«Բրեստի ամրոցի հերոսների» հուշահամալիր

Պատերազմի ու աշխատանքի հերոս. ինչպե՞ս խեղեցին Սամվել Մաթևոսյանի ճակատագիրը

314
(Թարմացված է 20:24 24.08.2019)
Երբեմն պատահում է այնպես, որ մարդուց խլում են այն ամենը, ինչը նա ստեղծել է իր քրտինքով, բայց դա դեռ դժբախտության կեսն է, աշխատածը վերականգնվում է։ Առավել  ցավալի է, երբ խլում են բարի համբավն ու հանցագործ հայտարարում: Այդպես եղավ Բրեստի ամրոցի կայազորի կոմերիտմիության կազմակերպիչ Սամվել Մաթևոսյանի հետ։ Ճիշտ է, ի վերջո, երջանիկ ավարտով. Հերոսից հասցրեցին ներողություն խնդրել դեռ կյանքի օրոք, վերադարձրեցին խլածը, կոչումները...

ԵՐԵՎԱՆ, 24 օգոստոսի - Sputnik. Նա լեռնային ինժեներ էր, առհասարակ, հանքերի մասնագետ, այլ ոչ զինվորական: Պարզապես Սամվել Մաթևոսյանը կռվել է ոչ թե վախից, այլ խղճից դրդված, երբ հանգամանքներն են այդպես դասավորվել: Նա լավ է պատերազմել` փառավոր և հերոսաբար, բայց «հետոն» վատ եղավ: Թե նրա կյանքից քանի տարի է տարել արդարության համար պայքարը, գիտեն միայն չվերականգնվող բազմաթիվ նյարդային բջիջների բանակները: Առավել ևս, որ Մաթևոսյանն անձամբ չի մասնակցել գործընթացներին:

Որտեղ եղել է, հայերի է փնտրել. ինչպես Բուլղարիայի հերոս հայը նվաճեց օլիմպիական ոսկիները

Սամվել Մաթևոսյանը ծնվել է 1912 թվականի օգոստոսի 24–ին, Կարսից ոչ հեռու, իսկ վեց տարի անց, Ցեղասպանությունից մազապուրծ եղած ընտանիքը, հասել է Վլադիկավկազ: Դպրոցից հետո նա գնացել է Մոսկվա, ընդունվել Գունավոր մետաղների և ոսկու ինստիտուտ, որն ավարտել է գերազանցությամբ: Սկզբից աշխատել է Ղազախստանում, իսկ հետո տեղափոխվել է Հայաստան` Կապանի  լեռնահարստացման կոմբինատ, որտեղ շուտով դարձել է հանքերի խմբի պետ:

Герой Социалистического Труда, ветеран Второй мировой войны, один из защитников Брестской крепости Самвел Матевосян.
© Sputnik / Лев Иванов
Սամվել Մաթևոսյան, Երկրորդ համաշխարհային պատերազմի և ԽՍՀ Աշխատանքի հերոս, Բրեստի ամրոցի պահապաններից մեկը

Կապանի զինկոմիսարիատն էլ նրան զորակոչել է բանակ: Դա 1939 թվականն էր, երկրի արևմտյան սահմաններին իրավիճակն արդեն անհանգիստ էր, միգուցե հենց այդ պատճառով էլ նրան ուղարկեցին Բրեստի հրաձգային դիվիզիա: Այդպես էր նախատեսել ճակատագիրը: Իսկ 1941թ-ի հունիսի 22–ին Մաթևոսյանը ստացել է Ավագի կոչում և եղել Բրեստի ամրոցի ջոկերից մեկի հրամանատարը:

Հենց Մաթևոսյանի ջոկն է կազմակերպել ամրոցի պաշարված պաշտպանների առաջին հակագրոհը. այդ պահին արդեն պաշարվող ամրոցի կենտրոնում տղաները ոչնչացրել են գերմանացի ավտոմատավորների ջոկատը: Պաշարման երրորդ օրը Մաթևոսյանը ոտքից վիրավորվել է, նրան մյուս վիրավորների հետ տեղափոխել են նկուղ, իսկ հուլիսի 5–ին գերմանացիները վիրավորներին գերի են վերցրել:

Գերիներին հեռու չեն տարել, Մաթևոսյանը եղել է Բրեստի մոտ գտնվող ճամբարում: Աշնանը վիրավոր ոտքը սկսել է քիչ թե շատ նորմալ շարժվել, և նա առանց երկար մտածելու փախել է պարտիզանների մոտ: Նրանք այդ ժամանակ թեժ մարտեր են մղել, Մաթևոսյանը կրկին վիրավորվել է և նրան թողել են բուժվելու տեղի գյուղերից մեկում` մի գյուղացու ընտանիքում: Գերմանացիները բավական արագ գտել են նրան, բայց նա արդեն կարող էր տեղաշարժվել և հաջողացրել է փախչել Լուցկ, որտեղ աշխատանքի է անցել կոշկակարանոցում:

Խորհրդային զորքերը Լուցկն ազատագրել են 1944թ-ի ձմռանը, Մաթևոսյանին կրկին բանակ են զորակոչել և ուղարկել սպայական դասընթացների, որից հետո նա լեյտենանտի կոչումով դարձել է գրոհային գվարդիականների վաշտի հրամանատար, հասել մինչև Բեռլին և գրել Ռեյխսթագի պատին. «Ես Բրեստից եմ: Սամվել Մաթևոսյան»:

Брестская крепость
© Sputnik / Александр Юрьев
Брестская крепость

Բառացիորեն ամբողջ պատերազմով` Բրեստից մինչև Բեռլին անցած մարդը դժվարությամբ է աշխատանք գտել, բայց ոչ հաշմանդամության պատճառով. նա գերի է ընկել, իսկ դա արդեն խարան էր: Վերջապես, նրան ընդգրկել են երկրախուզական արշավախմբի մեջ, և նա եկել է Հայաստան` Զոդի ոսկու հանքեր և նույնիսկ գլխավորել դրանց մշակման տրեստը:

Վարդգես Պետրոսյանի «չապրած տարիները». գրողի կինն առաջարկներ ունի պատկան մարմիններին

Շրջադարձը 1954թ-ն էր, երբ գրող Սերգեյ Սմիռնովը, որ որոշել էր գրել Բրեստի ամրոցի պաշտպանության պատմությունը, գտել է Սամվել Մաթևոսյանին, իսկ հաջորդ տարի Սմիռնովը միջնորդել է զինվորին կուսակցության շարքերում վերականգնելու համար և նույնիսկ հասել նրան, որ Մաթևոսյանին ներկայացրել են Խորհրդային Միության Հերոսի կոչման: Սակայն այդ միջնորդությունը մերժվել է նույն պատճառով. Մաթևոսյանը գերության մեջ էր:

Մաթևոսյանը 1970–ականների սկզբին արդեն դարձել է Հայկական ԽՍՀ Նախարարների խորհրդին կից գունավոր մետաղների արտադրական երկրախուզական վարչության պետ և Սոցիալիստական աշխատանքի հերոսի կոչում ստացել: Փոթորիկը պայթել է 1971թ–ին:

Հենց այդ ժամանակ է լույս տեսել Խորհրդային մեծ հանրագիտարանի երկրորդ հրատարակությունը, որտեղ Բրեստի ամրոցի մասին հոդվածում Սամվել Մաթևոսյանը ներկայացվել է մահացածների շարքում: Թվում էր` թյուրիմացություն է, որն ուղղելը հեշտ է: Բայց ոչ:

Ինչ–որ մեկը սկսել է լուր տարածել, որ ամբողջ ԽՍՀՄ–ում հայտնի մարդն իրականում ինքնակոչի մեկն է, որը յուրացրել է մահացած մարտիկի անունը և օգտվում է նրան բաժին հասած բարիքներից ու փառքից: Գործը հասել է քննիչներին, որոնք, չգիտես ինչու, համառորեն հրաժարվել են հաշվի առնել Մաթևոսյանի օգտին եղած փաստերը:

Брестская крепость
© Sputnik / Юрий Иванов
Բրեստի ամրոցը

Չեն օգնել նաև Մաթևոսյանի զինակից ընկերների վրդովված նամակները, ոչ էլ նույնիսկ մարշալ Բաղրամյանի և Հայաստանի Կոմկուսի կենտկոմի առաջին քարտուղար Անտոն Քոչինյանի միջնորդությունը: Քննությունը, որն ակնհայտորեն ուղղորդվել է հզոր ձեռքով, ոչինչ չի ցանկացել լսել և ընկալել: Այդպես էլ գաղտնիք է մնացել, թե ինչու են ոմանք ցանկացել խորտակել Մաթևոսյանի կյանքը:

Կոմկուսի կենտկոմի կուսհսկողության հանձնաժողովը անհատական վարույթ է սկսել Մաթևոսյանի դեմ, իսկ դրա նախագահ Պելշեն Երևան է ժամանել` հանգամանքները պարզելու համար: Հայկական ԽՍՀ Կոմկուսի կենտկոմի առաջին քարտուղար Կարեն Դեմիրճյանի հետ նրա հանդիպումից հետո ինչ-որ բան է փոխվել, բայց արդարությունը դեռ չի վերականգնվել. «ինքնակոչության» մասին գործը փակվել է, փոխարենը հայտնվել է նորը:

Հրահանգեցին դիվանագետ դառնալ. ինչպես տնտեսագետ Պողոս Հակոբովն ընկերացավ Քադաֆիի հետ

