձի համար կարժենա 1430 դոլարից սկսած՝ ներառյալ ավիատոմս, հյուրանոցի կեցություն, սնունդը՝ all inclusive, խմբակային տրանսֆեր՝ դիմավորում, ճանապարհում, իհարկե եթե հասցնեք օգտվել վաղ ամրագրման զեղչերից։

Արաբական Միացյալ Էմիրություններ, Ֆուջեյրա

Կարծու՞մ եք, որ Միացյալ Արաբական Էմիրություններում ամռան ամիսներին հանգստանալը սխալ որոշում է անտանելի շոգի պատճառով։ Ոչ, դուք սխալվում եք, ԱՄԷ-ն հրաշալի առաջարկ ունի նաև ամռան ամիսների համար՝ Ֆուջեյրա։ Այս էմիրությունը մյուսներից տարբերվում է լանդշաֆտով և բնությամբ, նաև աշխարհագրական դիրքով։ Ֆուջեյրայի ափերը ողողում են Օմանի ծովածոցն ու Հնդկական օվկիանոսը:

Пляж. Дубай
© Sputnik / Alina Grbashyan
ԱՄԷ

Ֆուջեյրան միակ էմիրությունն է, որտեղ նավթարդյունաբերություն չկա։ Եթե Էմիրության հարստության տեսանկյունից սա, ինչպես ասում են, «մինուս» է, ապա զբոսաշրջիկների համար առավելություն է, ջուրն այստեղ առավել պարզ ու թափանցիկ է, լողափերն ավելի մաքուր: Այստեղ կտեսնեք էմիրություններին ոչ հատուկ լեռներ, կանաչ օազիսային հովիտներ: Այստեղ քիչ են երկնաքերները: Բնակլիմայական դիրքի և լանդշաֆտի շնորհիվ Ֆուջեյրայում եղանակն ավելի հաճելի է, անգամ ամռան թեժ շոգին:

Երևանից դեպի Ֆուջեյրա ուղիղ չվերթներ չկան, մեկնում եք Դուբայ կամ Շարժա, այդտեղից մեքենայով շարունակում ճանապարհն ու 1,5-2 ժամում հասնում Ֆուջեյրա։ԱՄԷ մեկնող ՀՀ քաղաքացիներին անհրաժեշտ է մուտքի արտոնագիր, որը զբոսաշրջային ընկերություններից առանձին ձեռքբերելու դեպքում ավելի թանկ է ստացվում, քան ամբողջական փաթեթի գնման ժամանակ։ Ֆուջեյրայում մեկշաբաթյա հանգստի փաթեթը երկու անձի համար մոտ 1500 դոլար է՝ ներառյալ ավիատոմս, 7-օրյա կեցություն 5 աստղանի հյուրանոցում, 2-անգամյա սնունդ (Ֆուջեյրայի հյուրանոցների մոտակայքում խանութներ, ռեստորաններ չկան, երեխաների հետ առավել հարմար է all inclusive սննդահամակարգը), տրանսֆեր՝ դիմավորում, ճանապարհում։ Ի դեպ, ԱՄԷ եկող դայվերասերներն ամենից հաճախ նախընտրում են դայվինգով հենց Ֆուջեյրայում զբաղվել, քանի որ այստեղ նաև ստորջրյա աշխարհն է հարուստ ու առանձնահատուկ գեղեցիկ։

Հունաստան և հունական կղզիներ

Դե Հունաստանն արդեն հայաստանցիների համար ամառային հանգստի ավանդական սիրելի ու պահանջված ուղղություններից է․այստեղ ոչ միայն ծով կա, այլև պատմական, մշակութային հետաքրքիր ու բազմազան վայրեր։

