Երևանի Կենդանաբանական այգի

Պետք չէ նրանց ուտել. մեկ օր Երևանի կենդանաբանական այգու կյանքից

1114
(Թարմացված է 13:02 27.11.2018)
Աշնան վերջը Կենդանաբանական այգում զբոսնելու ամենահաճելի ժամանակահատվածն է։ Արևի թույլ ջերմացնող ճառագայթները, կարմիր ու դեղին հագած ծառերը, տերևաթափը այցելուին լրիվ մեկուսացնում են երևանյան աղմկոտ անցուդարձից: Sputnik Արմենիայի թղթակիցը մեկ օր անցկացրել է Երևանի կենդանաբանական այգու կենդանիների հետ։

Երևանում երեխաների մի ամբողջ սերունդ մեծացել է առանց կրկեսի։ Այդ միտքն ինձ հանգիստ չի տալիս ամեն անգամ, երբ անցնում եմ կրկեսի նոր շենքի կողքով, որի բացումը ամեն ամիս հետաձգվում է։

Փոքր տարիքում ես հասցրել եմ դիտել կրկեսային ներկայացումներ, իսկ ահա եղբայրս, որը ինձանից հինգ տարով փոքր է` արդեն ոչ։ Ամեն ինչ այլ է Երևանի կենդանաբանական այգում, որտեղ վերանորոգումների մի փուլն ավարտվել է ընդամենը մոտ յոթ ամիս առաջ։ Մինչ այդ մռայլ վանդակներում ապրող կենդանիներն այնքան սարսափելի տպավորություն էին թողնում, որ ծնողներից շատերն իրենց երեխաներին Կենդանաբանական այգի չէին տանում` խնայելով նրանց նուրբ հոգին։

Հետաքրքիր ֆենոմեն է. Հայաստանում կրկես, կենդանաբանական այգի և նույնիսկ թատրոն այցելելը հաճախ կապում են երեխաների հետ. իբրև թե՝ ընտանեկան ավանդույթ է։

Ամեն ինչում մենթալիտե՞տն է մեղավոր։ Հավանաբար։ Եթե այս երկրում մեծահասակներն ապրում են հանուն երեխաների, աշխատում են հանուն երեխաների, ապա տաքուկ և հարմարավետ տնից նրանք նույնպես ստիպված են լինում դուրս գալ էլի միայն երեխաների համար։ Այնուհետև այդ երեխաները մեծանում են, և ուրվագծվում է օրուելականից ավելի վատ մռայլ ուտոպիա։

Երևանի կենդանաբանականում գտնվելով Օրուելին  դժվար է չհիշելը։ Յուրաքանչյուր ազատավանդակ իր կանոններն ունի, իր հիերարխիան և իր սկզբունքները։ Այցելուների մեծ մասը երեխաներն ու իրենց «գվարդիաներն» են` ծնողներ, տատիկներ, պապիկներ, ուսուցիչներ։  Երեխաներից մեկը ջանասիրաբար փորձում է «հունից հանել» անտարբեր գետաձիուն։

– Բեեեե, բեեե, բեեե։ Դե, արի ստեղ, արի, արի, – անսպասելի լռություն. մի քանի վայրկյան նորից, – բեեեե, բեեեե, բեեեե։ Տատիկ, ինչո՞ւ չի գալիս։ Բեեեե։

Верблюд в еревaнском зоопарке
© Sputnik / Aram Nersesyan ,
Երևանի կենդանաբանական այգի

Թայֆունը, այդպես է գետաձիու անունը, իր «հոգեառից» մեծ է ընդամենը երկու տարով, նա 10 տարեկան է։ Հայրը ժամանակին ամբողջ ԽՍՀՄ-ում հանրահայտ Մանուկ անունով երևանցի «հնաբնակ» գետաձին էր, որը կրկեսային ներկայացումներին բազմաթիվ ծափահարությունների է արժանացել, իսկ մայրը՝ Մարոն, հարս էր եկել հեռավոր Կալինինգրադից։  Թայֆունի և՛ մայրը, և՛ հայրն արդեն ողջ չեն։  Գետաձին բացարձակ միայնակ է, անտեսում է աղմկոտ այցելուներին և անչափ սիրում այգու աշխատակիցներին:

Львицы в еревaнском зоопарке
© Sputnik / Aram Nersesyan ,
Երևանի կենդանաբանական այգի

– Թայֆունչիկ, հանգիստ։ Մենք դեռ չենք սկսել, սպասի՛ր փոքրիկ։

Կենդանաբանական այգու աշխատակցուհին դեռ նոր է վանդակին մոտենում, իսկ գետաձին արդեն սկսել է ակտիվություն ցուցաբերել։ Շան քոթոթի նման երկու թաթիկները դրել է ճաղավանդակի եզրաձողին։ Չէ, ինչ թաթիկներ, հսկա թաթերը։ Աշխատակցուհին շուտով մոտենում է փողրակը ձեռքին։ Խոսել և համոզելու կարիք չկա. խելացի գետաձին անմիջապես բացում է բերանը։ Երևում է, որ ջրային պրոցեդուրաներից նա իսկական հաճույք է ստանում։Վայրի բնության մեջ  հսկայական կենդանիների ատամները մաքրում են փոքրիկ թռչունները, իսկ այստեղ Կենդանաբանական այգու «փոքր» աշխատակիցները։

Бегемот в Ереванском зоопарке
© Sputnik / Asatur Yesayants
Երևանի Կենդանաբանական այգի

Գետաձիու վանդակի կողքին եղջերուներն են։ Նրանց ճաշն իսկական քվեսթի է նման։ Սկզբում բոլոր անկյուններին, որտեղ ուտելիք է դրված, մոտենում են տարիքով ավելի մեծ արուները, էգերն ու փոքրիկները հանգիստ սպասում են մի կողմ քաշված։ Այնուհետև ուտելու համար մոտենում են սպիտակ էգերը։ Այնուհետև` շիկակարմիր երանգ ունեցողները։

Ереванский зоопарк (30 октября 2018)
© Sputnik / Asatur Yesayants
Երևանի Կենդանաբանական այգի

Եվ միայն վերջում իրենց թույլ են տալիս ուտել ամենափոքրիկները։ Թվում է, թե եղնիկները շուտով կկռվեն ուտելիքի համար, բայց` չէ։ Մարտական տեսարանների սիրահարներին նրանք այս անգամ ոչնչով չեն ուրախացնի։ Երբեմն միայն  արուների կոտոշները միախառնվում են, սակայն նրանք հանգիստ են լուծում կոնֆլիկտը։ Ներդաշնակ վիճակ է։

Իսկ ահա առյուծներով ազատավանդակների մոտ մթնոլորտը լարված է։ Ուտելիքն արդեն հինգ րոպե է ինչ բաժանել են։  Բոլորին, և՛ էգերին, և՛ արուին, հասել է մսի իրենց չափաբաժինը, սակայն դեռ ոչ ոք խնջույքի մեկնարկը չի տալիս։

Առյուծները զգուշավոր են, հանգիստ հետևում են «խցակցին», որպեսզի նա մեկ ուրիշի մասնաբաժինը չփախցնի։ Միաժամանակ են հետևում, բոլորը. գուցե հարևանն այդքան էլ զգոն և ճարպիկ չէ։

 Ереванский зоопарк (30 октября 2018)
© Sputnik / Asatur Yesayants
Երևանի Կենդանաբանական այգի

Սառը պատերազմը ևս մի երկու րոպե շարունակվում է, այնուհետև առյուծները հասկանում են, որ արժանի հակառակորդներ ունեն և սկսում են ըմբոշխնել իրենց ուտելիքը` նախապես տարբեր անկյուններ մտնելով` միմյանցից հնարավորինս հեռու։

 Ереванский зоопарк (30 октября 2018)
© Sputnik / Asatur Yesayants
Երևանի Կենդանաբանական այգի

Արջերի ազատավանդակի  մոտ երիտասարդները ռուսերենով զրուցում են այն մասին, թե արջի միսն ինչ համ ունի։  Ամենափոքր արջը ցնցուղ է ընդունում։ Մյուսը քարերով խաղում, նրա ընկերը փորձում է բարձրանալ այդ քարերի վրա։ Իսկ ազատավանդակից դուրս գտնվող մարդիկ քննարկում են, արդյո՞ք կենդանաբանական այգում մեծացած արջի միսը համով կլինի։ Իմ ապշած հայացքը տեսնելով` տղաներից մեկը պարզաբանում է.

