Երևան–Երասխ ճանապարհիա վտովթարը

Ողբերգությունն անուն ունի՝«համատարած բառադիություն», կամ մեքենաներ, թե լիցքավորված ռումբեր

231
(Թարմացված է 20:05 09.07.2019)
Արարատի մարզում, Զոդի կամրջի վրա տեղի ունեցած ահասարսուռ ողբերգությունը մի քանի օր է, ինչ ցնցում է մեր հասարակությանը: Հաշված րոպեների ընթացքում մարդիկ ողջ-ողջ այրվել-մոխրացել են: Վեց մարդ, այդ թվում՝ երեխաներ: Սարսափելին այն խոսքը չէ: Ու շատ-շատերը, առաջին ցնցումից հետո, շտապ ու հուզված՝ մեղավորներ են փնտրում, ինչ-որ հարցերի պատասխաններ:

Հասկանալու համար, թե ինչո՞ւ են հնարավոր նման սարսափելի ողբերգություններ, կարծում եմ, արժե ուշադրություն դարձնել տարիներով ու տասնամյակներով ձևավորված առանցքային գործոնների վրա: Մեծ հաշվով, տողերիս հեղինակի խիստ սուբյեկտիվ ընկալմամբ, այս ամենը հանգում է մեկ խոշոր երևույթի, որը կարելի է բնորոշել  «ՄԱՐԴԿԱՅԻՆ ԳՈՐԾՈՆ»: Մեր հասարակության դեպքում այդ գործոնն իր հերթին, որոշակի անուն ունի: Այս դեպքում կարելի է ասել, որ կատարված ողբերգությունն անուն ունի՝ ԲԱՌԱԴԻՈՒԹՅՈՒՆ: Եթե կուզեք խիստ գրական, ապա անպատասխանատվություն և մի էլի անպատասխանատվություն:

Բառադիության «տեխնիկական-մարդկային գործոնները» շատ են:

Մեզ համար ավելի կարևոր է, որ ավտոմեքենայի դիմապակուն համապատասխան կտրոն փակցված լինի առ այն, թե շահագործվող մեքենա-մեխանիզմը տեխնիկական զննություն է անցել, քան թե այն իսկապես ու ինչպես հարկն է տեխզննում անցկացվի:

Հա, ինչ-որ տեխզննում արվում է: «Հապա, ախպերս, մի հատ տոռմուզ տուր… լավ ա: Դե մի հատ էլ՝ ռուչնոյ: Լավ ա: Դավա՜յ, հաջորդը»: Ահա և ամբողջ «տեխզննությունը»: Հա, սահմանված գումարի մուծում, կտրոն, դիմապակի…:

Բայց դա հենց բառադիությունն է, ինչպես ասվում է՝ ոտից գլուխ:

Մեզանից շատերի համար կարևոր է, որ երեխան ինչ-որ տեղ ընդունվի, քան այն, թե ինչ և ինչպես է նա սովորում: Մեզանից շատերի համար կարևոր է, որ նա դիպլոմ ունենա, քան այն, թե իրականում ինչ որակավորման մասնագետ է դառնում: Մենք կամ մեզանից շատերը գերադասում են երեխաներին մեծացնել, քան թե դաստիարակել: Ու հետո սկսում ենք «հայի բախտն» անիծել, թե էսքան տաղանդավոր, օժտված ժողովուրդն ինչո՞ւ է այս օրին ու վիճակում…

Կարճ ասած, մեզ համար ձևը բովանդակությունից կարևոր է:

Արարատի ողբերգական վթարից տուժած 7–ամյա Նարեն արդեն լավ է. նախարարի ու փոքրիկի լուսանկարը

Կարծում եք, թե մենք ավտոմեքենաներո՞վ ենք երթևեկում: Ո՛չ: Դրանք ավտոմեքենաներ չեն, դրանք մեծամասնությամբ գազով լիցքավորված ռուբեր են: Ռումբե՛ր:

Վարորդական իրավունքների «առած-չառածը» ստուգելուց առաջ, երևի պետք է ստուգել ու շատ խիստ, թե ներքին այրման շարժիչով շահագործվող ի հասարակական և անհատական ավտոմեքենաների քանի՞ տոկոսի վրա է սահմանված կարգի գազի բալոններ տեղադրված, դրանց ո՞ր մասն է շահագործման ու պիտանելիության ժամկետի մեջ: Ու միայն բալոնները չեն հարցը, այլև այդ բալոնից դեպի շարժիչ վառելիքի, այս դեպքում՝ գազի մատակարարումը։ Մեքենաներից քանիսի՞ վրա է այդ մատակարարման համակարգը տեխնիկական չափանիշներին համապատասխան մոնտաժված:

Մեկ այլ տեխնիկական-մարդկային հանգամանք: Հասարակական տրանսպորտի, միջքաղաքային ուղևորափոխադրումների ոլորտում ներգրավված ավտոպարկի ո՞ր մասն է ժամկետանց: Առհասարակ, քանի՞ տոկոս են կազմում մինչև 3 տարեկան մեքենաները, մինչև 5 տարեկանները և 5 տարուց ավելի շահագործվողները, որ արդեն էլ շահագործելու ենթակա չեն:

Սրանք են առանցքային հարցերը, որոնց պատասխանները պետք է գործնականում տրված ու տեսանելի լինեն, այլ ոչ թե տրանսպորտի հերթական որևէ նախարար կամ ինչ-որ այլ պաշտոնյա սկսի երկար-բարակ «լոլո կարդալ» հասարակության գլխին: Իսկ առողջապահության նախարարն էլ, «հայտնագործություն» անի, թե՝ բոլորի վարորդական իրավունքները հեչ անենք ու նորից քննություն անցկացնենք:

Կինն այրվել է ամուսնու աչքի առաջ. ովքեր են Արարատի ավտովթարից մահացածները. մանրամասներ

Ի դեպ, վարորդական իրավունքի վկայականների մասին: Ուղևորափոխադրումներ իրականացնելու ոլորտում աշխատող վարորդների ո՞ր մասը ունի պահանջվող «D» կարգը: Որ ստուգեն, կարող է թվային տվյալը փշաքաղեցնող լինել: Բայց որ մեկին հանկարծ «կպնեն», միաբերան տրտունջք կսկսվի՝ վա՜յ, խեղճ մարդուն օրվա հացից կտրեցին: Դե, իհարկե, մեզ համար կարևոր է, որ թեկուզ կարգ խախտելով, մարդն օրվա հացից չզրկվի: Թքած այն բանի վրա, որ վաղը կարող է նրա պատճառով կտրվել կյանքն այլ մարդկանց, որոնց միակ մեղքը այն էր, որ ուզում էին տրանսպորտով Ա կետից Բ կետը գնալ:

Մեկ այլ տեխնիկական հարց. ԱԻ նախարարը խոսում էր հասարակական, միջքաղաքային, միջհամայնքային ուղևորափոխադրումներում ներգրավված տրանսպորտը «դիզվառելիքին նստեցնելու», այսինքն՝ դիզելային վառելիքի անցնելու անհրաժեշտության մասին:

Եթե վերջին սահմռկեցնող ողբերգությունը գոնե խթանի, որ դա առանց ներման-բեկման կատարվի, ապա կարելի է տեղաշարժ համարել: Բայց համակարգային բառադիությունը թույլ կտա՞:

Թույլ չի տա: Մենք գիտենք, որ աջակողմյան երթևեկությամբ երկիր ենք, այսինքն՝ մեքենայի ղեկը ձախից պետք է լինի, բայց շարունակում ենք հազարներով «աջ ռույլ ավտո» բերել, ցույցեր ենք անում, որ բերենք ու վարենք: Դա էլ է անպատասխանատվության մեկ երանգ: Ու բնութագրական է…

Չարաբաստիկը սոսկ եղելությունը չէ: Չարաբաստիկը «էնքան որ տեղ հասնենք» տիրապետող մտայնությունն է նաև: Չարաբաստիկը մեր բառադիությունն է, բազմապատկված անպատասխանատու վերաբերմունքը:

Ձերբակալվել է Արարատի Զոդի կամրջի ավտովթարի մասնակից «Տոյոտա Հիլուքսի» վարորդը

Մեկը «օրվա հացի» մոտեցմամբ, ինչ-որ խողովակ այնպես չէ մոնտաժել, մեկ ուրիշը, «օրվա հացի» համար աչք է փակել դրա վրա, երրորդն «օրվա հացի» համար թղթի կտոր է տվել, թե ամեն ինչ կարգին է, կարող եք քշել, չորրորդը, երևի վախենալով ընդհանուր «բոլոլայից», ժամանակին ոտքը չի խփել նախարարական կաբինետի մանրահատակին ու չի ասել, որ «գազավորված» փոխադրամիջոցներն ուղևորատար ռումբեր կամ հրկիզարաններ են, որ չի կարելի դրանք այդ ձևով շահագործել ու՝ վերջ:

Ճշմարտության երեսին նայելը հաճույք չէ, որքան էլ այն, ասում են՝ մերկ է: Այն ավելի շուտ տառապանք է, բայց անհրաժեշտություն:

231
թեգերը:
գազ, Վիրավոր, Զոհ, ՀՀ Ոստիկանություն, Արսեն Թորոսյան, ավտոբուս, ավտոմեքենա, ավտովթար, Հայաստան
Ըստ թեմայի
«Վարորդի սխալն է». Ցոլակյանը` Վրաստանում 3 կյանք խլած սարսափելի վթարի մասին
Ի՞նչ վիճակում է Թբիլիսիում տուժած հայ տղամարդը. դեսպանատունը մանրամասներ է հայտնում
Կաթողիկոսը ցավակցական ուղերձ է հղել Արարատում գրանցված ողբերգական ավտովթարի կապակցությամբ
Կարմիր բանակի գեներալ-մայոր Հայկ Մարտիրոսյանի ու 239-րդ հրաձգային դիվիզիայի մարտիկների հուշահամալիր

Նոր սերնդի գեներալները Հայաստանում շատ են, իսկ երեխաներով զբաղվող չկա

166
Տուլայի մարզի Նովոմոսկովսկ քաղաքում բացվել է Կարմիր բանակի գեներալ-մայոր Հայկ Մարտիրոսյանի ու 239-րդ հրաձգային դիվիզիայի մարտիկների հուշահամալիրը։ Այդ կապակցությամբ Sputnik Արմենիայի սյունակագիրը պատմում է իր հիշողությունները փառավոր զորավարի մասին։

Նույն ազգանունով երկու գեներալը փոքր Երևանում խառնաշփոթ էին ստեղծում։ Ու չսխալվելու համար Հայկ Հովհաննեսի Մարտիրոսյանին անվանում էին ալեհեր ու բարձրահասակ, իսկ Սարգիս Սողոմոնի Մարտիրոսյանին՝ հերոս։

Մի դեպքում առաջնորդվում էին ակնհայտ ֆիզիկական տվյալներով, մյուս դեպքում՝ պարգևներով. գեներալ– լեյտենանտ Սարգիս Մարտիրոսյանը Խորհրդային Միության հերոս էր։ Գեներալ-մայոր Հայկ Մարտիրոսյանը հերոսի կոչում չէր ստացել, բայց մազերը սպիտակելու պատճառը դա չէր․ դա սովորական տարիքային փոփոխություն էր։

Ութսունականների երևանցիները հաճախ էին տեսնում նրան փողոցներում քաղաքացիական հագուստով, ու ինչպես այն ժամանակ ընդունված էր, քաղաքակիրթ կերպով բարևում էին։

Ճանաչված լինելը ոչ միայն հաճելի է, այլև հաճախ օգտակար։ Իննսունականների սկզբին, երբ բոլորի համար էլ դժվար էր, գեներալի հարսը մի անգամ դատարկ ձեռքով տուն վերադարձավ։ Մարտիրոսյանը հանգվեց ու խանութ գնաց։ Միլիցիոները ճանաչեց նրան ու հաց տվեց գեներալին։ Հերթում կանգնածները չառարկեցին։

