Երթուղային տաքսի

«Հայերը տեղ են գնում երթուղայինով». ռեալիթի շոու, որը ծիծաղելի կլիներ, եթե իրական չլիներ

650
(Թարմացված է 21:08 11.06.2019)
Լրահոսն ու Ֆեյսբուքը «մարշրուտկա» են նստել: Պայմանական ասած՝ 46 համարի «Գազելը»: Վարորդի անունը Ռուստամ էր, վարորդական վկայականն էլ՝ միկրոավտոբուս վարելուն անհամապատասխան: Ծխելը, ամեն դեպքում, վնաս է: Իսկ հասարակական տրանսպորտի վարորդների դեպքում արգելված: Ու վարորդը հրաժարական տվեց, ավելի ճիշտ՝ գործից հանեցին…

Հասարակությունը պետք է որ գոհ լինի: Բայց դա էլ այդպես չէ: Կեսը վարորդին էր պաշտպանում, թե նման ճանապարհներին ու պայմաններում ոնց չծխի, հետո արդեն, թե՝ էդ էիք ուզո՞ւմ, խեղճ մարդը գործազուրկ դարձավ (չարժե շատ անհանգստանալ, քանզի նա մի կարճ ժամանակ անց մեկ ուրիշ «Գազելի» ղեկին կնստի): Մյուս կեսը պաշտպանում էր ահազանգած ու աղմկահարույց, լրահոսի հիթ դարձած տեսագրության հեղինակ կնոջը՝ Անիին: Մեկ այլ խումբ, ընդհանրապես, անարգանքի սյանն էր գամում մյուս ուղևորներին ու նկարող կնոջն սպառնացողներին: Կային մեկնաբանողներին մեղադրող-սպառնացողներ: Մի խոսքով՝ պատրաստի սերիալ՝ «Մի խումբ հայեր տեղ են գնում երթուղայինով»: Ու առհասարակ, զարմանալի է, որ դեռ ոչ մեկի մտքով չի անցել նման ռեալիթի շոու նկարել:

Իսկ առհասարակ, այդ մանր ու, ինչպես ոստիկանական ամփոփագրերում են նշում՝ կենցաղային հարցերի շուրջ ծագած միջադեպն ուշադրություն գրավեց որպես երկրի ու հասարակության միկրոմոդել, եթե կուզեք՝ մանրակերտ: Սա է՝ մեր «ուրախ», ծխեցված, աղմկոտ, ջղային, նաև՝ բուրավետ «Հայաստան» երթուղայինը, որտեղ վարորդին դիտողություն անելը վերածվում է համընդհանուր շիլաշփոթի և իրարուտոցու:

Դիտում եմ երեկ սոցիալական ցանցերում տարածված տեսանյութը, երբ կինը պահանջում է վարորդին չծխել երթուղային տաքսու մեջ: Ի տարբերություն շատերի՝ տեսանյութը դիտում եմ առանց ապշելու, թե ինչպես են մյուս կանայք վիրավորում իր իրավունքները, առողջությունն ու ի վերջո, հասարակական կարգը պաշտպանել փորձող կնոջը, չեմ ապշում հրապարակված տեսանյութի ներքևում գրված էլ ավելի վիրավորական մեկնաբանություններից: Չեմ ապշում նաև իր իրավունքները պաշտպանող կնոջ ոչ կոռեկտ խոսելաոճից։

Քայլելով, հրապարակում բղավելով, շերեփներն իրար խփելով, գործադուլ անելով, խանութում, շուկայում, շքամուտքում, «բեսետկայում» քաղաքական «խորիմաստ» վերլուծություններ անելով կիրթ, գրագետ, իրեն ու շրջապատին հարգող քաղաքացի չեն դառնում: Կիրթ քաղաքացին խմբակային չիմաստավորված, չտրամաբանված, չմտածված, «հենց այնպեսի համար», բնազդով չի գործում, կիրթ քաղաքացին ինքնուրույն է որոշում կայացնում՝ հասկանալով, որ իր իրավունքներն ավարտվում են այնտեղ, որտեղ սկսվում են մյուս քաղաքացու իրավունքները:

