Դոմինիկյան Հանրապետություն

Ի՞նչ ճանապարհով Հայաստանից հասնել Դոմինիկանա և ինչպես վայելել դրախտային հանգիստ

1192
(Թարմացված է 12:06 20.01.2019)
Յուրաքանչյուր ճամփորդություն, նույնիսկ եթե այդ ընթացքում ոչ թե երկրից դուրս եք գնում, այլ մոտիկ կամ հեռու գյուղ, թարմացնում է Ձեր միտքը, էներգիայով վերազինում: Իսկ եթե ճամփորդության նշանակետը նոր երկիր է` հետաքրքիր, տարբերվող մշակույթով, նշանակում է կվերադառնաք ոչ միայն թարմացած, էներգիայով հագեցած, այլև նոր գաղափարներով զինված:

Այս անգամ Sputnik Արմենիայի ընտրած ուղղությունը, մեղմ ասած, մատչելիների շարքից չէ։ Սա մի կղզի է, որի վրա ոտք դնելով՝ Քրիստափոր Կոլոմբոսը միջնադարի աշխարհագրական պատկերացումներով հայտնագործեց Նոր աշխարհը։ Կղզու վրա այսօր երկու պետություններ են ՝ Հայիթին և Դոմինիկյան Հանրապետությունը։ Այս անգամ բացահայտում ենք Դոմինիկանան՝ իսկական դրախտավայր Երկրի վրա։

Հիշու՞մ եք հայտնի կոկոսի միջուկով շոկոլադի գովազդը՝ դրախտային վայելք։ Դոմինիկանան այն դրախտավայրերից մեկն է, որտեղ նկարահանվել են գովազդային շարքի ամենահայտնի հոլովակները:

Դոմինիկանան համարվում է զբոսաշրջային luxury՝ շքեղ ուղղություն․ ամենից հաճախ այս երկիր մեկնում են մեղրամիս անցկացնելու, քանի որ Դոմինիկյան Հանրապետության կղզիներում շատ են ֆիլմային, ռոմանտիկ վայրերը՝ սպիտակ, մանր ավազ, մաքուր լողափեր, պարզ, լազուր ջուր, ամեն քայլափոխի արևադարձային մրգերի կոկտեյլներ և այլն։

Այս դրախտավայրում այնպես չէ, որ ամբողջ տարին հանգստանալու համար իդեալական եղանակ է։ Իհարկե, այստեղ միշտ տաք է, բայց մայիսից մինչև սեպտեմբերի վերջ սովորաբար Դոմինիկանայում հաճախ են լինում արևադարձային փոթորիկներ, հորդառատ անձրևներ։ Հոկտեմբերից Դոմինիկանայում հանգստի սեզոնը պաշտոնապես բացված է։

Դոմինիկանան գտնվում է Հայիթի կղզու արևելքում, այն այսօր տուրիստական համաշխարհային խոշորագույն կենտրոններից է։ Կարիբյան ծովի ափին գտնվող այս գեղատեսիլ երկիրն առանձնանում է ոչ միայն իր բնական հարստությամբ, այլև հարևան երկրների համեմատությամբ նաև ճարտարապետական հուշարձաններով, տեսարժան վայրերով, սպասարկման ոլորտի բարձր մակարդակով։ Տուրիզմ, ծխախոտի և սուրճի արտադրություն․ ահա այն երեք հիմնական բնագավառները, որոնց վրա հենվում է Դոմինիկանայի ամբողջ տնտեսությունը։

Այն, որ Դոմինիկանան աշխարհի լավագույն վայրերից մեկն է սիրահարների համար, միանշանակ է, բայց այստեղ նաև մտածել են, թե ինչպես գրավեն ամուրիներին։ Եթե դուք դեռ ամուսնացած չեք և փնտրում եք ձեր կեսին, հոկտեմբերի առաջին կեսը լավագույն ժամանակահատվածն է Դոմինիկանա գնալու համար։ Հայտնի հանգստավայր Պունտա Կանայի հյուրանոցներից մեկը յուրաքանչյուր հոկտեմբերին մեկ ամբողջ շաբաթ հայտարարում է ամուրիների շաբաթ, կազմակերպում տարբեր ծովափնյա երեկույթներ, ուրախ մրցույթներ, էքսկուրսիաներ, դիսկոտեկներ, Միստր և Միս Ամուրի մրցույթը և շատ ավելին, որպեսզի այդ մեկ շաբաթվա ընթացքում դեռևս իրենց կեսին չգտածները գտնեն այն միակին:

Դոմինիկյան Հանրապետություն մեկնող ՀՀ քաղաքացիների համար վիզան պարտադիր է: Վիզայի գործընթացը կարող է տևել է մինչև 20 օր։ Գրեթե անհնար է առանց որևէ տուրիստական գործակալության միջնորդության ստանալ վիզա: Միայն վիզայի արժեքը տարբեր գործակալություններում տարբեր է, հստակ արժեք իմանալ, թե որքան արժե Դոմինիկանայի վիզան, բավականին դժվար է: Սա Luxury ուղղություն է, և շքեղությունը սկսվում է  վիզայի արժեքից, վիզայի և դրա ստացման աջակցության ծառայության համար գործակալությունը կարող է Ձեզանից գանձել 150-300 դոլար:

ՈՒշադիր եղեք և համեմատություններ արեք, որովհետև սա այն դեպքն է, երբ առավել մատչելի կարող է լինել, երբ ամբողջ տուրիստական փաթեթը կազմելու համար օգտվեք միջնորդ գործակալության ծառայություններից, քանի որ ինքնուրույն ամրագրումներ կատարելու դեպքում արժեքները կարող են առավել բարձր լինել: Ընդ որում, եթե նույն գործակալությունից ամբողջական փաթեթ ձեռք բերեք, ապա վիզայի արժեքը ևս ավելի մատչելի կստացվի:

Հայաստանից Դոմինիկանա մեկնելու համար պիտի ընտրեք Թբիլիսիից կամ Մոսկվայից թռիչքի տարբերակը, Թբլիսիից մեկնելու դեպքում առավել հարմար է Թբիլիսի-Կիև-Պունտա Կանա տարբերակը, բայց սովորաբար առավել մատչելի և հարմար է Մոսկվայից Դոմինիկանա մեկնելը: Դոմինիկանայի ավիատոմսեր ձեռք բերեք որքան հնարավոր է շուտ, ամիսներ, անգամ կես տարի առաջ: Եթե որոշեք եք Ձեր ճամփորդությունն ինքնուրույն կազմակերպել և ավիատոմս գնել ու շտապել Դոմինիկանա, ապա Մոսկվայից Պունտա Կանա աշնան ամիսներին եթե կարողանաք 1000$-ով  տոմս գտնել, ապա դուք հաջողակ եք: Սա իհարկե տրամաբանական համակցված թռիչքներով տարբերակով: Անշուշտ եթե պատրաստ եք մոտ 70 ժամ ծախսել միայն թռիչքների համար, ապա այս տարբերակով կկարողանաք միջինը 700 դոլարով անգամ տոմս գտնել: Նորմալ, տրամաբանական համակցումներով թռիչքների ավիատոմսերի արժեքները կարող են հասնել 2000, 3000, 4000, անգամ 5000 դոլարի: Այնպես որ ճամփորդությունը ծրագրեք և ավիատոմսեր ձեռքբերեք շատ ամիսներ առաջ, որպեսզի մատչելի գնում կատարեք:

Մոսկվայից թռիչքներ կան դեպի Դոմինիկանայի տարբեր հանգստավայրեր, լավագույններից մեկն ու ամենահայտնին Պունտա Կանան է:

Քանի որ հորդառատ անձրևներից հետո, մոտավորապես սեպտեմբերի կեսից սկսած և հոկտեմբերը համարվում են սեզոնի բացման շրջան, այս ընթացքում տարբեր հյուրանոցներում նաև պրոմո ակցիաներ են գործում, այնպես որ, եթե գնալ Դոմինիկանա սեզոնին և գնալ հնարավորինս մատչելի արժեքով, ապա գնալ սեպտեմբերի կես-հոկտեմբեր ամիսներին:

Եվ այսպես ընտրում ենք հյուրանոց. Դոմինիկյան Հանրապետությունում գործում է all inclusive` ամեն ինչ ներառյալ սննդահամակարգը։ Անշուշտ, կարող եք ընտրել նաև նախաճաշով տարբերակը, բայց քանի որ Դոմինիկանայում ռեստորանների արժեքները բավականին բարձր են, այս տարբերակով դժվար թե գումար խնայեք, հակառակը՝ կավելացնեք ծախսերը, այնպես որ ամենանպատակահարմարը all inclusive ընտրելն է։

Հյուրանոցների արժեքները չափազանց տարբեր են։ Ծովափնյա միջին կարգի հյուրանոցում 1 գիշերակացի համար կարող եք գտնել ստանդարտ սենյակ՝ միջինը 55 դոլարով։ Նկատի ունեցեք, այս արժեքը երկտեղանոց սենյակում 1 անձի գիշերակացի արժեքն է, այսինքն՝ եթե դուք միայնակ եք ճամփորդում, ապա արժեքն ավելի բարձր կլինի։ Քանի որ Երևանից մինչև այս դրախտավայր հասնելը բավականին ժամանակ է խլում, գրեթե 1 ամբողջ օր, հետևաբար այդ երկար ճանապարհն անցնելիս գոնե 9 գիշեր պիտի անցկացնեք, այսինքն՝ 9 գիշերվա համար կծախսեք միջինը 495 դոլար։ Հյուրանոց պատվիրելիս կարող եք միանգամից ընտրել խմբային տրանսֆերը ներառող տարբերակը ։

Այսպիսով, դուք արդեն ծախսել եք մոտավորապես 1400 դոլար՝ չհաշված վիզան:

Ինչ անել այս հրաշալի երկրում բացի կախարդական լողափերում զբոսնելուց, արևայրուք ստանալուց, թարմ ծովամթերքով անմահական ուտեստներ վայելելուց, արևադարձային կոկտեյլներ ըմպելուց։

Ինչպես Եգիպտոսում, այստեղ ևս հյուրանոցների տարածքներն ահռելի մեծ են, հետևաբար, անշուշտ, մի քանի օր է անհրաժեշտ միայն հյուրանոցի տարածքի ուսումնասիրության, տարածքում գտնվող մի քանի ռեստորանները փորձարկելու համար։ Երբ ժամանակավոր բնակության վայրը բացահայտված է, նշանակում է՝ էքսկուրսիաների ժամանակն է։

Առաջին հերթին անպայման պիտի գնաք մայրաքաղաք՝ Սանտո Դոմինգո, որը համարվում է եվրոպացիների կողմից հիմնադրված Ամերիկայի ամենահին բնակավայրը։ Պունտա Կանայից մոտ 2 ժամ հեռավորության վրա գտնվող քաղաքը հիմնադրել է ոչ ավելի, ոչ պակաս Քրիստափոր Կոլոմբոսի եղբայրը՝ սկզբնապես քաղաքը կոչելով Նոր Իզաբելլա, հետագայում վերանվանվել է Սուրբ Դոմինգոյի պատվին։ Այս քաղաքը եվրոպական, աֆրիկյան և հնդկացիական ավանդույթների խառնուրդ է։

