Կարապետ Ավագյանն իր ջերմատանը

Առաջինն ու միակը. ինչպես ալոեն փոխեց հայ ինժեներ- երկրաբանի կյանքը

640
(Թարմացված է 09:17 24.02.2020)
Ալոեի մշակությամբ Կարապետն արդեն 8-րդ տարին է զբաղվում: Այն, որ հաջողելու է, վստահ է: Փորձել է նաև գործընկերներ գտնել: Բայց սա արագ եկամտի բիզնես չէ, համբերություն ու ներդրումներ են պետք:

Հեշտ, ստանդարտ, ոչ աշխատատար գործերը Կարապետին հենց սկզբից չեն հետաքրքրել: Աշխատանքը պիտի այնպիսին լինի, որ միտքն անընդհատ մարզվի, մտածելու, նորը ստեղծելու հնարավորություն լինի: Այդպես մտածելով` ինժեներ, երկրաբան Կարապետ Ավագյանն իր մասնագիտությամբ չաշխատեց:  Արմավիրի Գայ գյուղի տարածքում  ջերմատուն հիմնեց: Սկզբում զբաղվում էր լոլիկի ու տարատեսակ բանջարեղենի մշակությամբ, բայց քանի որ գործը յուրահատուկ չէր, զարգանալու հեռանկարներ չկային, արագ հրաժարվեց բանջարեղենից և ուշադրությունը դեպի ծաղիկներն ուղղեց:

Карапет Авакян в парниках алоэ в селе Гай, Армавир
© Sputnik / Asatur Yesayants.
Կարապետ Ավագյանն իր ալոեի ջերմատանը

Նիդեռլանդներից ներմուծեց քրիզանթեմներ ու գրեթե 7 տարի դրանց մշակությամբ զբաղվեց: Քանի որ Կարապետը խանդոտ վերաբերմունք չուներ գործի հանդեպ, սիրով ու առանց վախի ցանկացողներին պատմում էր քրիզանթեմների մշակման իր բացահայտած գաղտնիքները: Շուտով Կարապետն այլևս Հայաստանում միակ հոլանդական քրիզանթեմներ աճեցնողը չէր, անցավ աստրոմերիաներին: Դրանք էլ արագ տարածվեցին, մասսայական դարձան, հետևաբար դադարեցին հետաքրքրել Կարապետին:

«Ի՞նչ աճեցնել ջերմատանը, որ նորմածություն լինի»,- մտածեց Կարապետն ու իրանցի գործընկերոջ հետ սկսեց տարբերակներ փնտրել: Սկսեց ուսումնասիրել, վերլուծել շուկայի պահանջարկն ու պարզեց՝ 100 տարի ապրող ալոեի պահանջարկ շուկայում կա, մշակող չկա: Հայաստանում ալոե վերջին անգամ խորհրդային տարիներին էր մշակվել: Գրեթե 3 տասնամյակ՝ նման փորձ չէր արվել:

«Դեղեր արտադրող մի գործարան կար, որն ամեն տարի 10-15 տոննա ալոե էր ներկրում Հայաստան: Գործարանատերն ասաց՝ եթե ալոե աճեցնես, համապատասխանի մեր պահանջներին, ես կվերցնեմ, նախնական համաձայնագիր ստորագրեցինք, ու Իրանի հարավից սածիլները բերվեցին»,- պատմում է Կարապետն ու նշում` հենց սկզբից գիտեր՝ բիզնեսն արագ չի զարգանալու, եկամուտ միանգամից չի լինելու, ամենաքիչը պետք է 4 տարի սպասել, որ ալոեի տերևներն անհրաժեշտ նյութերով հարստանան, օգտակարությունը բարձրանա, օգտագործել լինի:

Ալոեի աճեցման մասին գաղափար չունեցող ինժեներ-երկրաբանը սկսեց գրքեր կարդալ, ուսումնասիրել, մասնագիտանալ, Իրանից նաև խորհրդատուներ հրավիրեց՝ արդյունքի հասնելու համար: 3 տարի անց 6 ամիս պարբերականությամբ սկսեցին տերևները լաբորատորիա հետազոտությունների տանել, մինչև որ անհրաժեշտ բոլոր նյութերն ի հայտ եկան: Երբ վերջապես երկար սպասված բերքահավաքի ժամանակը եկավ, դեղարտադրողը հրաժարվեց ալոեն գնել. արտադրվող դեղի պահանջարկն այլևս այդքան մեծ չէր:

Парники алоэ в селе Гай, Армавир
© Sputnik / Asatur Yesayants.
Կարապետ Ավագյանի մայրն ալոեի ջերմատանը

Կարապետն ալոեի ջերմատանը ներդրել էր ոչ միայն իր ու ընտանիքի բոլոր ջանքերը, այլև վերջին լուման՝ վստահ լինելով, որ այս գործի համար համբերություն է պետք, բայց արդյունք հաստատ լինելու է: Նա չէր սխալվել:

Ինչպես հայուհին «նվաճեց» Անտարկտիդան ու իր անունով լիճ ունեցավ

Հայաստանի ալոե մշակող միակ ֆերմերը սկսեց այլընտրանքից՝ կիլոգրամներով վաճառել ալոեի տերևները սովորական մարդկանց: Հետո երկրորդ քայլը կատարեց. հայտնի գիտնական Ֆիլատովի բանաձևով 100 տոկոսանոց բնական մզվածք ստացավ, նաև խանութ բացեց: Իհարկե, ալոեն ու մզվածքը վաճառվում էին ինքնարժեքից բավականին ցածր, բայց Կարապետը գիտեր՝ ճիշտ ճանապարհով է գնում:

Карапет Авакян в парниках алоэ в селе Гай, Армавир
© Sputnik / Asatur Yesayants.
Կարապետ Ավագյանն իր ալոեի ջերմատանը

«1-2 տարի հետո, երբ մարդիկ արդեն փորձել էին, արդյունքներ կային, սկսեցինք արժեքը բարձրացնել: Բնականաբար, նրանք դժգոհում էին՝ թե հայ եք էլի, ձեր հայությունն եք անում, բայց այլ տարբերակ չունեինք: Նույնիսկ արժեքը բարձրացնելով՝ առանց եկամուտի էինք աշխատում»,- պատմում է Կարապետն ու ընդգծում՝ գումար աշխատելու, արագ հարստանալու համար այլ գործեր կարելի է անել, այս գործի հիմքում դրված է ոչ թե գումար աշխատելը, եկամուտ ստանալը, այլ արդյունքի հասնելը. ու հենց արդյունքը պետք է գումարը բերի:

Увлажняющая сыворотка с маслом алоэ
© Sputnik / Asatur Yesayants.
Կոսմետիկ միջոցներ` ալոեի հիմքով

Հիմա Կարապետը համագործակցում է կոսմետիկ միջոցներ արտադրող ընկերությունների հետ: Ալոեի հիմքով գրեթե 45 անուն կոսմետիկ միջոցներ են արտադրվում մարմնի ու դեմքի համար, մինչև տարեվերջ այս թիվն ուզում են 100-ի հասցնել: Վաճառքից ստացածը հազիվ բավականացնում է ծախսերը ծածկելու համար, առայժմ եկամուտ չկա, իսկ վարկերն, ինչպես Կարապետն է ասում, անհասկանալի չափերի են հասել, բայց միևնույն է՝ գիտի, որ հաջողելու է: Գաղափարի հեղինակը հպարտությամբ ասում է՝ այն, ինչ այս պահին Հայաստանում է արտադրվում, աշխարհում կրկնօրինակը չունի, թեկուզ միայն արտադրանքում ալոեի պարունակությամբ: Եթե օճառը, շամպունը, ձեռքերի, դեմքի քսուքները սովորականից թանկ են, ուրեմն դրանք պարտադիր պետք է խնդիր լուծեն:

Натуральное мыло с маслом алоэ
© Sputnik / Asatur Yesayants.
Օճառ` ալոեի հիմքով

«Նպատակը շատ վաճառելը չէ, այլ օգուտ տալը»,- նշում է Կարապետ Ավագյանն ու ավելացնում, որ հետաքրքիր բիզնես մոտեցում ունի: Եթե որևէ մեկը ցանկանում է մեծածախ ալոեի տերև գնել, գինն ավելի բարձր է, քան մանրածախի դեպքում: Բացատրում է՝ ալոեի ջերմատունն անսահման չէ, օգտակար տերևների քանակը՝ նույնպես: Եթե մեկն ուզում է 20 կգ գնել, ուրեմն պետք է ավելին վճարի, քանի որ այդ 20 կգ-ը 20 հոգու կարող էր իրականում օգուտ տալ:

Թե ինչպես ռեժիսոր Վահեն դարձավ Հայաստանում առաջին ու միակ խխունջաբույծ ֆերմերը

Լինում են նաև գործարարներ արտերկրից, որոնք ցանկանում են տոննաներով ալոե արտահանել: Կարապետն ասում է՝ իրենց ծավալները դա հիմա թույլ չեն տալիս, տոննայով արտահանման դեպքում հայաստանցին է տուժում, որովհետև այստեղ վաճառելու համար ալոե չի մնում, իսկ այս գործի նպատակակետում հայրենակցին օգնելն է, նրա խնդիրը լուծելը:

Парники алоэ в селе Гай, Армавир
© Sputnik / Asatur Yesayants.
Ալոեի ջերմատունը

Անկեղծանում է՝ այո, սա միայն բարեգործություն չէ, բնականաբար նաև բիզնես նպատակներ է հետապնդում։ Բայց դա հետագայում կլինի, երբ կկարողանան արտադրանքն արտահանել, այն ժամանակ էլ տեղը տեղին եկամուտ կստանան՝ դրսում հնարավորություն ունենալով արտադրանքը մի քանի անգամ ավելի թանկ վաճառել: Առայժմ Կարապետը կենտրոնացած է որակի վրա: Իրենց արտադրած կոսմետիկ միջոցների վրա գրված է՝ «Արտադրված է Հայաստանում», ուրեմն արտադրանքը պետք է որակյալ լինի. ոչ միայն ընկերության, այլև երկրի պատիվն է:

Армянская косметическая и гигиеническая продукция с маслом алоэ
© Sputnik / Asatur Yesayants.
Կոսմետիկ միջոցներ` ալոեի հիմքով
640
թեգերը:
ալոե, ֆերմեր, Հայաստան, կոսմետիկա
Ըստ թեմայի
Եգիպտացորենի դաշտը լաբիրինթոս է դառնում. Տավուշի զբոսաշրջային ստարտափը
Ինչպես հայազգի ալքիմիկոսը ոսկի չգտավ, բայց միլիոնատեր դարձավ
Սուպեր հերոս Սարգիսը. սա Հոլիվուդը չէ, Հայաստանն է ու Արցախը...
Ծխող երիտասարդ

Ծխողներից հանդուրժողականություն սովորեք, նրանք երբեք չեն բողոքում, որ չծխողները չեն ծխում

124
(Թարմացված է 00:15 02.06.2020)
Եկեք անկեղծ լինենք։ Մի տեսակ աննկատ անցավ ծխախոտի դեմ պայքարի միջազգային օրը, որն ամեն տարի նշվում է գարնան վերջին՝ մայիսի 31-ին։ Սա, իհարկե, հասկանալի է՝ դա նույնն է, ինչ, ենթադրենք, խոսեմ գիրության վնասների մասին, երբ աշխարհում մոլեգնում է ժանտախտը։
Ծխողներից հանդուրժողականություն սովորեք. նրանք երբեք չեն բողոքում, որ չծխողները չեն ծխում

Եվ այնուամենայնիվ, համաձայնեք, միանգամայն իրավացի էր իտալացի քաղաքական գործիչ Սանդրո Պերտինին, երբ ասում էր. «Ծխողներից հանդուրժողականություն սովորեք, նրանք երբեք չեն բողոքում, որ չծխողները չեն ծխում»։ Իտալացու այս կատակին կարելի է երևի ավելացնել, որ ծխողները ոչ միայն հանդուրժող են, այլև հենց իրենք են պայքարում ծխելու դեմ։ Ինչպես թե ինչպես։ Խնդրում եմ` մի համոզեք ինձ, որ մեր հայաստանյան կառավարության անխտիր բոլոր անդամները չծխող են։ Եվ ստացվում է, որ եթե կառավարությունը ծխելու դեմ ծրագիր է ներկայացրել, իսկ այդ կառավարության առնվազն մի մասը ծխում է, ուրեմն ծխողները մտադիր են պայքարել ծխելու դեմ։