Ереванский зоопарк (30 октября 2018)
© Sputnik / Asatur Yesayants
Երևանի Կենդանաբանական այգի

– Մենք Ալթայից ենք, այնտեղ արջի միս ուտելը սովորական  բան է։

Արջի մսի սիրահարների կողքին Կենդանաբանական այգու խանութից գնած մրգերով թղթե տոպրակը ձեռքին փոքրիկ աղջնակ է կանգնած։ Կերակրել այստեղ թույլատրվում է միայն որոշ կենդանիների և միայն այն մթերքով, որը վաճառվում է այգու տարածքում։ Երեխան ինձ հետ զրուցող երիտասարդ շիկահեր տղային մեկնում է մրգերով տոպրակը։

Ես հրճվանքից պտտվում եմ, աչքերս արցունքոտվում են, իսկ երիտասարդը, կքանստելով, փորձում է բացատրել երեխային, որ ոչ ոք արջին ուտել չի պատրաստվում։

Աշնան վերջը Կենդանաբանական այգու բնակիչներին տեսնելու իսկական ժամանակն է: Աղմուկն ու այցելուները քիչ են, միջավայրը հրաշալի. տերևների ու բնության թարմ բուրմունք, դեղին ու կարմիր հագած գեղեցիկ ծառեր, իր վերջին ճառագայթներով ջերմացնող գեղեցիկ արև:

1114
Ըստ թեմայի
Աշնանային գույներ և արևի ջերմությունը վայելող կենդանիներ. Կենդանաբանական այգին բաց է
Ինչու՞ են թեժացել կրքերը Կենդանաբանական այգում. Sputnik–ի հյուրն Արևիկ Մկրտչյանն է
IAR-ի մասնագետները բուժում են Կենդանաբանական այգու գիշատիչների ատամները
Никол Пашинян перед митингом на площади Республики (29 апреля 2018). Еревaн

Դուք միգուցե պարտություն կկրեք, բայց կհաղթանակեն ձեր դավանած սկզբունքները

407
(Թարմացված է 00:42 15.07.2020)
​Եկեք անկեղծ լինենք: Երբ Կարլ Մարքսը մոտ մեկուկես դար առաջ ասում էր, որ հեղափոխությունները պատմության լոկոմոտիվներն են, դրա մեջ ճշմարտության հատիկ կար:
Դուք միգուցե պարտություն կկրեք, բայց կհաղթանակեն ձեր դավանած սկզբունքները

Բայց, միևնույն ժամանակ, երբ ֆրանսիացի սոցիալիստ Ժան Ժորեսը պնդում էր, թե հեղափոխությունը առաջադիմության բարբարոսական ուղին է, դրանում էլ ճշմարտության հատիկ կար:

Այսօր ֆրանսիացիները նշում են Բաստիլի գրավման, այսինքն` Ֆրանսիական մեծ հեղափոխության տարեդարձը: Գրեթե բոլոր մասնագետները միակարծիք են, որ այդ հեղափոխությունը մարդկության պատմության կարևորագույն իրադարձություններից մեկն էր, որը հսկայական ազդեցություն գործեց քաղաքակրթության հետագա զարգացման ողջ ընթացքի վրա:

Փաստորեն ավարտվեց միապետությունների դարը, սկսվեց հանրապետությունների դարաշրջանը: Վերջնականապես վերացվեցին ֆեոդալական կարգերը, ազնվական ծագման հետ կապված արտոնությունները, ստրկությունը, աշխարհով մեկ սկսեցին տարածվել ազատականության, աշխարհիկության, ֆեմինիզմի գաղափարները, օրինականացվեց ապահարզանը:

Հեռու չգնանք՝ մեր Սահմանադրությամբ ամրագրված դրույթն այն մասին, որ իշխանությունը պատկանում է ժողովրդին, նույնպես վերցված է Ֆրանսիական հեղափոխության ժամանակ ընդունված Մարդու և քաղաքացու իրավունքների հռչակագրից: էլ չեմ ասում ֆրանսիացի հեղափոխականների հանրահայտ երեք սկզբունքների մասին՝ «Ազատություն, հավասարություն, եղբայրություն»՝ ում սրտով չէ այդ հրաշալի կարգախոսը:

Ինչ պետք է անեք ջահել ժամանակ, որ հասուն տարիքում վատ չզգաք. գիտնականների 10 խորհուրդները

Բայց ախր հարց է ծագում՝ բա եթե հեղափոխությունը այդքան լավ բաներ է բերում իր հետ, ինչո՞ւ ենք տարբեր գործիչներից ամեն քայլափոխի լսում՝ «ես հեղափոխական ուղու կողմնակից չեմ, էվոլյուցիոն զարգացման կողմնակից եմ»:

Իսկապես, որոշ պատմաբաններ համոզված են՝ եթե 1789 թվականին սկսված հեղափոխությունը չլիներ, Ֆրանսիան, միևնույն է, մի 50 տարի հետո կունենար նույն արդյունքները, բայց առանց այն ահավոր բռնությունների, որոնք դարձան հեղափոխության անքակտելի մասը:

Հիշենք, որ Բաստիլի գրավմանն ի վերջո հաջորդեց տեռորը՝ տարբեր գնահատումներով մահապատժի ենթարկվեց շուրջ 40 հազար մարդ: Հեղափոխականները հռչակեցին ազատ ընտրություններ, հետո սկսեցին ամեն ինչ անել, որպեսզի այդ ընտրությունները տան իրենց համար շահեկան արդյունքը: Նաև մամուլի ու խոսքի ազատություն հռչակեցին, բայց քիչ անց սկսեցին հետապնդել այլախոհներին, պատճառաբանելով, թե նրանք խարխլում են պետության հիմքերը և սպառնում հասարակության անվտանգությանը:

​Համաձայնեք՝ սա շատ բարդ հարց է: Կարող եք ասել՝ բայց չէ՞ որ եղել են հեղափոխություններ, որոնք բռնություններով չեն ուղեկցվել՝ հենց մեր «թավշյա հեղափոխությունը», Չեխոսլովակյան թավշյա հեղափոխությունը, Վրաստանի «վարդերի հեղափոխությունը»։

Արդյո՞ք Լավրենտի Բերիան է սպանել Աղասի Խանջյանին

Չեմ առարկի և որպես հակափաստարկ չեմ բերի Ռուսաստանյան սոցիալիստական հեղափոխությունը և դրան հետևած ռեպրեսիաները,  նույնիսկ չեմ հիշեցնի, թե գունավոր հեղափոխությունների ժամանակ քանի զոհ եղավ Ղրղզստանում, Կահիրեի Թահրիրի հրապարակում և Կիևի Մայդանում: Ավելին` Ամերիկյան հեղափոխությունը, որը սկսվեց ֆրանսիականից ավելի վաղ՝ 1776 թվականին, և, փաստորեն, նույնքան՝ մոտ տասը տարի տևեց, այնուամենայնիվ, տեռորով չուղեկցվեց: Զոհեր եղան, բայց դրանք պատերազմական զոհեր էին:

էստեղ սկզբունքային մի նրբություն կա: Այս հարցը՝ հեղափոխությունը և բռնությունը, մոտ 20 տարի առաջ լույս տեսած իր շատ հետաքրքիր գրքում  մանրամասն վերլուծել է ֆրանսիացի պատմաբան Պատրիս Գենիֆեն: Նա հարց է տալիս՝ ուրեմն ի՞նչ՝ ցանկացած քաղաքական փոփոխություն պետք է անպայման բռնությամբ ուղեկցվի՞: Իհարկե ոչ:

Կարևորն այն է, որ հեղափոխականը, որը քարոզում է ազատության, արդարության և հավասարության սկզբունքները, մինչև վերջ հավատարիմ մնա դրանց, երբեք չշեղվի դրանցից՝ նույնիսկ այն դեպքում, երբ քաջ գիտակցում է, որ այդ սկզբունքների կենսագործումը կարող է վնասել իրեն, զրկել իրեն որոշակի արտոնություններից, բարիքներից, իշխանությունի՞ց:

Այսինքն՝ ժողովրդավարության և արդարության սկզբունքներն այնքան խորը արմատներ են ձգել ձեր մարդկային էության մեջ, որ նույնիսկ իմանալով, որ հանրությունը առաջիկա ընտրություններում այնքան էլ հակված չէ իր ձայնը տալու այն ուժին, որը դուք ներկայացնում եք, ընտրակեղծիքների չե՞ք դիմի, առավել ևս, չե՞ք հանձնարարի, ասենք, փողերի լվացման մեղադրանքով գործ հարուցել ձեր ընդդիմախոսի նկատմամբ, չե՞ք փորձի վերահսկել լրատվամիջոցները, որոնք ձեզ քննադատում են, չե՞ք անջատի ընդդիմության ներկայացուցչի խոսափողը խորհրդարանում, իսկ ընտրություններից հետո երբեք զինված ոստիկաններ դուրս չե՞ք բերի բողոքող ցուցարարների դեմ:

«Ազնիվ մարդկանց կուսակցություն»` կաշառակեր անդամներով, կամ երբ մեր քաղաքական դաշտը կմաքրվի

Դուք, միգուցե, պարտություն կկրեք ու կզրկվեք իշխանական լծակներից և արտոնություններից, բայց հաղթանակ կտանեն ձեր դավանած սկզբունքները:

Եթե, իհարկե, իսկապես հավատարիմ եք այդ սկզբունքներին։

407
թեգերը:
Եկեք անկեղծ լինենք, ԽՍՀՄ, «Թավշյա հեղափոխություն», Արմեն Դուլյան
թեմա:
5 րոպե Դուլյանի հետ
Ըստ թեմայի
«Մահափորձեր» մահվանից հետո. Լենինին նաև դամբարանում էին ուզում «սպանել»
Եթե Քանյե Ուեսթը նախագահ դառնա, կշահենք մենք ու Չինաստանը
Թող այդ ամենի մասին մեր երեխաներն ու թոռները մտածեն, մեզ մեր խնդիրներն էլ բավարար են
Երիտասարդներ, արխիվային լուսանկար

Թող այդ ամենի մասին մեր երեխաներն ու թոռները մտածեն, մեզ մեր խնդիրներն էլ բավարար են

420
(Թարմացված է 21:48 13.07.2020)
Եկեք անկեղծ լինենք։ Այսօրվա կորոնավիրուսային իրավիճակը այնքան լուրջ խնդիր է, որ բոլորովին չի տրամադրում մտածելու այլ խնդիրների մասին, որոնք ծառանալու են ամբողջ մարդկության առջև, ասենք՝ այս դարի կեսերին։

Այնինչ այդ խնդիրները հետզհետե սկսում են ուրվագծվել հենց այսօր, բոլորիս աչքի առջև ու BBC-ին ներկայացրել է այն 10 գլխավոր մարտահրավերները, որոնց հետ մարդկությունը ստիպված է լինելու գործ ունենալ 30 տարի հետո՝ 2050 թվականին։ Թույլ տվեք հնարավորինս հակիրճ անդրադառնալ դրանց, իսկ առաջիկայում հաստատ դեռ առիթներ կլինեն շատ ավելի մանրամասն խոսելու այդ դրանց մասին՝ առանձին-առանձին։

Եվ այսպես՝ առաջին։ Մարդու գենային մոդիֆիկացումը։ Խոսքը, ինչպես մասնագետներն են ասում, մարդու ԴՆԹ-ի խմբագրման մասին է։ Սա մի կողմից՝ հսկայական օգուտներ կարող է բերել շատ որոշակի հիվանդությունների դեմ պայքարում, մյուս կողմից՝ էթիկական բնույթի նուրբ հարցեր է առաջացնում՝ արդյոք մենք իրավունք ունենք արհեստականորեն կատարելագործել մարդու օրգանիզմը և, ի վերջո, ստեղծել իդեալական մարդ արարած։