Հայկական զորախումբը պատրաստ է Մոսկվայի շքերթին, կամ րոպեում քանի՞ քայլ են անում զինվորները

Գեներալի որդին՝ Ռոբերտը, շարունակեց հոր գործը: Դա հաճախ է լինում զինվորականների ընտանիքում։ Ծառայության ընդհանուր ժամկետը` քսանյոթ տարի, որից յոթը՝ ԳԴՀ-ում, ևս երկուսը՝ Արցախում, նա ապստամբներին հրետանային հրաձգություն էր սովորեցնում։

Նրա դստերը՝ Ելենային, որը կոսմետոլոգ էր աշխատում, Երևանում շատերն են հիշում (այժմ նա Ամերիկայում է), սակայն թերևս ամենալավը կանայք են հիշում։ Նա հաջողության ու ընդհանուր ճանաչման էր հասել, սակայն գեղեցկանալու համար կանայք գնում էին ոչ թե պարզապես գեղեցկության սրահ, այլ «գեներալ Մարտիրոսյանի դստեր մոտ»։

Հայկ Մարտիրոսյանը Երևանի պատվավոր քաղաքացի էր, սակայն կա մի քաղաք, որտեղ նա ավելի շուտ է ճանաչում ստացել` դեռ մինչ գեներալ դառնալը։ Ավելին, վերջերս այդ քաղաքում փողոց են բացել ու այն անվանել Մարտիրոսյանի պատվին։

Քաղաքը կոչվում է Նովոմոսկովսկ (պատերազմի տարիներին՝ Ստալինոգորսկ), գտնվում է Տուլայի մարզում, հիշում է իր հերոսներին։ Այստեղ գնդապետ Մարտիրոսյանը պաշտպանել է քաղաքը, հետք է մղել ֆաշիստական զորքերին պաշտպանական սահմաններից, չի թողել Մոսկվային մոտենալ։

11 չհանձնվող տղամարդ, կամ սև օրվա համար արած խնայողություններն ավելի քիչ են, քան սև օրերը

․․․Երևանցիների ավագ սերունդը ներկայիս սերնդից առավել է նրանով, որ փողոցով քայլելիս, թատրոն մտնելիս, հյուր գնալիս կարող էր տեսնել ուսադիրների վրա գեներալական աստղերով պատերազմի մարդկանց։

Կհարցնեք՝ ի՞նչ լավ բան կա դրանում, ո՞րն է առավելությունը։ Նույն ուրախությունն է, որն այսօր զգում են նույն փողոցով քայլող, նույն տանն ապրող հայտնի մարդու հետ հանդիպելիս, որը նույն «Արարատին» է երկրպագում ու շտապում է թոռանը դպրոցից վերցնել։ Այդպիսի հայտնի մարդ կարող էր լինել, օրինակ, Արմեն Ջիգարխանյանը, Պարույր Սևակը Երևանում կամ Շառլ Ազնավուրը` Փարիզում:

Իսկ առավելությո՞ւնը որն է։ Մի ժամանակ երիտասարդության ռազմահայրենասիրական դաստիարակություն գաղափար կար։ Երիտասարդություն կա, դաստիարակությունն է քիչ։ Պատերազմը ոչ ոք չի չեղարկել, իսկ հայրենասիրությունն ինքնին չի առաջանում, այն պետք է դաստիարակել, բայց ինչպե՞ս։ Մի բան է, երբ դրանով զբաղվում են զուտ քաղաքացիական անձիք, ու լրիվ այլ բան է, երբ դրանով զբաղվում են ռազմաճակատից վերադարձած մարդիկ։ Օրինակ, ղարաղաբյան պատերազմի մասնակիցները։

Ի՞նչ էին հագնում Երևանի «Ցախի մեյդանի» երեխաները, որոնցից շատերը զենքով էին գնում դպրոց