Ինչ-որ կերպ հայտնաբերվել է, որ իբր Մաթևոսյանն իր առանձնատունը կառուցելիս  մեծածախ գներով ձեռք է բերել 650 ռուբլու շինանյութ. այդ ժամանակների համար քիչ գումար չէր: Առանձնատունն առգրավել են և Մաթևոսյանին կես տարի պայմանական ազատազրկման ենթարկել: Նրան հեռացրել են կուսակցությունից` խլելով Սոցիալիստական աշխատանքի հերոսի կոչումը:

Գրող Սմիռնովից պահանջել են գրքից հանել այն գլուխները և նախադասությունները, որոնցում նշվում է Մաթևոսյանի անունը: Ի պատիվ Սմիռնովի պետք է ասել, որ նա հրաժարվել է դա անել, ինչից հետո գրքի ամբողջ տպաքանակը ոչնչացվել է:

Եվ միայն 1988թ-ի վերջին Հայաստանի կոմկուսի առաջնորդ Սուրեն Հարությունյանի ջանքերով արդարությունը վերականգնվել է: Այդ ժամանակ վերադարձրել են Մաթևոսյանի կուսակցական տոմսը, իսկ ևս 4 տարի անց` ԽՍՀՄ փլուզումից հետո, Ռուսաստանի նախագահ Բորիս Ելցինը նրան վերադարձրել է Սոցիալիստական աշխատանքի հերոսի կոչումը: Այդ պարգևն արդեն անցել է պատմության գիրկը, բայց ամեն դեպքում արդարությունը վերականգնվել է. թե՛ աստղը, թե՛ վկայականը հանել են արխիվներից և վերադարձրել հերոս տիրոջը:

Դրանից հետո Մաթևոսյանը տեղափոխվել է Մոսկվա, որտեղ էլ մահացել է 90 տարեկանում` այդպես էլ չհասկանալով, թե ինչու են հալածել իրեն: Հնարավոր է`այդ մասին նա իր դատողություններն է ունեցել: Հայկական գերեզմանատանը նրա շիրիմին համառոտ գրված է. «Սամվել Մաթևոսյան: Բրեստի ամրոցի կոմսօրգ»:

314
թեգերը:
հերոս, ԽՍՀՄ, Սամվել Մաթևոսյան, Հայաստան
Ըստ թեմայի
Վարդգես Պետրոսյանի «չապրած տարիները». գրողի կինն առաջարկներ ունի պատկան մարմիններին
Երևանի արձանները Յուրայի ժամանակաշրջանի դինոզավրեր կդառնան
Ստորգետնյա անցում դեպի Թուրքիա, կամ ինչու սելջուկներին չհաջողվեց քանդել Հառիճավանքը
Արոտավայրեր՝ թշնամու կրակի տակ. Դավիթը վերադարձել է Չինարի, որ արտադրամաս հիմնի
Ով է գեներալ Սամվել Կարապետյանը, և ինչպես նա դարձավ «Օգանովսկի»
Քիմ Քարդաշանն ու Քանյե Ուեսթը. արխիվային լուսանկար

Եթե Քանյե Ուեսթը նախագահ դառնա, կշահենք մենք ու Չինաստանը

65
​Եկեք անկեղծ լինենք։ Քիմ Քարդաշյանի ամուսինը՝ ռեփեր Քանյե Ուեսթը, սիրում է անակնկալներ մատուցել։
Համ Ամերիկայի ապագա նախագահի կինը մեր հայրենակցուհին կլինի, համ էլ կհպարտանանք, որ այդ նախագահը լողացել է Կարապի լճում

Երևի կհիշեք, թե ինչպես տարիներ առաջ Հայաստան այցելելիս նա անսպասելիորեն նախօրոք չհայտարարված համերգ կազմակերպեց մեր Օպերայի մոտ՝ Կարապի լճի ափին, հետո էլ անսպասելիորեն ցատկեց ու երգը շարունակեց ջրի մեջ։ Մոտ մեկ շաբաթ առաջ Քանյե Ուեսթը շատ ավելի մեծ անակնկալ մատուցեց, հայտարարելով, որ մտադիր է մասնակցել Ամերիկայում այս տարվա նոյեմբերին կայանալիք նախագահական ընտրություններին։

​Հիմա կասեք՝ դե լավ էլի, ինչպե՞ս կարող է երգիչը, երաժիշտը երկրի բարձրագույն ղեկավար դառնալ։ Կներեք, ուրեմն մեզ մոտ՝ Հայաստանում, լրագրողը կարող է, Ուկրաինայում հեռուստաաստղը կարող է, իսկ Ամերիկայում երգիչը չի՞ կարող։ Իսկ գիտե՞ք արդյոք, որ ամերիկացի նախագահներից շատերը նաև լրջորեն զբաղվել են երաժշտությամբ։