Афины
© Sputnik / Asatur Yesayants
Աթենքը` վերևից

Այդ է պատճառը, որ ամռան ամիսներին Երևան-Աթենք թռիչքին ավելանում են նաև չարտերային թռիչքներ դեպի հունական տարբեր կղզիներ՝ Կրետե, Հռոդոս, Կորֆու, Կոս և այլն։ Այս ամառ չարտերային թռիչքներին միանալու են հայաստանյան շուկա նոր մուտք գործած լոուքոսթերները՝ բյուջետային ավիաընկերությունները։ Օրինակ` «Ռայանէյրն» արդեն հայտարարել է, որ չվերթեր է իրականացնելու Երևանից դեպի Սալոնիկ, Գյումրիից էլ՝ Աթենք։ Այնպես որ այս դեպքում հանգստի արժեքը շատ տարբեր կարող է լինել Հունաստանում՝ պայմանավորված նախասիրություններով, հարմարավետությամբ, որակով և այլն։

Որտեղ հանգստանալ աշնանը. գրպանին հարմար 5 լավագույն ուղղություն

Դե Հունաստան մեկնել ցանկացողներն առաջին հերթին պետք է իմանան, որ իրենց անհրաժեշտ է ստանալ շենգենյան վիզա։ Հայաստանում գործում է Հունաստանի դեսպանատուն, բայց ամռան ամիսներին այստեղ այնպիսի մեծ կուտակումներ են լինում, որ շատերը դիմում են վիզաների կենտրոն։ Երկու դեպքում էլ փաստաթղթերի ցանկը նույնն է, ինչ բոլոր շենգենյան երկրների համար։ Վճարումը՝ 35 եվրո հյուպատոսական վճարն է, ևս 12 հազար դրամ անհրաժեշտ է վճարել վիզաների կենտրոնում նրանց մատուցած ծառայությունների դիմաց։ Հունաստանի ցանկացած վայրից մինչև ծով ամենաերկար հեռավորությունը 96 կմ է։ Այնպես որ, ուր ուզում ես գնա, ինչ ուզում ես արա, ծովը հետևում է քեզ, անգամ մայրաքաղաք Աթենքում, որն էլ Էգեյան ծովի ափին է։

Կիպրոս

Ամառային հանգստի հրաշալի ուղղություն է Միջերկրական ծովի ափին գտնվող այս փոքրիկ, սիրուն, հյուրընկալ կղզին։ Գրեթե ամեն տարի ամռան ամիսներին գործարկվում են Երևան-Լառնակա-Երևան ուղիղ, չարտերային թռիչքներ։ Բայց այս տարի կիպրական ուղղությամբ ևս հետաքրքրված են լոուքոսթ ավիաընկերությունները՝ Wizzair-ի ինքնաթիռները կթռչեն Լառնակա, իսկ Ryanair-ը՝ Պաֆոս։

Пляж Нисси, Кипр
Կիպրոս

Այնպես որ, այս ուղղությունը ևս բավականին մատչելի ու հասանելի է դառնում։ Ինչ վերաբերում է  վիզային, այն շենգեն չէ, բայց անհրաժեշտ է ներկայացնել նույն փաստաթղթերի ցանկը, ինչը շենգենյան մուտքի արտոնագրերի դեպքում է պահանջվում։ Վիզայի համար պետք է դիմել Հայաստանում Կիպրոսի հյուպատոսություն, հյուպատոսական վճարն էլ 15 հազար դրամ է։ Թերևս ամենամատչելի հանգստավայրը Լառնական է, բայց Լառնակայի ավելի պահանջված հանգստավայր են Լիմասոլն ու Պաֆոսը։ Երիտասարդները, խելահեղ ժամանցի սիրահարները կարող են ընտրել Այա-Նապա կուրորտը, որն անվանում են կիպրական Իբիցա։

Գրպանին ու տրամադրությանը համահունչ. ու՞ր մեկնել Ամանորին․ տոնական թոփ 5 ուղղություն