Ինչ կարող եք տեսնել միջինը 80 դոլար արժեցող Էքսկուրսիայի ընթացքում։ Սանտո Դոմիգո եկող զբոսաշրջիկի համար ամենահետաքրքիր տեսարժան վայրը Գաղութային գոտին կամ գաղութային քաղաքն  է, որն այսօր պահպանվում է ՅՈՒՆԵՍԿՕ-ի կողմից։ Այստեղ գրեթե ամեն ինչ կապված է Կոլոմբոսի անվան հետ՝ հրապարակում նրա արձանն է,նրա ժամանակներում կառուցված կուսանոցի շենքը և այլն։ Առհասարակ Սանտո Դոմինգոյում մի շարք բաներ կան, որոնք բնութագրվում են որպես առաջինը Նոր աշխարհում, ինչպես օրինակ՝ առաջին կաթողիկե եկեղեցին, համալսարանը, հիվանդանոցը, գինետունը, քարե տունը, հարթ ճանապարհը և այլն։

Ժամանակակից Ամերիկան ինչ-որ առումով հենց այստեղից է սկսվել։ Էքսկուրսիայի ընթացքում դուք կայցելեք Երեք աչք կոչվող Ազգային արգելոց, որտեղ կտեսնեք ստորգետնյա քարանձավներ, որոնք գործածվել են այստեղի առաջին բնակիչների՝ հնդկացիների կողմից, այստեղ նաև ստորգետնյա չքնաղ լճեր կան, որոնց տեսարանը աշխարհում ոչ մի բանի հետ չես համեմատի, այնուհետև անպայման կնկարվեք 1992-ին՝ Կոլոմբոսի 500-ամյակի պատվին կառուցված փարոսի մոտ, կայցելեք ոչ միայն Արևմտյան կիսագնդի ամենահին փողոցներից մեկը, այլև այն վայրերից շատերը, որոնք համարվում են Նոր աշխարհում առաջինները։ Քանի որ էքսկուրսիան երկար է տևում, արժեքի մեջ սովորաբար ներառված է լինում նաև ընթրիքը տեղական ռեստորաններից մեկում։

Դոմինիկանան գովազդող հոլովակներում միշտ կտեսնեք վարդագույն չքնաղ ֆլամինգոներ, այստեղ հանգստի մեկնող շատերին թվում է, թե ֆլամինգոներն ամենուր են։ Անշուշտ, այս թռչունները կղզուն հատուկ բնակիչների թվում են, բայց դա չի նշանակում, թե յուրաքանչյուր քայլափոխի դուք կտեսնեք այս վարդագույն թռչուններին։ Նրանք հիմնականում ապրում են Հայիթիի սահմանին գտնվող արգելոցներում, նրանց հաճախ կարելի է տեսնել նաև ոչ մարդաշատ լողափերին, ինչպես նաև կարելի է հանդիպել մի քանի հյուրանոցներում, որտեղ նրանց պահում են որպես տուրիստական գրավչություն։ Պունտա Կանայում վարդագույն ֆլամինգոներ տեսնելու համար անհրաժեշտ է գնալ Մանատի պարկ։ Ի դեպ, Մանատի անպայման պիտի գնաք, որովհետև այստեղ գտնվող լողափը ՅՈՒՆԵՍԿՕ-ի կողմից ընդգրկվել է աշխարհի ամենագեղեցիկ լողափերի ցանկում։

Մանատի պարկը փակ է  միայն երկուշաբթի օրերին։ Մուտքի տոմսի արժեքը  35 դոլար է, կարող եք զբոսնել ընդարձակ գեղատեսիլ տարածքում, տեսնել հետաքրքիր կենդանիներ, թռչուններ, նրանց թվում նաև յուրահատուկ, նրբագեղ ֆլամինգոներ։

Եթե որոշեք առավել անմոռաց դարձնել Ձեր ճամփորդությունը՝ լողալով դելֆինների հետ, ապա պիտի 125 դոլար վճարեք։

Пляж в Доминиканской республике
© CC0 / Pixabay
Լողափ Դոմինիկյան Հանրապետությունում

Իսկ թե որքան կարժենա ձեր հյուրանոցից մինչև զբոսավայր հասնելը, դժվար է ասել, որովհետև տաքսիների արժեքները ֆիքսվում են համապատասխան հեռավորությամբ, այսինքն՝ չկա առանձին արժեք, թե 1 կմ-ն այս երկրում այս արժեքն ունի, նախապես պիտի տաքսիստի հետ լեզու գտնեք, արժեքի շուրջ պայմանավորվածություն ձեռք բերեք։

