Դավթաշենում հայտնված գայլը

Երևանյան շքամուտքում հայտնված գայլը. ժամանա՞կը չէ պատիժ սահմանել մարդու համար

3812
(Թարմացված է 19:21 06.11.2018)
Հյուծված գայլուկին գտել էին երկու ամիս առաջ Երևանի թաղամասերից մեկի բնակելի տան շքամուտքում։ Այժմ կենդանին կենդանաբանական այգում է։

Սպիտակամոխրագույն գայլուկը «բնակություն» է հաստատել Երևանի բազմահարկ տներից մեկի շքամուտքում։ Այս տողերն ընթերցելիս դուք երևի զվարճալի տեսարան եք պատկերացնում, թե ինչպես է գազանիկը մտերմություն անում մարդկանց հետ և վազվզում երեխաների հետևից։ Կամ հակառակը` դուք վախի զգացում եք ապրում այն մտքից, որ վայրի կենդանին հայտնվել է մարդկանց տարածքում։

Չձանձրացնենք ընթերցողին և խոստովանենք, որ իրական պատկերն այդքան էլ հուսադրող չէր, նախևառաջ, հենց կենդանու համար։

Волчонок из Давиташена
© Photo : press office of Yerevan Zoo
Դավթաշենում հայտնված գայլը

Մի շարք երկրների օրենսդրությունը (Հայաստանն այս դեպքում բացառություն չէ) արգելում է կենդանիների նկատմամբ դաժան վերաբերմունքը։ Սակայն խնդիրն այն է, որ մեր հանրապետությունում այս նորմը խախտելու համար պատասխանատվության չեն ենթարկում. դրա համար չի կարելի ո՛չ բանտ ուղարկել, ո՛չ էլ տուգանել։

Չկա նաև այնպիսի մի կետ, որը պատիժ կնախատեսեր տանը պահվող կենդանու խնամքից հրաժարվելու համար։ Այսինքն Հայաստանի ցանկացած բնակիչ կարող է, օրինակ, շուն պահել, հետո նրան փողոց շպրտել և մնալ անպատիժ։

Անպատասխանատու վերաբերմունք կա նաև մեկ այլ հարցում. նույն թափառական շները, որոնք ոհմակներ են կազմում և ագրեսիվ դառնում հատկապես ձմռանը, հաճախ լուրջ վտանգ են ներկայացնում քաղաքի բնակիչների համար։ Էլ չենք խոսում վայրի կենդանիների մասին, որոնց մարդիկ պահում են քմահաճույքից ելնելով, հետո, երբ կենդանի «խաղալիքից» ձանձրանում են, թողնում են բախտի քմահաճույքին։

Волчонок из Давиташена
© Photo : press office of Yerevan Zoo
Դավթաշենում հայտնված գայլը

Երևի նման պատմության մեջ է ընկել նաև մեր գայլուկը։ Ամենայն հավանականությամբ, նրան բռնել են անտառում և որոշել են տնային շան պես պահել, բայց մի քանի ամիս անց կենդանին մեծացել է և դրսևորել գայլին բնորոշ հատկություններ` ագրեսիա և չարություն, ինչը բնական է։ Տերերը որոշել են ազատվել նրանից, խնդիրը լուծելու համար զլացել են նույնիսկ կենդանաբանական այգի զանգահարել և կենդանուն պարզապես փողոց են գցել։ Կամ գուցե տերերը չեն նկատել, և նա փախել է` ազատության զգացումից մղված։

Հայտնվելով քաղաքի աղմկոտ խաչմերուկներում` կենդանին վախից թաքնվել է Դավթաշեն վարչական շրջանում գտնվող բարձրահարկ շենքերից մեկի շքամուտքում։ Հյուծված տեսքը ստիպել է ենթադրել, որ նա երկար ժամանակ սոված է մնացել և չի լքել իր թաքստոցը։

Բարեբախտաբար, այս պատմությունը երջանիկ ավարտ է ունեցել։ Բազմահարկ տան բնակիչներից մեկը, նկատելով կենդանուն, հասկացել է, որ շուն չէ, այլ հենց գայլ, ու զանգել է կենդանաբանական այգի։ Արդյունքում կենդանուն պատվաստել են և տեղավորել այգու կարանտինային հատվածում։