Ես չեմ զարմանում երթուղային տաքսում տեղի ունեցած միջադեպից, որովհետև սեփական մաշկի վրա եմ զգացել «էս երիտասարդներն իրենց լրիվ կորցրել են, փչացել են, հարգանք չկա․․․» կյանքի ընկալումն իրենց համար հեշտացնող փիլիսոփայություն ունեցող կանանց խեթ հայացքներն ու «նայում եմ, բայց չեմ տեսնում, լսում եմ, բայց լավ չի լսվում» հոգեբանությամբ տղամարդկանց վերաբերմունքը, երբ համարձակվել եմ հասարակական վայրում լինել քաղաքացի կամ պարզապես մարդ։

Երբ տոպրակները ձեռքիցս կախված, իսկ ես էլ՝ ավտոբուսի բռնակից, ոտքերն իրարից պատվավոր հեռավորությամբ դրած, նստարանին բազմած ու դեմքով պատուհանի ապակու մեջ ընկղմված, ինձ տարեկից երիտասարդին խնդրել եմ, որ իր տեղը զիջի հղի կնոջը, կամ իրար կողքի առոք-փառոք նստած դպրոցական երեխաներին խնդրել եմ «նեղ անել, տեղ անել» դողացող ոտքերով, դժվարությամբ ավտոբուս բարձրացած տատիկի համար: Ի դեպ, այդ անգամ մի քանի կանգառ հետո, երբ տատիկն իջավ, հետևի նստարանից լսվեց թերևս նրանց մոր ահարկու ձայնը՝ «Մի հատ հանգիստ ու ազատ նստեք ձեր տեղը», դրանից հետո էլ ինձ՝ ոտքի վրա ճզմված կանգնած «նսեմիս» ոտքից գլուխ չափող, ինձ ոչնչացնող, «տեղը դնող» հայացքը բաժին հասավ:

Տիկնայք և պարոնայք, քաղաքացի դառնալու համար միայն ընտրությունների ժամանակ 5000 դրամով ձայնը չվաճառելը բավական չէ: Հրապարակ դուրս գալ, փողոցը նստարանով փակելն ու քաղաքականության բախտը որոշող «նստարանի» վրա մինչև երեկո նստելն ու «սեմուշկա չրթելը» բավական չէ..Քաղաքացի դառնալու համար դուք պիտի հարգեք ձեզ ու ձեր շրջապատի մարդկանց, պիտի սովորեք հերթ պահել, այլ ոչ թե հերթում կանգնած երեխայի հերթն անցնել՝ վստահ ու ծանրակշիռ պատճառաբանությամբ, որ դուք մեծ եք, դրա համար իրավունք ունեք: Դուք քաղաքացի չեք դառնա, քանի դեռ տեսնում եք, որ կողքի կանգնած տիկնոջ պայուսակից դրամապանակն են հանում և որոշում եք լռել, որ «անցավ գլուխներդ ցավի տակ չդնեք»:

Դուք քաղաքացի չեք դառնա, քանի դեռ բակում սար դարձած աղբը ձեզ համար մեկ է, շքամուտքի փոշին՝ «թող հարևանը մաքրի», կարևորը ձեր դռան առաջ գցված շորը մաքուր է, ձեր բնակարանի ներսում ստերիլ մաքուր է, իսկ պատշգամբ հասնող գարշահոտությունը ձեր տնից չէ ու հանգիստ կարող եք հայհոյել քաղաքապետարանին, համայնատիրության ղեկավարին, առաջին հարկի հարևանին: Դուք քաղաքացի չեք դառնա, քանի դեռ լուռ կամ բարձրաձայն հավանության եք արժանացնում մեկ ուրիշին հրապարակային վիրավորողին: Դուք քաղաքացի չեք դառնա, քանի դեռ ցանկացած խնդրի վրա թքած ունեք, եթե այն անմիջական ձեզ չի վերաբերում...