Այստեղ սաֆարի տուրը լրիվ ուրիշ բան է: Օրինակ, գրեթե 5 ժամ տևող էկո-սաֆարի տուրի ընթացքում դուք սլանում եք փոքրիկ ամենագնաց մեքենաներով կղզու գեղատեսիլ վայրերով՝ յուրահատուկ առատ բուսականությամբ արևադարձային անտառով, հյուրընկալվում ֆերմաներից մեկում՝ ճաշակելու տեղական օրգանիկ շոկոլադ և սուրճ, այնուհետև հասնում Էկո պարկ-արգելոց, որը ֆանտաստիկ-ֆիլմից մի հատված է հիշեցնում: Հիշեք ձեր տեսած ֆիլմերից մեկը, որտեղ հերոսները մեկ էլ հայտնվում են դարերով կորսված աշխարհում՝ խաղաղություն, թռչունների ծլվլոց, զարմանահրաշ բնություն, կախարդական թվացող լճակներ: Հնարավոր է ձեր ընտրած սաֆարիի ծրագրում լինի ոչ թե այցելություն այս էկո արգելոց, այլ օրինակ Էլ Հոյո ստորգետնյա գեղատեսիլ քարանձավ, որտեղ կկարողանաք նաև լողալ քարանձավի գետակի սառը ու պարզ  ջրերում: Սովորաբար Սաֆարի տուրերի վերջում զբոսաշրջիկներին տանում են Մակաո բիչ՝ Դոմինիկանայի հայտնի ու ամենագեղեցիկ լողափերից մեկը՝ մի քիչ հանգստանալու և լողալու համար: Եթե խմբային սաֆարի տուր եք ընտրել, ապա էքսկուրսիոն ծրագիրը կարժենա մոտ 45-50 դոլար, եթե անհատական, ուրեմն գրեթե դրա կրկնակին:

Վերջին տարիներին զբոսաշրջիկների համար սիրելի է դարձել հանգստանալը ոչ միայն բուն Դոմինիկանայի տարածքում, այլև Հանրապետությանը պատկանող հարևան փոքրիկ, հեքիաթային կղզիներում, ինչպես օրինակ Սաոնա, Կայո, Լևանտադո և այլուր: Պունտա Կանայում հանգստանալիս կարող եք նաև էքսկուրսիոն ծրագրով այցելել կղզիներ, մեկօրյա հագեցած ծրագրի արժեքը միջինը 65-70 դոլար է:

Իհարկե Դոմինիկանայում արժե փորձել դայվինգը, որովհետև Կարիբյան ծովի լազուր ջրերում կենդանական ու բուսական հարուստ աշխարհ կա, էքստրիմի սիրահարները նաև կարող են զբաղվել սերֆինգով, վինտսերֆինգով և այլն:

Отель Iberostar в Доминиканской республике
© CC0 / Pixabay
Հյուրանոց Դոմինիկյան Հանրապետությունում

Պունտա Կանայում կան մի քանի առևտրի կենտրոններ, մոլեր. գնումներ կատարելու համար ավելի նպատակահարմար է այնտեղ գնալ, որովհետև տեղական շուկաներում հաճախ փորձում են մոլորեցնել գնորդին, հյուրանոցներում իհարկե խանութներ կան, բայց դրանցում արժեքները մի քանի անգամ ավելին են:

Հենց տեղացիների շրջանում բավական սիրված է Սան Խուան առևտրի կենտրոնը, որտեղ կարելի է ամեն բան գտնել՝ հուշանվերներից մինչև հագուստ և սնունդ: Այստեղ շատ տարածված են սաթից՝ յանտարից և տեղական ամենահայտնի թանկարժեք քարից՝ լարիմարից պատրաստված զարդերը: Կարող եք ձեզ հետ տանել նաև փայտյա իրեր, հնդկացիական հետաքրքիր հուշանվերներ: Եվ չմոռանաք գնել միայն Դոմինիկանային բնորոշ յուրահատուկ հուշանվեր՝ անդեմ տիկնիկ. անդեմ տիկնիկներով Դոմինիկանայի բնակիչները հայտարարում են, որ իրենց համար կարևոր չէ, թե ինչ դեմք ունի իրենց կղզու բնակիչը կամ հյուրը, կարևոր չէ մաշկի գույնը, աչքերի ձևը և այլն, նրանք սրտաբաց սպասում են յուրաքանչյուրին:

Եվ որպես թեմայի եզրափակում ոչ պակաս կարևոր գնումների մասին՝ շոկոլադ, որը պատրաստվում է  տեղական հումքով, իսկ լավ շոկոլադի հետ պիտի նաև լավ սուրճ լինի, այնպես որ չեք մոռանում տեղում արտադրվող սուրճ գնել, որը բավականին մատչելի է։ Ռոմի և սիգարի սիրահարների համար անշուշտ այստեղ ևս բարձրորակ ապրանքի մեծ ընտրություն կա:

Ընդհանուր առմամբ, այս երկիրը վայելելու, ճանաչելու, ամբողջ կյանքի համար մնացող տպավորություններ ստանալու համար 1 անձը միջինը պիտի պատրաստ լինի ծախսել 2000 դոլար:

Այսպիսով, եթե նախապես ճամփորդությունը ճիշտ եք կազմակերպել, անհրաժեշտ ինֆորմացիա հավաքել տվյալ վայրի մասին, ծրագրել այն ամենը, ինչը հնարավոր է անել, ապա ճամփորդության վրա Ձեր ծախսած գումարը համարեք ներդրում՝ այդ ներդրման արդյունքում․

1.առաջինը՝ դուք բացահայտել եք այս մեծ աշխարհի մի փոքրիկ անկյուն,

2.բացահայտման արդյունքում սովորել եք, նոր գիտելիքներ ձեռք բերել պատմության, մշակույթի և այլ բնագավառներում,

3.հանգստացել եք, որպեսզի ավելի արդյունավետ աշխատեք, ավելի մոտիվացված գումար կուտակեք՝ հաջորդ ճամփորդության համար։