Երբ մեր առողջապահության նախկին նախարարներից մեկը պնդում էր, թե ծխող մարդիկ անհաջողակ են, համաձայնեք՝ նախարարի հետ շատ դժվար է համաձայնել։ Կներեք, դա լուրջ փաստարկ չէ։ Դա նույնն է, եթե ես ասեմ. «Այ, առաջին նախագահի օրոք վատ էինք ապրում, որովհետև նա ծխում էր, իսկ երկրորդ նախագահի օրոք երկնիշ տնտեսական աճ ունեցանք, որովհետև ոչ միայն չէր ծխում, այլև բասկետբոլ էր խաղում ու նույնիսկ վինդսերֆինգով էր զբաղվում»։ Չեմ ուզում հիմա բերել բազմաթիվ ծխող, բայց հաջողակ մարդկանց օրինակներ, որպեսզի հանկարծ չմեղադրեք ինձ, թե ուզում եմ ապացուցել, որ ծխողները հաջողակ են։ Քավ լիցի, ամենևին չեմ պատրաստվում հերքել անհերքելին և երկու ձեռքով կողմ եմ ծխելը հասարակական վայրերում արգելելու բոլոր նախաձեռնություններին, որովհետև ողջ աշխարհն է շարժվում այդ ուղղությամբ, մենք մի բան էլ ուշացել ենք։

Ի՞նչ կարելի է սպասել հրշեջից, որը հրդեհը տեսնում է, բայց այն մարելու իրավունք չունի

Ուղղակի էսպիսի բան էլ կա։ Մարկ Տվենը, որն օրական քսան սիգար էր ծխում, մի անգամ ասել է. «Եթե դրախտում ծխելն արգելված է, չեմ ուզում այնտեղ հայտնվել»։ Չգիտեմ՝ այդ մարդը հաջողակ էր, թե անհաջողակ։ Ինքներդ կարող եք գնահատական տալ, բայց Էռնեստ Հեմինգուեյը միշտ ասում էր. «Ամերիկյան ողջ ժամանակակից գրականությունը ծնվել է Մարկ Տվենի մի գրքից, որը կոչվում է «Հեքլբերի Ֆիննի արկածները»։

Բոլոր հիմարությունները դեմքի խելոք արտահայտությամբ են արվում, կամ Մյունխհաուզենի սինդրոմը

Ինչևէ, ծխելու դեմ պայքարի ամենաարդյունավետ միջոցներից մեկը ծխախոտի գները բարձրացնելն է, և ողջ աշխարհը հենց այդ ճանապարհով է ընթացել։ Գնացեք Նոր Զելանդիա, որի իշխանությունները մտադիր են 2025 թվականին իրենց պետությունը դարձնել ընդհանրապես smocking free։ Մի տուփ սիգարետը 5 հազար դրամ արժե, կողքի Ավստրալիայում 6 հազարն անցնում է։ Գիտեմ, որ հակադարձելու եք՝ բա այնտեղի աշխատավարձերը, բա այնտեղի բարեկեցությունը։ Դուք էլ բարձրացրեք ձեր բարեկեցությունը՝ հենց ծխելուց հրաժարվելով։ Եթե, օրինակ, մի տուփ սիգարետի միջին գինը դառնա 1000 դրամ, իսկ դուք օրական հենց մի տուփ եք ծխում, մի ծխեք և տարեկան կխնայեք ուղիղ 365 հազար դրամ։ 365 հազար դրամով կարելի է այցելել Արևմտյան Հայաստան՝ Կարս, Էրզրում, Կիլիկիա, 9 օրով, հարմարավետ ավտոբուսով, երկու անգամվա սնունդով, թուրքագետ խմբավարի ուղեկցությամբ էքսկուրսիաներով, այդ 9 օրից հինգն էլ՝ ծովափնյա շքեղ հյուրանոցում։

Ասում ենք՝ պատժամիջոցները չափից դուրս խիստ են։ Ու միաժամանակ բողոքում ենք, թե երթուղայինների վարորդները ծխում են։ Այ, եթե գծատերին գոնե հազար դոլարով տուգանեին, լավ էլ կհետևեր, որ վարորդների ծխից չխեղդվեինք։ Էլի համաձա՞յն չեք կտրուկ միջոցներին։ Էդ դեպքում գնացեք Բութան։ Հիմալայան այդ պետությունում գիտե՞ք` ինչ օրենքներ են գործում։ Ոստիկանը կարող է մտնել ձեր բնակարան, ու եթե հանկարծ բռնեցնի ձեզ ծխելուց, երեք տարի կնստեք բանտում։