Կիպրոսը համարվում է հունական սիրո և գեղեցկության աստվածուհի Աֆրոդիտեի ծննդավայրը, դրա համար էլ հաճախ անվանվում է հենց Աֆրոդիտեի կամ Վեներայի կղզի։ Դուք կարող եք էքսկուրսիոն տուր ամրագրել դեպի Աֆրոդիտեի «ծննդավայր»՝ ծովում գեղեցիկ մի ժայռակտոր է, որի մոտ, ըստ լեգենդի, փրփուրներից ծնվեց սիրո աստվածուհին։ Ասում են՝  եթե որևէ մեկը կարողանա գտնել ծովի հատակին եղած այն բացը, որից Աֆրոդիտեն է դուրս եկել, աստվածներից կպարգևատրվի՝ ստանալով նրա գեղեցկությունն ու հավերժ երիտասարդությունը:

Sputnik Արմենիան մաղթում է հաճելի, արևառատ հանգիստ։

1490
թեգերը:
Թունիս, Կիպրոս, Արաբական միացյալ էմիրություններ (ԱՄԷ), Դուբայ, ամառ, զբոսաշրջություն, Զբոսաշրջիկ, Հունաստան, Հուրգադա, Եգիպտոս
Ըստ թեմայի
Հանրապետության հրապարակի տակ գտնվող նկուղները միայն զբոսաշրջային արժեք ունեն. Գրիգորյան
Հայաստանն ընդգրկվել է զբոսաշրջային աճ ունեցող լավագույն 20 երկրների ցանկում. UNWTO
Դանիելյան. «Զբոսաշրջիկներ ենք հրավիրում, որ աղբանո՞ց ցույց տանք»
Հիվանդանոց

Սա զուտ հայաստանյան երևույթ չէ. կորոնավիրուսի երկրորդ ալիքն ահագնանում է ողջ աշխարհում

108
Եկեք անկեղծ լինենք։ Այն կանխատեսումները, որոնք արվում էին գարնանը, թե կորոնավիրուսի համավարակի երկրորդ ալիքն անխուսափելի է, հիմա՝ աշնանային այս օրերին, ցավոք, արդարանում են։
«5 րոպե Արմեն Դուլյանի հետ»․ Կորոնավիրուսի երկրորդ ալիքն ահագնանում է ողջ աշխարհում

Սրա մասին ավելի մանրամասն կխոսենք, բայց նախ եկեք ամփոփենք անցած ամիսների արդյունքները, որովհետև ըստ Ջոն Հոփքինսի ամերիկյան համալսարանի մասնագետների, որոնք ամեն օր ուշիուշով հետևում են զարգացումներին, երեկ կորոնավիրուսով հիվանդների թիվը ողջ աշխարհում գերազանցեք 45 միլիոնը։

Այսօր առավոտյան ժամը 9-ին այդ ուսումնական հաստատության կայքում հրապարակված տվյալների համաձայն՝ այդ համավարակի հետ կապված հիվանդություններից մահացել է մոտ 1 միլիոն 200 հազար մարդ։ Բայց լավ լուր էլ կա՝ ավելի քան 30 միլիոն մարդ ողջ աշխարհում բուժվել է։

Կորոնավիրուսի հետևանքով մահացել է համաճարակաբան Վլադիմիր Դավիդյանցը

Հիմա ըստ երկրների։ Ընդամենը երեք պետություն կա ողջ աշխարհում, որտեղ վարակվածների թիվը գերազանցում է 5 միլիոնը։ Պարզ է, որ դրանք այն երկրներն են, որոնք ունեն մեծ բնակչություն։ Բայց հետաքրքիր մի դիտարկում՝ Չինաստանը այդ երկրների թվում չէ։ Առաջին տեղում է Ամերիկայի Միացյալ Նահանգները, որտեղ վարակվածների թիվը հենց առաջիկա օրերին, ըստ երևույթին, կգերազանցի 10 միլիոնը, որովհետև հիմա ընդհուպ մոտենում է այդ սահմանագծին, և ի դեպ մահացածների թվով էլ ԱՄՆ-ը առաջատարն է՝ այդ երկրում մահացել է մոտ 230 հազար մարդ, չնայած 3,5 միլիոնն էլ բուժվել է։ Երկրորդ տեղում է Հնդկաստանը՝ ավելի քան 8 միլիոն վարակված։ Եվ երրորդ տեղում Բրազիլիան է, որտեղ անցած ամիսների ընթացքում վարակվել է շուրջ 5,5 միլիոն մարդ։ Մնացած երկրներում վարակվածների թիվը շատ ավելի փոքր է։