1192
Ըստ թեմայի
Ռուսաստանցիները Նոր տարուն նախընտրում են Հայաստան գալ
Իսկապես բուժում է. ռուս ռեստորատորը` հայկական հրաշք ուտեստի մասին
Հայաստանը կարող է գրավել զբոսաշրջիկներին Ռուսաստանի մարզերից. Կոպիրկին
Աստղազարդ երկինք. Մոսկվայի ֆանտաստիկ կերպարանափոխությունը Ամանորին ընդառաջ
Նամակ Փաշինյանին. խաղողագործներն ու գինեգործները հորդորում են չփակել հիմնադրամը
«Ուտելիքի համաշխարհային ատլասում» հայկական ամենահայտնի ճաշատեսակը խորովածն է
Ձյուն, դահուկներ, ադրենալին.ոչ միայն Ծաղկաձորում, ձմեռային հանգստի հրավեր`երկրի հյուսիսից
Համով Հայաստան. սիրում են թե՛ զբոսաշրջիկները, թե՛ տեղացիները. ամենաթրենդային ուտեստը
ՄԻԱՎ, տուբերկուլյոզ, ժանտախտ. պատճառը ներսի ու դրսի «խոպանչինե՞րն» են
Մինսկ

Բելառուսում կարո՞ղ է կրկնվել հայաստանյան սցենարը` ընդդիմությունը ճիշտ էր, մենք սխալվեցինք

267
(Թարմացված է 21:30 11.08.2020)
Նորանկախ Հայաստանի բոլոր իշխանությունները միշտ հավաստիացրել են, որ ուզում են ունենալ ուժեղ ընդդիմություն: Ու այս բարի ցանկությունը հնչեցնելուն զուգընթաց միշտ ամեն ինչ արել են, որ Հայաստանը չունենա ուժեղ ընդդիմություն: Այսօր նույնը անում են Բելառուսի իշխանությունները։
Արդյոք Բելառուսում կարելի է բացառել հայաստանյան սցենարը՝ ընդդիմությունը ճիշտ էր, մենք սխալվեցինք

Եկեք անկեղծ լինենք։ Բելառուսի այսօրվա իրավիճակը ինչ-որ տեղ նման է Հայաստանի 2008 թվականի նախագահական ընտրություններից հետո ստեղծված իրադրությանը՝ զանգվածային բողոքներ, իրավապահների կողմից ուժի կիրառում, առնվազն մեկ զոհ, բազմաթիվ վիրավորներ և ընդդիմության պնդումը՝ նախագահական ընտրությունների արդյունքները կեղծվել են, գործող նախագահ Ալեքսանդր Լուկաշենկոն բոլորովին չի ստացել այն 80 տոկոսը, որը պաշտոնապես հայտարարվել է, հաղթել է ընդդիմության թեկնածուն՝ Սվետլանա Տիխանովսկայան։

Այստեղ կա շատ էական տարբերություն։ Հայաստանյան ընդդիմության առաջնորդներից մեկը՝ Նիկոլ Փաշինյանը, այն ժամանակ՝ 2008 թվականի մարտի մեկի իրադարձություններից հետո, կորավ, և շատերս ենթադրում էինք, թե հեռացել է Հայաստանից՝ մանավանդ այն բանից հետո, երբ սկսեց թերթերից մեկում տպագրել շուրջերկրյա իր ճանապարհորդության մասին գիրքը, որը, ինչպես հետո պարզվեց, գրել էր Հայաստանում։ Իսկ Բելառուսի ընդդիմության առաջնորդ Սվետլանա Տիխանովսկայան միանգամից էլ խոստովանեց, որ հեռացել է Բելառուսից և այժմ գտնվում է Լիտվայում։ Ընդ որում` հենց իշխանությունների աջակցությամբ է հատել սահմանը։ Ինչու են իշխանություններն աջակցել՝ իբր այնպես չստացվի, որ ինչ-որ մեկը այդ կնոջ կյանքի հանդեպ ոտնձգություն անի և մեղադրեն իշխանություններին։

Շատերը կհիշեն՝ երբ մեզ մոտ սկսվեց Ղարաբաղյան շարժումը, որոշ կոմունիստներ ցուցադրաբար դեն էին նետում իրենց կուսակցական անդամատոմսերը կամ այրում էին դրանք: Երբեք չեմ սիրել նման բաներ այն պարզ պատճառով, որ երբեք չեմ սիրել ցուցադրական բաներ: Հայրս, օրինակ, որը կոմունիստ է եղել ու միայն մի առավելություն է ունեցել՝ որպես հրամանատար ճակատամարտի ժամանակ լինել հարձակման առաջին գծում, կյանքում իրեն նման բան թույլ չէր տա:

Ալեքսանդր Լուկաշենկոն մոտ 30 տարի առաջ խորհրդարանի պատգամավոր դառնալուց հետո պառլամենտում կազմավորեց «Կոմունիստներ՝ հանուն բարեփոխումների» խմբակցությունը։ Եվ այդ կարգախոսով էլ փաստորեն ավելի քան քառորդ դար ղեկավարել է երկիրը՝ բոլորս հավասար ենք, կոլխոզներն ու սովխոզները պիտի պահպանվեն, արդյունաբերական ձեռնարկությունները պիտի պետության ձեռքին մնան, իսկ պետությունն իր հերթին պիտի ամեն ինչ անի իր քաղաքացիների բարեկեցությունն ապահովելու համար։