Կան, իհարկե, փոխզիջումնային տարբերակներ։ Մի քանի տարի առաջ կարդացի, որ Սլովակիայում որոշ կազմակերպություններում այսպիսի կանոն է գործում՝ դուք կարող եք ծխել նույնիսկ աշխատասենյակում, բայց մի պայմանով՝ եթե տվյալ աշխատասենյակում անխտիր բոլորը ծխող են։ Բայց ախր ամեն օր պիտի Աստված կանչեք, որ հանկարծ մի նոր աշխատող չընդունեն, որը ծխող չէ, այլապես ծխողների երջանկությունը հօդս կցնդի սիգարետի ծխի նման….

Անհավանական, բայց իրական. տուգանվել է, պատիժ կրել, բայց տղամարդ է` ասել է ու արել

124
թեգերը:
ծխախոտ, Ծխել, Հայաստան
թեմա:
5 րոպե Դուլյանի հետ
Ըստ թեմայի
Մենք` հայաստանցիներս, շատ բարոյական ենք. ո՞րն է անբարոյականության մեր չափանիշը
Կին ղեկավարներն ավելի արդյունավետ են գործում ճգնաժամային պայմաններում
Համընդհանուր չիպավորում․ թեր և դեմ կարծիքներ
Թուրքիա. Հոպա քաղաք

700,000 համշենահայերը․ ինչո՞ւ են Հոպայի թեյը հայկական համարում

732
(Թարմացված է 08:38 01.06.2020)
Ժամանակակից Թուրքիայի հյուսիս–արևելյան շրջաններն ընդգրկող Տրապիզոն, Ռիզե, Հոպա և մյուս բնակավայրերը միավորողը ոչ միայն ծովն ու թեյն են, այլև էթնիկ հայերը։ Համշենահայերը թեև մեծամասամբ մահմեդական են, բայց կարողացել են պահել լեզուն, սովորույթները, նույնիսկ հայերեն երգերը։

Համշենից տարբեր ժամանակներում մեծ արտագաղթ է եղել դեպի հարևան երկրներ՝ Ռուսաստան, Վրաստան, սակայն արմատը շարունակել է մնալ մայր հայրենիքում։ Այսօր Համշենի տարածաշրջանում ապրող հայերի թիվը, ըստ տարբեր հաշվարկների, գերազանցում է 700 հազարը։

«Ես չմոռցերիմ հայերեն, կխոսամ». Սասունի հայերն ու նրանց ամուսնության չգրված օրենքները

Հոպա քաղաքում, որը պատմական հայկական Խոպա բնակավայրն է, փորձում ենք գտնել հարմար հյուրանոց գիշերակացի համար։ Տեղացի թուրքերն իմանալով, որ հայ ենք, մատնացույց են անում քաղաքում հայտնի Ուստաբաշների հյուրանոցային ցանցը։

«Ձերոնք են»,- ասում են թուրքերը։

Ուստաբաշների ընտանիքը գործարար համբավ ունի ոչ միայն Հոպայում։ Նրանց հյուրանոցները, խանութներն ու թեյի արտադրամասերը տարածված են նաև Տրապիզոնում, Ռիզեում և Սև ծովի ափամերձ այլ խոշոր բնակավայրերում։

Армянский квартал в городе Хопа, Турция
© Sputnik / provided by Nairi Hokhikyan
Թուրքիա. Հոպա քաղաք

Ուստաբաշների հյուրանոցում, որտեղ սենյակ ենք վարձում, մեծ մասամբ աշխատում են համշենահայեր։ Առաջին ծանոթությունը փոքր-ինչ լարված մթնոլորտում է լինում։ Ռեստորանի 39-ամյա խոհարարը` կապուտաչյա, շիկահեր մի տղամարդ, բավական ագրեսիվ տոնով արգելում է իրեն հայ կոչել, թեև գործընկերները մեզ հուշել են, որ զտարյուն հայերից մեկն է։

Ապագան հայերի համար հետաքրքիր ժամանակներ է խոստանում, կամ Դիրաբեքիրի ծպտյալների կյանքը