Տիկնայք և պարոնայք, դուք քաղաքացի չեք դառնա, քանի դեռ…

650
թեգերը:
Հայաստան
Ըստ թեմայի
Ուրախության պրոֆեսորն ու ծիծաղով բուժող Արմեն Խոստիկյանը
Ինքնաբո՞ւխ հավաք. ոստիկանապետն այդքան վստա՞հ է, որ ոչ մեկը օրենքը չի բացի ու չի կարդա
Անհատական մերսում, բայց հյուրանոցի ներսում. ինչպես են ինտիմ առաջարկներ արվում սոցցանցերում
ԵՊՀ

Արժե՞ վստահել վարկանիշներին. ինչ անել, որ հայկական բուհերն էլ լավագույնների շարքին դասվեն

29
Եկեք անկեղծ լինենք: Հայաստանի բարձրագույն կրթական համակարգի մասին կան բազմաթիվ կարծիքներ, որոնք շատ հաճախ ուղղակի տրամագծորեն տարբերվում են միմյանցից:
Բա լավ, ինչու աշխարհի լավագույն բուհերի ցանկում չկանք

Հարցրեք ոլորտի պատասխանատուներին և նրանք միանգամայն շահեկան պատկեր կներկայացնեն` նշելով բազմապիսի անհերքելի նվաճումներ։ Շատ լավ, կասեմ ես ու կտամ մի հասարակ հարց՝ դե էդ դեպքում ասեք, թե մեր հայաստանյան բուհերը ինչպիսի դիրք ունեն աշխարհի լավագույն համալսարանների շարքում:  

Տեսեք` վերջին տարիներին Հայաստանում արդեն կիրառվում է բուհերի այսպես կոչված ազգային վարկանիշավորում, այսինքն որոշվում է, թե մեր լավագույն բուհերը որոնք են: Սովորաբար ամենալավը  Երևանի պետական համալսարանն է: Լավ, իսկ ինչ դիրք է զբաղեցնում մեր մայր բուհը աշխարհում: Գիտեք, իհարկե, ամեն տարի տարբեր կազմակերպություններ հրապարակում են աշխարհի լավագույն համալսարանների ցուցակները: Դրանցից մեկը «Վեբոմետրիքս» համակարգն է, որի ցուցակում մեր առաջատար բուհը՝ Երևանի պետական համալսարանը, մի քանի տարի առաջ զբաղեցնում էր, կներեք, նույնիսկ անհարմար է ասել՝ 2628-րդ տեղը: Երևանի բժշկական համալսարանը ընդհանրապես աշխարհի 10 հազար լավագույն բուհերի մեջ չէր մտնում:

​Կարող եք իրավացիորեն ասել՝ դե, իհարկե, աշխարհում կան բազմաթիվ հայտնի կրթական հաստատություններ, մենք հո չենք կարող մրցակցել առաջատարների հետ: Միանգամայն հասկանալի է, որ երևանյան մեր համալսարանը Հարվարդի ու Օքսֆորդի հետ չի կարող համեմատվել: Բայց գոնե մեր տարածաշրջանում, քիչ թե շատ մեզ նման երկրների հետ կարո՞ղ ենք մրցակցել: Մեծ Բրիտանիայում կա այսպիսի ընկերություն, կարճ կոչվում է «Քյուէս», որը բացի բուհերի համաշխարհային ցուցակներից վերջերս կազմում է նաև տարածաշրջանային ցուցակներ: Մի քանի տարի առաջ ընկերությունը հրապարակել է «Զարգացող Եվրոպայի և Կենտրոնական Ասիայի» 150 լավագույն բուհերի ցանկը: Եթե անհասկանալի է, թե որ տարածաշրջանի մասին է խոսքը, կարող եմ պարզապես թվարկել՝ ԱՊՀ, Բալթյան երկրներ, Կովկաս, Թուրքիա և Արևելյան Եվրոպա: Այսինքն՝ բոլոր այն երկրները, որտեղ նախկինում իշխում էր սոցիալիզմը, պլյուս Թուրքիա:

Ուսումնասիրեք այդ պետությունների 150 լավագույն համալսարանների ցուցակը՝ հայաստանյան որևէ բուհ չեք գտնի: Մեր մայր բուհն էլ չկա: Այնինչ, Ղազախստանի ազգային համալսարանն, օրինակ, 21-րդ տեղում է, Բելառուսի պետական համալսարանը՝ 36-րդն է, էլ չեմ ասում, որ Մոսկվայի պետական համալսարանը պարզապես գլխավորում է ցուցակը: Նույնիսկ Ղրղզստանում գործող մի համալսարան կա: Այսինքն` Եվրասիական միության  բոլոր անդամները 150 լավագույն բուհերի ցուցակում ներկայացված են, միայն Հայաստանը չկա: Ի դեպ, այդ ցուցակում կա ադրբեջանական միանգամից մի քանի համալսարան: Համաձայնեք՝ բավական մտահոգիչ է: Սպառազինության մրցավազքը մի կողմ դնենք, բայց կրթության ոլորտում հետ ընկնելը լուրջ հետևանքների կարող է հանգեցնել:

Թեժ վիճաբանություն «հայու գենի» շուրջ, կամ մենք ու Ամերիկան

​Հիմա կասեք՝ բա, լավ, ինչ անենք։ Այդ հարցը տարիներ առաջ ծագել է Գերմանիայում, Ֆրանսիայում և այլ երկրներում։ Ու նրանք գտել են պատասխանը. պետությունը պետք է ամեն ինչ անի, որպեսզի իր համալսարանները հայտնվեն աշխարհի ամենահեղինակավոր բուհերի ցուցակի պատվավոր տեղերում։ Այսինքն՝ ուղղակի շատ կոնկրետ գումարներով խրախուսել են բուհերին։

Ինչով են տարբերվում բազմակողմանի զարգացած հայը և նման բրիտանացին, կամ մենք ամեն ինչ գիտենք

​Տեսեք, թե Ուսաստանն ինչ է արել: Մի քանի տարի առաջ շատ լուրջ պետական ծրագիր են մշակել, որը կոչվում է 5-100: Ոչ թե 500, այլ 5 և 100: Երևի կռահեցիք, թե ինչ է նշանակում այս անվանումը: Այո, շատ ճիշտ եք՝ այնպես անել, որ մինչև 2020 թվականը ռուսաստանյան առնվազն 5 համալսարաններ հայտնվեն աշխարհի 100 լավագույն բուհերի ցուցակում: Շահագրգռել են բուհերին, մրցույթ են հայտարարել, ասել են՝ ներկայացրեք ծրագիր, թե ինչպես եք մտադիր հայտնվել 100 լավագույնների շարքում, ու մրցույթը շահողները պետությունից կոնկրետ գումար կստանան իրենց այդ ծրագիրն իրագործելու համար: Սա իր արդյունքը տվել է՝ կապ չունի, թե քանիսն են հայտնվել 100 լավագույն բուհերի ցուցակում, ուղղակի այդ խրախուսումը ստացած բուհերից մի քանիսը հսկայական առաջընթաց են ապրել՝ եղել են 400-րդ հորիզոնականներում, այժմ լավագույն 200-ի թվում են։ Հիմա ասեք՝ չարժե արդյոք նույնը անել մեզ մոտ՝ Հայաստանում:

 

