Վարչապետի այցը Ամուլսար

Ժամանակն այս պահին Փաշինյանի համար շատ ավելի ոսկի է, քան նույն Ամուլսարը. այցի մյուս երեսը

430
(Թարմացված է 23:14 23.08.2019)
Վարչապետ Նիկոլ Փաշինյանի աշխատանքային այցը Ջերմուկ, իհարկե, կանխատեսելի էր: Հանդիպումներ բնակիչների հետ, զրույցներ, ելույթ ու, հասկանալի է, ամենը Ամուլսարի ոսկու հանքավայրը շահագործել-չշահագործելու մասին:

Պարզից էլ պարզ է, որ ժողովրդական ալիքի վրա իշխանության եկած, ժողովրդի իշխանության մասին շարունակ կրկնող վարչապետը, տեսնելով, թե ինչ հույզեր է հարուցել Ամուլսարի խնդիրը, չէր կարող չգնալ այնտեղ, որտեղ այդ հույզերն ամենից շատ են բորբոքվում: Մյուս կողմից, դա Նիկոլ Փաշինյանի քաղաքական հակառակորդներին թույլ է տալիս մեկ անգամ ևս խոսել այն մասին, որ վարչապետը նախընտրում է պոպուլիստական գործելաոճը:

Իրավիճակում, երբ կա կոնկրետ խնդիր, որը պահանջում է կոնկրետ դիրքորոշում ու որոշում, որը վերջին օրերին մի պահ թվաց, թե կայացվել է, Նիկոլ Փաշինյանը ինչ-որ տեղ փորձում է ժամանակ շահել: Այս պահին նրան թերևս ամենից քիչը մտահոգում է այն, թե ինչ կասեն իր արդեն հայտնի քաղաքական հակառակորդները: Նա հիմա ավելի լուրջ խնդիր ունի. թիմի ներսում ավելի ու ավելի որոշակի ուրվագծվող տարամետ խմորումները: Ու այս դեպքում խոսքը սոսկ «Իմ քայլի» ամբողջականության պահպանման և նկատված ճաքերի դեմ արագ հակաքայլեր ձեռնարկելու մասին չէ: Խոսքն ավելի լայն ընդգրկմամբ՝ իր քաղաքական հենարանը պահպանելու, բեկորումները կանխելու անհանգստության մասին է: Ի վերջո, կայացվելիք որոշումը միայն ջերմուկցիների տրամադրությունների վրա չէ անդրադառնալու, այլ երկրի հասարակության մեծ մասի, եթե ոչ բոլորի, ապա շատ-շատերի:

Անխոս, կարևոր է նման աշխատանքային այցով, ինչպես ասվում է՝ տեղում, «դաշտային պայմաններում» խնդիրները քննարկելը: Ձևի առումով կարող են քննադատական դիտարկումներ լինել, ասենք՝ տներ այցելելու, վիզուալ կողմը ապահովելու հետ կապված: Բայց դա էլ է օրինաչափ, հաշվի առնելով քաղաքական ու քարոզչական տեխնոլոգիաների կարևորությունը մեր ժամանակներում:

Ամուլսարը մտել է իշխանության «մատի ու մատանու արանքը». ի՞նչ է կատարվում «Իմ քայլում»

Բայց ի՞նչ կարող էր տալ այդ հանդիպումը բովանդակային առումով, եթե վարչապետը, ինչպես այս այցի ժամանակ ունեցած ելույթում ընդգծեց, Ամուլսարի հետ կապված բոլոր նամակները, ի տարբերություն մյուսների, անձամբ է կարդացել: Եթե այլ բան չլիներ, օրերս էլ բավականին հանգամանալի քննարկում-խորհրդակցություն էր ունեցել ինչպես Ջերմուկի, այնպես էլ բնապահպանական շրջանակների բազմաթիվ ներկայացուցիչների հետ: Այսինքն` այս դեպքում բարձրաձայնվող բողոքներին, դիտողությունների բովանդակությանն ու ասելիքին տեղում ծանոթանալու հարց սրությամբ դրված չէր:

Փոխարենը՝ սրությամբ դրված էր տեղում բորբոքվող հույզերը մեղմելու խնդիր, նաև հասարակության տրամադրություններում նկատվող իշխանության ու անձամբ ժողովրդական վարչապետի համար անբարենպաստ տրամադրություններն ու բեկումները հնարավորինս չեզոքացնելու քարոզչաքաղաքական հարց: Մարտավարական առումով նաև ժամանակի՝ ժամանակ շահելու խնդիր կա: Իսկ ժամանակը այս պահին Նիկոլ Փաշինյանի համար շատ ավելի ոսկի է, քան ասենք, նույն Ամուլսարը՝ այն շահագործելու ներդրումային ծրագիր ունեցող օտարերկրյա ընկերության համար:

Ժամանակը ցույց կտա, թե վարչապետ Փաշինյանին այդ խնդիրներից որը որքանով հաջողվեց լուծել: Սակայն կոնկրետ ժամանակ շահելու խնդիրը կարելի է ասել որոշ չափով լուծեց: Համենայն դեպս, առնվազն մինչև հաջորդ հինգշաբթի և ուրբաթ, երբ նախատեսված է Ամուլսարի խնդրով ՀՀ կառավարության պատվերով ու հատկացրած միջոցներով փորձաքննություն կատարած օտարերկրյա ընկերության հետ «սկայպ-կոնֆերանսը», որի մասին շեշտեց վարչապետը:

Դա իր հերթին հուշում է, որ այլևս քաղաքական հարց ու նաև համապատասխան արծարծումների օբյեկտ դարձած «Ամուլսարի խնդիրը» վերարծարծելու ժամանակ ստացան ինչպես հանքի շահագործման դեմ տրամադրված  ու աշխատող շրջանակները, այնպես էլ վարչապետ Փաշինյանի քաղաքական հակառակորդները, ընդդիմախոսները: Ո՞ր ընդդիմախոսը կհրաժարվի իշխանությանը քննադատելու համար առավել քան հարմար նման «նվերից»:

Հայաստանի բյուջեն ու ընդերքը. որքան են վճարել հանքարդյունաբերողները պետությանը

 

Իսկ քանի դեռ հարցը հնչեղ է և օրակարգում, բնականաբար, փորձելու են օգտագործել այն և օգտագործում են, անկախ այն բանից, թե ով անձնապես ինչին է կողմ կամ դեմ: Այդպիսին են քաղաքական պայքարի ոչ միայն հայրենական իրողությունները: Ի՞նչ է եղել. ընդդիմադիր Փաշինյանը դեմ էր կենսաթոշակային կուտակային համակարգին, մերժում էր այն, իսկ վարչապետ Փաշինյանն առաջին քայլերից մեկով այդ կուտակային համակարգի մի քիչ «լայթսովտ» տարբերակը հաստատեց:

Հիմա էլ իր ընդդիմադիր ուժերն են կարող օգտվել նույն գործիքակազմից և, ըստ հնարավորության, օգտվում են:

Մի պահ իսկապես թվաց, որ Ամուլսարի հարցում վարչապետ Փաշինյանը վերջնական որոշում արդեն կայացվել է՝ հօգուտ շահագործման և օտարերկրյա ներդրողի ծրագրի իրականացման, ավելի ճիշտ՝ իրականացման շարունակությանը չխոչընդոտելու: Դրա անուղղակի ազդանշանները շատ են. վերցնենք թեկուզ այն, թե ինչպես  ժողովրդական ու «թավշյա» ոստիկանությունը «հանկարծ» կոշտացավ Բաղրամյան պողոտան փակած կամ փակել փորձող բնապահպան-ակտիվիստների հանդեպ՝ բերման ենթարկելով նրանց: Կամ այն, թե ինչպես հանկարծ իրավապահները «հիշեցին», որ հանքը շահագործող ընկերության աշխատակիցներին աշխատավայր հասնելուն խոչընդոտելն օրինականության առումով խնդրահարույց է: Մեկ տարի նորմալ էր դա ընկալվում, բայց մեկ էլ՝ հո՛պ, դարձավ ապօրինի: Կամ այն, թե իշխանության տարբեր ներկայացուցիչներ ինչպես հանկարծ պարզեցին, որ օտարերկրյա ներդրողին խոչընդոտելը լավ բան չէ, որ հանքի շահագործումն անվնաս է և այլն:

Բայց հենց այդ դրսևորումներին հաջորդած հակազդեցությունը, այդ թվում՝ առաջին հերթին իր թիմակիցներից, «հեղափոխական շրջանակներից» առանձին ներկայացուցիչների կտրուկ արձագանքներն առնվազն Նիկոլ Փաշինյանին հուշեցին թերևս, որ դեռ վաղ է ոչ պոպուլյար որոշում ընդունելու մասին վերջնականորեն հայտարարել:

«Իշխանությունը մի բան տա, բերանը փակի». Ամուլսարի հարցով Փաշինյանը նոր փակագծեր է բացում

Դժվար է ասել՝ եթե երբևէ Ամուլսարի ոսկու հանքավայրը շահագործվի, ապա քանի՞ տոննա ոսկի ու որքա՞ն շահույթ կբերի ներդրողին: Բայց որ Ամուլսարի խնդիրը տեղով արդեն իսկ դիվիդենտաբեր «հանք» է հայրենի քաղաքական դաշտի ու այդ դաշտի խաղացողների համար ակներև է: Եվ ուստի՝ «երեկոն դադարում է ձանձրալի լինել»:

430
թեգերը:
ընդդիմություն, «Իմ քայլը» դաշինք, «Թավշյա հեղափոխություն», Նիկոլ Փաշինյան, Ջերմուկ, Լիդիան, Ամուլսար
թեմա:
Ամուլսարի հանքի շահագործումը և «Լիդիան Արմենիայի» շուրջ ստեղծված իրավիճակը (79)
Ըստ թեմայի
Փաշինյանը պարզաբանել է, թե ինչու է Ամուլսարի հարցով նոր հանձնարարական տվել
«Էլարդի» մասնագետներն ուղիղ եթերում կպատասխանեն Ամուլսարի փորձաքննության մասին հարցերին
Վայոց Ձորի նախկին մարզպետը վարչապետին ներկայացրեց Ամուլսարի մասին իր դիտարկումները
Եթովպիա

Այբուբենների նմանություն, Կոմիտասի ազդեցություն, հոգևոր կապեր. հայկական հետքը Եթովպիայում

136
(Թարմացված է 00:04 29.05.2020)
Եթովպիայի հայությունն աներևակայելի հարուստ պատմություն ունի։ Բազմաթիվ պատումներ կան պալատական հայերի և եթովպական մշակույթի վրա նրանց ունեցած ազդեցության մասին։ Sputnik Արմենիան ի մի է բերել դրանք։

Հայաստանի և Եթովպիայի լեռների միջև հեռավորությունը 3466 կմ է՝ ուղիղ գծով գնալու և Կարմիր ծովը կտրելու դեպքում։ Իհարկե, խելագար միտք է, բայց այդ երկրում հայկական հետք ունեցող բազմազան պատմությունները հետաքրքրություն են առաջ բերում և դրդում են ճամփորդել, ճիշտ է՝ հիմա միայն համացանցի սահմաններում։ Ի դեպ, երկու երկրների ժողովուրդների միջև անհավատալի նմանություններ կգտնեք, կան նաև մի շարք առասպելներ, որոնց մասին էլ այսօր կպատմենք։

