Արարատ 73

«Մեկ-զրո, օգուտ քեզ, Իշտոյանի կնիկն ես». «Արարատ-73»-ի լեգենդը 72 տարեկան է

316
(Թարմացված է 19:47 31.10.2019)
«Արարատ-73»-ի լեգենդ ու ժողովրդական ֆուտբոլային հերոս Իշտոյանը շնորհավորանքներ է ընդունում։ Sputnik Արմենիայի սյունակագիր Արմեն Հակոբյանը հիշել է նրա փառքի ճամփան, որի ընթացքում անեկդոտներ էին հյուսվում։

Մհեր Մկրտչյանի մարմնավորած «Միմինոյի» հերոսը՝ դիլիջանցի Ռուբենը, ընկերոջը բացատրում էր, որ ստյուարդեսա Լարիսա Իվանովնան ամեն օր արտիստի է տեսնում, ակադեմիկոսի է տեսնում, Իշտոյանի՜ն է տեսնում, կարող է ձեռքով հպվել, դու ո՞վ էս նրա համար… Իշտոյանին է տեսնում:

Իրական փառքը տարիների հետ չի խամրում, իսկ ժողովրդական սիրո և բարի հիշողության շնորհիվ, նաև շարունակում է փայլել: Հայկական ֆուտբոլի առայժմ անհասանելի բարձրության՝ «Արարատ 73»-ի վառ աստղերից Լևոն Իշտոյանն այսօր ծննդյան 72-րդ հոբելյանն է նշում:

Ֆուտբոլիստի կարիերան բնօրրանը ներկայացնող «Շիրակում» սկսած Լևոն Իշտոյանը, իհարկե, իր լեգենդար թիմակիցների հետ նվաճել է ֆուտբոլային բարձունքներ՝ ԽՍՀՄ առաջնության արծաթե մրցանակ (1971թ.), ապա դարձել ԽՍՀՄ չեմպիոն ու գավաթակիր՝ պատմական 1973-ին, նաև կրկնակի գավաթակիր՝ 1975-ին:

Футболист Левон Иштоян
© Sputnik / Долягин
Լևոն Իշտոյան

Բայց հարցը միայն ֆուտբոլը կամ ֆուտբոլային նվաճումները չեն, որոնք, իհարկե, արժանի են գնահատանքի ու նաև գնահատվել են, թեկուզ տասնամյակներ անց՝ «Հայրենիքին մատուցած ծառայությունների համար» պետական պարգևով: Բայց հիմնականը, իհարկե, ժողովրդի սերն է, հարգանքն ու հիշողությունը: Թեպետ հիմա գուցե նաև ափսոսանքն այն կապակցությամբ, որ «Իշտոյանի ֆուտբոլային ակադեմիա»-ն, այնուամենայնիվ, վայել էր, որ հայրենիքում լիներ, այլ ոչ միայն հեռավոր ԱՄՆ-ում…

«Արարատ-73»-ի հարձակվողի ֆուտբոլային նվաճումների ու դրանց նրբերանգների մասին մարզական մեկնաբաններն ու գիտակները շատ ավելի բազմակողմանի ու կխոսեն, հնարավոր է նաև` արտահայտվել են տոնական առիթով:

Հետաքրքրականն այն համընդհանուր, առանց չափազանցության՝ ժողովրդական սերն էր, որի հորդուն ալիքների մեջ հայտնվեց Լևոն Իշտոյանը իր խփած անմոռանալի երկու գոլերից հետո:

Ինչն է հունից հանել «Փյունիկի» ֆուտբոլիստին. մանրամասներ հայկական ֆուտբոլի սկանդալից

ԽՍՀՄ գավաթի եզրափակիչ, «Դինամո» Կիև - «Արարատ» Երևան, խաղի վերջին րոպեն է, ու 1:0` հօգուտ մրցակցի: Եվ Լևոն Իշտոյանը գոլ է խփում՝ 1:1… Ըստ կարգի՝ լրացուցիչ ժամանակ, ու Լևոն Իշտոյանը նաև երկրորդ ու հաղթական գոլն է խփում: Այդքան երկար սպասված հաղթանակ ու աներևակայելի ցնծություն: Մի՞թե այդ ուրախությունն ու այն պարգևելուն անմիջական մասնակցություն ունեցած, այն արարած մարդուն հայրենակիցները կարող են մոռանալ:

Իշտոյանի համբավը ոչ միայն կինեմատոգրաֆում է արձագանքվել, այլև ժողովրդական բանահյուսության մեջ: Մասնավորապես, այն նրբերանգով, որ Իշտոյանը դիտվել է, այսպես ասենք, ցանկալի փեսացու՝ շատ օրիորդների համար: Ու այդ տրամադրությունն արտացոլվել է «Մեկ-զրո, օգուտ քեզ, Իշտոյանի կնիկն ես» հանգավորված տարբերակով:

Իսկ հայկական ֆուտբոլային փառքի օրերին նաև սրամիտ անեկդոտներ էին հորինում` ասելով, թե «Բարեկամության ձեռքեր» հուշարձանը (պաշտոնապես բացվել է 1967-ին) ապամոնտաժելու են, տեղը Իշտոյանի ոտքերի արձանը տեղադրեն:

Հա, ու պատմում էին նաև, թե պատմական եզրափակչից հետո, Պելեն վազելիս է եղել Ռիո դե Ժանեյրոյի փողոցներով ու բացականչել՝ ես Իշտոյանն եմ, Իշտոյանն եմ…

Ամեն ժամանակաշրջան, իհարկե, իր հերոսներն ու նկատելի կերպարներն է ունենում: Կարևորը, որ ժամանակի հետ մարդիկ մոռացության չմատնեն: Լևոն Իշտոյանի բախտն այդ առումով, կարելի է ասել, բերել է: Մարդիկ հիշում են, իսկ այսօր նաև շնորհավորում տարեդարձի առթիվ: Ու մենք էլ միանում ենք այդ շնորհավորանքներին:

«Պատանի հայ ֆուտբոլիստները կարող են հայտնվել Պորտուգալիայի սուպեր լիգայում». Ղասաբօղլյան

316
թեգերը:
Լևոն Իշտոյան, ծնունդ, ֆուտբոլ
Ըստ թեմայի
Ֆուտբոլ` առանց մրցակիցների. ինչո՞ւ Անդրեասյանին թույլ չտվեցին խաղալ Չիլիում
Անվախ դարպասապահը. ինչպես Ալյոշա անունը դարձավ հայկական ֆուտբոլի խորհրդանիշը
«Խելահեղ» Ֆալյանը. մարզիչ, որը ստեղծեց ոսկե «Արարատի» հիմքը
Փաշինյանի մանկությունն ուղեկցվել է այդ անունով. վարչապետը շքանշան հանձնեց Սիմոնյանին
Մարտունին հրետակոծությունից հետո

Ադրբեջանի սանձազերծած պատերազմում յուրաքանչյուր զոհ Ալիևի և Էրդողանի խղճին է. Շենդերովիչ

184
(Թարմացված է 21:38 30.09.2020)
​Եկեք անկեղծ լինենք։ Մենք՝ հայերս, միշտ էլ շատ մեծ նշանակություն ենք տվել այն հանգամանքին, թե ինչ են ասում մեր մասին, մեր պատմության մասին, մեր մասնակցությամբ ծավալվող իրադարձությունների մասին։
Վիկտոր Շենդերովիչ. «Ալիևը և Էրդողանը նոր պատերազմ են սանձազերծել, և այդ պատերազմում յուրաքանչյուր զոհվածը, որ կողմից էլ լինի՝ նրանց խղճին է»

Հիշենք թեկուզ,  թե Ղարաբաղյան շարժման սկզբին ինչպես էինք ջանադրաբար փորձում համոզել բոլորին, որ էքստրեմիստներ չենք և Արցախը միշտ էլ հայկական է եղել։

Հիմա էլ դժգոհ ենք, երբ ՄԱԿ-ի Անվտանգության խորհուրդը ոչինչ չասող բանաձեւ է ընդունել, որտեղ փաստորեն հավասարության նշան է դրել և կոնկրետ չի ասել՝ բա լավ, այս ռազմական գործողությունները ով է նախաձեռնել։ Կարծես թե, եթե ասեր, ինչ-որ բան կփոխվեր և հրահրողը գետինը կմտներ։