29
թեգերը:
վարկանիշ, Երևանի պետական բժշկական համալսարան (ԵՊԲՀ), Երևանի պետական համալսարան (ԵՊՀ), բուհ, աշխարհ, Հայաստան
թեմա:
5 րոպե Դուլյանի հետ
Ըստ թեմայի
Հայաստանում վերացրեք կարիերային վերելակը, թող բոլորն աստիճաններով բարձրանան դեպի պաշտոն
Ինչ պետք է անեք ջահել ժամանակ, որ հասուն տարիքում վատ չզգաք. գիտնականների 10 խորհուրդները
«Ազնիվ մարդկանց կուսակցություն»` կաշառակեր անդամներով, կամ երբ մեր քաղաքական դաշտը կմաքրվի
ՀՀ նախագահն ու նրա տիկինը այցելել են Նորշենի միակ բնակչին՝ Վահանդուխտ տատին

Սահմանամերձ Նորշենի միակ տերն ու տիրակալը Վահանդուխտ տատն է, կամ ինչո՞ւ է աղմկում գետը

360
(Թարմացված է 22:32 07.07.2020)
Նոր Շեն գյուղը գտնվում է հայ-թուրքական սահմանին։ Նորշենից տեսարան է բացվում դեպի հայոց հին մայրաքաղաք՝ Անի։ Սյունակագիր Սերգեյ Բաբլումյանը պատմում է այդ գյուղի հետաքրքրաշարժ պատմությունը․ գյուղն այսօր, ցավոք, դատարկվել է։

ՀՀ նախագահ Արմեն Սարգսյանը տիկնոջ՝ Նունե Սարգսյանի հետ այցելել է հայ-թուրքական սահմանին գտնվող Նորշեն գյուղ։ Թվում է՝ նախագահի մամուլի ծառայության սովորական հաղորդագրություն է, որևէ արտառոց բան չկա, բայց այստեղ տեղ գտած մեկ նախադասությունն աչք է ծակում․ «Նրանք զրուցել են գյուղի միակ բնակչուհու՝ Վահանդուխտ տատի հետ»։ Ասես՝ կացնով գլխիդ հարվածեն։

Президент Армен Саркисян посетил отряд российских пограничных войск (5 июля 2020). Армения
© Photo / official site of the President of RA.
Արմեն Սարգսյանն այցելել է հայ-թուրքական սահման

Չի բացառվում, որ մենակ մնացած տատիկին հանդիպել եմ դեռ երիտասարդ տարիքում, երբ ինքս էի այցելել Նորշեն, որն ավելի հայտնի է Խարկով անունով։ Հիշում եմ այդ գյուղն ոչ միայն գեղատեսիլ, այլև մարդաշատ բնակավայր։

Ինչո՞ւ էի հաճախ լինում այդ գյուղում։ Նույն պատճառով, որի համար գնացել է նախագահ Սարգսյանը։ Այստեղ՝ Ախուրյան գետի ձախ ափին, առավելագույնս մոտ ես Անիի ավերակներին, հետևաբար՝ այստեղից դրանք ամենալավն են երևում։ Բանն այն է, որ ամեն մեկը չէ, որ կարող է գալ այստեղ․ մինչև Թուրքիայի սահմանը երկու քայլ էլ չկա՝ մեկ րոպեի լողի ճամփա է՝ գետը պետք է անցնել։

Развалины моста на границе в Ани
© Sputnik / Dmitrii Pisarenko
Անիի սահմանին գտնվող կամրջի ավերակները

Բայց նախ այն մասին, թե ինչու է գյուղը կոչվում Խարկով։ Ուկրաինայի հայտնի Խարկով քաղաքի անվանումն այստեղ որևէ կապ չունի։ Տեղանունն առաջացել է «խարկել» բայից, որը նշանակում է բովել, թրծել, և այնուհետև վերածվել է Խարկովի։ Իսկ նորշենցիները թրծելու և բովելու բան ունեին․ գյուղի շրջակայքում են գտնվում հայտնի քարհանքերը, իսկ Հայաստանի միջնադարյան մայրաքաղաքի՝ Անիի, բազմաթիվ ճարտարապետական կոթողներ կառուցվել են տեղական տուֆից, ինչպեսև, ի դեպ, նորշենցիների տների մեծ մասը, այն տների, որոնցում այլևս ոչ ոք չի ապրում։