Պետական տոները

Հայաստանում մայիսի 28-ին պետական տոն են նշում։ Դարեր շարունակ առանց պետականության մնացած հայ ժողովուրդը 102 տարի առաջ այս օրը հռչակեց Հայաստանի առաջին հանրապետությունը։ Համայն աշխարհի հայերը հիշում են Սարդարապատի, Բաշ-Ապարանի, Ղարաքիլիսայի ճակատամարտերի հերոսներին։ Այդ մարտերը կենաց ու մահու կռիվ էին։

Аддис Абеба
Ադիս Աբեբան

Իսկ Եթովպիայում մայիսի 28-ը համարվում է 1991 թվականի քաղաքացիական պատերազմի ավարտի օր և դեմոկրատական հանրապետության հաստատումը նշանավորող Ազգային տոն։

Երկու երկրների փոխհարաբերությունները

Եթովպիայի հայերի մասին հիշատակումներ կարելի է գտնել Մովսես Խորենացու աշխատություններում։ «Հայոց պատմության» մեջ նրա գրում է, որ դեռևս մ․թ․ա․ 12-րդ դարում Եթովպիայում առնվազն մեկ հայ էր ապրում՝ Զարմայր Նահապետը, որը Տրոյական պատերազմում եթովպական զորքերի հրամանատարն էր։ Այդ ժամանակներից էլ երկու երկրների միջև սերտ համագործակցություն է սկսվել, հատկապես առևտրի ոլորտում։ Ասում են նույնիսկ, որ հենց հայերն են առաջին անգամ արտահանել եթովպական սուրճը և տարածել Եվրոպայում։

Կրոնն ու եկեղեցական կապերը

Ավանդաբար երկու երկրների եկեղեցիները սերտորեն փոխկապակցված են, քանի որ երկուսն էլ հին արևելյան եկեղեցիների թվին են պատկանում և երկուսն էլ ստիպված են եղել պայքարել օսմանյան նվաճողների դեմ։ 15-րդ դարում հայոց սրբի՝ Գրիգոր Լուսավորչի և նահատակներ սուրբ Հռիփսիմեի և սուրբ Գայանեի վարքագրությունները թարգմանվել են հին եթովպական գեեզ լեզվով։ Եթովպական եկեղեցին տարին երեք անգամ նշում է Սուրբ Գրիգորի տոնը, մեկ անգամ էլ՝ Հռիփսիմեի և Գայանեի տոնը։

Կորուսյալ քաղաքի գանձերը. ինչ են հայտնաբերել Եթովպիայում

Էջմիածնում 14-15-րդ դարերի եթովպական ձեռագրերի հատվածներ են պահվում։ Հայաստանում ժամանակին հաճախ կարելի էր հանդիպել եթովպացի հոգևորականների։ 1867թ․-ին Եթովպիայում բացվեց հայկական կրոնական առաքելությունը։ Այդ ժամանակից ի վեր եկեղեցական կապերն ավելի աշխուժացան։ 1935 թ․-ին Ադիս Աբեբայի հայկական ժամատան տեղում հիմնադրվեց Սուրբ Գևորգ եկեղեցին։

Կոմիտասը և եթովպական երաժշտությունը

Տարբեր աղբյուրներ վկայում են, որ հայերը Եթովպիայում խոշոր առևտրականներ, զորահրամանատարներ, քաղաքական գործիչներ, դիվանագետներ, անգամ արտաքին գործերի, ֆինանսների և առևտրի նախարարներ են եղել։

Բայց առանձնահատուկ է հայերի ներդրումն այդ երկրի երաժշտական ժառանգության մեջ։ 20-րդ դարասկզբին Կոմիտասի աշակերտ Գևորգ Նալբանդյանն ապագա կայսեր՝ ռաս (իշխան) Թեֆերի Մաքոննենի հանձնարարությամբ գրում է երկրի օրհներգը, որը գործող հիմնն էր մինչև այնտեղ միապետական կարգի տապալումը։  

Оркестр армянских сирот в Эфиопии
official site of the Genocide museum institute
Հայ որբերից կազմված երգչախումբ Եթովպիայում