​Եվ այնուամենայնիվ, այո, միշտ էլ հետաքրքիր է, թե ինչպես է մեզ հետ կատարվողը ընկալվում դրսում, թեկուզ ոչ թե միջազգային կազմակերպությունների, այլ պարզապես, այսպես ասեմ, զուտ մարդկային, անձնական մակարդակով, մանավանդ եթե այդ անձը բավական հայտնի է։ Խոսքն իհարկե արտերկրում ապրող հայազգի գործիչների մասին չէ՝ նրանք, բնականաբար, գիտեն, թե իրականում ինչ է կատարվում և ամեն կերպ փորձում են ճշմարտությունը հասցնել նաև նրանց, ովքեր այնքան էլ լավ պատկերացում չունեն հայ-ադրբեջանական հակամարտության և առճակատման այսօրվա սրման պատճառների մասին։
​Այսօր թույլ տվեք անդրադառնալ ռուսաստանցի հայտնի գրող և երգիծաբան Վիկտոր Շենդերովիչի դիրքորոշմանը։ Մի քանի օր առաջ, երբ սկսվեցին ռազմական գործողությունները մեր տարածաշրջանում, Շենդերովիչը արտահայտեց իր կարծիքը, որը, բնականաբար, միանշանակ չընդունվեց, մանավանդ ադրբեջանցիների կողմից։ Ինչ ասես ասացին՝ դու ոչ մի բան չես հասկանում, քիթդ մի խոթիր, պատմությունը մի աղավաղիր և այլն։

«Նույնիսկ գրել ես՝ Ադրբեջանը հարձակվել է Հայաստանի վրա, երբ է Ադրբեջանը հարձակվել Հայաստանի վրա, խոսքը Լեռնային Ղարաբաղի մասին է, որը ճանաչված չէ Հայաստանի կողմից», ասել էին Շենդերովիչին մեղադրողները։

Զոհվածների ցուցակում հայտնված ևս երեք զինծառայողներ ողջ են

​Ճիշտն ասած, բոլորովին մտադիր չեմ փաստարկներ բերել Շենդերովիչի օգտին և փաստել, որ հենց երեկ ադրբեջանցիները, այո, հարձակվել էին Հայաստանի վրա, հարվածել  Գեղարքունիքի մարզի բնակավայրերին և խոցել մի ավտոբուս։ Պարզապես լսենք Շենդերովիչի մեկնաբանությունը. «Ես գրել էի՝ Ադրբեջանը հարձակվել է Հայաստանի վրա, ինչից հետո մի հինգ տասնյակ մեկնաբաններ սկսեցին ուրախությամբ ինձ երեսով տալ, վկայակոչելով աշխարհի քաղաքական քարտեզը։ Այո, ֆորմալ տեսակետից ավելի ճշգրիտ կլիներ գրել՝ ադրբեջանցիները հարձակվել են հայերի վրա։ Բայց չէ որ Ղարաբաղում կռվող թե ադրբեջանցիների, թե հայերի թիկունքում շատ կոնկրետ պետություններ են, և ես առաջարկեցի իրերը կոչել իրենց անուններով, և կոչեցի՝ մենք հո ՄԱԿ-ում չենք, որ կաշկանդված լինենք պաշտոնական ձևակերպումներով։

Շենդերովիչը շարունակում է. «Ինձ ուղղված մյուս մեղադրանքը՝ ռուսաստանցի մտավորականներն ավանդաբար Հայաստանի կողմից են, մի շարք հանգամանքներով է պայմանավորված։ Կարծում եմ՝ հանգամանքներ ասելով, ինձ մեղադրողները նկատի ունեն այն իրողությունը, որ հայերին և ռուսաստանցի մտավորականների մի մասին միավորում է քրիստոնեությունը։ Եթե այդպես է, ես չէ, որ պիտի դատեմ՝ ես նույնքան քրիստոնյա եմ, որքան մահմեդական»: Շենդերովիչն ակնարկել է, որ ինքը հրեա է։

​Խոսելով Ղարաբաղյան հակամարտության մասին, Շենդերովիչը խոստովանել է՝ այդ արճակատման իմ ընկալման վրա ազդում է հայերի ցեղասպանության մասին հիշողությունը։ Ղարաբաղը հին հայկական հող է, բայց ադրբեջանցու համար, որին անցած դարի 90-ականներին տեղահանեցին իր տնից, դա իր հողն էր, իր հոր և պապու հողը։ Նույն կերպ էլ հայն է այդ հողն իրենը համարում։ Եվ միակ բանը, որը կարելի է այսօր անել՝ հին վերքերի վրա աղ չցանելն է։ Ալիևը և Էրդողանը հենց դրանով են զբաղված՝ նրանք նոր պատերազմ են սանձազերծել  և այդ պատերազմում յուրաքանչյուր զոհվածը, որ կողմից էլ լինի՝ նրանց խղճին է։

