Արմինե Հարությունյան

Անկառավարելի նախանձ, կամ Gucci–ի ցուցադրությանը մասնակցած հայուհին շատ բան բացահայտեց

1049
(Թարմացված է 07:12 30.09.2019)
Անցած շաբաթ հանրությանն ուրախացրեց Արմինե Հարությունյանը` Gucci–ի ցուցադրությանը մասնակցած առաջին հայը։ Ավելի ճիշտ` տխրեցրեց այդ աղջկան նախանձողների հոծ բազմությունը. չի կարելի, տգեղ է։

Ինչպես ասում էր Սպինոզան, նախանձ մարդը դժբախտ է, երբ ուրիշն է երջանիկ, և երջանիկ է, երբ ուրիշն է դժբախտ։ Նախանձը, որկրամոլության և այլ մահացու մեղքերի պես, առաջացել է Homo erectus–ի մոտ, այսպես կոչված, բանականության առաջացման հետ, նրա հետ էլ կվերանա։

Այդ պատճառով պատմության մեջ չենք խորանա, կսահմանափակվենք մեկ սերնդի կյանքը ներկայացնելով։ Սկզբում նախանձ մարդիկ նախանձում էին այլ երկրներին. այնտեղ կային ջինսեր, երշիկի հարյուր տեսակ, տարբեր ապրանքանիշների փայլուն մեքենաներ, աշխարհով մեկ առանց վիզայի շրջագայելու հնարավորություն և, որ ամենակարևորն է, ազատություն։ Ինչ է «ազատությունը»` ոչ ոք չէր հասկանում, սակայն նախանձում էին, այդ պատճառով յուրաքանչյուրն իր համար որոշեց, թե «ազատությունն» ինչ է։

Եկավ այն օրը, երբ վաճառասեղաններին հայտնվեցին  ջինսեր և տարատեսակ երշիկներ, շուրջբոլորը` թանկարժեք ջիպեր։ Նրանք, ովքեր բացի նախանձից կարողանում էին ինչ–որ բան անել, սկսեցին երշիկ ուտել, բուրել նույն Gucci–ի օծանելիքի բույրով և Անտիլյան կղզիներ մեկնել «յագուարներով»։

Սակայն նմաններն, իհարկե, եզակի են, իսկ  նախանձ մարդկանց հիմնական զանգվածը սկսեց «դժբախտ զգալ իրեն՝ տեսնելով ուրիշի երջանկությունը»։ Բայց ոչ միայն, կա նաև մեկ այլ էմոցիա. «երջանիկ լինելու» սուր զգացում, երբ տեսնում ես «ուրիշի դժբախտությունը», քանի որ հիմնական զանգվածը ինչպես գնում էր երշիկի մեկուկես տեսակ, այնպես էլ շարունակում է գնել, թեև հիմա արդեն՝ ջինսերով, վիզա ստացած, բայց կղզիներ մեկնել չի կարողանում, քանի որ գումար չունի, իսկ փայլփլող լիմուզիններից լավագույն դեպքում 20-ամյակը բոլորած «Օպել» է բաժին հասել նրանց։

Բացի դրանից էլ այդ անհասկանալի «ազատությունը»...

Ոչ մեկին չբացատրեցին, թե իրականում ինչ են անում այդ ազատության հետ, այդ պատճառով էլ նախանձներն ու մյուս մեղսավորները շարունակեցին ընկալել այդ վերացական հասկացությունը սեփական հնարավորությունների սահմանում։ Քանի որ երշիկների, «յագուարների» և զբոսանավերի տերերի համեմատ իրենք իրենց զրկված էին զգում, ապա որոշեցին, որ ազատությունն այդ ամենին տիրանալու մեջ է։

Սակայն այդ ամենը ստեղծելու կարողությունը ինչպես չկար, այնպես էլ չեղավ, ստիպված եղան նախանձել «ազատներին»։ Իսկ նախանձների ամբոխը լավագույն զենքն է տարատեսակ «հեղափոխականների» և «ընդդիմադիրների» համար, նրանց նախանձը կարելի է արդյունավետ օգտագործել։