«Ուոլ սթրիթ ջորնալ» թերթը վկայում է, որ ԱՄՆ-ի երրորդ նախագահ, Անկախության հռչակագրի հեղինակ Թոմաս Ջեֆերսոնը հենց ջութակի շնորհիվ է գերել իր ապագա կնոջը՝ Մարթա Սքելթոնին։ Բայց ինչո՞ւ հեռու գնանք. Բարաք Օբաման բազմիցս երգել է հենց Սպիտակ տանը կազմակերպված տարբեր միջոցառումների ժամանակ։ Իսկ Պրահայի կենտրոնում ինքս եմ տեսել այն ջազ ակումբը, որի մուտքի մոտ գրված էր. «Այստեղ սաքսոֆոն է նվագել Բիլ Քլինթոնը»։

Անհավանական է. քանի շիշ շամպայն է խմել Չերչիլը և որտեղ են տիեզերագնաց Արմսթրոնգի կոշիկները

​Բայց վերադառնանք Քանյե Ուեսթին։ Ո՞ր կուսակցությունից է պատրաստվում մասնակցել նախագահական ընտրություններին։

Համաձայնեք` շատ հետաքրքիր հարց է, որովհետև հաջողության հասնելու համար պիտի կա՛մ դեմոկրատ, կա՛մ հանրապետական լինես։ Սևամորթները ավանդաբար դեմոկրատներին են հարում, բայց Քանյե Ուեսթը ժամանակին իր աջակցությունն էր հայտնել հանրապետական Դոնալդ Թրամփին։ Իսկ երկու օր առաջ Forbes հանդեսին տված ծավալուն հարցազրույցում Քանյե Ուեսթն ասել էր.

«Այ հենց հիմա հանում եմ այն գլխարկը, որի վրա գրված է Թրամփի կարգախոսը՝ «Մենք կրկին հզոր կդարձնենք Ամերիկան»»։

Վերլուծաբաննները, սակայն, համոզված են, որ եթե Քանյե Ուեսթի նախագահական հավակնությունները լուրջ են և նա իրոք մտնի ընտրապայքարի մեջ, շահողը հենց Դոնալդ Թրամփն է լինելու, որովհետև սևամորթ ռեփերը աֆրոամերիկացիների ձայները կխլի դեմոկրատների հիմնական թեկնածուից՝ նախկին փոխնախագահ Ջո Բայդենից։

Ի դեպ, Քանյե Ուեսթն արդեն դատապարտել է Բայդենի իրոք խիստ վիճահարույց արտահայտությունը՝ «Եթե սևամորթը չի քվեարկում դեմոկրատների օգտին, ուրեմն ինքն իսկական սևամորթ չէ»։

Բոլոր հիմարությունները դեմքի խելոք արտահայտությամբ են արվում, կամ Մյունխհաուզենի սինդրոմը

Մյուս կողմից, Դոնալդ Թրամփը շատ հանգիստ է արձագանքել նախագահ դառնալու` ռեփերի մտադրությանը.

«Թող փորձի էլի»,–ասել է Թրամփը։

​Ինչևէ՝ ռեփերը մտադիր է ստեղծել իր սեփական կուսակցությունը և անվանել այն The Birthday Party։ Երևի հասկանում եք, որ սա բառախաղ է, քանզի «փարթի» բառն անգլերենում նշանակում է թե՛ կուսակցություն, թե՛ երեկույթ։

Քայնե Ուեսթի բացատրությունը սա է.

«Եթե մենք հաղթենք, բոլոր ամերիկացիները կզգան, որ դա իրենց ծննդյան օրվա երեկույթի նման մի բան է»։

Համաձայնեք՝ մի քիչ տարօրինակ, բայց հաճելի բացատրություն է։

​Կարելի է ասել, որ ընդամենն այսքանն է հստակ։ Նույնիսկ պարզ չէ, թե ով է լինելու Ամերիկայի ապագա փոխնախագահը, քանզի ռեփերն ինչ-որ հոգևորականի անուն է տվել, որին լայն հասարակայնությունն ընդհանրապես չի ճանաչում։ Արտաքին և ներքին քաղաքականության մասին Քանյե Ուեսթը նույնպես շատ անորոշ կերպով է արտահայտվել, ասելով միայն, որ կհամագործակցի լավագույն մասնագետների հետ և կհրավիրի նրանց Սպիտակ տուն։

Ո՞վ է կորոնավիրուսի մեղավորը. Թրամփը գիտի պատասխանը, մնացինք մենք

​Ինչ կարելի է ասել։ Պարզ է ընդամենը մի բան` եթե Քանյե Ուեսթը նախագահ դառնա, կշահենք մենք ու Չինաստանը։