Развалины армянского города Ани
Պատմական Անիի ավերակները

Եվս մեկ դրվագ այս հիանալի գյուղի պատմությունից։ Հայտնի արևելագետ և լեզվաբան Նիկողայոս Մառը հիշատակում է գյուղը իր «Անի» աշխատության մեջ։ Նախքան 1894թ-ն այստեղ արոտավայր էր, իսկ հետո Շիրակավան գյուղից տեղափոխված բնակիչները գյուղ հիմնեցին, որը կոչեցին Էնիկեյ, և միայն 2006թ-ին այն վերանվանվեց Նորշեն։

Խարկովում կրկին ծածանվեց Հայաստանի եռագույնը. գյուղ, որը զբոսաշրջային ներուժ ունի

Նորշենը հայտնի է նաև «Նորամանուկ» հիասքանչ եկեղեցով։ Տեղաբնակների խոսքով՝ եկեղեցին կառուցել է Մանուկ անունով մեկը, որը Վանից այստեղ բազմաթիվ խաչքարեր էր բերել։ Եկեղեցու ներսում պահպանվել է նաև վանահոր գերեզմանը, ճիշտ է՝ արդեն կիսաքանդ (գանձ որոնողների շնորհիվ)։

Ավարտելով կարճ պատմական անդրադարձը, նշեմ, որ ակադեմիկոս Մառի պեղումները Անիում ֆինանսավորում էր «Հայոց ազգագրական ընկերության» հիմնադիր, միլիոնատեր Միքայել Արամյանցը։

Микаэл Арамянц
Միքայել Արամյանց

Իսկ այժմ այն մասին, թե ինչու էի այդքան հաճախ այցելում այս գյուղ։ Որովհետև անհատ թղթակիցներս հաճախ էինք հյուրեր ունենում, և ուզում էինք նրանց ցույց տալ Հայաստանը՝ իր ողջ բազմազանությամբ ու գեղեցկությամբ, ոչ միայն Մատենադարան և Կոնյակի գործարան տանելով, այլև պատմությանը ծանոթացնելով․ իսկ Խարկովից երևում է մեր հնագույն մայրաքաղաքը՝ թեկուզ արդեն ավերված, բայց իրական։

Եկեղեցին գետի այն կողմից նայում է քեզ, իսկ դու այս ափից լուռ նայում ես նրան։ Զարմանալի է՝ հյուրերը նույնպես լռում էին։ Հարցուփորձն ու բացատրությունները սկսվում էին ավելի ուշ։

Նորշեն սահմանամերձ գյուղի միակ բնակչուհին արժանացավ շնորհակալագրի ու դրամական պարգևի

70-ականներին Խարկովում կոլխոզ կար, բայց նույնիսկ կոլխոզը սահմանամերձ շրջանի փակ կառույց էր, անգամ տեղաբնակների համար ելքի և մուտքի թույլտվություն էր պահանջվում։

Կոլխոզը հարուստ տնտեսություն ուներ, և դա առավելություն էր ոչ միայն բնակիչների, այլ նաև սահմանապահների համար։ Ամեն տարի ղեկավարությունը սահմանապահների համար նվերներ էր առանձնացնում այն ամենից, ինչ աճեցրել, հավաքել ու մշակել էին։

  • Արմեն Սարգսյանն այցելել է հայ-թուրքական սահման
    Արմեն Սարգսյանն այցելել է հայ-թուրքական սահման
    © Photo / official site of the President of RA.
  • Արմեն Սարգսյանն այցելել է հայ-թուրքական սահման
    Արմեն Սարգսյանն այցելել է հայ-թուրքական սահման
    © Photo / official site of the President of RA.
  • Արմեն Սարգսյանն այցելել է հայ-թուրքական սահման
    Արմեն Սարգսյանն այցելել է հայ-թուրքական սահման
    © Photo / official site of the President of RA.
  • Արմեն Սարգսյանն այցելել է հայ-թուրքական սահման
    Արմեն Սարգսյանն այցելել է հայ-թուրքական սահման
    © Photo / official site of the President of RA.
  • Արմեն Սարգսյանն այցելել է հայ-թուրքական սահման
    Արմեն Սարգսյանն այցելել է հայ-թուրքական սահման
    © Photo / official site of the President of RA.
1 / 5
© Photo / official site of the President of RA.
Արմեն Սարգսյանն այցելել է հայ-թուրքական սահման