Միայն մի թիվ բերեմ՝ չորրորդ տեղում հիմա Ռուսաստանն է, որտեղ վարակվածների թիվը մոտ մեկուկես միլիոն է։ Հիմա հիվանդության երկրորդ ալիքի մասին։ Հեռուն չգնանք՝ գիտեք, իհարկե, որ այս վերջին օրերին Հայաստանում էլ վարակվածների թիվն ավելին է, քան գարնանը։ Ինչով էլ սա բացատրենք, պիտի փաստենք, որ սա զուտ հայաստանյան երևույթ չէ։

Շտապօգնությունն աշխատում է ուժերի գերլարմամբ․ քաղաքացիներին խնդրում են ըմբռնումով մոտենալ

Այսպես ասած լոքդաունի, այսինքն` նոր սահմանափակումների մասին օրերս հայտարարել են Գերմանիան, Ֆրանսիան և Չեխիան։ Որոշ մասնագետներ դա բացատրում են նրանով, որ ամռանը եվրոպական որոշ երկրներում նկատվեց համավարակի դեպքերի շատ հուսադրող անկում, և այդ պետությունների իշխանությունները պարզապես կորցրին զգոնությունը` ենթադրելով, թե վտանգն անցնում է կամ միգուցե արդեն անցել է։ Սակայն այս շաբաթ Եվրոպայի լիդերները հավաքվեցին և խոստովանեցին, որ սխալվել էին։ Այս վերջին վիրտուալ, այսինքն` առցանց գագաթնաժողովում եթե ոչ հոռետեսական, գոնե իրատեսական կանխատեսումներ հնչեցին այն մասին, որ կորոնավիրուսի դեմ պայքարը ամենևին էլ այս տարի չի ավարտվի, այլ կշարունակվի առնվազն մինչև հաջորդ տարվա վերջը։

Ինչու։ Այն պարզ պատճառով, որ դեղամիջոցը դեռ գտնված չէ, թեև ինտենսիվ աշխատանքներն այդ ուղղությամբ տարվում են, փողն էլ հատկացվում է։ Դիցուք՝ Եվրամիության գործադիր մարմինը՝ Եվրահանձնաժողովը արդեն մոտ 350 միլիոն եվրո է հատկացրել 6 ընկերությունների, որոնք զբաղված են կորոնավիրուսի դեմ արդյունավետ պատվաստանյութ մշակելու գործով։ Բայց այս դեպքում էլ ամեն ինչ բավական անորոշ է՝ կհաջողվի արդյոք պատրաստել նման դեղամիջոց։

Եվրամիության ներկայացուցիչները անկեղծ խոստովանում են՝ շատ հնարավոր է, որ 100-տոկոսանոց արդյունավետություն ունեցող պատվաստանյութ առաջիկայում հնարավոր չի լինի մշակել, իսկ եթե հնարավոր էլ լինի, մենք դեռ շատ երկար ժամանակ բավարար քանակ չենք ունենա անխտիր բոլորին ներարկելու համար։ Մասնագետները հակադարձում են՝ ոչինչ, եթե նույնիսկ ունենանք այնպիսի պատվաստանյութ, որի արդյունավետությունը 80 կամ նույնիսկ ընդամենը 70 տոկոս կլինի, այն անպայման անհրաժեշտ է կիրառել։ Ինչ վերաբերում է այն հարցին, թե առաջին հերթին ովքեր պետք է պատվաստման ենթարկվեն, մասնագետները միանշանակ պատասխանում են՝ առաջին հերթին բժիշկները, որոնք անմիջականորեն շփվում են վարակվածների հետ, պետական ծառայողները, որոնք բոլոր դեպքում ստիպված են գալ աշխատանքի և ապահովել պետության բնականոն գործունեությունը և վերջապես տարեցները, որոնք գտնվում են ռիսկային գոտում։