«Զինկոմիսարիատում չընդունեցին` եկա այստեղ». Հայաստանում կանանց գումարտակ է ստեղծվում

184
թեգերը:
Զոհ, Պատերազմ, Թուրքիա, Ադրբեջան, Արցախ, Հայաստան
թեմա:
5 րոպե Դուլյանի հետ
Ըստ թեմայի
«Մենք դրանց ցույց կտանք». Վարդենիսի գյուղերում պատրաստ են պատերազմին
«Փաստացի` մենք վարում ենք 5-րդ սերնդի պատերազմներին բնորոշ գործողություններ». Հովհաննիսյան
Այս պատերազմն ավարտվելու է Ադրբեջանի բանակի լիակատար ոչնչացմամբ. Արարատ Միրզոյան
Սամվել Կարապետյանը դիմել է ՌԴ հայկական ու ադրբեջանական համայնքների ներկայացուցիչներին
Ալիևն ու Էրդողանը, արխիվային լուսանկար

Ինչու է Թուրքիան այս անգամ այդքան ակտիվորեն սատարում Ադրբեջանին

636
(Թարմացված է 14:27 30.09.2020)
​Եկեք անկեղծ լինենք։ Նման ակտիվ մասնակցություն հայ-ադրբեջանական հակամարտությանը Թուրքիան դեռ երբեք չի ունեցել։ Իհարկե, Անկարան միշտ էլ սատար է կանգնել Բաքվին, բայց այս տարվանից երկու երկրների համագործակցությունը, մանավանդ ռազմական բնագավառում, նոր մակարդակի է հասել։
Ինչու է Թուրքիան այս անգամ այդքան ակտիվորեն սատարում Ադրբեջանին

Ինչպես վկայում է «Դեր Շպիգել» գերմանական պարբերականը, ամռանը Ադրբեջանի տարածքում տեղի ունեցան երկու երկրների համատեղ զորավարժությունները և մասնագետները կասկածներ ունեն, որ այն տեխնիկան, որը Թուրքիան բերել էր Ադրբեջան, այդպես էլ հետ չտարվեց, մնաց Ադրբեջանի տարածքում ու հիմա օգտագործվում է հայկական կողմի դեմ ռազմական գործողությունների ժամանակ։ Թուրքերն, իհարկե, այս տեղեկությունները հերքում են, հերքում է նաև Ադրբեջանը, բայց, համաձայնեք՝ պատերազմական գործողությունների ժամանակ հերքումներին շատ դժվար է հավատալ։

​Ավելի լուրջ կասկածներ կան։ Որոշ աղբյուրներ պնդում են, որ Թուրքիան Ադրբեջան է բերում սիրիացի ապստամբներին, որոնք Իդլիբ նահանգում փորձում են շարունակել պայքարը Սիրիայի նախագահ Բաշար Ասադի դեմ։ Պարզապես մեջբերեմ «Գարդիան» բրիտանական թերթի վկայությունը. «Սիրիացիները, որոնք բնակվում են ապստամբների կողմից վերահսկվող Իդլիբ նահանգում, հայտարարել են, որ թուրքական մի ընկերություն իրենց շրջանում կամավորների հավաքագրում է կազմակերպել՝ Ադրբեջանի սահմանների և ռազմավարական նավթային օբյեկտների պահպանության համար։

«Գարդիանի» տվյալներով՝ որոշ սիրիացիներ արդեն պայմանագրեր են ստորագրել։ Ընդ որում՝ լոնդոնյան թերթի թղթակիցը զրուցել է սիրիացիների հետ, որոնցից երեքը շատ կոնկրետ մանրամասներ են հայտնել, ասելով, որ նման պայմանագրերի կնքումը իրենց համար մեծ հաջողություն է, որովհետև մի քանի տարի տևած պատերազմից հետո Սիրիայում աշխատանք ճարելը բավական դժվար գործ է։ Այդ կամավորները նաև կոնկրետ թվեր են բերել, ասելով, որ իրենց հետ պայմանագրեր կնքած ընկերությունը դեռ մի ամիս առաջ է սկսել հավաքագրումը՝ խոստանալով կամավորներին տեղափոխել նախ Թուրքիա, հետո էլ Ադրբեջան և երեքից մինչև վեց ամիս ծառայության համար վճարել 700-ից 1000 դոլար, իսկ դա մեծ գումար է, հաշվի առնելով, որ Ասադի կառավարության դեմ պայքարելու համար թուրքական իշխանությունները ապստամբներին վճարում են ամսական ընդամենը 50, առավելագույնը 70 դոլար։