Երկրորդ։ Տարեցների թվի ավելացում։ Համաձայնեք՝ Հայաստանը այն երկրներից է, որտեղ այս խնդիրը առավել, քան հրատապ է։ Իսկ գլոբալ առումով մասնագետներն այսպիսի կանխատեսումներ են անում՝ հարյուր տարին բոլորած մարդկանց թիվն այսօր աշխարհում ընդամենը մոտ կես միլիոն է, 2050 թվականին այն գերազանցելու է 25 միլիոնը, այսինքն` աճելու է 50 անգամ։ Իհարկե, հրաշալի է, որ մարդիկ ավելի երկար են ապրելու, բայց… Անցնենք հաջորդ խնդրին։

Ինչ-որ բան այն չէ ժողովրդավարության նախկին «կղզյակներում»

Կլիմայական փոփոխություններ։ Երբևէ լսե՞լ եք կլիմայական փախստականների մասին։ Իսկ մասնագետներն արդեն կանխատեսում են, որ եթե գլոբալ տաքացումը շարունակվի, որոշ տարածքներ լիովին կանցնեն ջրի տակ և դրանց բնակիչները ստիպված կլինեն տեղափոխվել այլ բնակավայրեր, այլ երկրներ, այսինքն՝ կդառնան կլիմայական փախստականներ։

Անցնենք սոցիալական ցանցերին։ Սկզբում մեծ ոգևորություն էին առաջացնում, որովհետև շփվելու անսահման հնարավորություններ էին ընձեռում, հիմա կամաց-կամաց հասկանում ենք, թե որքան խոցելի ենք դառնում՝ ով ասես կարող է կեղծ անվան տակ գրանցվել ու հանգիստ հայհոյել քեզ։ էլ չեմ ասում սուտ տեղեկության տարածման մասին։ Լավ՝ քանի անգամ կարող է մեռնել Միխայիլ Գորբաչովը՝ մի հիսուն անգամ թաղեցին խեղճ մարդուն։ Ու այս խնդիրը գնալով խորանալու է։

«Մահափորձեր» մահվանից հետո. Լենինին նաև դամբարանում էին ուզում «սպանել»

Հաջորդը։ Քաղաքային տրանսպորտի երթևեկությունը։ Հիշում եմ՝ մի ժամանակ Ֆուրմանովի փողոցում, երբ բակի տղաներով երթևեկելի հատվածում ֆուտբոլ էինք խաղում՝ հատ ու կենտ մեքենաներ էին անցնում։ Հիմա երեկոյան վերադառնում ես աշխատանքից, հաստատ, 100 տոկոսով գիտես, որ քաղաքի այսինչ հատվածում անպայման խցանում է լինելու։ Իսկ ավտոմեքենաների թիվը տարեցտարի ավելանում ու ավելանում է։ Դուք գոնե պատկերացնո՞ւմ եք, թե 2050 թվականին Երևանում ինչ է կատարվելու։ Անկեղծ ասեմ՝ ես չեմ պատկերացնում։

Անցնենք առաջ։ Ինչ է լինելու, երբ Երկրի բնական պաշարները, որոնք մենք անխնա օգտագործում ենք, սկսեն սպառվել։ Մասնագետները փաստում են՝ սովորական բջջային հեռախոսում կա մոտ 60 բաղադրիչ, որոնցից առնվազն մի քանիսը՝ հազվադեպ հանդիպող մետաղներ են։ Ճիշտ եք։ Այդ մետաղները այլ նյութերով փոխարինելու եղանակներն առաջիկա տասնամյակներում երևի այնուամենայնիվ կգտնվեն։ Բայց վերցրեք մեր հայաստանյան հանքարդյունաբերությունը՝ ախր մեր արտահանման, մանավանդ եվրոպական արտահանման մի զգալի մասը՝ բնական պաշարներն են, որոնք անսահման չեն։ Բա 2050-ին ինչ է լինելու։

Սուրբ Սոֆիան ուզում են մզկիթ դարձնել. հայ ճարտարապետի վերականգնած գմբեթի տակ նամազ կհնչի՞