Ինչը և հիմա տեղի է ունենում. երկիրը կառավարում է ինչ-որ կառավարություն, և որոշ ժամանակ անց, երբ «ընդդիմությունը» ֆինանսներ և ուժ է գտնում, սկսում է խաղալ զանգվածների նախանձի վրա, ճնշել նրանց. իբր, այ մենք կգանք, և ամեն ինչ արդար կլինի,  ձեզանից գողացածները հետ կվերցնենք այն, ինչ գողացել են, և բոլորի համար լավ կլինի։

Նման հայտարարությունների առանցքային բառերն են` «հետ կվերցնենք» և «լավ կլինի», ընդ որում` երբեք ոչ ոք չի խոստանում, որ հետ վերցրածը կբաժանի նախանձներին։ Սակայն վերջիններս արձագանքում են միայն առանցքային բառերին և ապարդյուն  սպասում, թե երբ նրանց կսկսեն բաժանել այդ «հետ վերցրածը»։  10 տարի սպասելուց հետո ևս մեկ «ընդդիմություն» է հասունանում, և ամեն ինչ նորից է սկսվում։ Եվ երբեք ոչ ոք չի բացատրում, թե ինչ  է «ազատությունը» և ինչ անել այդ «ազատության» հետ։

Սակայն նախանձը, ինչպես և որկրամոլությունը, օբյեկտ է պահանջում, որին պետք է նախանձել և/կամ որը պետք է ուտել։ Իսկ քանի որ, օրինակ, նախանձ կանայք նախանձում են հաջողակ (կամ ամեն ինչին սեփական ուժերով հասածներին)  կանանց, որևէ բանով այդ հարցում տղամարդկանցից չտարբերվելով, ապա օգտագործում են, մասնավորապես, գեղեցկության սրահ և պլաստիկ վիրաբույժներին այցելելու ազատությունը։

Վիրաբույժները բավարարում են այն պացիենտների քմահաճույքները, որոնք կարծում են, թե երջանկությունը կթակի իրենց դուռը, երբ իրենց շուրթերում, կրծքերում, ազդրերում կամ հետույքում կներարկեն հսկայական ծավալի սիլիկոնային գել։ Նրանք սկսում են նմանվել Դոնալդ Դաքին և նստում են թախտին ու սպասում բախտին։ Իսկ ժամանակը սպանում են սոցցանցերում։

Եվ հանկարծ նման ստորություն։ Արմինե անունով մի աղջիկ, որն իր մեջ սիլիկոնի և ոչ մի գրամ չի ներարկել, անհեթեթ դաջվածք չի արել ուսին և թիթեռնիկ չի նկարել աջ ազդրի վրա, նրանց փոխարեն հայտնվում է պոդիումին, այն էլ ի՜նչ պոդիումի...

Այստեղ դուրս է ժայթքում  նախանձը, և սկսում են սոցցանցերում մեկնաբանություններ գրել։ «Չէ՞ որ ես Donald Duck–ն եմ, ձեռքիս «բակա» հիերոգլիֆն է դաջված», – գրում են նրանք։ Այնուհետև, բնականաբար, էմոցիոնալ քննադատական նկատողությունների շարք է գնում, և կարևոր չէ, որ բռնցքամարտիկի ձեռնոցների նման ուռած շուրթերով տիկնոջից ուրիշի արտաքինի նկատմամբ գնահատական հնչեցնելը առնվազն ծիծաղելի է։  

Սակայն միևնույն ժամանակ միայն եզակիները կմտածեն երկրորդ անգամ պլաստիկ վիրաբույժին (լայն իմաստով) այցելել` ասելու. «Եղբայր, հետ բեր այն, ինչ կար»։

Հանուն արդարության պետք է նշել, որ կան բազմաթիվ մարդիկ, որոնք անկեղծ ուրախանում են Արմինեի համար, իսկ դա նշանակում է, որ կա հույս, որ դեռ ամեն ինչ կորած չէ։

1049
թեգերը:
Gucci ապրանքանիշ, Instagram, Facebook, հայ, մոդել, Արմինե Հարությունյան
Ըստ թեմայի
Թափանցող կրծքեր ու մերկ ոտքեր. ուկրաինական նորաձևության շաբաթվա ամենավառ կերպարները
Այ քեզ բան. Facebook-ը ճակատագրեր է կապելու, սպորտային բրենդը` իր ժամացույցը, իսկ ծալվող սմարթֆոնը «թռցրել» են
Սկանդալային շիկահեր Լիլի Մորտոն վերադառնում է «Women’s Club»
Ալֆրեդ Տեր–Մկրտչյանն Օլիմպիական խաղերում