Նալբանդյանի հիմնած «Արբա Լիջոչ» («Քառասուն մանկունք») նվագախումբը Եթովպիայի փոփ-երաժշտության ստեղծագործությունների գրեթե կեսի հիմքն է դրել և աֆրիկյան երաժշտությանը կոմիտասյան տարրեր է միահյուսել։ Իսկ նրա եղբորորդին՝ Ներսես Նալբանդյանը, Ադիս Աբեբայում մանկավարժական գործունեություն էր ծավալում։ Արդյունքում ամենատարբեր՝ ֆոլկից մինչև էթնո-ջազ ժանրերում ստեղծագործող երաժիշտների մի ողջ սերունդ է դաստիարակվել մարդկանց կողմից, որոնք հայկական երաժշտության տեսություն էին սովորել անձամբ Կոմիտասի մոտ։

Кеворк Налбандян
© Photo :
Գևորգ Նալբանդյանը

Ազգային այբուբենները

Հայկական և եթովպական այբուբենների նմանության մասին տեղեկություններ կարելի է գտնել տարբեր աղբյուրներում։ Տեսքից դատելով` 8 տառի արտաքին համընկնում կարելի է հայտնաբերել՝ մի քանի տասնյակից։

Մասնագետները պնդում են, որ եթովպական նշանները նման են հայկական տառերին։ Սակայն այնտեղ ամեն նշանը մի վանկ է, մինչդեռ հայերենում յուրաքանչյուր տառը հստակ հնչյունի գրավոր նիշն է։ Ստացվում է, որ նմանություն որպես այդպիսին չկա։

Ինչպես Գևորգ Նալբանդյանը Եթովպիայի առաջին օրհներգը ստեղծեց ու կապիտան դարձավ

Բայց դա երկու երկրներին չի խանգարում շարունակել զարգացնել հարաբերությունները։ Ավելին՝ Հայաստանի իշխանությունները մտադիր են Եթովպիայում դիվանագիտական ներկայացուցչություն բացել, ինչի շնորհիվ բազմադարյա հարաբերությունները նոր շունչ կստանան։

136
թեգերը:
Եթովպիա, Հայաստան, Կոմիտաս
Ըստ թեմայի
Հայ լուսանկարիչների գերդաստանը, կամ ինչու հայերը փախան Եթովպիայից
Ինչպես 40 հայ որբեր Եթովպիայում կազմեցին կայսերական փողային նվագախումբը
Խաղաղության Նոբելյան մրցանակը շնորհվել է Եթովպիայի վարչապետին
Հայկական դրոշ

Ամենադժվարն առաջին անկախությունն էր. ինչով են նման Առաջին և Երրորդ հանրապետությունները

88
(Թարմացված է 21:29 28.05.2020)
Եկեք անկեղծ լինենք։ Անկախության երեք ամիս ունենք. օգոստոս՝ երբ ընդունեցինք Անկախության հռչակագիրը, սեպտեմբեր՝ երբ միահամուռ «այո» ասացինք անկախությանը և վերջապես մայիս՝ երբ առաջին անգամ անկախություն հռչակեցինք։
Ամենադժվարը առաջին անկախությունն էր

Այդ առաջինը ամենադժվարն էր, խոստովանենք՝ այնքան էլ չէինք ուզում։ Եվ, այնուամենայնիվ, ուղիղ 102 տարի առաջ հրապարակվեց մի հաղորդագրություն, որում նշված էր. «Հայոց ազգային խորհուրդը մայիսի 28-ին որոշեց հռչակել Հայկական պետության անկախությունը, հիմնեց Հայաստանի Ժողովրդավարական Հանրապետությունը»: Այսպիսով՝ Կիլիկյան թագավորության անկումից ավելի քան 600 տարի անց մենք՝ հայերս, կրկին ունեցանք մեր սեփական պետությունը։