Հիմա Բելառուսում կատարվածի վիճահարույց կողմի մասին: Տեսեք: Շատերը հարցնում են՝ բա ինչո՞ւ ընդդիմության առաջնորդը մինչև վերջ չգնաց, ինչո՞ւ այսպես եղավ, ինչո՞ւ ամեն ինչ հենց այսպես ավարտվեց, ու գլխավոր և հիմնական պատասխանը սա է՝ որպեսզի արյունահեղություն չլինի: Սա ի՞նչ է նշանակում: Իմ կարծիքով՝ միայն մի բան՝ որ ինչպես Հայաստանում 2008 թվականի մարտի մեկը 2008 թվականի մարտի մեկին չավարտվեց, այնպես էլ Բելառուսում այս դեպքերը այս դեպքերով չեն ավարտվի: Այդ դեպքերը շարունակելու են ազդել Բելառուսի իշխանությունների քաղաքականության վրա և, ըստ երևույթին, հանգեցնելու են նույն արդյունքին, ինչ եղավ Հայաստանում։ Բայց սրա շուրջ, իհարկե, կարելի է անվերջ վիճել: Մանավանդ ժամկետների մասին։

Եվ վերջում թույլ տվեք այս առիթով մի նկատառում անեմ: Նորանկախ Հայաստանի բոլոր իշխանությունները, անխտիր բոլոր իշխանությունները, միշտ հավաստիացրել են, որ ուզում են ունենալ ուժեղ ընդդիմություն: Ու այս բարի ցանկությունը հնչեցնելուն զուգընթաց միշտ ամեն ինչ արել են, որ Հայաստանը չունենա ուժեղ ընդդիմություն: Ախր նույն բանն են անում այսօր Բելառուսի իշխանությունները։ Ասում են, թե ուժեղ ընդդիմություն են ուզում, բայց նույնիսկ ընդդիմության նախագահության թեկնածուն է երկրից դուրս, իսկ ցուցարարների վրա կրակում են ռետինե փամփուշտներով։ Այո, Հայաստանի իշխանություններն էլ ժամանակին հետևողականորեն կատարելագործել են ընդդիմության դեմ պայքարելու եղանակները՝ ընդհուպ մինչև ցուցարարների վրա կրակելը։ Եվ սա մինչև այն պահը, երբ ստիպված են եղել փաստելու՝ ընդդիմադիրները ճիշտ էին, մենք սխալվեցինք: Չգիտեմ, այսօր շատ դժվար է ասել, թե ինչպես կզարգանա իրավիճակը Բելառուսում, բայց չի էլ կարելի բացառել, որ դեպքերը կզարգանան հայաստանյան սցենարով՝ ընդդիմությունը ճիշտ էր, մենք սխալվեցինք։

267
թեգերը:
Ալեքսանդր Լուկաշենկո, Նիկոլ Փաշինյան, ընդդիմություն, Բելառուս, Հայաստան
թեմա:
5 րոպե Դուլյանի հետ
Ըստ թեմայի
Ալեքսանդր Լուկաշենկոն նախագահական ընտրություններից հետո առաջին հայտարարությունն է արել
Սվետլանա Տիխանովսկայան լքել է Բելառուսի տարածքը
«Ես նրան բաց եմ թողել»․ Մինսկի իրադարձությունների խոսուն լուսանկարն ամեն ինչ ասում է
Մինսկում ձերբակալվել է նաև RT-ի թղթակիցը
Սևրի պայմանագրի ստորագրում

Սևրի պայմանագիր՝ լուսավոր հույսեր և կորսված հնարավորություններ

570
(Թարմացված է 22:06 10.08.2020)
Եթե Առաջին աշխարհամարտի ավարտից հետո Հայաստանի համար շատ նպաստավոր պայմաններ էին ստեղծվել, ապա հենց Սևրի պայմանագրի կնքումից հետո՝ 1920 թվականի երկրորդ կեսին ամեն ինչ շուռ եկավ մեր դեմ։
Սևրի պայմանագիր՝ լուսավոր հույսեր և կորսված հնարավորություններ

Եկեք անկեղծ լինենք։ Այսօր` օգոստոսի 10-ին, երբ նշվում է Սևրի պայմանագրի 100-ամյակը, անչափ հաճելի է վերընթերցել այդ պատմական փաստաթղթի որոշ հոդվածներ։ Մանավանդ 89-րդ հոդվածը, որտեղ ասված է. «Թուրքիան և Հայաստանը, ինչպես և բարձր պայմանավորվող կողմերը համաձայնվում են Էրզրումի, Տրապիզոնի, Վանի և Բիթլիսի վիլայեթներում Թուրքիայի և Հայաստանի միջև սահմանատումը թողնել ԱՄՆ-ի որոշմանը և ընդունել ինչպես նրա որոշումը, այնպես էլ այն բոլոր միջոցառումները, որոնք նա կարող է առաջարկել Հայաստանին դեպի ծով ելք տալու և հիշյալ սահմանագծին հարող օսմանյան բոլոր տարածքների ապառազմականացման վերաբերյալ»:

Իհարկե, մի քիչ անհասկանալի է, թե ինչու պիտի Ամերիկան որոշեր Հայաստանի սահմանները, բայց համաձայնեք` Էրզրումի, Տրապիզոնի, Վանի և Բիթլիսի հիշատակումը, մանավանդ դեպի ծով ելք ունենալու դրույթը այն ժամանակ ցեղասպանություն ապրած հայերի համար բալասանի նման մի բան էին։ Մանավանդ, որ Սևրի պայմանագրի հաջորդ հոդվածում Առաջին համաշխարհային պատերազմում հաղթած եվրոպական պետությունները և Թուրքիան պայմանավորվում էին. «Այն դեպքում, եթե 89-րդ հոդվածի համաձայն սահմանագիծը որոշելիս հիշյալ վիլայեթների ամբողջ տարածքը կամ նրա մի մասը հանձնվի Հայաստանին, Թուրքիան այսօր արդեն հայտարարում է, որ որոշման օրից սկսած ինքը հրաժարվում է հանձնված տարածքի նկատմամբ բոլոր իրավունքներից և իրավահիմունքներից: Սույն պայմանագրի որոշումները, որոնք կիրառվելու են Թուրքիայից անջատվող տարածքների նկատմամբ, այս պահից սկսած կգործադրվեն նաև այդ տարածքի նկատմամբ»։