Նոր սերնդի գեներալները Հայաստանում շատ են, սակայն դպրոցներում ու ինստիտուտներում, զանգվածային միջոցառումներին ուսադիրների վրա մեծ աստղերով զինվորականներն են քիչ։

Անհատներին եմ անցնում։ Երևանում կարելի էր հանդիպել նրանց, բարևել ու հանդիպումների հրավիրել․ նրանք չէին մերժում։ Գեներալներ Նվեր Սաֆարյանը, Սերգեյ Կարապետյանը, Միխայիլ Մուրադյանը, Տարաս Թուսուզյանը, Աշոտ Ղազարյանն ու բնականաբար Հայկ ու Սարգիս Մարտիրոսյանները (երևի էլի կային, բայց թվարկել եմ նրանց, ում հիշել ու ճանաչել եմ)։

Հայրենական մեծ պատերազմ է գործուղվել վաթսուն հայ գեներալ։ Պատերազմի ավարտից հետո գեներալի կոչում են ստացել ևս ութսուներեքը։

Մեր օրերում մեծ աստղերը երկրի պաշտպանների նոր սերնդի ուսադիրների դրա են։ Հրամաններն այսօր հայերեն են տրվում, համազգեստների վրայի շքանշաններն ու մեդալները հայկական են, կանոնադրությունը հայերեն է, մի բան է անփոփոխ՝ նվիրյալ ծառայությունը հայրենիքին։

«Սպեկուլյանտ» Գագոն ու «սեքսի» Արփիկը, կամ ինչն է միավորում մարդկանց ու Երևանի փողոցները

166
թեգերը:
Հայրենական մեծ պատերազմի վետերան, Հայրենական մեծ պատերազմ, Երևան, Հայաստան, հերոս, գեներալ
Ըստ թեմայի
Բրիտանական պարադոքս. ինչու հայը սկսեց անգլերեն խոսել գերմանական գերության մեջ
«Կանաչ խաչ» և գեղեցիկ աղջիկներ. ինչո՞վ է վտանգավոր դեղատնային բիզնեսը Հայաստանում
Մարզիկները ո՛չ իրենց «քաշեցին», ո՛չ էլ թիմին. Հայաստանը լավագույններին էր Մոսկվա ուղարկում
Վենեսուելա

Համավարակը և իշխանափոխությունը․ մինչև տարեվերջ ո՞ր պետության իշխանությունները կլքեն աթոռը

212
(Թարմացված է 09:33 06.08.2020)
Եկեք անկեղծ լինենք։ Պնդումները, թե կորոնավիրուսի համավարակը կարող է որոշ երկրներում իշխանափոխության պատճառ դառնալ, բավական հիմնավոր են։ Խոսքը հատկապես այն երկրների մասին է, որտեղ առաջիկա ամիսներին խորհրդարանական կամ նախագահական ընտրություններ են սպասվում։
Կորոնավիրուսը և իշխանափոխությունը

Հայաստանում իշխանափոխության հեռանկար կարծես թե չկա հենց այն պատճառով, որ առաջիկա առնվազն մեկ տարում համապետական ընտրություններ չեն նախատեսվում, իսկ թե մեկ տարի հետո ինչպիսի իրավիճակ կստեղծվի՝ կարծում եմ Նոստրադամուսն էլ չէր կարողանա կանխատեսել։

​Համենայնդեպս պարզ է, որ իշխանափոխության հեռանկարն առաջին հերթին վերաբերվում է այն պետություններին, որտեղ մինչև համավարակն էլ քաղաքական իրավիճակը բավական խախուլ էր ու անորոշ և, որոնք չեն կարող խուսափել հզոր տերությունների ազդեցությունից ու ճնշումներից։ Ամենավառ օրինակը երևի թե Վենեսուելան է։ Շատ կոնկրետ փաստ ներկայացնեմ․ հենց երեկ ամերիկյան Սենատի արտաքին գործերի հանձնաժողովում ելույթ ունեցավ Վենեսուելայի գործերով հատուկ հանձնակատար Էլիոթ Աբրահամսը և ասաց, որ Վենեսուելայի նախագահ Նիկոլաս Մադուրոն ամենայն հավանականությամբ իշխանությունից կզրկվի մինչև տարեվերջ։