Շվեյցարիայի հավաքականի հայ մարզիչը. որ խորհուրդներն են առաջնորդել Ալֆրեդ Տեր-Մկրտչյանին

114
(Թարմացված է 09:04 29.05.2020)
Անվանի ըմբշամարտիկ, աշխարհի ու Եվրոպայի չեմպիոն, ԽՍՀՄ-ի և Գերմանիայի դրոշների ներքո հանդես եկած Ալֆրեդ Տեր-Մկրտչյանը Sputnik Արմենիայի հետ զրուցում պատմել է ամենահիշվող մրցաշարի, օլիմպիական խաղերի եզրափակիչում ձախողման պատճառի մասին, հիշել զավեշտալի մի դեպք։

Խաչիկ Չախոյան, Sputnik Արմենիա

90-ականների սկզբին հունահռոմեական ոճի ըմբշամարտիկ Ալֆրեդ Տեր-Մկրտչյանը համաշխարհային մակարդակի յուրաքանչյուր մրցաշարում հաղթողի հիմնական հավակնորդներից մեկն էր: Իսկ 1992 թվականի օլիմպիական եզրափակիչը կարող էր լրիվ այլ ազդեցություն ունենալ հետագայում բազմաթիվ տիտղոսներ նվաճած ըմբշամարտիկի համար:

Չմոռացվող գոտեմարտը

1992 թվականի Բարսելոնայի օլիմպիական խաղերում Ալֆրեդ Տեր-Մկրտչյանը շատ մոտ էր բաղձալի երազանքին՝ օլիմպիական ոսկե մեդալին: Եզրափակչում նորվեգացի Յոն Ռյոնիգենի հետ մրցելիս` հայ ըմբիշը որոշեց չգրոհել, ռիսկի չդիմել և վերջին վայրկյանին բաց թողեց մրցակցի գրոհն ու պարտվեց։

Выступающий за Германию борец Альфред Тер-Мкртчян (в красном) и кореец Квон-Хо Сим во время греко-римской борьбы (54кг) на Олимпийских играх (25 сентября 2000). Сидней
© AFP 2020 / KIM JAE-HWAN
Ալֆրեդ Տեր–Մկրտչյանը Եվրոպայի առաջնությունում

«Ոչ մի ըմբիշի չեմ ցանկանա` այնպիսի զգացումներ ունենա, ինչպիսին ես ունեցա եզրափակիչ գոտեմարտից հետո: Համոզված եմ, որ նման զգացում ունեցել է լեգենդար ըմբիշ Ալեքսանդր Կարելինը, որը պարտվել է Սիդնեյի օլիմպիական խաղերի եզրափակչում»,- ասում է Ալֆրեդը:

Ճիշտ է, դա Կարելինի 4–րդ ոսկե մեդալը կլիներ օլիմպիադաներում, բայց մարզիկը կարծում է, որ այդ պարտությունը ևս մեծ ցավ պատճառել նրան։

Սթրես, վթարներ ու վերադարձ

Օլիմպիադայի եզրափակիչում ցավալի պարտությունը շատ ծանր հետևանքներ ունեցավ Ալֆրեդ Տեր- Մկրտչյանի համար։ «Որոշել էի ավարտել մարզական կարիերաս: Գոտեմարտի վերջին վայրկյանը միշտ աչքիս առաջ էր: Երկու անգամ, մտքերով տարված, լուրջ ավտովթարի ենթարկվեցի: Կարելի է ասել, որ խաչ էի քաշել ըմբշամարտի վրա»,–պատմում է Ալֆրեդը:

Բայց Գերմանիայում ապրող նրա ծանոթները առաջարկում են մասնակցել տեղի ակումբային մրցաշարերին: Ու երբ մեկնում է Գերմանիա, նոր միջավայրը տրամադրում է կրկին մարզվելու, գորգը կրկին ձգում է, և նա վերադառնում է սիրած մարզաձևին։