Չինաստանի մասին Քանյե Ուեսթն արդեն դրվատանքով է արտահայտվել, կարծիք հայտնելով, որ այդ երկիրը կորոնավիրուսի տարածման համար մեղավոր չէ և ավելացնելով. «Ես սիրում եմ Չինաստանը։ Չինաստանը փոխեց իմ կյանքը»։

Իսկ թե ինչու է Քանյե Ուեսթի նախագահ ընտրվելը շահեկան լինելու մեզ համար, կարծում եմ բացատրության կարիք չկա՝ բա աշխարհի ամենահզոր երկրի առաջին տիկինը մեր հայրենակցուհին է լինելու։

65
թեգերը:
Կարապի լիճ, ամուսին, Քիմ Քարդաշյան, Քանյե Ուեսթ, Նախագահ, ԱՄՆ, Արմեն Դուլյան
թեմա:
5 րոպե Դուլյանի հետ
Ըստ թեմայի
Ո՞ր խավին ենք պատկանում հայերս․ սոցիալիզմի ու կապիտալիզմի արանքում
Արժե՞ վստահել վարկանիշներին. ինչ անել, որ հայկական բուհերն էլ լավագույնների շարքին դասվեն
«Մահափորձեր» մահվանից հետո. Լենինին նաև դամբարանում էին ուզում «սպանել»
Грусть

Ինչպես հայերը պատրաստվեն COVID-19–ի երկրորդ ալիքին. փորձառու մարդկանց խորհուրդներ

259
(Թարմացված է 00:45 10.07.2020)
Sputnik Արմենիայի սյունակագիրը մտորում է կորոնավիրուսի համավարակի երկրորդ ալիքի, կարանտինի և ինքնամեկուսացման դժվարությունների մասին, ինչպես նաև ներկայացնում այն մարդկանց խորհուրդները, որոնք գիտեն` ինչպես է մարդը գոյատևում, երբ մնում է ինքն իր հետ։

Կորոնավիրուսի, այսպես կոչված, «երկրորդ ալիքը» կլինի՞, թե՞ բախտներս կժպտա։ Կարծես թե առաջին տարբերակն է լինելու։ Այդ մասին են վկայում բազմաթիվ վարակաբանները, փորձագետներն ու նույնիսկ հասարակ դիտորդները։ Ի՞նչ են ասում նրանք։

Լսում ենք. Պետդումայի պատգամավոր, Ռուսաստանի նախկին գլխավոր սանիտարական բժիշկ Գենադի Օնիշչենկո. «Կորոնավիրուսը կվերադառնա աշնանը»։

WMA բժիշկների համաշխարհային արհմիության նախկին ղեկավար, պրոֆեսոր Լեոնիդ Էյդելման. «Սուր շնչառական վիրուսային վարակի սեզոնային դրսևորմամբ սրված նոր տիպի կորոնավիրուսային վարակի երկրորդ ալիքի բռնկմանը պետք է սպասել նոյեմբեր–դեկտեմբերին»։

Բժշկական գիտությունների թեկնածու, պրոֆեսոր Վիկտոր Զուև. «Երբ համավարակի անկում նկատվի, COVID-19–ի վարակիչ հատկությունը մի փոքր կնվազի, իսկ երկրորդ ալիքը կսկսվի հոկտեմբերից»։

Ստացվում է, որ թուլանալը դեռ վա՞ղ է։ Այո՛։ Այնտեղ, որտեղ շտապել են կարանտինը չեղարկել, կորոնավիրուսն արդեն վերադարձել է` չսպասելով աշնանը, և ստիպված են դարձյալ խիստ միջոցներ ձեռնարկել։ Նախկինից էլ խիստ։

Սինգապուրցի գիտնականը կանխատեսում է, որ առաջիկայում նոր կորոնավիրուսի բռնկում է լինելու

Իտալական Վենետոյում (Վենետիկ) կորոնավիրուսով վարակված, սակայն ստացիոնար բուժումից հրաժարված բնակիչներին ազատազրկում է սպառնում։

COVID-19–ի հետ կապված իրավիճակի բարդացման պատճառով Սերբիայի նախագահը խոստանում է Բելգրադում պարետային ժամ սահմանել։ Այդ պատճառով բողոքի ակցիաները չեն դադարում։

Եվ այսպես շարունակ։ Ասածս ի՞նչ է։ «Կորոնայի» առաջին ալիքն ամբողջությամբ չմարելով` աշնանը կամ սպասվող ձմռան սկզբին կարող ենք հայտնվել երկրորդի հարվածի տակ, և այդ ժամանակ ինքնամեկուսացման կամ հարկադիր մեկուսացման խստացումներն ավելի սարսափելի պատկեր կստանան։ Խիստ կարանտինը կվերադառնա, և դա որևէ լավ բան չի խոստանում։