Պատկերացնո՞ւմ եք՝ Թուրքիայից անջատվող և Հայաստանին հանձնվող տարածքներ։ Ուրիշ որևէ փաստաթղթում նման բան չեք հանդիպի։ Այո, եթե հիմա Հայաստանի, գումարած Ղարաբաղի և մյուս տարածքները կազմում են մոտ 40 հազար քառակուսի կիլոմետր, Սևրի պայմանագրով հայերին տրամադրվող տարածքը չորս անգամ շատ էր՝ 160 հազար քառակուսի կիլոմետր, ընդ որում` պիտի ելք ունենայինք նաև դեպի Սև ծով։ Ի դեպ, մի քանի ամիս անց՝ նոյեմբերի վերջին, Ամերիկայի նախագահ Վուդրո Վիլսոնը իրոք հրապարակեց այդ բաղձալի Հայաստանի քարտեզը։ Բայց արդեն ուշ էր. ամեն ինչ փոխվել էր։

Եթե Առաջին աշխարհամարտի ավարտից հետո Հայաստանի համար շատ նպաստավոր պայմաններ էին ստեղծվել, որովհետև Թուրքիան կատարյալ պարտություն էր կրել, իսկ հայերն աջակցում էին հաղթած երկրներին, ապա հենց Սևրի պայմանագրի կնքումից հետո՝ 1920 թվականի երկրորդ կեսին ամեն ինչ շուռ եկավ մեր դեմ։ Ու երբ արևելքից մեզ վրա հարձակվեցին ադրբեջանցիները, իսկ հյուսիսից թուրքերը, որոնք գրավեցին այսօրվա Գյումրին, այն ժամանակվա Ալեքսանդրապոլը, հանկարծ պարզվեց, որ մեծ տերությունները, որոնք թղթի վրա մեզ հոյակապ ապագա էին խոստացել, ամենևին էլ պատրաստ չեն երաշխավորել Սևրի պայմանագրում ամրագրված դրույթները։

Մինչև հիմա էլ պատմաբանները շարունակում են վիճել՝ ինչու այսպես ստացվեց։ Ոմանք պնդում են, թե Հայաստանի այն ժամանակվա ղեկավարները պարզապես շատ միամիտ էին և հույսը դրել էին մեծ տերությունների վրա, որոնք իրականում ամենևին էլ այլևս պատրաստ չէին հանուն հայերի առճակատվել իր հզորությունը վերականգնող Թուրքիայի հետ։ Մյուսները համոզված են՝ մենք ինքներս առանց այլ պետությունների միջամտության պետք է բանակցեինք թուրքերի հետ և մեզ համար շահեկան հանգուցալուծման հասնեինք։

Վերջապես այսպիսի տեսակետ էլ կա՝ Հայաստանի այն ժամանակվա կառավարությունը ոչինչ էլ չէր կարող անել այն պայմաններում, երբ բոլշևիկները դաշինք էին կազմել քեմալականների հետ՝ դրանով ամեն ինչ կանխորոշված էր։ Ինչպիսին էլ լիներ Հայաստանի ղեկավարների դիրքորոշումը, այն ոչ մի դեր չէր խաղալու։ Գիտե՞ք՝ երբ նման վեճեր են ծագում, իսկ այդ վեճերը մինչև այսօր էլ շարունակվում են, միշտ հիշում եմ ֆրանսիացի գրող Աննա Լուիզա Ժերմենա դե Ստալի խոսքերը. «Պատմությունը գրեթե միշտ վերագրում է առանձին անհատներին, ինչպես նաև կառավարություններին այնպիսի լայն հնարավորություններ և տարբերակներ, որոնք իրականում այդ անհատները և կառավարությունները երբեք չեն ունեցել»։

570
թեգերը:
Թուրքիա, Սևրի պայմանագիր, Հայաստան
թեմա:
5 րոպե Դուլյանի հետ
Ըստ թեմայի
Թուրքիան չի հրաժարվել Հայոց ցեղասպանության քաղաքականությունից. Փաշինյան
Դա ձեր խղճի վրա է. Մնացականյանը՝ Իսրայելի կողմից Հայոց ցեղասպանությունը չճանաչելու մասին
Ո՞ր դեպքում կարող է կյանքի կոչվել Սևրի պայմանագիրը. Մանոյանի տեսակետը
Логотип бренда Beeline над входом в офис продаж и обслуживания на улице Амиряна

Ովքե՞ր են կանգնած Beeline-ը գնել ցանկացող Novatel–ի ընկերության հետևում. մանրամասներ

0
Ինչ ֆինանսական միջոցներով է ընդամենը երկու ամսում ստեղծված ընկերությունը «ՎԵՈՆ Արմենիայի» 100% բաժնեմասն ուզում գնել։ Novatel ՍՊԸ–ի գործադիր տնօրեն Մինաս Երզնկյանը մանրամասներ է հայտնել։