Եթե Քանյե Ուեսթը նախագահ դառնա, կշահենք մենք ու Չինաստանը

​Որն է այս կանխատեսման հիմքը։ Ամերիկացի պաշտոնյան հիշեցրեց, որ դեկտեմբերին Վենեսուելայում խորհրդարանական ընտրություններ են կայանալու, իսկ ներկա պայմաններում ժողովուրդը դժվար թե իր քվեն տա գործող իշխանություններին։ Մենք՝ հայաստանցիներս, իհարկե, շատ լավ գիտենք, որ ցանկացած ընտրությունների արդյունքները կարելի է նաև կեղծել, բայց Վենեսուելայի դեպքում մի շատ հետաքրքիր առանձնահատկություն կա․ այստեղի գործող խորհրդարանն ընդդիմադիր է։ Այո, այո, մի քանի տարի առաջ Վենեսուելայում հաղթել է ընդդիմությունը։

​Պարզապես հիշեցնեմ՝ երբ սոցիալիստների նախկին առաջնորդ Ուգո Չավեսը մոտ ութ տարի առաջ կյանքից հեռացավ, Վենեսուելայում նախագահական ընտրություններ կազմակերպվեցին, հաղթեց Չավեսի հետնորդը՝ Նիկոլաս Մադուրոն։ Կասկածելի ընտրություններ էին, ընդդիմությունը ժողովրդին դուրս բերեց փողոց, տեղի ունեցան բախումներ, սպանվեց ավելի քան 40 մարդ: Համաձայնեք՝ շատ ծանոթ ու ցավոտ պատկեր է: Բայց մեր երկու երկրների նմանությունը այսքանով կարծես թե սահմանափակվում է: Մենք նավթ ու գազ չունենք, իսկ Վենեսուելայի արտաքին եկամուտների 95 տոկոսը գոյանում է նավթի արտահանումից:

Եթե լրագրողը ճշմարտությունն է ասում, նրա ի՞նչ գործն է հոգալ հետևանքների մասին. Բրեդլի

Հիշո՞ւմ եք՝ Սովետի ժամանակ այսպիսի մի չար կատակ էր շրջանառվում․ «Սոցիալիզմը այն հասարակարգն է, որտեղ անվճար դեռ ոչինչ չեն տալիս, իսկ փողով արդեն ոչինչ հնարավոր չէ գնել»: Այ, մոտավորապես այսպիսի պատկեր ստեղծվեց Վենեսուելայում․ սուպերմարկետներում հսկայական հերթեր էր, անհետանում էր շաքարը, կաթը, բրինձը, սուրճը, ալյուրն ու ձեթը: Իհարկե, կարող եք ասել՝ այսպիսի հետևանքների է հանգեցնում սոցիալիստական գաղափարախոսությունը: Կարող եք նույնիսկ Ուինսթոն Չերչիլին մեջբերել․ «Կապիտալիզմի գլխավոր թերությունը՝ բարիքների անհավասար բաշխումն է, սոցիալիզմի հիմնական առավելությունը՝ աղքատության հավասար բաշխումը»։ Բայց, ախր, Վենեսուելայի դեպքում խոսքն այն երկրի մասին է, որն ունի աշխարհում ամենամեծ նավթային պաշարները։

Վերջին տարիներին Վենեսուելայից հեռացել է ավելի քան 4 միլիոն մարդ, կամ յուրաքանչյուր ութերորդ բնակիչը։ Այս աննախադեպ արտագաղթն ահագնացել է այն բանից հետո, երբ, ըստ մասնագետների, դեռ մեկ տարի առաջ փլուզվել է Վենեսուելայի առողջապահական համակարգը, սկսվել է գիպերինֆլյացիան, իսկ հաղթած ընդդիմության առաջնորդը՝ Խուան Գուայդոն հայտարարել է, որ հենց ինքն է երկրի ղեկավարը։ Այսինքն՝ վերջին խորհրդարանական ընտրություններից հետո այստեղ երկիշխանություն է։ Քանի դեռ զինվորականները սատարում են Մադուրոյին, նա կարող է իրեն ապահով զգալ։ Բայց ընդդիմությունն էլ, ինչպես ասում են, ձեռքերը ծալած չի նստում։ Մի քանի ամիս առաջ՝ մայիսին հաղորդվեց, որ ընդդիմության ներկայացուցիչներն ավելի քան 200 միլիոն դոլար են վճարել ամերիկյան ընկերություններից մեկին՝ Վենեսուելայում հեղաշրջում իրականացնելու համար։