«Ես հայ չիմ։ Շատ ավալու (վաղուց) էկած ինք օրթա Ասիա։ Երեսս ճերմակ ա, խատուլիկ աչվերներս, ես թուխ չիմ, Հայաստան թուխ ա, ես հայ չիմ»,-իր հայ լինելու՝ իմ հարցին արձագանքում է Այգութ Սոլունը։

Армянин Хопы Айгут Солун
© Sputnik / provided by Nairi Hokhikyan
Այգութ Սոլուն

Նա այն աստիճան է դարձել թուրքական քարոզչության զոհ, որ հասկանալով հանդերձ՝ երկուսս էլ խոսում ենք նույն լեզվով, չի ընդունում, որ իր լեզուն հայերենն է: Այգութի նման հայեր էլ կան, ցավոք: Թուրքական կեղծ պատմագրությունը կարողացել է իր սև հետքը թողնել նաև այստեղ՝ հայտարարելով, որ համշենցիների լեզուն հին Օղուզի կամ Սաքա ցեղի բարբառն է, իսկ համշենահայ էթնոսը ոչ թե հայերի սերունդ է, այլ օղուզական, բալքարական կամ աքադական ցեղերի հետնորդ:

Армяне Хопы
© Sputnik / provided by Nairi Hokhikyan
Ուստաբաշների հյուրանոց. զրույց հայերի հետ

Բարեբախտաբար, այդ քարոզչությունից մոլորյալ հայերի թիվն օրեցօր պակասում է Արևմտյան Հայաստանում՝ փոխարենը ավելացնելով ազգային արմատներին մոտեցողներին:

Խոսում են թուրքերեն, բայց մտածում ու զգում են հայերեն. ադիյամանցի հայ երգչի «ոդիսականը»

Հյուրանոցի աշխատողների հետ զրույցում պարզեցի, որ նրանք ոչ միայն ընդունում են իրենց հայկական ինքնությունը, այլև հպարտանում են դրանով։

Армяне Хопы
© Sputnik / provided by Nairi Hokhikyan
Ուստաբաշների հյուրանոցի հայերից

«Էստեղ համշենցիներ շատ կան։ Հոպային կեսեն շատը համշենցի է։ Մուսուլման հայեր շատ կա էստեղ, բայց դա ի՞նչ կապ ունի։ Ես հայ իմ, մուսուլման իմ, էրմենի իմ, սորուն (հարց) ի՞նչ կա։ Ի՞նչ կուզեք ինձմե, հայ իմ»,-վրդովված ասում է համշենցի հայ Սոյլունը՝ նշելով, որ հաճախ են մարդիկ զարմանքով բացահայտում, որ համշենցիները կարող են հայկական արմատներ ունենալ։

Армянин Хопы Сойлун
© Sputnik / provided by Nairi Hokhikyan
Համշենահայ Սոյլունը

Ավելի ուշ Սոյլունը մեզ ուղեկցում է հուշանվերների խանութներ, շուկա, նվիրում Համշենի թեյ՝ շեշտելով, որ այն կարելի է անվանել նաև հայկական թեյ, քանի որ աճեցրել են, հավաքել ու մշակել բացառապես հայերը։ 

Армянин Хопы
© Sputnik / provided by Nairi Hokhikyan
Ուստաբաշների հյուրանոցի հայերից

Հայերեն խոսող և իրենց հայ լինելն ընդունող մեր հայրենակիցները թուրքերի, քրդերի կամ լազերի հետ գոյակցելու խնդիր չունեն։ Նրանք չեն ձևավորվել ցեղասպանությունից հետո։ Համշենահայերին կամ համշենցիներին շատ պատմաբաններ համարում են յուրահատուկ հայկական էթնիկ խումբ, քանի որ նրանց մի մասը քրիստոնյա է, իսկ մյուս մասը` մահմեդական: Հետաքրքիր է, որ շատ մահմեդական համշենցիներ պահպանել են մայրենի լեզուն` համշենահայերենը, իսկ որոշ քրիստոնյա համշենցիներ էլ չգիտեն հայերեն:

Армянин Хопы Сойлун
© Sputnik / provided by Nairi Hokhikyan
Զրույց համշենահայ Սոյլունի հետ