Որոշիչ խորհուրդներ

Իր մարզական կարիերայում Ալֆրեդ Տեր-Մկրտչյանը մարզվել ու շփվել է շատ մարդկանց հետ, բայց, ինչպես ինքն է ասում` երբեք չի մոռանում որոշ խորհուրդներ, որոնք իրեն օգնեցինք ըմբշամարտում հաջողություններ հասնելու գործում։

Պատանեկան տարիքում մարզիչ Հրաչ Դադոյանն ասել է, որ առաջնայինը կարգապահությունն է, և պետք է գորգի վրա  հավասար պայմաններում բաց գոտեմարտել, այդ դեպքում արդյունքի հասնել հնարավոր է:

Հունահռոմեական ոճի ըմբշամարտի Հայաստանի հավաքականի նախկին գլխավոր մարզիչ Արամ Սարգսյանն էլ միշտ խորհուրդ է տվել չառանձնացնել ոչ մի մրցաշար, այլ յուրաքանչյուր գոտեմարտի դուրս գալ որպես սովորական մրցման:

«Եվ վերջապես հավաքների ժամանակ ես նույն սենյակում էի օլիմպիական չեմպիոն Մնացական Իսկանդարյանի հետ: Մի անգամ մարզումից հետո հոգնած եկա սենյակ, հագուստս ու պայուսակս գցեցի ու գնացի լողափ: Երբ հետ եկա, տեսա, որ Մնացականը իմ շորերը հանել է պայուսակից ու կախել, որպեսզի չորանան: Իմ մոտ անմիջապես փոխվեց վերաբերմունքը ամեն ինչի նկատմամբ», - ասում է Ալֆրեդը:

«Դավաճան» վերելակը

1992 թվականի Եվրոպայի առաջնության եզրափակիչ գոտեմարտերից առաջ որոշ ըմբշամարտիկներ կարող է և չներկայանային մրցումներին, որովհետև անհարմար վիճակի մեջ էին հայտնվել, որը հետո որպես զավեշտալի դեպք պետք է հիշեին։

Անփոխարինելի մարզիչը, կամ զգացողություն, որը հայ ըմբշամարտիկից «խլեց» օլիմպիական ոսկին

«Մենք 5-6 ըմբիշներով նստեցինք վերելակ, ընդ որում`մեզանից չորսը պետք է եզրափակչին մասնակցեին, ու վերելակը կանգնեց: Մոտ կես ժամ սպասում էինք, թե ո՞վ մեզ կօգնի դուրս գալ: Երբ վերջապես դուրս եկանք վերելակից, Միխայիլ Մամիաշվիլին գոռում էր բոլորիս վրա։ Բայց բարեբախտաբար հաջողվեց այլ երկրի հավաքականի ավտոբուսով հասանել մարզադահլիճ»,- հիշում է Տեր-Մկրտչյանը: Հենց այս մրցաշարում, եզրափակիչում հայ ըմբիշը, հաղթանակի հասնելով բուլղարացի Բրատան Ցենովի նկատմամբ, դարձավ Եվրոպայի չեմպիոն:

Շվեյցարիայի հավաքականի հայ մարզիչը

2017 թվականի հունվարից 3 ամիս գլխավորելով Շվեյցարիայի հունահռոմեական ոճի ըմբշամարտի հավաքականը` Ալֆրեդ Տեր-Մկրտչյանը պայմանագիր ստորագրեց շվեյցարացիների հետ ու մինչև օրս այդ երկրի հավաքականի գլխավոր մարզիչն է։

«2018 թվականի Եվրոպայի երիտասարդական առաջնությունում շվեյցացարցի երեք ըմբիշ գոտեմարտեցին բրոնզե մեդալի համար: Նման նախադեպ Շվեյցարիայում չէր եղել: Մեկ ամիս անց երիտասարդների աշխարհի առաջնությունում ունեցանք փոխչեմպիոն»,- ասում է Տեր- Մկրտչյանը և հավելում, որ փորձում է փոխել շվեյցարացիների հոգեկերտվածքը ըմբշամարտի հետ կապված:

Հայկական ըմբշամարտի ձեռագիրը

Այսօր աշխարհում հայտնի են հայ ըմբիշներից շատերը, գնահատված է հայկական ըմբշաարտի յուրահատուկ ձեռագիրը: Արմեն Նազարյանը Բուլղարիայի ազգային հավաքականի գլխավոր մարզիչն է, Ալֆրեդ Տեր- Մկրտչյանն էլ` Շվեյցարիայի: Ու, ընդ որում, այս երկու երկրների հավաքականները հաճախակի հավաքներ են անցկացնում Հայաստանի ընտրանու հետ։

«Ըմբշամարտի հայկական դպրոցի ձեռագիրը հայտնի է բոլորին: Մենք ունենք նաև յուրահատուկ ոճ, որը մեր ըմբիշներից շատերին ապահովել է հաղթանակ տարբեր կարգի մրցումներում: Դրա համար հայ ըմբիշների հետ մարզվելը միայն օգուտ է տալիս բոլորին»,–ասում է Տեր–Մկրտչյանը:

Հայաստանի միակ տիտղոսակիր եռացատկորդը. Մարտիրոսյանն օլիմպիադայում կանգնեց ուժեղների կողքին

Աշխարհի ու Եվրոպայի չեմպիոն, բազմակի մրցանակակիր, օլիմպիական արծաթե մեդալակիր Ալֆրեդ Տեր- Մկրտչյանի անցած ճանապարհը ըմբշամարտում ուսուցողական է շատ ըմբիշների համար: Նա ասում է` շատ կարևոր է, որ մարզիչը կարողանա հոգեբանորեն տրամադրել իր մարզիկին անել ավելին: Նրա խոսքով` մարզիչը նաև ուժեղ հոգեբան պետք է լինի: Կարճ ասած`եթե շվեյցարացի որևէ ըմբիշ ցանկանում է հասնել մեծ արդյունքների, ընդամենը պետք է լսի հավաքականի ազգությամբ հայ գլխավոր մարզչին:

114
թեգերը:
Շվեյցարիա, Օլիմպիական խաղեր, Եվրոպայի ըմբշամարտի առաջնության, Ըմբշամարտի աշխարհի առաջնություն, ըմբշամարտիկ, Ալֆրեդ Տեր-Մկրտչյան
Ըստ թեմայի
Մրցավարներն առնվազն 5 մեդալ են «խլել» հայ ըմբիշից, կամ ինչպես գորգին հայտնվեցին 3 մարզիկ
Հայաստանի հավաքականի առաջին գոլը պաշտոնական խաղերում. ինչ «ավանդույթ» ուներ մեր ընտրանին
«Ռուսական հայ» Պոդշիվալովի արկածները Երևանում, կամ ինչու հեռացրին մարզիչ Անդրեասյանին
Եթովպիա

Այբուբենների նմանություն, Կոմիտասի ազդեցություն, հոգևոր կապեր. հայկական հետքը Եթովպիայում

252
(Թարմացված է 00:04 29.05.2020)
Եթովպիայի հայությունն աներևակայելի հարուստ պատմություն ունի։ Բազմաթիվ պատումներ կան պալատական հայերի և եթովպական մշակույթի վրա նրանց ունեցած ազդեցության մասին։ Sputnik Արմենիան ի մի է բերել դրանք։

Հայաստանի և Եթովպիայի լեռների միջև հեռավորությունը 3466 կմ է՝ ուղիղ գծով գնալու և Կարմիր ծովը կտրելու դեպքում։ Իհարկե, խելագար միտք է, բայց այդ երկրում հայկական հետք ունեցող բազմազան պատմությունները հետաքրքրություն են առաջ բերում և դրդում են ճամփորդել, ճիշտ է՝ հիմա միայն համացանցի սահմաններում։ Ի դեպ, երկու երկրների ժողովուրդների միջև անհավատալի նմանություններ կգտնեք, կան նաև մի շարք առասպելներ, որոնց մասին էլ այսօր կպատմենք։

Պետական տոները

Հայաստանում մայիսի 28-ին պետական տոն են նշում։ Դարեր շարունակ առանց պետականության մնացած հայ ժողովուրդը 102 տարի առաջ այս օրը հռչակեց Հայաստանի առաջին հանրապետությունը։ Համայն աշխարհի հայերը հիշում են Սարդարապատի, Բաշ-Ապարանի, Ղարաքիլիսայի ճակատամարտերի հերոսներին։ Այդ մարտերը կենաց ու մահու կռիվ էին։