Կենդանաբանական այգու աշխատակիցները կերակրել և լողացրել են կենդանուն։ Ընդամենը երկու ամսվա ընթացքում վախեցած կենդանին վերածվել է ուժեղ, չափավոր բարեհամբույր և տեսախցիկի առաջ կեցվածքներ ընդունող գայլի (դիտեք հոդվածի գլխավոր նկարը – խմբ.)։

Կենդանաբանական այգու աշխատակիցները մեզ հայտնեցին, որ որոշ ժամանակ անց, երբ կենդանին վերջնականապես ապաքինվի, նրան գայլերի ազատավանդակ կտեղափոխեն։ Այդ ժամանակ նրան արդեն կկարողանան տեսնել կենդանաբանական այգու բոլոր այցելուները։

Գայլուկը դեռ անուն չունի, թեև «Փյունիկը» նրա համար լավ անուն կարող է լինել։

3812
թեգերը:
Հայաստան
Ըստ թեմայի
Կենդանաբանական այգում կփորձեն օգնել առողջական խնդիր ունեցող երեխաներին
Երևանի կենդանաբանական այգու էկզոտիկ բնակիչները. լուսանկարներ
Երևանի կենդանաբանական այգու զեբրը կոտրել է ոտքը
Ֆուտբոլ. գնդակ

Ընդհատված մրցաշրջան, որակազրկված ակումբներ. ինչո՞ւ է ՀՖՖ–ն նման աննախադեպ որոշում կայացրել

39
(Թարմացված է 22:05 03.07.2020)
Հայաստանի ֆուտբոլի առաջնությունների պատմության մեջ եղել են մրցաշրջաններ, երբ չի անցկացվել, օրինակ, սուպեր գավաթի խաղարկությունը: Բայց մրցաշարի դադարեցումն աննախադեպ է: Սակայն փաստն այն է, որ առաջին խմբի մրցաշարը դադարեցվեց, ու այս դեպքում պատճառը կորոնավիրուսը չէ:

ԵՐԵՎԱՆ, 3 հուլիսի – Sputnik. Հայաստանի ֆուտբոլի ֆեդերացիայի գործկոմի նիստն այսօր կայացրել է աննախադեպ որոշում՝ դադարեցնել Հայաստանի ֆուտբոլի առաջին խմբի  մրցաշարը: Աննախադեպ էր նաև «Արագած», «Տորպեդո», «Մասիս», «Լոկոմոտիվ» և «Երևան ֆուտբոլային ակումբների, ինչպես նաև ներգրավված 58 անձանց (այդ թվում՝ 45-ին` ցմահ)՝ տարբեր ժամկետներով որակազրկան մասին կայացված որոշումը:

2019/20 թվականների մրցաշրջանի մեկնարկից առաջ, երբ պարզ դարձավ, որ 17 թիմ է մասնակցելու Հայաստանի  ֆուտբոլի առաջին խմբի մրցաշարին, շատերը զարմացան, ոմանք էլ ուրախացան: Զարմացան, որ մրցաշարին այդքան թիմ է մասնակցելու է, ուրախացան, որ առաջին խմբի մրցաշարը կարող է մրցունակ դառնալ: Բայց առաջին լիգայի ընթացքում գրանցվող արդյունքները սկսեցին կասկածներ առաջացնել շատերի մոտ: 7:0, 9:0, 8:2, 7:2, 7:1,12:0, 8:3, 5:4. մի խոսքով` ոչ ֆուտբոլային հաշիվներ:

Կասկածները հիմք տվեցին ուսումնասիրություններ անցկացնել մի քանի թիմերի մասնակցությամբ խաղերին ու գրանցված արդյունքներին: Ցավոք, կասկածները հաստատվեցին`առաջին խմբի մրցումներում եղել են պայմանավորված բազմաթիվ խաղեր: Կորոնավիրուսի համաճարակի պատճառով դադարեցված մրցաշրջանի վերսկսումից անմիջապես հետո ՀՖՖ-ն արձագանքեց: Տարբեր պատճառներով առաջին խմբում հաջորդ մրցաշրջանում հանդես գալու արտոնագրեր չստացան 6 ակումբներ՝«Անի», «Արագած», «Դիլիջան», «Ինտեր», «Մասիս» և «Տորպեդո»:

Իսկ հուլիսի 3-ին ուրբաթը հաստատ շաբաթից շուտ եկավ: ՀՖՖ գործկոմի նիստի ժամանակ հինգ ակումբներ՝ «Արագածը», «Տորպեդոն», «Մասիսը», «Լոկոմոտիվը» և «Երևանը» ու 58 անձիք, որոնցից 45-ը` ցմահ, որակազրկվեցին, իսկ առաջին խմբի մրցաշարը դադարեցվեց: Հասկանալի է, որ պայմանավորված խաղերի դեմ պայքարում բոլոր միջոցներն էլ արդարացված են: Ու այդ արատավոր երևույթը Հայաստանում արմատախիլ անելու համար ՀՖՖ-ն, ունենալով բազմաթիվ փաստեր ու ապացույցներ, դիմել է այս աննախադեպ միջոցին:

«Վան» թիմի գլխավոր մարզիչ Կարեն Բարսեղյանը Sputnik Արմենիայի հետ զրույցում ասում է, որ իրենք երկու ձեռքով կողմ են Հայաստանի ֆուտբոլի ֆեդերացիայի որոշումներին, առավել ևս որ նրանք ուղղված էր ֆուտբոլը արատավորված երևույթներից զերծ պահելուն: «Բազմիցս նշել եմ, որ ֆուտբոլը պետք է մաքուր լինի, և ամեն ինչ այստեղ պետք է որոշվի ազնիվ պայքարում: Եթե ՀՖՖ-ն նման որոշում է կայացրել, ուրեմն կան փաստեր, կան ապացույցներ: Իսկ նման իրավիճակում մենք միայն կողմ ենք պայմանավորված խաղերի դեմ պայքարին»,–ասում է Բարսեղյանը` նշելով, որ ինչպես և բոլոր ակումբները, իրենք էլ այսօր են տեղեկացել , որ մրցաշարը դադարեցվում է: Նա համոզված է, որ մոտ ապագայում կլինեն նաև այլ որոշումներ, ու այդ դեպքում իրենք կկարողանան արտահայտել իրենց տեսակետը, քանի որ «Վանը» հայկական ֆուտբոլի «մաքրման» աշխատանքների կողմնակից է:

Մելիքյանը վերադարձել է Հայաստան. նա կգլխավորի «Ալաշկերտը»

Գրեթե նույն կարծիքին է նաև Ռազմիկ Գրիգորյանը, որը գլխավորում է «Դիլիջան» թիմը։ Նա էլ գտնում է, որ միանշանակ ճիշտ որոշում է կայացվել, ինչքան էլ այն զարմանալի թվա շատերին։ «Ֆուտբոլը զարգացնելու համար մենք պետք է ազատվենք սև ու մութ ուժերից, որոնք պարզապես կեղտոտում են այս հրաշալի մարզաձևը: Համոզված եմ` նման աննախադեպ որոշման պատճառները շատ խորն են, ու ՀՖՖ-ն ունի բազմաթիվ նյութեր պայմանավորված խաղերի հետ կապված»,–ասում է նա` տարօրինակ համարելով առաջին լիգայում ճապոնացի, նիգերիացի, մարոկոցի ու շատ այլ ազգերի ֆուտբոլիստների ներկայությունը:

Կորոնավիրուսի «խառնած» ծրագրերը, կամ ինչու երիտասարդ հայ բռնցքամարտիկները դարձան մարզիչներ

ՀՖՖ-ն անկասկած մոտ ապագայում այլ որոշում էլ կհրապարակի, քանի որ առաջին խմբում կան ակումբերն, որոնք ազնիվ պայքար են մղել յուրաքանչյուր խաղում, և հետապնդել մեկ նպատակ՝ նվաճել բարձրագույն խմբի ուղեգիր:

Մնում է սպասել ՀՖՖ որոշումներին: Պարզ է, որ բարձրագույն խմբում մեկ թիմ խաղալու է ներկայիս առաջին խմբից: Բայց որ թիմը կլինի դա, կիմանանք շուտով:

39
թեգերը:
ֆուտբոլիստ, ֆուտբոլ, Հայաստան, ՀՖՖ
Ըստ թեմայի
«Ռոմայի» հաղթանակն ու Մխիթարյանի «կարոտած» խաղը. ֆուտբոլը վերադարձավ Covid–19-ի աշխարհ
Հայաստանի և Ալբանիայի հավաքականներն ընկերական հանդիպում կանցկացնեն
«Ռոմայի» հետ իմ պատմությունը շարունակվում է․ Մխիթարյանը գրառում է արել
Սուրբ Սոֆիա