108
թեգերը:
կորոնավիրուս, Հայաստան
թեմա:
5 րոպե Դուլյանի հետ
Ըստ թեմայի
Կորոնավիրուսի պատճառով Հայաստանի դատարանները կարող են նիստերը հեռավար անցկացնել
Պատերազմն ու կորոնավիրուսը. ՀՀ առողջապահության նախարարությունը պատասխանել է քննադատությանը
Կորոնավիրուսի հետևանքով մահացել է ԱԱԾ նախկին փոխտնօրեն Գուրգեն Եղիազարյանը
Ստեփանակերտի բնակիչ. արխիվային լուսանկար

Ինչպես օտարերկրացիներին ներգրավել հայերի պայքարի մեջ. 7 խորհուրդ ԱՄՆ–ից

507
(Թարմացված է 23:18 29.10.2020)
Հայերին կարող է թվալ, որ իրենք միայնակ են իրենց պատերազմում, սակայն շատ մարդիկ կան, որոնք անտարբեր չեն մարդու իրավունքների նկատմամբ և որոնք պատրաստ են պայքարել հանուն արդարության, եթե միայն իրենց հուշեն` ինչպես։

ԵՐԵՎԱՆ, 29 հոկտեմբերի – Sputnik. ԱՄՆ–ում բնակվող Դալիթա Գեցոյանը (Dalita Getzoyan) The Armenian Weekly–ում մի հոդված է հրապարակել, որում 7 գործնական խորհուրդ է տրվում, թե ինչպես օտարերկրացիներին ներգրավել հանուն Արցախի հայերի պայքարին կամ գոնե իրազեկել այն մասին, թե ինչ է տեղի ունենում հակամարտության գոտում։

Գեցոյանը գրում է, որ օտարերկրացիներից շատերին անձամբ է պատմել Արցախի հայերի գոյամարտի մասին և որոշել է ներկայացնել իր փորձը։ Եվ այսպես` 7 քայլ, որոնք կարելի է անել.

1. Արցախի իրավիճակի մասին «ելույթ վերելակի համար»

 «Ելույթ վերելակի համար» (Elevator Speech) տերմինը մարքեթինգում և բիզնեսում ընդունված տերմին է, որը մի քանի նախադասությամբ կարճ պատմություն է որևէ գաղափարի կամ հայեցակարգի մասին։ Գեցոյանը խորհուրդ է տալիս նախապես պատրաստած մի քանի նախադասություն պարունակող տեքստ ունենալ օտարերկրացիներին Արցախում տիրող իրավիճակի մասին արագ տեղեկություն փոխանցելու համար։

 «Սա Հայաստանի համար իսկապես ծանր ժամանակ է։ Ադրբեջանն ու Թուրքիան իմ պատմական հայրենիքի վրա հարձակում են իրականացնում արդեն մի ամբողջ ամիս։ Ես այս պատերազմի պատճառով ծանոթներ եմ կորցրել, ընկերներիցս շատերը վտանգված են։ Ադրբեջանն ու Թուրքիան ռազմական հանցագործություններ են կատարում, նրանք պատերազմ են սկսել համավարակի շեժ շրջանում, խախտել հրադադարի մասին ձեռք բերված համաձայնությունը, ռմբակոծում են բնակավայրերը։ Ոչ ոք նրանց պատասխանատվության չի կանչում։ Թուրքիան փորձում է ավարտել ավելի քան 100 տարի առաջ` Հայոց ցեղասպանության ժամանակ սկսածը։ Մեզ վրա նոր ցեղասպանության սպառնալիք է կախված, այդ պատճառով փորձում եմ անել հնարավոր ամեն ինչ` ժողովրդիս հենց այս պահին օգնելու համար»։