Аддис Абеба
Ադիս Աբեբան

Իսկ Եթովպիայում մայիսի 28-ը համարվում է 1991 թվականի քաղաքացիական պատերազմի ավարտի օր և դեմոկրատական հանրապետության հաստատումը նշանավորող Ազգային տոն։

Երկու երկրների փոխհարաբերությունները

Եթովպիայի հայերի մասին հիշատակումներ կարելի է գտնել Մովսես Խորենացու աշխատություններում։ «Հայոց պատմության» մեջ նրա գրում է, որ դեռևս մ․թ․ա․ 12-րդ դարում Եթովպիայում առնվազն մեկ հայ էր ապրում՝ Զարմայր Նահապետը, որը Տրոյական պատերազմում եթովպական զորքերի հրամանատարն էր։ Այդ ժամանակներից էլ երկու երկրների միջև սերտ համագործակցություն է սկսվել, հատկապես առևտրի ոլորտում։ Ասում են նույնիսկ, որ հենց հայերն են առաջին անգամ արտահանել եթովպական սուրճը և տարածել Եվրոպայում։

Կրոնն ու եկեղեցական կապերը

Ավանդաբար երկու երկրների եկեղեցիները սերտորեն փոխկապակցված են, քանի որ երկուսն էլ հին արևելյան եկեղեցիների թվին են պատկանում և երկուսն էլ ստիպված են եղել պայքարել օսմանյան նվաճողների դեմ։ 15-րդ դարում հայոց սրբի՝ Գրիգոր Լուսավորչի և նահատակներ սուրբ Հռիփսիմեի և սուրբ Գայանեի վարքագրությունները թարգմանվել են հին եթովպական գեեզ լեզվով։ Եթովպական եկեղեցին տարին երեք անգամ նշում է Սուրբ Գրիգորի տոնը, մեկ անգամ էլ՝ Հռիփսիմեի և Գայանեի տոնը։

Կորուսյալ քաղաքի գանձերը. ինչ են հայտնաբերել Եթովպիայում

Էջմիածնում 14-15-րդ դարերի եթովպական ձեռագրերի հատվածներ են պահվում։ Հայաստանում ժամանակին հաճախ կարելի էր հանդիպել եթովպացի հոգևորականների։ 1867թ․-ին Եթովպիայում բացվեց հայկական կրոնական առաքելությունը։ Այդ ժամանակից ի վեր եկեղեցական կապերն ավելի աշխուժացան։ 1935 թ․-ին Ադիս Աբեբայի հայկական ժամատան տեղում հիմնադրվեց Սուրբ Գևորգ եկեղեցին։

Կոմիտասը և եթովպական երաժշտությունը

Տարբեր աղբյուրներ վկայում են, որ հայերը Եթովպիայում խոշոր առևտրականներ, զորահրամանատարներ, քաղաքական գործիչներ, դիվանագետներ, անգամ արտաքին գործերի, ֆինանսների և առևտրի նախարարներ են եղել։

Բայց առանձնահատուկ է հայերի ներդրումն այդ երկրի երաժշտական ժառանգության մեջ։ 20-րդ դարասկզբին Կոմիտասի աշակերտ Գևորգ Նալբանդյանն ապագա կայսեր՝ ռաս (իշխան) Թեֆերի Մաքոննենի հանձնարարությամբ գրում է երկրի օրհներգը, որը գործող հիմնն էր մինչև այնտեղ միապետական կարգի տապալումը։  

Оркестр армянских сирот в Эфиопии
official site of the Genocide museum institute
Հայ որբերից կազմված երգչախումբ Եթովպիայում

Նալբանդյանի հիմնած «Արբա Լիջոչ» («Քառասուն մանկունք») նվագախումբը Եթովպիայի փոփ-երաժշտության ստեղծագործությունների գրեթե կեսի հիմքն է դրել և աֆրիկյան երաժշտությանը կոմիտասյան տարրեր է միահյուսել։ Իսկ նրա եղբորորդին՝ Ներսես Նալբանդյանը, Ադիս Աբեբայում մանկավարժական գործունեություն էր ծավալում։ Արդյունքում ամենատարբեր՝ ֆոլկից մինչև էթնո-ջազ ժանրերում ստեղծագործող երաժիշտների մի ողջ սերունդ է դաստիարակվել մարդկանց կողմից, որոնք հայկական երաժշտության տեսություն էին սովորել անձամբ Կոմիտասի մոտ։