Սուրբ Սոֆիան ուզում են մզկիթ դարձնել. հայ ճարտարապետի վերականգնած գմբեթի տակ նամազ կհնչի՞

130
(Թարմացված է 21:59 03.07.2020)
Եկեք անկեղծ լինենք։ Առաջիկա երկու շաբաթների ընթացքում Թուրքիայում կարող է տեղի ունենալ մի իրադարձություն, որի ազդեցությունը կզգան ողջ աշխարհի քրիստոնյաները։
Այա Սոֆիա՝ կրկին մզկի՞թ

Առաջին հայացքից տարօրինակ է թվում՝ մահմեդական Թուրքիայում այդ ի՞նչ կարող է կատարվել, որը վերաբերի քրիստոնեական աշխարհին։ Բայց խոսքը Ստամբուլի խորհրդանիշ համարվող Սուրբ Սոֆիայի հանրահայտ տաճարի մասին է, որը Թուրքիայի ղեկավար Ռեջեփ Էրդողանը մտադիր է վերածել մզկիթի, այնինչ առնվազն վերջին գրեթե հարյուր տարվա ընթացքում այդ հոյակերտ շինությունը թանգարան էր։

Հինգշաբթի այդ հարցն է քննել Թուրքիայի Պետական խորհուրդը, որը բարձրագույն դատարանի դեր է կատարում։ Իրականում քննարկում էլ չի եղել, նիստը տևել է ընդամենը 17 րոպե, ինչից հետո հայտարարվել է, որ որոշումը կհրապարակվի 15 օրից։ Սակայն հունական մամուլն այսօր պնդում է՝ Պետական խորհուրդը հայտարարելու է, որ տաճարի կարգավիճակի վերաբերյալ վերջնական որոշում կարող է կայացնել երկրի ղեկավարը, այսինքն` Ռեջեփ Էրդողանը։

Շատերը վրդովված են՝ ինչպես թե մի մարդ որոշում է կայացնելու այն հոյակերտ շինության վերաբերյալ, որը ՅՈՒՆԵՍԿՕ-ն դեռ ուղիղ 35 տարի առաջ ներառել է համաշխարհային ժառանգության ցուցակում։ Սակայն ընդդիմախոսները հիշեցնում են, որ ուղիղ 85 տարի առաջ՝ 1935 թվականին, տաճարը թանգարան հռչակելու հրամանագիր է ստորագրել էլի ընդամենը մի մարդ՝ Թուրքիայի այն ժամանակվա նախագահ Քեմալ Աթաթուրքը։

Աթաթուրքի և թուրքերենի «կնքահայրը», կամ հայը, որի մասին թուրքերը լռել չեն կարող

Հայտնի է, որ Աթաթուրքը աշխարհիկ պետության կողմնակից էր, կղերականությանը բացասաբար էր վերաբերվում և նույնիսկ մի անգամ Ղուրանը շպրտել է բարձրագույն հոգևորականի երեսին։

Հիմա գլխավոր հարցը՝ լավ, ինչո՞ւ է Էրդողանը որոշել Այա Սոֆիա կոչվող տաճարը մզկիթ դարձնել, աղոթելու տեղ չկա՞։ Բայց չէ որ Սուրբ Սոֆիայից ընդամենը մի քանի հարյուր մետր հեռավորության վրա է գտնվում Կապույտ մզկիթը։ Քանզի եղել եմ այնտեղ, կարող եմ վկայել, որ դա էլ է մի հոյակերտ շինություն, որը նույնպես անջնջելի տպավորություն է թողնում։ Վերլուծաբանները և արևմտյան լրատվամիջոցները տարբեր կերպ են մեկնաբանում Էրդողանի` տաճարը մզկիթ դարձնելու որոշումը։ Նույնիսկ այսպիսի վարկած են առաջ քաշում՝ սա Թուրքիայի պատասխանն է Դոնալդ Թրամփին, որն, ինչպես գիտեք, ճանաչեց Երուսաղեմը որպես Իսրայելի պաշտոնական մայրաքաղաք։