Համաձայնեք՝ նման պայմաններում ամենևին չի բացառվում, որ մինչև այս տարվա վերջը աշխարհի առնվազն մեկ պետությունում՝ Վենեսուելայում, իշխանափոխություն տեղի կունենա։ Թե ինչ դեր է տվյալ դեպքում խաղում կորոնավիրուսը՝ կարելի է անվերջ վիճել։

212
թեգերը:
Հայաստան, իշխանափոխություն, Ընտրություններ, Վենեսուելա
թեմա:
5 րոպե Դուլյանի հետ
Ըստ թեմայի
Ինչ պետք է անեք ջահել ժամանակ, որ հասուն տարիքում վատ չզգաք. գիտնականների 10 խորհուրդները
Թող այդ ամենի մասին մեր երեխաներն ու թոռները մտածեն, մեզ մեր խնդիրներն էլ բավարար են
Ո՞ր խավին ենք պատկանում հայերս․ սոցիալիզմի ու կապիտալիզմի արանքում
Թեժ վիճաբանություն «հայու գենի» շուրջ, կամ մենք ու Ամերիկան
Հիվանդասենյակ, արխիվային լուսանկար

ՀՀ–ում կորոնավիրուսի հետևանքով ևս 2 մարդ է մահացել

7
(Թարմացված է 11:01 06.08.2020)
Առողջապահության նախարարությունը մանրամասներ է հայտնել կորոնավիրուսի զոհերի մասին։

ԵՐԵՎԱՆ, 6 օգոստոսի – Sputnik. ՀՀ առողջապահության նախարարությունը հայտնում է, որ վերջին մեկ օրում Հայաստանում կորոնավիրուսը երկու մարդու կյանք է խլել։ 

«Պպացիենտները եղել են 82 (կին) և 62 (տղամարդ) տարեկան։ Վերջիններս ունեցել են ուղեկցող քրոնիկական հիվանդություններ»,– նշված է հաղորդագրության մեջ։

Կորոնավիրուսի յուրաքանչյուր 100 դեպքը նշանակում է 2 մահ. Արսեն Թորոսյան

Նշենք, որ կորոնավիրուսով վարակվածների թիվը վերջին մեկ օրում ավելացել է 233–ով և դարձել 39 819։  Փաստացի բուժում է ստանում 7 263 մարդ, կատարվել է 171 600 թեստավորում, առողջացել են վարակվածներից 31 556-ը։ Գրանցվել է մահվան 772 (+2) դեպք։ Կորոնավիրուսով վարակված, բայց այլ հիվանդության պատճառով մահացածների թիվը չի ավելացել (228)։։

Հայաստանում արտակարգ դրության ռեժիմը կերկարաձգվի ևս մեկ ամսով

7
թեգերը:
տղամարդ, Կին, Զոհ, հիվանդ, Մահ, կորոնավիրուս, Հայաստան
թեմա:
Կորոնավիրուսը Հայաստանում և Արցախում
Ըստ թեմայի
ՌԴ–ում կորոնավիրուսի դեմ պատվաստանյութը կսկսեն փորձարկել երեխաների վրա
Կորոնավիրուսից մահացել է հայտնի հնագետ Գրիգոր Արեշյանը
ՀՀ–ում կորոնավիրուսի հետևանքով 2 մարդ է մահացել
Իրավապահները տեղորոշել են կորոնավիրուսի մասին հակաքարոզչություն անողներին. Փաշինյան