Սիմոն Վրացյանը, որը հետագայում վարչապետ դարձավ, փաստում էր՝ Հայոց ազգային խորհուրդը Թիֆլիսում հարկադրված եղավ Հայաստանը հայտարարել անկախ, «որովհետև այն պահին անկախությունը բոլորի կողմից համարվում էր ահավոր մի հեռանկար, հայ ժողովուրդը թուրքերի լծի տակ գցելու վտանգ։ 1918թ. մայիսին թուրքերն ի վիճակի էին գրավելու և՛ Երևանը, և՛ ամբողջ Հայաստանը, բայց չգրավեցին: Հակառակը, հունիսի 4-ին Բաթումում, Հայաստանի նորակազմ կառավարության ներկայացուցիչների հետ նրանք ստորագրեցին հաշտության դաշնագիր և դրանով, փաստորեն, ճանաչեցին Հայաստանի անկախությունը: Այսպիսով, պատմության դառը հեգնանքով, Հայաստանի անկախության միջազգային առաջին ճանաչումը կատարեցին թուրքերը»,- գրում է Վրացյանը:

Հայաստանցի ղեկավարները միայն երկու ամիս անց Թիֆլիսից ժամանեցին Երևան։ Բայց բոլոր դեպքերում 1918 թվականի մայիսի վերջին տասնօրյակը չափազանց կարևոր դեր է խաղացել հայ ժողովրդի պատմության ընթացքում, որովհետև հենց այդ օրերին տեղի ունեցան Սարդարապատի, Բաշ-Ապարանի և Ղարաքիլիսայի ճակատամարտերը, որոնք փաստորեն դրեցին անկախ պետականության հռչակման հիմքը։ 

Հայկական նորաստեղծ պետությունը շատ փոքր էր՝ ընդամենը մոտ 12 հազար քառակուսի կիլոմետր, այսինքն՝ ներկայիս Հայաստանի հազիվ մեկ երրորդը։  Բայց հետո իրադրությունը մի փոքր բարելավվեց՝ Թուրքիան պարտություն կրեց Առաջին համաշխարհային պատերազմում և սկսեց հեռանալ գրավյալ հայկական շրջաններից, այդ թվում՝ Լոռիից։ Ճիշտ է, Լոռվա հանդեպ հավակնություններ սկսեցին ներկայացնել վրացիները, բայց հայկական ուժերին, Դրաստամատ Կանայանի գլխավորությամբ, ի վերջո հաջողվեց դուրս մղել վրացիներին այդ տարածքներից։

Ռոբերտ Քոչարյանի անունից ծաղկեպսակ է դրվել Սարդարապատի հուշահամալիրում

Ավելին՝ 1919 թվականի գարնանը հայկական զորքերը անգլիացիների աջակցությամբ ազատագրեցին Կարսի մարզը և Նախիջևանի գավառը՝ ընդամենը մեկ տարվա պատմություն ունեցող հանրապետության տարածքն ընդարձակվեց ու հասավ 60 հազար քառակուսի կիլոմետրի։

Նորանկախ պետության ընդհանուր վիճակն այնուամենայնիվ չափազանց ծանր էր՝ քայքայվել էր տնտեսությունը, չէին աշխատում պղնձի հանքերն ու գործարանները, սովյալների թիվն անցնում էր կես միլիոնից: Այսպիսի պայմաններում անկախ Հայաստանը կարողացավ գոյատևել ընդամենը երկուսուկես տարի։ Հետո եկավ ռուսական բանակը, Հայաստանը հռչակվեց Խորհրդային Սոցիալիստական Հանրապետություն և մտավ ընդհանուր տերության՝  Խորհրդային միության կազմի մեջ, որտեղ մնաց մոտ 70 տարի։ 