Իսկապես, Թուրքիայի և Ամերիկայի միջև հարաբերություններն այս պահին բավական լարված են։ Եվ Վաշինգտոնը չի էլ թաքցնում, որ ամենևին հավանություն չի տալիս Սուրբ Սոֆիան մզկիթ դարձնելու գաղափարին։ ԱՄՆ-ի պետքարտուղար Մայք Պոմպեոն հրապարակավ հայտարարել է՝ «Այա Սոֆիայի կարգավիճակի փոփոխությունն իմ երկիրը դիտարկում է որպես այդ զարմանահրաշ շինության ժառանգության նսեմացում, որովհետև այդ տաճարը ծառայում է որպես մարդկության տարբեր կրոնական ավանդույթների և մշակույթների կապող օղակ», փաստել է ԱՄՆ-ի արտգործնախարարը։

Ինչ-որ բան այն չէ ժողովրդավարության նախկին «կղզյակներում»

Ռուսաստանում էլ են խիստ մտահոգված տաճարի ճակատագրով։ Չէ՞ որ ժամանակին իշխան Վլադիմիրի պատվիրակները հենց այս տաճարում տեղի ունեցած պատարագին մասնակցելուց հետո այնքան են տպավորվել, որ համոզել են իշխանին ընդունել ուղղափառությունը։

Եվ այժմ էլ մոսկովյան պատրիարքության ներկայացուցիչը հայտարարել է. «Աշխարհի միլիոնավոր քրիստոնյաների համար այս տաճարը Բյուզանդիայի և ուղղափառության խորհրդանիշն է։ Սուրբ Սոֆիայի կարգավիճակը փոխելու ցանկացած փորձ հանգեցնելու է արդի աշխարհում ձևավորված փխրուն միջկրոնական հարաբերությունների փլուզմանը»։

Չգիտեմ՝ արդյոք դուք երբևէ եղել եք Ստամբուլում և այցելել եք այս տաճար։ Ինձ վրա Սուրբ Սոֆիան, որը մոտ 1000 տարի շարունակ աշխարհի ամենամեծ շինությունն է եղել, անմոռաց տպավորություն է թողել։ Իր այժմյան տեսքով տաճարը բացվել է 6-րդ դարում՝ Հուստինիանոս առաջին կայսրի օրոք։ Դրա կառուցման վրա ծախսվել է ողջ Բյուզանդական կայսրության երեք տարվա բյուջեն։ Տաճարի հսկայական գմբեթը, որի տրամագիծը, չեք պատկերացնի, ավելի քան 31 մետր է, մի քանի անգամ փլուզվել է երկրաշարժերի պատճառով։ Վերջին անգամ դա տեղի է ունեցել 986 թվականին։ Եվ այդ ժամանակ Բյուզանդիայի ղեկավարությունը Կոստանդնուպոլիս է հրավիրել հայ ճարտարապետ Տրդատին, որն էլ վերականգնել է տաճարի գմբեթը։ Եվ այնպես է վերականգնել, որ այդ գմբեթը պահպանվել է մինչև մեր օրերը՝ ավելի քան հազար տարի։
1453 թվականին, ինչպես գիտեք, թուրքերը գրավեցին Կոստանդնուպոլիսը, և պարզ դարձավ, որ տաճարն այլևս քրիստոնեական չի լինելու։

Հայաստանի Ազգային ժողովի նախկին պատգամավոր Վահան Հովհաննիսյանը իր «Մանդիլիոն» պատմավեպում դա այսպես է նկարագրում. «Սուրբ Սոֆիային մերձ հրապարակը լցված էր տաճարում պատսպարվելու եկած ամբոխով։ Ամենուրեք վառվող ջահեր էին և կանթեղներ, նույնիսկ մոմեր։ Հրապարակն ասես հառաչում էր, օդի մեջ կար զգացողություն, որ միախառնված աղոթքներն ու անեծքները, խուլ գվվոցի վերածված այդ ամբողջ աղմուկը վերջն է, որովհետև քրիստոնյաներն այստեղից վերջին անգամ են դիմում Աստծուն»։

Ինչպես էին իսրայելցիները պատրաստվում ատոմային ռումբ պայթեցնել անապատում

130
թեգերը:
Սուրբ Սոֆիայի տաճար, մզկիթ, Թուրքիա
թեմա:
5 րոպե Դուլյանի հետ
Ըստ թեմայի
Թուրքիայում ավերում են հայկական կոթողները, իսկ ի՞նչ է անում թուրքական իշխանությունը
Ի հեճուկս Թուրքիայի․ ինչո՞վ են ապրում Սինջարի եզդիները և ինչու սիրեցին հայերին
Մեր նախնիների կառուցած Թուրքիան. ինչո՞վ պատասխանեցին թուրքերը հայերին
Գոհար Ավետիսյան