Հայացք թաքստոցից․ մահվան աչքերին նայած արցախցիները․ լուսանկարներ

Երբեմն նման մի պատմություն բավարար է, նույնիսկ ազգությամբ ոչ հայ մարդկանց մոտիվացնելու մասնակցել սփյուռքի ակցիաներին կամ սոցցանցերում Արցախի մասին տեղեկություն տարածելու համար։

2. Պատմեք ձեր պատմությունը

Դալիթա Գեցոյանը խորհուրդ է տալիս սոցցանցերում և առանձին զրույցներում հիշատակել պատերազմի հետ անձնական կապի մասին։ Օրինակ` նա պատմում է իր նախնիների պատմությունը, որոնք մազապուրծ են եղել 1915 թվականի Հայոց ցեղասպանության ժամանակ, և պատմում է ներկայիս պատերազմի պատճառով զոհված կամ տուժած ծանոթների ու ընկերների մասին։

«Դրանից բացի պատմում եմ` ինչպես է պատերազմն ազդել հոգեկան առողջությանս վրա։ Մեր ընկերները հոգ են տանում մեր մասին։ Երբ պատերազմը քննարկում ես որպես իրականություն, որն անձամբ քեզ վրա է ազդում, այլ ոչ որպես հեռու քաղաքական իրադարձություն, ընկերները կլսեն և կփորձեն խորանալ պատմության մեջ», – նշվում է հոդվածում։

3. Արցախի թեման կապեք նրա հետ, ինչ տեղի է ունենում աշխարհում

Հնարավորինս շատ մարդկանց հետաքրքրելու համար անհրաժեշտ է զուգահեռներ անցկացնել Արցախի և աշխարհում տեղի ունեցող հայտնի իրադարձությունների միջև։ Արցախի դեմ մղվող պատերազմը կարելի է կապել Հյուսիսային Ամերիկայի բնիկ ժողովուրդների ճակատագրի հետ, որոնք սպանվել են կամ ստիպված եղել թողնել հարազատ հողերը։ Հայ–ադրբեջանական պատերազմի վերաբերյալ մամուլում առկա կեղծիքը կարելի է համեմատել Black Lives Matter շարժումը և մարդու իրավունքների պաշտպանությանն ուղղված այլ ակցիաները ԶԼՄ–ների կողմից բացասական ներկայացնելու փորձի հետ։ Հենց նման զուգահեռների շնորհիվ մարդիկ կկարողանան հասկանալ անարդարության մասշտաբները, ավելի խորն ընկալել հայերին պատուհասած դժբախտությունը։

4. Ոչ միայն հրապարակային գրառումներ, այլև առանձնազրույցներ

Հսկայական քանակի տեղեկության առկայության պարագայում մարդիկ կարող են  թերթել լրահոսն ու սոցցանցերում իրենց էջերը, իսկ նկատելով Արցախի մասին գրառումները, մտածել. «Դա սարսափելի է»։ Սակայն նրանք նախկինի պես կարող են կապ չզգալ այդ իրադարձությունների հետ։ Դրա համար առանձնազրույցներ է պետք վարել չաթերում և մեսենջերներում։ Կարելի է տեղեկացնել պատերազմի մասին և անմիջականորեն օգնություն կամ աջակցություն խնդրել։  Մարդիկ կգնահատեն այն ժամանակն ու էներգիան, որը նրանց հետ շփման մեջ եք ներդրել։

5. Հուշեք ընկերներին` կոնկրետ ինչ է պետք անել

Զրույցները պետք է գործողությունների վերածվեն։ Այն պահին, երբ օտարերկրյա ընկերները կհասկանան պատերազմի հայեցակարգը, նրանց պետք  է հուշել օգնություն ցուցաբերելու կոնկրետ եղանակները։ Black Lives Matter շարժումը մեծ հնչեղություն ստացավ շնորհիվ այն բանի, որ դրան մասնակցում էին ոչ միայն սևամորթները։