Եվ վերջապես։ Որոշ մասնագետներ համոզված են, որ անխուսափելիորեն գալու է այն օրը, երբ արհեստական բանականությունը գերազանցելու է մարդկային բանականությանը և սկսելու է ինքնուրույն կատարելագործվել ահռելի արագությամբ։ Եվ այստեղ ծագում է ամենագլխավոր հարցը՝ իսկ արդյոք առանց մարդու միջամտության զարգացող այդ բանականությունը բարյացակամ կլինի մեր՝ մարդկանց նկատմամբ։ Բա, որ հանկարծ որոշի, որ մարդկությունը խոչընդոտում է իր կատարելագործմանը։ Բայց շատ ճիշտ եք՝ թող այս ամենի մասին մեր երեխաներն ու թոռները մտածեն, մեզ մեր առօրյա խնդիրներն էլ բավարար են։

420
թեգերը:
խցանում, կորոնավիրուս, երեխա, թոռ, տարեց, Տրանսպորտ, Երևան, արհեստական բանականություն
թեմա:
5 րոպե Դուլյանի հետ
Ըստ թեմայի
Ո՞ր խավին ենք պատկանում հայերս․ սոցիալիզմի ու կապիտալիզմի արանքում
Եթե Քանյե Ուեսթը նախագահ դառնա, կշահենք մենք ու Չինաստանը
Թեժ վիճաբանություն «հայու գենի» շուրջ, կամ մենք ու Ամերիկան
Արժե՞ վստահել վարկանիշներին. ինչ անել, որ հայկական բուհերն էլ լավագույնների շարքին դասվեն
Հնագետներ

Հայտնաբերվել է հին քաղաքակրթության հսկայական կորուսյալ դղյակը

0
Շինության ավերակները հայտնաբերվել են Մեխիկոյի Սահմանադրության հրապարակում իրականացվող վերանորոգման աշխատանքների ժամանակ, երբ բանվորները դեմ են առել բազալտե սալիկների։

ԵՐԵՎԱՆ, 15 հուլիսի –Sputnik.  Մեքսիկայում հնագետները ացկետների հին կորսված պալատի ավերակներ են գտել։ Պալատը նաև իսպանացի կոնկիստադոր Էռնան Կորտեսի նստավայրն է եղել։ Տեղեկությունը հայտնում է BBC News պարբերականը։

Շինության ավերակները հայտնաբերվել են Մեխիկոյի Սահմանադրության հրապարակում իրականացվող վերանորոգման աշխատանքների ժամանակ, երբ բանվորները դեմ են առել բազալտե սալիկների։ Դրանք ացտեկների կառավարիչ Աշայակատլի պալատի բաց հատվածի մաս են կազմել։ Աշայակատլը իշխանության է եկել 1469 թվականին, կառավարել 12 տարի և դարձել ացտեկների վերջին կայսրի` Մոնթեսումա II–ի հայրը։ Իսպանացիների ներխուժման պատճառով բնիկ մեքսիկացիների քաղաքակրթության անկումից հետո պալատը տուն էր դարձել Կորտեսի համար։

Կորտեսը Մեքսիկա էր եկել 1518 թվականին, իսկ 1521 թվականին իր մարդկանցով պաշարել Տենոչթիտլանը, որը հետագայում ավերվեց։ 

Սենսացիա․ Հայաստանում հնագետները հայտնաբերել են ուրարտական դարաշրջանի կին ռազմիկի կմախքը

Ավելի վաղ` 2020 թվականի հունվարին, հայտնում էին, որ Մեքսիկայի մարդաբանության և պատմության ազգային ինստիտուտի գիտնականները պարզել են, որ Մեխիկոյի քաղաքային պուրակում հայտնաբերած ոսկե ձուլակտորը ացտեկների գանձերի մաս է կազմում, որոնք թալանել էին իսպանացի կոնկիստադորները Էռնան Կորտեսի գլխավորությամբ։

Սենսացիոն գտածո. Հռոմում հնագետները պեղել են Անահիտ աստվածուհու «ազգականին». լուսանկար

0
թեգերը:
գտածո, Մեքսիկա, պեղումներ
Ըստ թեմայի
Հնագետները Եգիպտոսում ավելի քան 3 հազար տարի առաջ ապրած հղի կնոջ գերեզման են գտել
Հայ հնագետները պատրաստ են ապացուցել, որ գիտնականները մեկ դար շարունակ սխալվել են
Ղրիմի ափերի մոտ հնագետները կսկսեն «Արմենիա» կործանված ջերմանավի որոնողական աշխատանքները