Այդ «պատժամիջոցը»՝ մեկուսացումը, ինչպես արդեն գիտենք, ամենաբարդն է մեզ համար․ բակերը, ընկերները, հարևանները, նարդին, սուրճը, մանղալը, գրկախառնություններ-համբույրները և խիստ հայկական «ջիգյարի» այլ արտահայտումները՝ ամեն բան գրողի ծոցն է գնում և վճռական հակասության մեջ է մտնում չորս պատերի մեջ փակված մնալու հեռանկարի հետ։ Դե, սովոր չենք, չենք կարողանում, չենք ցանկանում․․․

Իսկ այժմ՝ նրանց մասին, ովքեր կարողանում են, գիտեն և անգամ հաճույք են ստանում դրանից։ Օգտակար կլինի իմանալ հնարավոր տհաճություններից առաջ։

Աշխարհում բազմաթիվ մասնագիտություններ և սիրողական զբաղմունքներ կան, որոնք տևական ժամանակ հասարակությունից հեռու ապրելու ունակություն են ենթադրում՝ երկրաբաններ, տիեզերագնացներ, միայնակ ճանապարհորդներ, սուզանավերի նավաստիներ, էլ չասենք նրանց մասին, ովքեր նստած են ճաղերի հետևում։

Կորոնավիրուսից հետո խանգարումնե՞ր են ի հայտ գալիս. գիտնականների նոր բացահայտումը

Օրինակ` գործարար Վարդա Ա․-ն, որը տնտեսական հոդվածով անազատության մեջ էր հայտնվել։ Բանտախցում նստած է եղել գրեթե մեկ տարի, այն էլ` մենախցում։ Վարդան Ա․-ն չի հասկանում նրանց, ովքեր չեն կարողանում իրենք իրենց հետ մենակ մնալ․ միայնության մեջ ավելի լավ ես մտածում, ավելի արագ ես լուծումներ գտնում, կոնֆլիկտների ավելի քիչ առիթներ կան։ Թեև բանտը, իհարկե, քաղցր բան չէ, ավելին` առանձնանալու վատագույն վայրն է։

Կարող ես մենակության զգացողությունը «վայելել» ոչ միայն բանտախցում, այլև տիեզերքում։ Քանի որ մենք սեփական տիեզերագնացներ դեռ չունենք, հիշենք ռուս տիեզերագնացներին։ Տիեզերագնաց-փորձարկող Ալեքսանդր Միսուրկինի խոհերից․ «Փոքրիկ, փակ տարածքում երկար ժամանակ միևնույն մարդկանց հետ ծանր է ապրել, բայց պետք է հասկանալ, որ կայանի ներսում անվտանգ է, իսկ եթե դուրս գաս, կմեռնես, չէ՞ որ դրսում վակուում է»։

COVID-19-ի հետ համեմատությունը ակամա է ծնվում․ ինքնամեկուսացումը չարիք չէ, այլ բարիք, իսկ համաճարակաբանորեն ոչ բարենպաստ տարածություն դուրս գալը վտանգավոր է յուրաքանչյուրիս և մեր մտերիմների համար։ Տիեզերագնացը նաև նշում է, որ փակ տարածության մեջ շատ կարևոր են մարդկանց միջև հարգալից և փոխվստահելի հարաբերությունները։

Բնակարանի չորս պատերի մեջ երկար ժամանակ մենակ մնացած մարդկանց մասին․ այստեղ տեղին է հիշել հայտնի ճանապարհորդ Ֆյոդոր Կոնյուխովի խորհուրդները։ Առավելագույն ժամանակը, որ նա անցկացրել է ինքն իր հետ, 222 օր է՝ զբոսանավով շուրջերկրյա ճամփորդություն կատարելու ընթացքում, առանց նավահանգիստներ մտնելու և առանց բջջային հեռախոսների. 1990թ․-ին դրանք դեռ չկային։

Հայտնի ճանապարհորդը հաստատում է գործարար-բանտարկյալի կարծիքը․ «Մենակությունը շուրջդ դիտելու, ինքդ քո մեջ նայելու հնարավորություն է տալիս»։

Բայց նույն այդ Կոնյուխովը Esquire ամսագրին տված հարցազրույցում խոստովանում է․ «Գիտարշավների ժամանակ ձանձրանալու, տաղտուկին տրվելու ժամանակ չկա, պետք է աշխատես, դու ունես նպատակ, դրան հասնելու միջոցներ, հեռանկարները հստակ են և հասկանալի։ Այդ առումով, իհարկե, օվկիանոսում ավելի հեշտ է, քան Մոսկվայում ինքնամեկուսացման մեջ»։