Գոհար Ավետիսյանի առաջնեկը ծնվել է. լուսանկար

95
(Թարմացված է 00:15 04.07.2020)
Երկրպագուները վաղուց էին սպասում հայտնի դիմահարդարի փոքրիկի ծնվելուն։ Գոհարն էլ ծննդաբերությունից հետո լուսանկար է հրապարակել։

ԵՐԵՎԱՆ, 4 հուլիսի – Sputnik. Հանրահայտ դիմահարդար Գոհար Ավետիսյանը, որին Ռուսաստանում և Հայաստանում հաճախ «մեյքափի գուրու» են անվանում, ծննդաբերել է։

«Բարի գալուստ այս գեղեցիկ աշխարհ, իմ փոքրիկ հսկա, 4 կգ երջանկություն և անիրական սեր առաջին վայրկյանից։ Սա, թերևս, իմ ծննդյան օրվա լավագույն նվերն է (այն կլինի վաղը, բայց ես, միևնույնն է, բոլորին ցանկանում եմ զգալ այդ երջանկությունը)», - գրել է նա Instagram–ում:

Посмотреть эту публикацию в Instagram

Публикация от Goar Avetisyan (@goar_avetisyan)

Մաղթանքներն ու շնորհավորանքները չեն ուշացել։ Մաքսիմ Գալկինը երջանկություն է մաղթել փոքրիկին, իսկ երգչուհի Ժասմինը ապագա տղամարդուն հրահանգել է, որ ամեն օր ու ամեն ժամ ուրախացնի մայրիկին:

«Ուռա։ Շնորհավոր։ Մի հրաշալի հայ էլ ավելացավ»,- գրել է ռեժիսոր Սարիկ Անդրեասյանը:

Գոհար Ավետիսյանը ծնվել է Մարտունիում, նրա ընտանիքը տեղափոխվել է Մոսկվա, երբ Գոհարը մեկ տարեկան է եղել։ Ավետիսյանը Ռուսաստանում ամենահայտնի բյութի բլոգերն է։ Հիմա նա Instagram-ում ավելի քան 5 միլիոն բաժանորդ ունի, իսկ նրա «Կերպարանափոխություն» նախագիծը քննարկվել է անգամ Daily Mail-ի էջերում։

Գոհարն ինքնուրույն է հասել հաջողության։ Նա ինքնուս դիմահարդար է: Այս ոլորտում առաջին փորձերն արել է 11-12 տարեկանում: 16 տարեկանում ընդունվել է Ժողտնտեսության և պետական ծառայության ռուսական ակադեմիայի տնտեսագիտական ֆակուլտետ:

Գոհար Ավետիսյանը տոնական մեյքափի հեշտ ու արագ տարբերակ է առաջարկում․ տեսանյութ

Արդեն առաջին կուրսում Գոհարը սկսել է դիմահարդարել բոլոր ընկերուհիներին և ծանոթներին: Հետաքրքրությունը դարձել է աշխատանք, և նա թողել է ուսումը:

2012թ.-ին սկսել է դասախոսել, դիմահարդարման վարպետության դասեր անցկացնել։ Հիմա արդեն հայտնի դիմահարդարը Մոսկվայի կենտրոնում սեփական դպրոց և ստուդիա ունի:

Նշենք, որ առաջին ամուսնուց բաժանվելուց հետո Գոհարը գրեթե կես տարի դեպրեսիվ վիճակում էր։ Ամուսնալուծությունից հետո նա 43 կգ նիհարեց և նոր սեր գտավ։ 

«Ո՞վ կմտածեր, որ...». Գոհար Ավետիսյանի հուզիչ գրառումը

95
թեգերը:
երեխա, Գոհար Ավետիսյան
Ըստ թեմայի
«Որքան գեղեցիկ ես». դիմահարդարման վարպետ Գոհար Ավետիսյանը՝ Վարդայի նոր կերպարի մասին
«Ես քեզ կդարձնեմ ուժեղ». Գոհար Ավետիսյանը հերթական անգամ զարմացրել է երկրպագուներին
Դիմահարդար Գոհար Ավետիսյանը որոշել է երգչուհի դառնալ «միամիտ» երգով. տեսանյութ