Բոլոր ժամանակներում համշենահայերը զբաղեցրել են Հոփայի շրջանի բնակչության առնվազն 30%-ը։ Եթե հավատալու լինենք համշենահայ Ուստաբաշների տվյալներին, ապա միայն Հոփա քաղաքում այսօր 5000 հայ կա, այդքան էլ՝ հարակից գյուղերում։

732
թեգերը:
հայ, Արևմտյան Հայաստան, Նաիրի Հոխիկյան, Թուրքիա, համշենահայերեն
Ըստ թեմայի
Հայկական եկեղեցին` ոչխարների փարախ. ինչպես Խարբերդի հայերը փրկեցին մշակութային կառույցը
Միրանը համբուրում է Մայր տաճարի դուռը, բայց չի խաչակնքվում. ինչո՞ւ է նա պահպանում Անին
Ամասիացի Օհանը և մյուսները․ ինչու են թուրք գրողները խոսում Արևմտյան Հայաստանի հայերի մասին
Նիկոլ Փաշինյանը Արցախում

Արցախում մոտ 600 մարդ է շփվել Փաշինյանի հետ․ իշխանական թիմը թեստավորվում է. «Հրապարակ»

4
(Թարմացված է 10:01 02.06.2020)
«Հրապարակ» թերթն անդրադարձել է Նիկոլ Փաշինյանի և նրա ընտանիքի անդամների` կորոնավիրուսով վարակվելու թեմային և գրել, որ առավել անհանգիստ են Փաշինյանի հոր՝ 80-ամյա Վովա Փաշինյանի համար, ով այժմ բնակվում է կառավարական տանը։

ԵՐԵՎԱՆ, 2 հունիսի – Sputnik. Երեկ` հունիսի 1–ին  հայտնի դարձավ, որ վարչապետն ու իր ընտանիքի անդամները վարակվել են կորոնավիրուսով։ «Հրապարակն» իր այսօրվա համարում անդրադարձել է այդ թեմային` նշելով, որ իշխանական թևը թեստավորում է անցնում։

«Համացանցում գրում էին, թե չեն հավատում դրան։ Մանավանդ երբ երեկոյան Փաշինյանը մասնակցեց ամենօրյա բրիֆինգին, ավելի խորացան կասկածները»,–գրում է թերթը։

Նրանց տվյալներով` երեկ իշխանական թիմը թեստավորվում էր։ Նույնն անում էին Արցախում, որտեղ Արայիկ Հարությունյանի երդմնակալությանը մոտ 600 մարդ էր շփվել ՀՀ վարչապետի հետ։

«Իսկ Փաշինյանի ընտանիքում հատկապես անհանգիստ են հոր՝ 80-ամյա Վովա Փաշինյանի համար, ով այժմ բնակվում է կառավարական տանը։ Նա տարիներ առաջ ծանր հիվանդություն է տարել և վարակի ռիսկային խմբում է»,-գրում է թերթը:

44 օր վերակենդանացման բաժանմունքում. 47-ամյա կինը հաղթահարել է կորոնավիրուսը

Հիշեցնենք` հունիսի 1–ի վաղ առավոտյան Facebook-ի իր ուղիղ եթերի ընթացքում ՀՀ վարչապետ Նիկոլ Փաշինյանը  հայտնեց, որ իր և ընտանիքի անդամների մոտ կորոնավիրուս է հաստատվել։ Նրա խոսքով` որևէ ախտանիշ չեն ունեցել, ամեն օր աշխատանքի մեկնելուց առաջ ջերմաչափվել է, ջերմություն չի ունեցել։

Հիշեցնենք, որ Հայաստանում կորոնավիրուսով վարակվածների թիվը հունիսի 1–ի դրությամբ 9492 է։

4
թեգերը:
թեստ, Իշխանություն, Լեռնային Ղարաբաղ, Արցախ, կորոնավիրուս, Նիկոլ Փաշինյան
Ըստ թեմայի
Փոխվարչապետ Մհեր Գրիգորյանը կորոնավիրուսի թեստ չի հանձնի. ախտանիշներ չկան
Հայտնի է Արցախի նախագահի կորոնավիրուսի թեստի պատասխանը
Կորոնավիրուսը բուժող դեղ Հայաստանում չի փորձարկվում. ինչ է իրենից ներկայացնում «Հելթ թոնը»