Սպիվակովն առաջիկա համերգի հոնորարը փոխանցել է Արցախի երեխաների օգնության հիմնադրամին

Եվ այսպես` ի՞նչ կարող է անել ձեր օտարերկրյա ընկերը։ Նա համապատասխան հեշթեգերով ինֆորմացիա կարող  է տարածել սոցցանցերում։ Բացի այդ, նա կարող է մասնակցել հայ համայնքի տարբեր ակցիաներին և նախաձեռնություններին և հանգանակություն կատարել «Հայաստան» համահայկական հիմնադրամի համար։

6. Միշտ շնորհակալություն հայտնեք. երբեք մի մեղադրեք

Հայերին կարող է թվալ, որ իրենք միայնակ են իրենց պայքարում, և դա կարող է դրսևորվել մեղադրանքների տեղատարափի և անմասն մնալու համար ամոթանք տալու փորձերում։ Սակայն նման մարտավարությունը օտարերկրացիների հետ շփման մեջ որևէ լավ բանի չի հանգեցնի։

Դրա փոխարեն շնորհակալություն է պետք հայտնել բոլոր նրանց, ովքեր աջակցում են հայկական նախաձեռնություններին։ Նման մարդկանց հասցեին երախտիքի խոսքեր կարելի է գրել սոցցանցերում։ Մարդիկ ուզում են որևէ դրական բանի մաս լինել, և նրանց մոտիվացնում է այն գիտակցումը, որ կարող են աշխարհը դեպի լավը փոխել, և որ իրենց ջանքերը կգնահատվեն ըստ արժանվույն։

7. Հայերին ներկայացրեք ոչ թե որպես զոհ, այլ տոկուն ժողովուրդ, որն ի հեճուկս բոլոր դժբախտությունների` գոյատևում է

«Զոհի դեր խաղալով` դուք հուսահատության և անզորության զգացում եք առաջացնում,  որոնք կարող են դեմոտիվացնել օտարերկրացուն  և Հայաստանին օգնելու նրա ցանկությունը զրոյի հավասարեցնել. չէ՞ որ նրանց դա կարող է անիմաստ թվալ»,– գրում է հոդվածի հեղինակը։ Հակառակը, ներկայացնելով հայ ժողովրդին որպես տոկուն և անկոտրում ազգ, մարդկանց բոլորովին այլ տրամադրվածություն է փոխանցվում։

«Մենք մեծ հաջողությունների ենք հասել մշակույթի, քաղաքականության, տնտեսության բնագավառում ի հեճուկս այն բանի, որ աշխարհում դեռ շարունակում են Հայոց ցեղասպանությունը ժխտելու քաղաքականություն վարել։ Այո, դժվար է պայքարել, երբ մեզ վրա հարձակվում են համավարակի թեժ պահին, սակայն կանգ առնել չի կարելի, պետք է փոփոխությունների և իրավիճակի բարելավման հույս ունենալ։ Հակառակ դեպքում` մենք միայն  թույլ ենք տալիս շարունակել մեզ ոչնչացնել։ Ոչինչ չի փոխվի, քանի դեռ մենք զոհի կերպարում ենք», – ասվում է հոդվածում։

«Հայերն իրենց դարավոր պատմության ընթացքում  հազարավոր անգամներ են գոյամարտ մղել  և կրկին գոյատևելու են։ Կան մարդիկ, որոնք անտարբեր չեն դրա նկատմամբ, որոնք հավատ ունեն մարդկության և արդարության հանդեպ։  Եվ հենց այդպիսի մարդկանց հետ պետք է փորձել այս աշխարհն ավելի լավը դարձնել և թույլ չտալ հաղթել այնպիսի ահաբեկչական երկրների, ինչպիսիք են Ադրբեջանն ու Թուրքիան»,– եզրափակել է հոդվածի հեղինակը։