Ինչ է փոխվել այն օրերից։ Մի կողմից, իհարկե, համեմատելը շատ դժվար է, որովհետեև փոփոխությունները ողջ աշխարհում և տարածաշրջանում հսկայական են։ Բայց մյուս կողմից՝ կարելի է նաև որոշ զուգահեռներ անցկացնել։ Առաջին անրապետությունը կազմավորվեց ողբերգությունից՝ Ցեղասպանությունից երեք տարի անց։ Այսօրվա Հայաստանը իր անկախության հանրաքվեն անցկացրեց մեկ այլ ողբերգությունից՝ Սպիտակի երկրաշարժից երեք տարի անց։ Թուրքիայի հետ հարաբերությունները այսօր՝ Հայկական առաջին հանրապետության հռչակումից  մեկ դար անց, մնում են չկարգավորված՝ դիվանագիտական հարաբերություններ չունենք, սահմանն էլ փակ է։ 

«Ժամանակն ամեն ինչ իր տեղն է դնում». Սերժ Սարգսյանի ուղերձը

Լեռնային Ղարաբաղի շուրջ հայ-ադրբեջանական վեճը ինչպես այն ժամանակ, հիմա էլ՝ ավելի քան հարյուր տարի հետո շարունակվում է և այսօր էլ շատ դժվար է գուշակել, թե վերջնական լուծումն ինչպիսին է լինելու։ Առաջին հանրապետության գլխին շարունակ կախված էր պատերազմի վտանգը։ Նոր Հայաստանը նույնպես գտնվում էր փաստացի կիսապատերազմական վիճակում։ Առաջինը՝ խորհրդարանական հանրապետություն էր, այժմ Հայաստանը կրկին անցել է նույն համակարգին։ 

Ուղղակի այժմ ունենք փաստորեն երկու հայկական պետություն՝ մեկը ճանաչված, մյուսը՝ չճանաչված, բայց երկուսն էլ գոյատևում են արդեն ավելի քան քառորդ դար՝ տասն անգամ ավելի երկար, քան հայկական Առաջին հանրապետությունը։ 

88
թեգերը:
Արցախ, Սարդարապատ, Անկախության օր, Հայաստան
թեմա:
5 րոպե Դուլյանի հետ
Ըստ թեմայի
«Մեր ազգային միասնությունը, ցավոք, խախտվում է ատելության քարոզի պայմաններում». Մինասյան
Տոնի տխուր կողմը. Սարդարապատի հերոսամարտի հուշահամալիրում մայիսի 28–ին մարդ չկա
Տնտեսական տագնապ, համաճարակ... Արամ Ա-ն համեմատում է 1–ին և 3–րդ հանրապետությունները
«Ուզում եմ, որ Ֆրանսիան միշտ սիրի Հայաստանն այնպես, ինչպես Հայաստանը՝ մեզ»․ Լաքոտ
Վրաստան, շտապօգնություն

«Մենք ձեր կողքին ենք»․Վրաստանը կօգնի Հայաստանին կորոնավիրուսի դեմ պայքարում, եթե դիմեն

185
(Թարմացված է 00:03 29.05.2020)
Հայաստանն ու Վրաստանը աջակցում են միմյանց շատ հարցերում, և COVID-19-ի դեմ պայքարը բացառություն չի լինի։

ԵՐԵՎԱՆ, 28 մայիսի – Sputnik. Եթե Հայաստանին որևէ օգնություն պետք լինի, այդ թվում նաև նոր տիպի կորոնավիրուսով վարակված պացիենտների բուժման հարցում, Վրաստանը պատրաստ է օգնել։ Այս մասին ճեպազրույցի ժամանակ ասել է Վրաստանի Հիվանդությունների վերահսկման ազգային կենտրոնի տնօրեն Ամիրան Գամկրելիձեն։

Գամկրելիձեն պատասխանում էր հարցին, թե արդյո՞ք Վրաստանը կարող է ծայրահեղ ծանր վիճակում գտնվող հիվանդներ ընդունել Հայաստանից, ինչպես Գերմանիան էր ընդունում հարևան երկրներից։

