Դիլիջանում գտնվող ռեստորան

Տատիկի բաղադրատոմս և բուռն երևակայություն. զբոսաշրջիկները տոլմա են փաթաթում Դիլիջանում

195
(Թարմացված է 15:52 27.09.2018)
Հայկական ավանդական ճաշատեսակների բաղադրատոմսերը Վարդա Ավետիսյանի բուռն երևակայության շնորհիվ վերածվել են ճաշացանկի, որը պաշտում են թե՛ տեղի բնակիչները, թե՛ զբոսաշրջիկները։ Sputnik Արմենիայի նկարահանող խումբը մեկնել է Դիլիջան և մանրամասներ իմացել։

Ասում են` ռեստորանային բիզնեսը դյութում է ցանկացած մեկին, ով թեկուզ մեկ անգամ տեսնում է այդ աշխարհի «կուլիսները»։ Վարդա Ավետիսյանը սկսել է ռեստորաններում աշխատել ոչ թե հետաքրքրությունից դրդված, այլ գումար վաստակելու նպատակով։ Եղել է մատուցող, հավաքարար, ադմինիստրատոր։ 19 տարեկանում հարազատ Երևանից մեկնել է ԱՄՆ սովորելու և հենց այդպես է ապրելու փող վաստակել։ Սակայն ռեստորանային «տենդը» չի անցել, և նա սկսել է երազել սեփական ռեստորանը բացելու և հոգեբանի մասնագիտությունը մոռանալու մասին։

Основательница ресторана Кчуч в Дилижане Варда Аветисян
© Sputnik / Aram Nersesyan
Վարդա Ավետիսյան

«Կարիերայի աստիճաններով բարձրանալու ճանապարհին մենեջեր դարձա Չիկագոյի ռեստորանում, կարողացա փող հավաքել տուն գնելու, երեխաներիս բարեկեցիկ կյանքի համար։ Շատ դժվար էր քրտնաջան աշխատանքով վաստակածը թողնել և վերադառնալ Հայաստան, բայց դա հոգու կանչ էր», — ժպիտով պատմում է Վարդան։

Սկզբում եկել է Երևան, հետո` տեղափոխվել Դիլիջան։ Ասում է` Դիլիջանում հաստատվելը կապված է եղել քաղաքում երկու էլիտար ուսումնական հաստատությունների առկայության հետ` «Այբ» դպրոցի և UWC միջազգային դպրոցի։ Ստացվում է, որ երեխաները լավ կրթություն են ստանում, հիմա կարելի է զբաղվել երազանքները կյանքի կոչելով։

Ресторан Кчуч в Дилижане
© Sputnik / Aram Nersesyan
Դիլիջանում գործող ռեստորանում

«Ինձ մանկուց հետաքրքրել են փուռն ու թոնիրը։ Տավուշի մարզում թոնիրներն այդքան տարածված չեն եղել, փոխարենը բոլոր տներում փուռ է եղել։ Ավելի քան կես դար այդ վառարանները չեն օգտագործում, բաղադրատոմսերը սկսում են մոռացվել։ Դրա համար ես քրոջս և մի քանի ծանոթների հետ գինի ու քաղցրավենիք վերցրի, և մենք սկսեցինք այցելել Շամշադինի, Իջևանի, Տավուշի գյուղերի բնակիչներին։ Գրի առանք այն բոլոր ճաշատեսակների բաղադրատոմսերը, որոնք պատրաստվում են փռում։ Հիմնականում, իհարկե, խոսում էին ընտանիքների տատիկները», — պատմում է Վարդան։

Երբ ձևավորվել է ապագա ռեստորանի հստակ հայեցակարգը, այսինքն տեղը, որտեղ ճաշատեսակները պատրաստվելու են բացառապես ավանդական փռում, ծնվել է նաև բիզնես պլանը։ Վարդան օրեր շարունակ տանջվել է յուրաքանչյուր ճաշատեսակի վրա։ Տատիկների բաղադրատոմսերին ավելացրել է իր խոհարարական երևակայությունում ծնված դետալները։

«Ինձ թվում էր` որոշ ճաշատեսակներ այդպես էլ կմնան ճաշացանկի թղթի վրա, ոչ ոք չի համարձակվի պատվիրել դրանք։ Օրինակ` գառան միս` մեղրով և սալորաչրով։ Կամ պասուց տոլմա` ձավարով և չորացրած լոլիկով։ Բայց, բարեբախտաբար, ես սխալվեցի», — խոստովանում է Վարդան։

  • Դիլիջանում գտնվող ռեստորանում
    Դիլիջանում գտնվող ռեստորանում
    © Sputnik / Aram Nersesyan
  • Դիլիջանում գտնվող ռեստորանում
    Դիլիջանում գտնվող ռեստորանում
    © Sputnik / Aram Nersesyan
  • Դիլիջանում գտնվող ռեստորանում
    Դիլիջանում գտնվող ռեստորանում
    © Sputnik / Aram Nersesyan
  • Դիլիջանում գտնվող ռեստորանում
    Դիլիջանում գտնվող ռեստորանում
    © Sputnik / Aram Nersesyan
  • Դիլիջանում գտնվող ռեստորանում
    Դիլիջանում գտնվող ռեստորանում
    © Sputnik / Aram Nersesyan
1 / 5
© Sputnik / Aram Nersesyan
Դիլիջանում գտնվող ռեստորանում

Ընկերներն ու ծանոթները ծաղրել են, ասել են, որ Դիլիջանում ռեստորան չի աշխատի, ավելի լավ է` խորովածանոց բացի։ Բայց Վարդայի ռեստորանը գրեթե միանգամից հաջողություն է գրանցել։ Այստեղ գալիս են թե՛ տեղի բնակիչները, թե՛ հյուրերը` Հայաստանի բոլոր անկյուններից, թե՛ զբոսաշրջիկները։

Ռեստորան եկած զբոսաշրջիկներին առաջարկում են ստանձնել հայ խոհարարի դերը։ Նրանք կարող են համեմատաբար հեշտ ճաշատեսակներ պատրաստել, օրինակ` տոլմա։ Քանի որ արտասահմանցիները հետո ստիպված են ուտել իրենց պատրաստածը, նրանք շատ լուրջ են մոտենում այդ գործին։

Сестра основательницы ресторана Кчуч в Дилижане Ася Аветисян
© Sputnik / Aram Nersesyan
Վարդայի քույրը` Ասյա Ավետիսյանը
195
թեգերը:
Հայաստան
Ըստ թեմայի
Կարկանդակ և բորշչ`առանց Wi-Fi-ի․ի՞նչն է զբոսաշրջիկներին տանում մոլոկանների Ֆիոլետովո գյուղ
Մինի ֆաբրիկա հայ հարսնացուների համար. ինչպես են Դիլիջանում օգնում երիտասարդ մայրիկներին
Փչացած հովանոցներն ու սիրեկանները. ինչպե՞ս անվասայլակով տղամարդը փոքր եկեղեցի կառուցեց