Կոնյուխովը, իհարկե, չգիտի, որ Երևանում շատ ավելի դժվար է ինքնամեկուսացած լինել, փոխարենը մենք գիտենք։ Եվ երևի սկսում ենք գիտակցել, որ փորձությունների շրջանում ամենավատ բանը մենակությունը չէ․ ամենավատը ձեռքերը ծալած նստելն է։

Իսկ մինչ այդ կորոնավիրուսի երկրորդ ալիքը թափ է առնում։ Իսպանիայի հյուսիս-արևմուտքում՝ Լուգո գավառում, դրա պատճառով կրկին կարանտին են հայտարարել։ Լուգոն արդեն երկրորդ մարզն է Իսպանիայում, որտեղ կրկնակի կարանտին է։ Հուլիսի 4-ին նույնը տեղի ունեցավ ավելի քան 200 հազար բնակչություն ունեցող Սեգրիայում (կատալոնական Լյեյդա գավառ)։

Հայաստանում կորոնավիրուսի առաջին ալիքն անգամ դեռ չի ավարտվել։ Պատրաստվել է պետք։

259
թեգերը:
քաղբանտարկյալ, տիեզերագնաց, վարակ, կորոնավիրուս, Հայաստան
թեմա:
Կորոնավիրուսը Հայաստանում և Արցախում
Ըստ թեմայի
Գիտնականներին հաջողվել է գտնել կորոնավիրուսի թույլ կողմերը
Կորոնավիրուսի կարող է վտանգավոր լինել սրտի համար. ռուս գիտնական
Գիտնականները կանխատեսո՞ւմ էին համավարակի բռնկումը
 Հայաստանի գավաթի խաղարկության եզրափակիչ խաղը

Ֆուտբոլային թրելլեր գավաթի եզրափակիչում. Հայաստանի գավաթակրի անունը հայտնի է

19
(Թարմացված է 22:22 10.07.2020)
Տասը գոլ, լարված պայքար, գերկամային որակներ,  հաղթելու մեծ ցանկություն։ Այս ամենի արդյունքում Հայաստանի գավաթակիրը որոշվեց 11 մետրանոց հարվածաշարի միջոցով: «Նոա» - «Արարատ-Արմենիա» եզրափակիչը թերևս լավագույն խաղն էր հայկական թիմերի միջև 2019/20 մրցաշրջանում:

ԵՐԵՎԱՆ, 9 հուլիսի – Sputnik. Քիչ առաջ ավարտվեց Հայաստանի գավաթի խաղարկության եզրափակիչ խաղը։ 11 մետրանոց հարվածաշարի արդյունքում գավաթակիր դարձավ «Նոան»։

Кубок Армении по футболу между командами Арарат-Армения - Ноа (10 июля 2020). Еревaн
© Sputnik / Asatur Yesayants.
Հայաստանի գավաթի խաղարկության եզրափակիչ խաղը

Նշենք, որ գավաթի խաղարկության եզրափակիչում իրար արժանի մրցակիցներ էին խաղում` «Նոան» ու «Արարատ Արմենիան»: 

Հանդիպման մեկնարկից 29 րոպե անց Հայաստանի գործող չեմպիոն «Արարատ-Արմենիան» հաղթում էր 3:0 հաշվով,  բայց երկու թիմերն էլ պայքարեցին մինչև վերջ: Խաղի հիմնական ժամանակն ավարտվեց 4:4 հաշվով, իսկ լրացուցիչ ժամանակում գրանցվեց վերջնական հաշիվը՝ 5:5:

11 մետրանոց հարվածաշարով հաղթեց ու Հայաստանի գավաթը նվաճեց «Նոան»։

Խաղի 8-րդ րոպեին Ուգուչուկվու Լուիս Օգանան, հնարավորությունն օգտագործելով,  առաջ մղեց «Արարատ-Արմենիային»: Բաց թողած գնդակը չի կարելի ասել, թե անմիջապես ընկճեց «Նոայի» ֆուտբոլիստներին:

Բայց Ալան Տատաևի ինքնագոլից հետո «Արարատ-Արմենիայի» ֆուտբոլիստները սկսեցին գործել շատ հանգիստ ու վստահ, և 29-րդ րոպեին Յուսուֆ Օդուբանջոն երրորդ անգամ ստիպեց մրցակցին խաղը վերսկսել կենտրոնից:

Առաջին խաղակեսի ավարտից վեց րոպե առաջ Մաքսիմ Մայրովիչի գոլն ինչ– որ տեղ հույս տվեց «Նոայի» ֆուտբոլիստներին: Բայց հերթական սխալը պաշտպանությունում նորից վերականգնեց երեք գնդակի առավելությունը «Արարատ-Արմենիայի» օգտին. Ուգուչուկվու Լուիս Օգանան դաձավ դուբլի հեղինակ, իսկ չեմպիոնը հաղթում էր 4:1 հաշվով:

Кубок Армении по футболу между командами Арарат-Армения - Ноа (10 июля 2020). Еревaн
© Sputnik / Asatur Yesayants.
Հայաստանի գավաթի խաղարկության եզրափակիչ խաղը

Ընդհանրապես եզրափակիչներում հիմնականում ոչ գոլառատ հանդիպումներ են լինում: Թիմերը զգույշ են գործում պաշտպանությունում, խուսափելով սեփական դարպասը գնդակ ընդունելուց, ու համարյա միշտ գործում են թիկունքն ապահովագրելով:

Ամենախոշոր հաշիվը ֆուտբոլի Հայաստանի գավաթի խաղարկություններում գրանցվել էր 1995 թվականին, երբ «Արարատը»  4:2 հաշվով պարտության մատնեց «Կոտայքին»: Դժվար էր սպասել, որ «Նոա» - «Արարատ-Արմենիա» մրցավեճում խոշոր հաշիվ կգրանցվի: Բայց մինչև ընդմիջում գրանցվեց դարպասի հինգ գրավում:

Արագ գոլը ֆուտբոլում հաճախ է խորը հետք թողնում հանդիպման վերջնական արդյունքի վրա: Հաջողության հասած թիմը ոգևորության ալիքի ներքո կարողանում է զարգացնել ձեռք բերածը, իսկ գնդակ բաց թողած թիմը չի կարողանում ուշքի գալ:

«Նոա» - «Արարատ-Արմենիա» խաղում դաշտի տեր համարվող «Նոայի» ֆուտբոլիստներն ութերորդ րոպեին հայտնվելով հետապնդողի դերում, շատ արագ կարող էին պատասխան գնդակը խփել: Բայց դա անել չհաջողվեց, իսկ պաշտպանությունում հաճախակի ձախողումներն ու անփույթ խաղը «Նոային» եզրափակիչի ավարտից մեկ ժամ առաջ փաստի առջև կանգնեցրին:

Ճիշտ է, որոշակի ինտրիգ խաղի մեջ մտցրեց Մաքսիմ Մայրովիչի գոլը, որը հաշիվը դարձրեց 1:3, բայց այդ ինտրիգը շատ արագ մարեց:

Գավաթի խաղարկության լավագույն ռմբարկու Ուգուչուկվու Լուիս Օգանան խփեց իր ութերորդ գոլը՝ 1:4:

Բայց ամեն ինչ առջևում էր:

Շատերը մտածեցին, որ վերջ` «Արարատ-Արմենիան» կպահպանի երեք գնդակի առավելությունը, և այս խաղում հաղթողն արդեն վճռված է:

Սակայն «Նոան» գերկամային հատկանիշներ դրսևորելով` երկրորդ կեսի 21 րոպեների ընթացքում երեք գնդակ անցկացրեց «Արարատ-Արմենիայի» դարպասը: Վլադիմիր Ազարովի (11մ), Միխայիլ Կովալենկոյի և Դանու Սպատարուի գոլերից հետո վերականգնվեց հաշվի հավասարակշռությունը՝ 4:4: Հիմնական ժամանակն այս հաշվով էլ ավարտվեց, չնայած հաղթանակին ավելի մոտ էր «Նոան»:

Հաղթանակ դատարկ տրիբունաների պայմաններում. Մխիթարյանը փայլեց «Ռոմայի» կազմում. տեսանյութ

Իսկ լրացուցիչ ժամանակում «Նոան» արդեն ուներ թվային առավելություն, քանի որ 93-րդ րոպեին «Արարատ-Արմենիայի» կազմում կարմիր քարտ սստացավ Ալֆոնսե Կոջոն:

Լրացուցիչ ժամանակում էլ կողմերը մեկական գնդակ փոխանակեցին: Ու երբ Վլադիմիր Ազարովի իրացրած երկրորդ 11 մետրանոցից հետո թվաց, որ հաղթելու է «Նոան», Յուսուֆ Օտուբանջոն նորից խփեց պատասխան գնդակը՝ 5:5:

Ի վերջո հաղթողը որոշվեց 11 մետրանոց հարվածաշարով: Առաջին անգամ Հայաստանի գավաթակիր դարձավ «Նոան»:

Չորս օրից՝ հուլիսի 14-ին, «Նոա» - «Արարատ-Արմենիա» խաղում որոշվելու է Հայաստանի չեմպիոնը:

Գործող չեմպիոն «Արարատ-Արմենիային» իր տիտղոսը պաշտպանելու համար այդ խաղում բավարարում է ոչ-ոքի հաշիվը:

Մխիթարյանը գեղեցիկ գոլ խփեց, սակայն չկարողացավ «Ռոմային» փրկել պարտությունից․ տեսանյութ

19