Հասկանալի է, որ այն տարիներին ամեն մեկը չէր կարող հայտնվել Խարկովում, այսօր այդ հարցը, կարծես թե, շատ ավելի հեշտ է։

Դեռևս նախորդ տարվա դեկտեմբերին Շիրակի մարզպետ Տիգրան Պետրոսյանը հայտնեց, որ 2020թ-ից սկսած՝ սահմանային ռեժիմում փոփոխություններ մտցնելուց հետո, մարդիկ կկարողանան «հանգիստ այցելել այստեղ և նայել Անիին»։

Անի պատմական մայրաքաղաքի հարևանությամբ գտնվող բնակավայրի մուտքի ռեժիմը փոխվելու է

Բայց մի բան է նայել Անիին, գտնվելով սահմանից այս կողմ, այլ բան է, երբ կանգնած ես հենց Ախուրյանի ափին ու լուռ լսում ես, թե ինչի մասին է աղմկում գետը։

․․․ Նորշենում մեն-մենակ ապրող Վահանդուխտ տատի մասին նորությունը մի քիչ տխրեցրեց։ Շատ նորշենցիներ, որոնց բազմիցս տեսել եմ, որոնց հետ երկար զրուցել եմ, արդեն չկան․ հասկանալի է՝ ավելի քան կես դար է անցել։ Վատ է, որ նրանց երեխաներն ու թոռները հեռացել են գյուղից։ Իսկ այ Վահանդուխտ տատը մնացել է։ Երկար կյանք մաղթենք նրան․․․

Президент Армен Саркисян с супругой посетили единственную жительницу села Нор Шен (5 июля 2020). Армения
© Photo / official site of the President of RA.
Վահանդուխտ Մելքոնյան, Նորշենի միակ բնակիչը
360
թեգերը:
Անի, Շիրակի մարզ, սահմանամերձ գյուղեր, Գյուղ, Նունե Սարգսյան, Արմեն Սարգսյան, Տատիկ, Հայաստան
Ըստ թեմայի
Ի նշան հիշատակի ու կյանքի շարունակության. պատմական Անիի դիմաց կծածանվի հայոց եռագույնը
Լքված «կոսմոպոլիտը»․ National Geographic-ը հոդված է գրել Անիի մասին
Թուրք լուսանկարիչը բոլորին հին հայկական մայրաքաղաք Անի է կանչում
Միրանը համբուրում է Մայր տաճարի դուռը, բայց չի խաչակնքվում. ինչո՞ւ է նա պահպանում Անին
Տատյանա Բրուխունովա

Քանի՞ ամսական է երեխան. Եվգենի Պետրոսյանի երիտասարդ կինը պատասխանել է օգտատերերի հարցերին

0
(Թարմացված է 00:37 09.07.2020)
Պետրոսյանի նոր կնոջ անձը հանգիստ չի տալիս հումորիստի երկրպագուներին. հասարակությունը բաց չի թողնում ոչ միայն Բրուխունովայի ճաշակն ու զգեստները, այլև նրա անձը քննադատելու հնարավորությունը։

ԵՐԵՎԱՆ, 8 հուլիսի - Sputnik. Երգիծաբան Եվգենի Պետրոսյանի երիտասարդ կինը` Տատյանա Բրուխունովան, Instagram–ի իր էջի ուղիղ եթերում որոշել է պատասխանել իր անձնական կյանքին առնչվող մի քանի հարցի։ Բաժանորդներից մեկը հետաքրքրվել է, թե քանի ամսական է նրա և Պետրոսյանի երեխան։