Кеворк Налбандян
© Photo :
Գևորգ Նալբանդյանը

Ազգային այբուբենները

Հայկական և եթովպական այբուբենների նմանության մասին տեղեկություններ կարելի է գտնել տարբեր աղբյուրներում։ Տեսքից դատելով` 8 տառի արտաքին համընկնում կարելի է հայտնաբերել՝ մի քանի տասնյակից։

Մասնագետները պնդում են, որ եթովպական նշանները նման են հայկական տառերին։ Սակայն այնտեղ ամեն նշանը մի վանկ է, մինչդեռ հայերենում յուրաքանչյուր տառը հստակ հնչյունի գրավոր նիշն է։ Ստացվում է, որ նմանություն որպես այդպիսին չկա։

Ինչպես Գևորգ Նալբանդյանը Եթովպիայի առաջին օրհներգը ստեղծեց ու կապիտան դարձավ

Բայց դա երկու երկրներին չի խանգարում շարունակել զարգացնել հարաբերությունները։ Ավելին՝ Հայաստանի իշխանությունները մտադիր են Եթովպիայում դիվանագիտական ներկայացուցչություն բացել, ինչի շնորհիվ բազմադարյա հարաբերությունները նոր շունչ կստանան։

252
թեգերը:
Եթովպիա, Հայաստան, Կոմիտաս
Ըստ թեմայի
Հայ լուսանկարիչների գերդաստանը, կամ ինչու հայերը փախան Եթովպիայից
Ինչպես 40 հայ որբեր Եթովպիայում կազմեցին կայսերական փողային նվագախումբը
Խաղաղության Նոբելյան մրցանակը շնորհվել է Եթովպիայի վարչապետին
«Սուրբ Աստվածամայր» ԲԿ

Արմավիրի կամրջից նետված 14-ամյա աղջկան վիրահատել են

0
(Թարմացված է 13:29 29.05.2020)
Բժշկական կենտրոնից Sputnik Արմենիային տեղեկություններ հայտնեցին անչափահաս աղջկա առողջական վիճակի մասին։

ԵՐԵՎԱՆ, 29 մայիսի — Sputnik. Արմավիրի «կարմիր» կոչվող կամրջից երեկ նետված 14-ամյա աղջկան «Սուրբ Աստվածամայր» ԲԿ-ում վիրահատել են և տեղափոխել դիմածնոտային բաժանմունք։ Տեղեկությունը Sputnik Արմենիային հայտնեց ԲԿ–ի խոսնակ Գևորգ Դերձյանը։

«Երեկ վիրահատվել է, վիրահատությունը լավ է անցել։ Աղջկա վիճակն այս պահին կայուն է»,–ասաց նա։

Հիշեցնենք` երեկ` մայիսի 28–ին, կեսգիշերին մոտ Արմավիրի մարզի բնակիչ, 14-ամյա Մարիամ Մ.-ն Արմավիր քաղաքի` ժողովրդին հայտնի «կարմիր կամրջից» ցած էր նետվել:

Ահազանգով դեպքի վայր գնացած Փրկարար ծառայության Արմավիրի մարզային փրկարարական վարչության հրշեջ-փրկարարները անելիք չեն ունեցել, քանի որ ամեն ինչ տեղի է ունեցել րոպեների ընթացքում:

Սկզբում նա հոսպիտալացվել է Արմավիրի ԲԿ-ում, այնուհետև տեղափոխվել Երևան` «Սուրբ Աստվածամայր» ԲԿ:

0
թեգերը:
հիվանդանոց, վիրահատություն, աղջիկ, կամուրջ, Արմավիր
Ըստ թեմայի
«Սա հսկայական դժբախտություն է». Արմեն Սարգսյանը` կորոնավիրուսի մասին
Ռուբեն Հայրապետյանի որդին կամավոր ներկայացել է. դատարանը մերժել է կալանքի միջնորդությունը
Նոր հետաքննություն. Guardian–ը՝ ՀՀ-ում Covid-19–ի վերաբերյալ ապատեղեկատվության մասին