«Գիտեք, անցած շաբաթ փոքրիկ թյուրիմացություն տեղի ունեցավ։ Մենք եղբայրական ժողովուրդներ ենք, միշտ աջակցում ենք միմյանց և լավ հարաբերություններ ունենք Հայաստանի Հիվանդությունների վերահսկման և կանխարգելման կենտրոնի հետ»,-ասաց Գամկրելիձեն։

Նա ընդգծեց, որ երկու կենտրոնները հաճախ են տարբեր դեղամիջոցներ, պատվաստանյութեր փոխանակել, երբ ունեցել են դրա կարիքը։

Վրաստանի անկախության տոնին Հայաստանն անակնկալ է մատուցել հարևանին

«Եթե հայկական կենտրոնը մեզ դիմի օգնության խնդրանքով, ապա մենք մեր իրավասությունների շրջանակում ամեն ինչով պատրաստ ենք օգնել․նաև թեստավորման կամ այլ հարցերով»,-ասաց Գամկրելիձեն։

Պացիենտների բուժման հարցում էլ, եթե Հայաստանն այսօր դրա կարիքն ունենա, Գամկրելիձեի խոսքով, Վրաստանի կառավարությունն ու առողջապահության նախարարությունը ոչ միայն պատրաստ են օգնել, այլև կանեն ամեն հնարավոր բան։

«Այդ հարցը առաջին հերթին Հայաստանի Առողջապահության նախարարությունը պետք է բարձրացնի։ Վստահ եմ, որ Վրաստանը պատրաստակամությամբ կընդունի առաջարկը»,-ասաց Գամկրելիձեն։

Նա հիշեցրել է, որ 1988թ․-ի երկրաշարժից հետո վրացիներն առաջինն են եղել, որ հասել են օգնության։ «Մենք միշտ ձեր կողքին ենք»,-եզրափակել է նա։

Ավելի վաղ ՀՀ առողջապահության նախարար Արսեն Թորոսյանը Հանրային Խորհրդի նիստում խոստովանել էր, որ Վրաստանում ընդունված և դեռևս գործող սահմանափակումներն ավելի խիստ և արդյունավետ են եղել։ Սակայն միաժամանակ նա կասկած էր հայտնել վարակակիրների հաշվարկի մեթոդաբանության վերաբերյալ,` նշելով, որ Հայաստանում հակահամաճարակային համակարգն ավելի լավ է զարգացած, քան հարևաններինը։

Թորոսյանի խոսքերը մեծ իրարանցում էին առաջացրել Վրաստանում, բժշկական հանրությունը պահանջում էր ներողություն խնդրել։ Ավելի ուշ ՀՀ Առողջապահության նախարարությունը դիվանագիտական ճանապարհով պաշտոնական Թբիլիսիին փոխանցել էր, որ ափսոսում է արված հայտարարության համար։

Տևական ժամանակ Վերին Լարսում գտնվող քաղաքացիները տեղափոխվել են Հայաստան

Մայիսի 28-ի դրությամբ Հայաստանում կորոնավիրուսով վարակման դեպքերի թիվը հասնել է 8216-ի։ Մեկ օրվա ընթացքում վիրուսի բարդացումներից մահացել են 7 տղամարդ և 8 կին։ Մահացածներից ամենաերիտասարդը 43 տարեկան էր, ամենատարեցը՝ 92։ Այդպիսով, կորոնավիրուսից մահացածների թիվը Հայաստանում կազմում է 113 մարդ։

185
թեգերը:
թեստ, համավարակ, վարակ, կորոնավիրուս, Վրաստանի Հանրապետություն, Հայաստան
թեմա:
Կորոնավիրուսը Հայաստանում և Արցախում
Ըստ թեմայի
Բերդի կարի արտադրամասում կորոնավիրուսի օջախ է հայտնաբերվել. 80 հոգի թեստավորվել է
Կորոնավիրուսով հիվանդների համար ինտենսիվ թերապիայի տեղերը կարող են չբավարարել. Թորոսյան
Կոլապսն անխուսափելի է. կորոնավիրուսն Ամերիկայի «մեջքը կոտրեց»