«Դա անձնական հարց է, որևէ մեկին չի վերաբերում», – հայտարարել է նա։

Այդ թեման Բրուխունովային անկեղծության է դրդել։ Նա պատմել է, որ իրեն հաճախ են մոտենում մարդիկ, որոնք փորձում են խոսել իր անձնական կյանքի մասին։

«Ինձ փողոցում անծանոթ մարդիկ են մոտենում։ Թեև հետո ես իմանում եմ, որ իրենց վճարում են ինձ հալածելու համար։ Կեղտոտել են ձեռքերը, ինչ արած», – ասել է Պետրոսյանի կինը։

Սակայն որքան էլ Բրուխունովան բողոքի, մեծ հաշվով հասարակության կարծիքն իրեն չի հետաքրքրում։ Հաճախ նա անձամբ է բանավեճ հրահրում` պարծենում է թանկարժեք զգեստներով, ակնոցներով և պայուսակներով, ուղիղ եթեր դուրս գալիս սոցցանցերում։

«Այսպես գեղեցիկ է». Եվգենի Պետրոսյանի երիտասարդ կինը պարծեցել է իր ճաշակով

Այս անգամ համացանցում քննարկում են Instagram–ում Բրուխունովայի արած նոր հրապարակումը. երկրպագուները սրամտում են և փորձում Պետրոսյանի սիրեցյալի նոր կերպարին բնութագրել։

View this post on Instagram

A post shared by Tatyana Brukhunova (@bruhunova) on

Նոր լուսանկարներում Տատյանան ինքնատիպ նկարով շրջազգեստ և շապիկ է հագել. լուսանկարն արված է այգում։ Բոլորից շատ երկրպագուների ուշադրությունը գրավել է Բրուխունովայի նարնջագույն գլխարկը, որը նա «2020 թվականի ամենանորաձև աքսեսուար» է հռչակել։ Բաժանորդները խիստ քննադատական մոտեցում են  ցուցաբերել. ոմանք նրան համեմատել են մուլտֆիլմի հերոս` Ֆունտիկ խոզուկի հետ, ոմանք` «խանում» անվանել, ոմանք էլ` խնդրել են հանել գլխարկն ու մոռանալ այն։

Իզո՞ւր է նեղացել երիտասարդ կնոջ պատճառով․ ինչո՞ւ է Պետրոսյանը դատի տվել Կոկլյուշինին

Դեկտեմբերի սկզբին Եվգենի Պետրոսյանն ամուսնացավ հինգերորդ անգամ։ Վերջերս տեղեկություն էր հայտնվել այն մասին, որ Պետրոսյանը երիտասարդ կնոջից երեխա ունի։ Սակայն մամուլում շրջանառվում է, որ երեխան ծնվել է Դուբայում, նրան լույս աշխարհ է բերել փոխնակ մայրը։ Արտսիտն ու իր երիտասարդ կինն այդ փաստը չեն հաստատում, սակայն չեն էլ թաքցնում։

View this post on Instagram

A post shared by ДНИ.РУ (@dniru) on

0
թեգերը:
Տատյանա Բրուխունովա, երեխա, օգտատեր, Եվգենի Պետրոսյան
Ըստ թեմայի
«Բոլորը կպատժվեն ըստ արժանվույն». Եվգենի Պետրոսյանի կինն արձագանքել է մեղադրանքներին
Եվգենի Պետրոսյանի երիտասարդ կինը փոխել է «այրու կերպարն» ու որոշել գիրք կարդալ
«Այսպես գեղեցիկ է». Եվգենի Պետրոսյանի երիտասարդ կինը պարծեցել է իր ճաշակով
Եվգենի Պետրոսյանը երիտասարդ կնոջից երեխա է ունեցե՞լ. հումորիստի ծանոթը փակագծեր է բացել