Հայաստանի տարածքում թուրքական ինքնաթիռի խոցած ՍՈւ-25-ի զոհված օդաչուն ռուս է

​Բրիտանական լրատվամիջոցի վկայությամբ, ըստ որոշ տեղեկությունների, մոտ 500 սիրիացի կամավորներ, այդ թվում՝ երկու դաշտային հրամանատարներ, արդեն ժամանել են Ադրբեջան և դրա անհերքելի ապացույցն են տեսանյութերը, որտեղ սիրիացի կամավորները մեքենաներով երթևեկում են Ադրբեջանի ճանապարհներով, երգելով իրենց մարտական երգերը։ Ընդ որում՝ ճանապարհային նշաններից հստակ երևում է, որ դա հենց Ադրբեջանի տարածքում է կատարվում։​

Բայց դառնանք Թուրքիային։ Ինչու են այս անգամ այդ երկրի իշխանությունները որոշել այսքան ակտիվորեն ներգրավվել հայ-ադրբեջանական հակամարտության մեջ։

Տարբեր աղբյուրներ տարբեր պատճառներ են վկայակոչում։ Նախ, փաստում են վերլուծաբանները, վերջին տարիներին նախագահ Էրդողանի արտաքին քաղաքականությունը գնալով ավելի ու ավելի ագրեսիվ է դառնում։ Դա երևում է Սիրիայում, Լիբիայում և Միջերկրական ծովում, որի արևելյան հատվածում Թուրքիան պայքարում է գազի պաշարների համար։ Հիմա էլ Անկարան ակնհայտորեն ցանկանում է ուժեղացնել իր ազդեցությունը Կովկասում։

Փորձագետներն ասում են, որ երկրորդ պատճառը Թուրքիայի տնտեսության վատթարացող վիճակն է։ Լիրան արժեզրկվում է։ Պարզ չէ, թե որքան կշարունակվի այդ գործընթացը և ինչ հետևանքների կհանգեցնի։ Բայց ես հո հիշում եմ, որ տարիներ առաջ Ստամբուլում էի և նույնիսկ տաքսիով հյուրանոցից հայկական եկեղեցի գնալու համար միլիոններ էի վճարում։ Հետո էլ այդ միլիոնանոց թղթադրամները Երևանում բաժանում էի որպես արտառոց հուշանվեր՝ դրանք արժեք չունեին՝ մեկ միլիոն լիրան ընդամենը մի քանի դոլար էր։

Թուրքիան պատճառ է փնտրում, որ իր զորքը Նախիջևան մտցնի. Փաշինյանի հարցազրույցը Россия 1–ին

Բոլոր դեպքերում «Դեր Շպիգելը» փաստում է՝ «Ներքին քաղաքականության բնագավառում նախագահ Էրդողանը ավելի ու ավելի մեծ ճնշումներ է զգում։ Թուրքական տնտեսությունն արդեն մի քանի ամիս է, ինչ ճգնաժամ է ապրում։ Համապետական հարցումների համաձայն՝ Էրդողանին այլևս բնակչության մեծ մասը չի պաշտպանում։ Եվ, Ադրբեջանին սատարելով, նա կարող է շահել պահպանողական ընտրողների համակրանքը՝ 2023 թվականին կրկին վերընտրվելու համար»։

636
թեգերը:
Ընտրություններ, Պատերազմ, Սահման, Ռեջեփ Թայիփ Էրդողան, Ադրբեջան, Իլհամ Ալիև, Թուրքիա, Հայաստան
թեմա:
5 րոպե Դուլյանի հետ
Ըստ թեմայի
«Մենք Թուրքիան չենք»․ Զախարովան խոսել է ղարաբաղյան խնդրում Ռուսաստանի դերի մասին
Հանցագործություն է. «Լազարյան ակումբը» քննադատել է թուրք–ադրբեջանական ագրեսիան
Թուրքիան բացառապես ուժի լեզուն է հասկանում. ինչ սպասել ՄԱԿ-ի ԱԽ քննարկումներից
Պետք է չեզոքացնել թուրք-ադրբեջանական մտադրությունները. ՀԱՊԿ-ում ՀՀ ներկայացուցիչ

Ինչպես պետք է լուծել Ղարաբաղյան հակամարտությունը

0
0