Լացող ու աղոթող կանայք և չընդհատվող վիրահատություն. կադրեր Ստեփանակերտի հիվանդանոցի ներսից

507
թեգերը:
Պատերազմ, հայեր, ԱՄՆ, Արցախ
Ըստ թեմայի
Փարիզում հայերի բողոքի ակցիային մոտ 20 հազար մարդ է մասնակցում. տեսանյութ
«Եվրոպայում գիտեն` ով է սկսել պատերազմը». ԵՄ դեսպանն ընդունել է բողոքի ակցիա անողներին
«Կանգնեցրեք երկրորդ Հիտլերին». բողոքի ակցիա ՀՀ–ում Գերմանիայի դեսպանատան առջև
Արտակ Բեգլարյան

Սպանվածների մեջ առնվազն 4 ռազմագերի կա. Արցախի ՄԻՊ–ը վերլուծել է թշնամու դաժան տեսանյութը

0
(Թարմացված է 11:15 31.10.2020)
Արցախի մարդու իրավունքների պաշտպանը գրառում է կատարել` անդրադառնալով ադրբեջանցիների կողմից սոցցանցերում շրջանառող հայ զինծառայողների դիերի տեսանյութին։

ԵՐԵՎԱՆ, 31 հոկտեմբերի - Sputnik. Արցախի ՄԻՊ Արտակ Բեգլարյանը Twitter–ի իր էջում հայ զինծառայողների դիերի լուսանկարներ է հրապարակել` կատարելով որոշ դիտարկումներ։

«Ադրբեջանական սոցիալական ցանցերի տիրույթում նոր տեսանյութ է շրջանառվում, որտեղ երևում են 19 հայերի մարմիններ։ Նրանցից որոշները ձեռնաշղթաներով են, մյուսները՝ մերկ: Ակնհայտ է, որ ձեռնաշղթաներով առնվազն 4 զինվոր ռազմագերի է եղել նախքան սպանվելը»,- գրել է Բեգլարյանը։

​Նա հավելել է նաև, որ անպատժելիությունը և միջազգային հանրության կուրությունը նոր հանցագործություններ են ծնում Ղարաբաղի դեմ։

Հիշեցնենք` սեպտեմբերի 27-ի վաղ առավոտյան Ադրբեջանը Թուրքիայի աջակցությամբ լայնածավալ ռազմական հարձակում է սկսել արցախա–ադրբեջանական սահմանի ողջ երկայնքով։

Հոկտեմբերի 30-ի ժամը 14։00-ի դրությամբ` հակառակորդի կրակոցների հետևանքով Արցախում զոհվել են 1166 զինծառայողներ և 44 քաղաքացիական անձինք։ Ադրբեջանի կենդանի ուժի վերաբերյալ պաշտոնական տեղեկություններ չկան, սակայն հայկական կողմը հայտնում է, որ հակառակորդը 6914 զոհ ունի և բազմաթիվ վիրավորներ։ 

Ըստ վերջին տվյալների՝ Ադրբեջանի զինված ուժերը կորցրել են 25 ինքնաթիռ, 16 ուղղաթիռ, 232 անօդաչու սարք, 6 ՏՈՍ-1 «Սոլնցեպեկ» համազարկային կրակի ռեակտիվ համակարգ, 649 տանկ և ՀՄՄ:

Ես չգնամ, էլ ո՞վ գնա. Արցախից եկած մարզիկն ու մարզիչը պատմում են տղաների հերոսության մասին

Սեպտեմբերի 29–ից սկսած ադրբեջանական զինուժը մերթընդմերթ կրակ է բացում նաև Հայաստանի ուղղությամբ։ 

Անմարդկային են կռվում․ հադրութցի Մարո բաբոն սպասում է հաղթանակին ու «հնդկական» երեկոներին

0
թեգերը:
տեսանյութ, ռազմագերի, Արցախ, Արտակ Բեգլարյան (Արցախի ՄԻՊ)
թեմա:
Ադրբեջանական ագրեսիան Արցախում - 2020