ԵՐԵՎԱՆ, 12 օգոստոսի - Sputnik. Երկու ամիս առաջ բացված Novatel ընկերությունը բանակցություններ է վարում «ՎԵՈՆ Արմենիայի» գլխավոր գրասենյակի հետ ընկերությունը գնելու համար։ Sputnik Արմենիայի հետ զրույցում տեղեկությունը հայտնեց Novatel ՍՊԸ–ը գործադիր տնօրեն Մինաս Երզնկյանը։

«Արդեն իսկ լուրջ քայլեր ենք արել, բանակցությունները վերջին փուլում են։ Դրանք ընթանում են «Վեոնի»` Ամստերդամում գտնվող գլխամասային գրասենյակի հետ։ Ընկերության հետ գաղտնիության պայմանագիր է կնքվել, ուստի մեր կողմից ներկայացված գնառաջարկի մասին չենք կարող հայտնել»,–ասաց Երզնկյանը։

Նա հայտնեց, որ Novatel ընկերությունը ստեղծվել է երկու ամիս առաջ։ Ընկերության ղեկավարները ընկերներ են, որոնք ծնվել և մեծացել են Երևանում, գործարարությամբ են զբաղվում։  Երզնկյանի խոսքով` իրենք աշխատել են միջազգային համբավ ունեցող հեռահաղորդակցման ընկերություններում, այսինքն` մեծ փորձ ունեն։

Ի դեպ, Novatel-ը, ի տարբերություն Ucom ընկերության նախկին տնօրեն Հայկ Եսայանի նորաստեղծ Team ընկերության, «ՎԵՈՆ»-ի գնման համար չի դիմել Տնտեսական մրցակցության պաշտպանության պետական հանձնաժողով։ Պատճառը, ըստ Երզնկյանի, այն է, որ Եսայանների ընկերությունն ուզում է գնել «ՎԵՈՆ»–ը` իրենց ընկերության հետ միավորելու համար, իսկ Երզնկյանն ուզում է գնել այն` պահպանելով «ՎԵՈՆ»–ի ողջ անձնակազմը։

«Հենց այս պատճառով էլ կարծում ենք, որ ՏՄՊՊՀ–ի հետ որևէ խնդիր չենք ունենալու։  Այն, որ Եսայաններն արդեն իսկ հանձնաժողովի թույլտվությունը ստացել են «ՎԵՈՆ»–ի գնման համար,  դա որևէ առավելություն չի տալիս նրանց։ Եթե կարիք լինի, մենք նույնպես կդիմենք ՏՄՊՊՀ, սակայն գլխամասային գրասենյակի հետ բանակցություններից հետո»,–ասաց Երզնկյանը։

Այս պահին, ըստ նրա, «ՎԵՈՆ»–ը պետք է ընտրություն կատարի երկու ընկերությունների միջև։ Երզնկյանը հերքեց շրջանառվող լուրերը, որ իրենք Ucom–ի սեփականատերերի հետ առնչություն ունեն։ Նա նշեց, որ Ucom–ի ղեկավարների` Խաչատրյանների հետ կապ չունեն, անգամ անձնապես ծանոթ չէ նրանց հետ։ 

Երզկյանը հայտնեց, որ «ՎԵՈՆ Արմենիան» ուզում են գնել ամբողջությամբ, և եթե հնարավորություն լինի մասնակի բաժնետեր լինելու, ապա չեն համաձայնի։ Ինչ վերաբերվում է ֆինանսական միջոցներին, ապա նա վստահեցնում է, որ համաշխարհային համբավ ունեցող ֆինանսական կազմակերպություններն են մասնակից լինելու այդ գործում, որոնց նախնական համաձայնությունն արդեն իսկ ունեն։ Երզնկյանը ասաց, որ այլ մանրամասներ հայտնել չի կարող, քանի որ գոյություն ունի «գաղտնիության պայմանագիր»։

Նրա խոսքով` ընկերությունը ստեղծվել է հատուկ «ՎԵՈՆ Արմենիայի»  գնման գործարքին մասնակցելու համար։

Հիշեցնենք` մի քանի ամիս առաջ Հայկ Եսայանը հայտարարեց Ucom–ը լքելու մասին։ Կարճ ժամանակ անց հայտնի դարձավ, որ Եսայան եղբայրները հիմնադրել են «Թիմ» ընկերությունն ու հայտ ներկայացրել Տնտեսական մրցակցության պաշտպանության պետական հանձնաժողով՝ «ՎԵՈՆ Արմենիան» (ապրանքանիշը` Beeline) գնելու հարցով:

Հուլիսի 10-ին ՏՄՊՊՀ–ն թույլ տվեց, որ Եսայան եղբայրների ընկերությունը գնի Beeline-ը: Ինչ վերաբերում է Ucom–ին, ապա ընկերության տնօրենն այժմ Արա Խաչատրյանն է։ Նա եղել է «Գալաքսի ընկերությունների խմբի» գլխավոր ֆինանսական տնօրենը։ Մայիսին Խաչատրյանը ԱԱԾ էր հրավիրվել` ՊԵԿ նախկին նախագահ Գագիկ Խաչատրյանի ու նրա որդիների վերաբերյալ քննվող քրեական գործի շրջանակներում: Գագիկ Խաչատրյանն այս պահին կալանավորված է, իսկ տղաները հետախուզման մեջ են։

0
թեգերը:
Տնտեսական մրցակցության պաշտպանության պետական հանձնաժողով (ՏՄՊՊՀ), Beeline Armenia, Անդրեյ Պյատախին («ՎԵՈՆ Արմենիա» ընկերության գլխավոր տնօրեն)